لكل ولد ولكل بنت

[اميرة الحب الضائع]

بصو ياجماعة فعلان موقف صعب جدا
تخيلو معايا واحدة تكلم مع شاب على النت حوالى 2 سنة
يقلها كلام جميل وحشتنى وفينك من زمان وكلام ولا فى الاحلام يخلى اى بنت تعجز عن اي كلام
ويجى يكلمها عن صحبتها ويجيب سرتها كتير
اكيد اى بنت هتستغرب وهتقلق
يوم اتنين وتلاتة يعيد نفس الحوار
وهية حست بحاجة
وسئلتو انتى لية بتسئل عيها؟
وهو بعد لف ودوران قلها انو معجب بصحبتها
طبعا البنت مستحيل تقلو انها حبتو ولكن
لما انت بتحبها لية بتكلمنى
قلها اصل انا خفت اكلمها تصدنى فقلت اخدك مبنا مرسال
عشان تكلميها عنى
طبعا البنت كانت بتحكى لصحبتها انو بيحبها هي
ولكن لما حكتلها مكنش بادها حاجة غير انها توسيها
واتمنى منكم انكم تحطو نفسكم مكان البنتين
هتعملو اية

[زهره الشتاء]

،
مفهمتش هيا بتحب ع نفسها يعنى ؟!
على ما اعتقد انه مش صآرحها بحاجه غير انه بيكون كلام عادى اتعود عليه
انما مش قالها انه بيحبها! عشان تعلق نفسسها ع الفآضي
ولو كان صآرحها هنا هتختلف فـ انه مش صآدق من الاسسآس
وواخدنى كوبري عشان يوصل لصحبتى ف ده ملوش امان ومش نثق فيه
واهم شئ فـ اي موضوع الصدق والضمير
لان ال هيعمله سواء شر او خير
هيتردله بنفس ال عمله فـ اعز ما يملك
فـ المفروض اننا نتعامل طبيعى مع اي حد
وكل انسسان يآخد حجمه الطبيعى عشان مش ننصدم ولا نتعب نفسنا وخلآص
منورة ي قمر

[fankosha]

بصى ياحبيبتى
بالنسبة للبنت الى حبت الولد:
تنساه
هى طبعا هيكون صعب عليها تنساه بسرعة
بس بمرور الايام هتتعود على كدا
وبعدين المفروض متزعلش على شخص ميستحقش دموعها لانه مش حبه اصلا
دى كانت مجرد وسيلة للوصول لواحدة تانية
وربنا هيعوضها بالاحسن منه اكيد
...............
اما بالنسبة للبنت التانية:
صحبتها لو كانت هى عارفة ان البنت حبته
فالمفروض والطبيعى انها مينفعش تحب وترتبط بواحد صحبتها بتحبه
وهى لو عملت كدا دى تبقى اسمها خيانة للصداقة
..........
ولكل واحد استهان بمشاعر انسان
ربنا مبيسبش حق المظلوم
افعل ما تشاء فكما تدين تدان ولو بعد حين

[აα∂ Ԑγεა]

حب النت دا علي قد ما اني بصدق فيه وانه يقدر يبقي حقيقي حسب الاشخاص
الا انه للاسف كارثه كبيرة بتنهي وبتقتل حاجات جميلة جدا ,,

سهل جدا الايحات تصدر او توصل بشكل خاطئ
وتخلي القلوب تبدأ تدق وتحس ,,
وفي الاخر تصحي علي صدمة ,

مقدرش اقول غلطة البنت , لانها ملعبتش بقلوب حد
مجرد سمعت لهمسات و ايحائات غلط ,
غلطة الولد اكيد لانه مقدرش انه اللي قدامه دا له احساس
وبكلامه وطريقته واهتمامه الكبير شد انتباه قلب مش عاوزه

كان من الاول يكون كلامه ومعرفته باللي بيحبه
مع اني عارف صعوبة دا اما تكون فاقد للجراءه
بس مينفعش يدخل وسيط ف النص
لانه الوسيط دايما الخسران ,,

كوبري ؟!
هنا مقدرش اقول غير غلطة غبيه او شخص غبي او ذكي وبيقصد

تسلمي للطرح الجميل وربنا يعينهم

[العاشق الذى لم يتب]

ياأميرة ماتشغليش نفسك أوى كده
الموضوع سهل خالص
وعادى فى كل يوم هتشوفى زى كده حوالى لوفى مصر بس حوالى مليون مليون نص
مليان النت بحكاوى كده والعمل والجامعة والمدرسة
تروح تسلم على حبيبها وواخدةصاحبتها معاها علشان تقلها إيه رأيك فى الواد بتاعى بذمتك مش دمه خفيف وزى العسل
تقلها آه والله دا عنييه خضرة وصفرةزى زهرة اللوتس
وتانى يوم تلاقيه راح مغير الأتجاه مش 180درجة مليون درجة
وفى نفس الميعاد ووفى وسط الطريق ووقفنا نزحلأ بعض ياحبيبى
وصحبته بقيت هى صديقة حبيبها
يوووووووووووه خلتينى رغيت كتير
ربك يحوش ولاد الإيه
مودتى

[زهرة الياسمين]

ممممممممممم
مش عارفة بس هيا الغلطانة من الأول
انا مابعترفش بحاجة اسمها حب من عالنت بصراحة
بس لو انا مكان البنتين دول مم يعني ممكن ازعل شوية على وقت ضيعته معاه واتعلق قلبي بيه
لو مكان البنت التانية هزعل بصراحة على صاحبتي ومش هصدق ابدا انو بيحبني
واحد بالمنظر ده ما يستاهلش حد تعبره اصلا لاني عايزة اللي بيحبني ميكلمش غيري طبيعي حتى لو كلام عادي

تقبلي مروري ومشاركتي
زهرة الياسمين