مٌبارزه فى قفص حديدي 11 ,,

[lady lead]

فين عروسة البحر
و أنا أدفع فيها المهر
و أعيش معاها دهر
أحلام نايم من شهر

[الرحــاال المٌتَمرد]

فى ليل كان القمر غايب
وحدي قاعد وفـ الضلمه
أنا وقلمي إللى بأه شايب
بنحكي عــ الورق بـ الكلمه

[booody99]

مساء الفل مكنش نفسي ادخل

لكن داخل اناقش في سلك حساس

فتنة طائفية على الباب هتدخل

مين سببها ومين الي ولعها يا ناس

[lady lead]

أنا بيت الشعر قصري
و فن العامية عصري
أعيش و أموت مصري
و بعرف ف الأصول
..
منورين

[الرحــاال المٌتَمرد]

أبٌص حوليا و أحاول أشوف
و أقول كلام ع المكشوف
أرسم ملامح خطوتي وأعزف
رباعيات الــ عَم بــ الــ حروف

[مِسكُ الشَهادة]

مبارزة شعرية نقية وجميلة جدا ً
دوام التميز يا شباب
ربنا يسعدكم يا رب

[الرحــاال المٌتَمرد]

منورين يا إيمان ويا زوزو
ومنور يا بودي ويا سٌكره
قول يا سيدي إللى تعوزه
دي الحاله صعبه متدهوره

[lady lead]

يا عم شكلك مكسوف
بتلملم شوية حروف
هات كلام م الجوف
و اطلع م الكهوف

[الرحــاال المٌتَمرد]

ما هي بلد أوشكت عـ الضياع
الفتنه إنتشرت وحكومه مكتومه
تستنوا إيه بعد ما الوطن ضــاع
وضمير مات ماهتقوملهوش قومه

[lady lead]

عين ف الكتاب و عين بَره
نفسي أذاكر بضمير مَرة
لما أتخرج هكسر قُلة
و لا أقولك هكسر جَرة
..

سلام يا أحلى أقلام