مسابقة قسمك الأفضل

[╯ Princess ╭]

فكرة المسابقة/ عندنا في منتدى الطبخ اربعة اقسام الاربعه محتاجين تنشيط قوي قسم السلاطات قسم طبخ المأكولات والعجائن قسم الحلويات قسم المشروبات دي اقسام منتدى الطبخ فكرة المسابقة ان هيكون عندنا اربع فرق كل فريق مكون من 3 اعضاء او حتى عضوين لو في تفاعل هيبقا 3 اعضاء لو مفيش يبقا عضوين في كل فريق كل فريق عليه انو هيمسك قسم من اقسام منتدى الطبخ هنزل لكل فريق موضوع في القسم اللي اختاروه وهيتم تثبيته هتحطوا في الموضوع الخاص بقسمك دا المواضيع اللي انتوا بتنزلوها المواضيع فقط والمشاركات انا هقوم بمتابعتها ان شاء الله عشان ما اتقلش عليكم لكل عضو/ة حسب قوانين القسم موضوعين فقط في اليوم وعلى الاقل خمس مشاركات واللي يحب يزود مفتوح المطلوب في المسابقة هو التنشيط بالمواضيع والمشاركات فقط كل فريق مختص بقسمو اللي اختارو فقط ميروحش يعمل موضوع في قسم السلطات ويحط الرابط بتاعو في الموضوع المثبت الخاص بيه اللي هو مثلا في قسم المأكولات اللي حابب يشارك في اي قسم غير قسمو مفيش مشكلة بس ميحطش رابط الموضوع اللي هيعملو برا قسمو في الموضوع المثبت الخاص بقسمه كل عضو/ة هتيجي تسجل تقول هي عايزة تكون في انو قسم من اقسام منتدى الطبخ شعارات الفرق/ هيكون لكل فريق شعارمخصص بيه يحطوا في توقيعو ولو حابب يحطوا في مواضيعه مفيش مشكلة دي حاجة ترجعلو بس اللي مطلوب انو يتحط في توقيعو ملاحظات مهمه/ - مفيش رئيسة للأي فريق يعني كل واحد بيشتغل من نفسو محدش هيأمرو بحاجة بس يبقا في تعاون بين اعضاء الفريق اكيد يتفقوا مثلا على موضوع مميز يعملوا او كدا ينشطوا القسم بتاعهم على قد ما يقدروا - ممنوع وضع مسابقات لوهتعمل مسابقة مش هتبقا داخلة في المسابقة دي هتبقا كأنها مسابقة زي اي مسابقة - المواضيع اللي هتتحط في الموضوع المثبت في قسم كل فريق هي المواضيع اللي هتتحسب فقط داخل المسابقة غير كدا المجهود هيضيع على الفاضي - المشاركات داخله في المسابقة يعني هتحسب في الاخر بس مش مطلوب منكم تحطوها في الموضوع المثبت الخاص بيكم انا هتابعها ان شاء الله - المسابقة مستمرة اسبوع واحد فقط - المواضيع مش شرط تكون حصرية ( يعني من مطبخ العضو)عادي من جوجل - وضع شعار فريقك في توقيعك لكن ممنوع وضعه قبل ما أأكد للعضو/ة انو في الفريق دا فعلا لان الفريق ممكن يكون اتملأ وهأكدلو برساله خاصة - عند بدأ المسابقة هيتم تبليغ الجميع في رسائل خاصة كيفية حساب نتيجة المسابقة/ هحط نظام كنت هطيتوا في مسابقة قبل كدا بس نسيت امشي بيه بس هنا لازم امشي بيه ان شاء الله دلوقتي لما اجي احسب النتيجة كل الفرق ممكن تاخد المركز الاول لان مش مطلوب من كل عضو في الفريق غير موضوعين وخمس مشاركات في اليوم ودا كتير ممكن يلتزم بيه فممكن يبقا في تساوي اللي هيحصل كلاتي: هنحسب المواضيع والمشاركات بذهب المواضيع: الموضوع المنسق (ليه خلفية وخطو واضح) =7 ذهبات الموضوع العادي (من غير تنسيق) = 5 ذهبات المشاركات: المشاركة العادية(يسلمو ومشكورة)=2 ذهبة المشاركة اللي بتبدي فيها برأيك فعلا = 4 ذهبات الجوائز/ المركز الاول: 250 مشاركة+وسام المسابقة المركز الثاني: 200 مشاركة+ وسام المسابقة المركز الثالث: 150 مشاركة + شهادات تقدير الجوائز لكل عضو/ة في الفريق نفس الجايزة مش هتتقسم جايزة واحده على اعضاء الفريق كلهم يارب الفكرة تكون كويسة وتنجح ومستنية تفاعلكم واي استفسار انا موجوده

[Arco Baleno]

مسابقه جميله جداااااااااااا حبيبتي وراح تعمل تنشيط للقسم جامد الله يوفقك فيها يارب
وان شاء الله تلاقي اقبال ممتاز

[اسيل الفلسطينية]

فكرة جميلة جدا وبتعمل على تنشيط القسم بكل فروعه
يعطيك الف عافية وبوركت جهودك المميزة

[-esraa-]

مســــــــــابقة جميلة جدا
وهتنشط الاقسام

يسلمووو عالمجهود
موفقين

[سارة بنت مصر]

فكره جميله

انا مشتركه معاكى

[اسيل الفلسطينية]

انا يسعدني اشارك معك في قسم المشروبات لاني بشعر انه مظلوم بالمشاركات

[ملاك صعبة الإمتلاك]

مسااابقة مميزة فعلا

وانا كمان معاكي

وحطيني في اي قسم مفيش اي مشكلة

يلا بالتووفيق ,,

[سارة بنت مصر]

خلاص انا هشترك فى قسم الحلويات

[دمعه حائره]

فكره جميله وجديده برافوا رباب وان شاء الله تلاقى تفاعل كبير

[phalsteen]

انا كمان معاكي حببتي
قسم الحلويات