رباعيات شعريه منوعه / متجدد

[نجم وزهره ومسافات فراق]

بسم الله الرحمن الرحيم فكره كانت على بالي من وقت اعمل رباعيات هنا بالقسم للتفاعل والتنشيط يارب التوفيق يارب

[نجم وزهره ومسافات فراق]

وتاني التوهه تاخدنا وتبعدنا
نلاقي الحزن غالبنا مهددنا
لفرقه بين اخوه اكيد
وشر ومكر عاودنا ,,

[نجم وزهره ومسافات فراق]

هموم وهموم وطن غرقان في مليون آه وضاع الحق ياولداه مصير غامض بلون غامق بقيتي ماسخه ليه ياحياه ,,

[نجم وزهره ومسافات فراق]

يا وطن زاد الوجع والصوت بقا مخنوق
الشر محاوطنا شمال يمين وتحت وفوق
اما ياعالم نكون افضل بقا واجمل
وامتى نرجع بكل الحب امتى نفوق ,,

[نجم وزهره ومسافات فراق]

في كل مطرح ألم وف كل سكه دموع والصوت بيعلا صحيح لكنوا مش مسموع وطن بينزف ألم ولا حد حاسس بيه امتى يا صوت الحق تلاقي مره رجوع ,,

[نجم وزهره ومسافات فراق]

مليون متاهه تعود مع متاهه ارواحنا ضايعه وضاع الصح جواها وعيوننا متحوطه بدموع مع آهات وبقينا زي الحجاره ياخساره ببلاهه ,,

[نجم وزهره ومسافات فراق]

بين الوجع والوجع خوف وانتظار وحنين والحلم غاب ولا رجع غرقان بكل أنين والله حالكم غريب مليان كده مواجع عودوا ياعالم تاني / عودوا مصريين ,,

[نجم وزهره ومسافات فراق]

الناس معادن وحاول تختار المناسب فيها في ناس دهب وناس خشب وناس ماليش فيها وناس تشوفهم بالغدر والشر متواعدين وناس ربنا يبعدنا عنها وعن لياليها ,,

[نجم وزهره ومسافات فراق]

قول ياقلم واحكي عن حزنك وعن همك وضم ورقك بهدوء خليه كده يمك وعيش راضي الحال ترتاح اكيد دايما وابعد عن اللي يخون واللي يبيع حلمك ,,

[نجم وزهره ومسافات فراق]

ولا بهتم بالاحزان خلاص عادي ما كل الشر ف بلادي بقينا كلنا اغراب وصرنا كلنا أعادي ,,