ستظل مصر شامخة

[العاشق الذى لم يتب]

بسم الله والحمدلله احبابى السلام عليكم ورحمة الله كرسى فى الكلوب .. وضرب فى المليان .. ومعركة جديدة وقضية لإلهاء الناس بيها .. وإزاى نفرق الناس عن بعضيها .. نقلب فى الدفاتر القديمة .. ونرجع الشريط بتاع زمان .. ونشوف نظريات اليهود والاحتلال .. ونلاقى الأسلوب المناسب .. فرٌق تسُد!! وقفنا فى الميدان فى أشد أوقات الأزمات على مصر مع بعض.. مسلم ومسيحى إيد واحدة .. المسلم كان وقت الصلاة المسيحى هو اللى بيصب له المياه عشان يتوضأ ويقف جنبه ويحميه .. وتخلص الصلاة تلاقى المسلم بيدعى للمسيحى ويقوله ربنا يبارك فيك ويحميك وينجينا وينجى مصر من الهم والفساد وينصرنا فى ثورتنا..!! يخلص المسلم الصلاة .. يقف المسيحى عشان يصلى يعمل القداس ويقف المسلم جنبه ويحميه ويمسكله صليبه وأنجيله .. ويضرب له أجراس الصلاة ..!! هى دى مصر وقت الثورة الوحدة الوطنية على حق .. مفيش فرق بين الناس على أساس دينى أو عرقى أو طائفى .. الكل واحد والهدف واحد .. رد المظالم وتحقيق المطالب .. عيش .. حرية .. عدالة اجتماعية ..!! من سنين وكانت كل محاولات النظام هى نشر الفتنة الطائفية واللعب بيها وقت اللزوم وضرب الشعب بالشعب وأخر تلك المحاولات كانت كنيسة القديسين وقبلها أحداث الكشح .. وفى كل مرة كان بيفشل المخطط لأن المصريين قلبهم على بعض ومحدش قدر يفرقهم من 1400 سنة من أول ما دخل الإسلام مصر ..، ومع كدا كانت النظم الحاكمة لمصر ما بتتعلمش ومحدش بيفهم يعنى إيه أنك تحاول تفرق بين المصريين على أساس دينى ..!! بعد الثورة وكل ما كانوا بيتزنقوا كانوا بيحاولوا يفرقوا الثوار ويضربوا كرسى فى الكلوب ويبوظوا الثورة بإى طريقة ويدوروا فى دفاترهم القديمة ويمدوا أيديهم فى جراب الحاوى ويطلعوا الثعبان بتاع الفتنة الطائفية ويضربوا بيه مصر .. وبدأت الحكاية فى أمبابة وبعدين فى أطفيح وحلوان وماسبيرو وأسوان وأسيوط وغيرها فى كل مكان فى مصر .. دايما نفس الحكاية أشحن فى الناس وفرق بينهم وأضربهم ببعض ..!! والأن ترجع ريما لعادتها القديمة ويرجع الضرب بالفتنة الطائفية فى الخصوص وتشتعل الأحداث فى العباسية حول الكاتدرائية .. وكل دا من أجل ألهاء الشعب وتحويل أنظاره عما يفعلون فى الظلام ومايتخذونه من قرارات متضاربة وأضرار بالبلد .. وفى كل مرة بيتفاجئوا أن المصريين مع بعض على قلب رجل واحد .. ويلا يا مسلم قول للقبطى .. نفس مصيبتك هى مصيبتى .. ومسلم ومسيحى إيد واحدة !! مع تحيات اخوكم رفعت

[الأميرة رودي]

محدش هيقدر يفرق بين المسلمين والمسيحين فى مصر
بس اهم شئ يفضلو عند وعيهم
دالوقتى اللعبه مفهومه ومعروفه من دول ودول فبالتالى محدش بينساق ورا الاشاعات والفتن
وحتى لو حصل ضرب او قتل او حريق ف كنيسه
بيكونو المسيحين متأكدين انها شراره لوقوع فتنه فى البلد وانقسام احنا طول عمرنا رافضينه
والحمد لله ان ربنا زرع فى قلوبهم الايمان بكده وعندهم وعى كافى بأنه سيناريو مدبر من سنين طويله
بس مش عارفين ينفذوه
وكل مايبدأو فيه خطوه او مشهد يتصدو المصريين ويقفو رجل واحد ضد الفتنه يخمدوها ويموتوها قبل نفاذها..

ربنا يسـتـر ويهدي الحال يارب ويبعد عنها الايادي الآثمه الخبيثه
ويدمر كل من أراد بمصــــــــر سوءا اذا كان من اهلها او الغرباء

بشكرك على المناقشه أ/ رفعت
تسلم ايدك

[العاشق الذى لم يتب]

اقتباس المشاركة الأصلية كتبت بواسطة الأميرة رودي محدش هيقدر يفرق بين المسلمين والمسيحين فى مصر بس اهم شئ يفضلو عند وعيهم دالوقتى اللعبه مفهومه ومعروفه من دول ودول فبالتالى محدش بينساق ورا الاشاعات والفتن وحتى لو حصل ضرب او قتل او حريق ف كنيسه بيكونو المسيحين متأكدين انها شراره لوقوع فتنه فى البلد وانقسام احنا طول عمرنا رافضينه والحمد لله ان ربنا زرع فى قلوبهم الايمان بكده وعندهم وعى كافى بأنه سيناريو مدبر من سنين طويله بس مش عارفين ينفذوه وكل مايبدأو فيه خطوه او مشهد يتصدو المصريين ويقفو رجل واحد ضد الفتنه يخمدوها ويموتوها قبل نفاذها.. ربنا يسـتـر ويهدي الحال يارب ويبعد عنها الايادي الآثمه الخبيثه ويدمر كل من أراد بمصــــــــر سوءا اذا كان من اهلها او الغرباء بشكرك على المناقشه أ/ رفعت تسلم ايدك

بارك الله فيك أختى الفاضلة سموالأميرة
أسعدنى مرورك الراقى
وأستجاب الله دعواتك
وأصلح الله أحوال مصرنا
ونفوسنا
جزيت خيرا
مودتى