بصراحة مع beauty angel

[مِسكُ الشَهادة]

تنويه نسأل الله تعالى النصر والتمكين لإخوتنا المستضعفين في سوريا اللهم آمين زاد َ العبير ُ بقلبي حين أعرفهم والله يعلم ُ ما في القلب ِ من أمل بلقيا الذين أعزهم دوما ً هنا بخير ِ الحياة ِلهم والروح ُ والعمل أن نلتقي يوما ً في جنان ِ آخرة ٍ بعد الفراق وحين ينتهي الأجل ....................... مضينا في طريق ِ حياتنا نسعى ونأمل من الله ما نريد خيرا ً لكي يغمرنا فضله علينا بإخوة ٍ نعتز بهم ونفخر لكي نتشرف في إستضافة أحدهم حوارنا الراقي به هذا رحبوا معنا بضيف ِ حلقتنا لبرنامج بصراحة مع إنسانة نعتز جميعا ً بها لما تصنعه من رقي وتألق في شتى المواضيع ... مع الأخت الغالية المتميزة beauty angel شرفنا جدا ً حضورك يا أختي ننتقل بكم لمضمون الحوار القسم الأول إهتماماتك ... ! 1_ ما أكثر الكتب التي تُطالعينها رومانسية دينية سياسية شعر ولماذا دون غيرها ؟ رومانسية ودينية وشعر لانها هى الأقرب لميولى مش بقرأ كتب سياسية خالص 2_ كتاب قرأتيه كثيرا ً ومعجبة جدا ً به ما هو ؟ أخر كتاب قرأته هو "الأسود يليق بكِ" لـ آحلام مستغانمى رآئـــــع وأكثــــر 3_ ماذا يمثل لك ِ الإنترنت ؟ الانترنت شىء مهم بالنسبالى لآن بقضى عليه وقت كبير ووقت فراغى كله بقضيه على النت بكتسب منه خبرات وثقافة بحتاجها فى حياتى العادية ومنها تسلية بردو 4_ هناك من يقول أن الإنترنت عالم وهمي غير صادق ما رأيك بذلك ؟ مبدئيا انا ضد تعميم اى شيء .. الانترنت زى اى مكان فيه الصادق وفيه الكاذب مقدرش اقول ان كل الى بنشوفه هنا أو فى اى مكان على الانترنت غير صادق حتى وإن كثر عدم الصدق فأنا كشخص الى بقدر أحدد علاقتى وتعاملاتى مع المحيطين بيآ 5_ أكثر البلاد تودين السفر إليها ولماذا ؟ أولآ أمنية حياتى أنى أزور مكة وربنا يكرمنى بالحج يـآرب ثانيآ نفسى آروح فى تركيآ وأعمل سياحة فيها عاصمة الجمال والرقى 6_ هناك بيت من الشعر يقول :_ بلادي وإن جارت عليا عزيزة ٌ ماذا يمثل لك ِ الوطن ؟ مظبوط جدا بيت الشعر الوطن كلمة كبيرة آوى مجرد ماتيجى فى بالى كدا يقشعر بدنى أحنا أتولدنا وجوانا غريزة آسمها حب الوطن أنتماء للبلد دى الى بنحمل جنسيتها وعايشين على أرضها مهما شوفنا فيها عمر ماحبنا ليها هيقل ذرة واحدة زى مابيقول بيت الشعر كدا (بلادى وإن جارت عليا عزيزةَ) بلادى يعنى ماضيا وحاضرى ومستقبلى وأهلى واصحابى حياتى كلها بمعنى الكلمة واحنا الى مفروض نعتذر لوطنا على الى وصلناهـ له الآن .. القسم الثاني :_ قضايا عامة 1_ برأيك الإنفتاح الثقافي مع الدول الأخرى هو غزو فكري أم تبادل ثقافي وفكري ؟ نقدر نقول مزيج من الاتنين الانفتاح الثقافى مع الدول الأخرى شيء كويس على فكرة وببساطة أحنا الى نقدر نتحكم فى حجم الانفتاح ده أحنا الى نقدر نخليه تبادل ثقافى وفكرى وليس غزو فكرى لو حاولنا ننتقى الأشياء الى بتناسب مجتمعنا وبس وعاداتنا وتقاليدنا الشرقية هنستفيد خبرات ثقافية وفكرية احنا فعلا محتاجنها علشان نطور من نفسنا اما مجرد التقليد الأعمى هو الى ممكن يوصلنالمرحلة الغزو الفكر ى 2_ كيف تفسرين واقع الشباب العربي اليوم من حيث ملامسة واقعه وقضاياه والإهتمام بها ؟ واقع رمادى اللون لا أبيض ولا أسود مش معروف ملامحه والله الشباب معذور فعلا الواقع أصعب من التخيلات بصراحة ممكن يكون الشباب بيواجه الواقع بتلقائية شوية بعفوية وأقرب إلى التعصب نوعا ما بعيد عن تحكيم العقل لكن فعلا القضايا الموجودة حاليا أكبر من استعيابها 3_ ما رؤيتك للثورات العربية وكيف تنظرين لمستقبلها ؟ الثورات العربية كانت فى بدايتها كالحلم بالنسبة لكل الشعوب الأمل فى تحقيقها كان هدف ونصر كبير بالنسبة لينا حتى كان يطلق عليها " ثورات الربيع العربى " مش عاوزة أقول للأسف أنها بدأت تفقد معنها بداية من تونس مرورا طبعا بمصر والحال الى أحنا فيه غالبا مفيش 1 % من اهداف الثورة أتحقق وصولا الى سوريا وانهيارها ونزيف دم لا يتوقف فيها .. والى متى ..؟؟ الله أعلم أتمنى يارب أحوالنا جميعا تتغير الى أحسن حال وتتحقق أهداف الثورات الحقيقة القسم الثالث مع أم ضد ولماذا ؟ 1_ سقوط بشار الأسد ؟ مع طبعآ .. طاغية مستبد أباد شعبه علشان الكرسى الله ينتقم منه ويرينآ فيه عجائب قدرته هو وحاشيته 2_ تولي المرأة لمناصب عليا في الدول حتى لو رئاسة جمهورية ؟ ضد .. المرأة ممكن تتولى اعلى مناصب فى الدولة لكن فى رايى رئاسة الجمهورية منصب صعب جدا وخاصة دولة بحجم مصر صعب يحكمها امرأة مهما بلغت من علم أو فكر .. المنصب يحتاج هيبة ووقار وصفات عديدة فى رأيي الانسب تحديدا لهذا المنصب هو الرجل 3_ االتقارب السياسي ما بين مصر وإيران ؟ مع ..التعامل سياسيا طالما هيحقق مصلحة بلدى ومع السياحة الايرانية طالما هتنعش اقتصاد مصر وهترجع ازدهار السياحة تانى الى تقريبا وقف من ايام الثورة لازم نفرق بين العمل السياسي وبين معتقداتى وتفكيرى أحنا مختلفين كليا مع المذهب الشيعى أكيد و لو خايف من نشره فى مصر أنت المفروض قوة عقيدتك وقوة اسلامك وايمانك هى الى بتتحكم فيك يعنى لو شوفت شيعى ولا تعاملت معاه هتقلب شيعى مثلا والعياذ بالله لا طبعا .. طيب مااليهود والاسرائليين موجودين فى طابا من زمان متأثرتش بأفكارهم ومعتقدتهم ليه !! السياسة تُحتم عليك البحث عن المصلحة 4_ المرأة ما زلت مهضومة الحقوق في مجتمع ذكوري بحت؟ مع بس مع تحفظات .. المرأة مازلت مهضومة الحقوق مش بالظبط لان المراة أخدت كتير من حقوقها وأصبحت بتتولى مناصب عليا فى الدولة كان لا يرأسها الا الرجل وبتقدر تثبت وجودها فى المجتمع زيها زى الرجل بالظبط اما هى مظلومة من ناحية انه فعلا مجتمع ذكورى بحت اى شيء تتعرض له يبقي هى السبب بما انها أنثى تحرش مثلا يبقي لبسها هو السبب مجتمع بينظر للمرأة دائما على ان الغلط منها فى اى شيء ويبرأ الرجل تماما حتى لو معترف انه المذنب المرأة مثلا ابسط حقوقها انها كفدر فى المجتمع ده اولا وكمصرية ثانيا من حقها تشارك فى الثورة مازال المجتمع الذكورى يقول وهى ايه أصلا الى نزلها من بيتها .. حضرتك بكل بساطة هى مصرية زيها زيك من حقها تشارك فى اى فعاليات أو دور فى الدولة أعتقد الصراع بين الرجل والمرأة ده هيفضل قائم إلى أن تقوم الساعه .. 5_ دول الخليج العربي دول غنية جدا ً لذا مستبعدة قيام الثورات فيها؟ مع .. دول الخليج فى نظرى صعب جدآ تقوم فيها ثورات فعلا هى دول غنية جدا زى ماذكرت فصعب تجمع عدد للقيام بأى ثورة لآن الاغلبية عايش مرفهه ماديا وراضي لكن ومع ذلك ****************** كانت بدأت فيها شبه ثورات رغم طبعا دولة غنية جدا ماديا وكان عندهم فائض مالى الثورة بتكون مطالبة بالحرية وضد القمع والاستبداد بالاضافة دول الخليج مفيش فيها قوى سياسية ومدنية تكون هى مركز القوة والدعم لقيام اى ثورة يعنى الثورة بتحتاج عدد كبير جدا علشان يكون لها صدى صوت مسموع ومؤثر وده مش متوافر فى دول الخليج معظمهم عيشته مرفهه جدا وبيقدسوا الحاكم .. ومن الصعب جدا ازالة الحكم الملكى والأهم الانظمة عندهم قمعية جدا وبتكمم الافواه ثورات ****************** انتهت سريعا جدااا لان السياسة والمعارضة عاوزة عدد لايستهان بيه و نفس طويل وخاصة مع الانظمة القمعية ولا أعتقد أ ن ده متوفر فى دول الخليج 6_ المصالحة ما بين حركتي حماس وفتح أمر مستحيل لتباعد الفكر بينهما وفق مصالح معينة ؟ مع .. أنا مش متابعة مستمرة لأحداث حركة حماس وفتح لكن الى أعرفه أن فى بينهم اختلاف شاسع فى الفكر والاهداف والمنهج .. حماس بتتبع المنهج الاسلامى وعلاقتهم وطيدة بالأخوان المسلمين أما فتح بتعترف بالكيان الصيهونى بعكس حماس تماما وقرراتهم بشأن مسألة اليهود مختلفة تماما مثلا أمريكا بتدعم حركة فتح باعتبارها داعمة للكيان الصهيونى وبتعبر حماس معادية للنظام أهدافهم ومعاييرهم مختلفة تماما فالوحدة بينهم قد تكون ليست مستحيلة لكنها صعبة جدا 7_ مصر في عهد الرئيس مرسي تأخرت كثيرا ً أسوأ مما كانت عليه أيام مبارك ؟ مع .. مرسى فعل فى أقل من سنة اشد مما فعله مبارك فى سنوات .. الاتنين طاغية ومرسي يكفى أنه يحمل فى رقبته دماء شهداء كما فعل مبارك فى عهده وضاع القصاص وحق الشهداء فى عهد كليهما 8_ أنا إنسانة عصبية ولكن لا يُغضبني أي شيء ؟ ضد .. أنا مش عصبية لا أنكر طبعا أنى بتعصب لكن بيكون فى سبب مش عصبية عمال على بطال ولما بتعصب بهدى فى اقل من ثوانى .. 9_ أحب فترة الطفولة وأحن لها لأن الماضي أجمل من اليوم؟ ضد جزء من المقولة .. أحب فترة الطفولة فعلا لكن لا أحن لها كل مرحلة وليها جمالها وأختلافها مع باقى الجزء .. الماضى فى حياتى فعلا أجمل من اليوم لكن الحمد لله على كل حال 10_ أكثر ما أكره في حياتي الضجيج ؟ ضد بالعكس حياتى هادئة الحمد لله وبعيدة عن الضجيج عمتا 11_أعشق سماع الموسيقى رغم محاولتي لتجنبها ؟ ضد .. انا مش عاشقة لسماع الموسيقى خالص بالعكس الحمد لله أنا مش بسمع أغانى كتير قليل جدا لما بسمع اغانى يعنى كل فين وفين أغنية ولا حاجة بعيدة عنها بدرجة كبيرة الحمد لله 12_ الحجاب ستر الجسد والتواضع ستر الروح ؟ الحجاب ستر للجسد .. مع أكيد بس حجاب اليوم منقدرش نطلق عليه المقولة دى .. الحجاب الشرعى فقط هو الساتر للجسد التواضع ستر الروح .. مع الانسان المتواضع بيكون قريب من قلوب كل الناس وبيكون فى قلبه رضا وحمد دائم لله سبحانه وتعالى الرسول عليه أفضل الصلاة والسلام بيقول : " وما تواضع أحد لله إلا رفعه الله " 13_ القلب الضعيف هو الذي يخلو من ذكر الله ؟ مع أكيـد " ألا بذكر الله تطمئن القلوب " 14_ من المستحيل حدوث حرب أهلية في مصر لا قدر الله ؟ مع .. ان شاء الله أستبعد حدوث حرب اهليه فى مصر مهما كثرت الخلافات وتعددت الطوائف نبقي شعب واحد .. الشعب لو رجع زى زمان و اتجمع تانى على كلمة واحدة صعب جدآ حد يفرق بينا مشكلتنا الكبرى كثرة المسميات " اخوانى - سلفى - شيعى -مسيحى – ليبرالى – علمانى - ..الخ " هى الى بتحدث الفرقة والفتنه وفى رأيى التيارات السياسية الكبرى والنظام هما السبب الأكبر فى ظهور هذة المسميات 15 _ الفن العربي يغزو العرب فكريا ً أكثر من الأجنبي ؟ مع .. الفن الأجنبى موجود من زمان جدا وله عشاقه ومتابعيه فى العالم العربى ومازالنا محتفظين بشرقيتنا وبعادات مجتمعنا وبنتاثر بالفن العربى أكتر الآن الغزو من الفن التركى 16_ أمي هي الشخص الوحيد في حياتي ؟ مع بس ناقصة جزء أمى وأبى ثم أبى ثم أبى 17_ جبهة الوفاق الوطني صمام الأمان لمصر ؟ ضد .. مفيش آى جبهات ولا آى أحزاب و لا آى قوى سياسية هى صمام الأمان لمصر أمان مصر فى وحدة شعبها بجميع طوائفه مسلمين ومسيحين لا فرق بين أخوان ولا سلف ولا سنى ولا قبطى ولا وجود لاى طوائف وده مش كلام شعارات لان دى حقيقة أكتر أوقات ضعف مصر لما يكون فى فرقة وفتنة بين ابناء الوطن الواحد القسم الرابع باسم يوسف ... رأيى هنا طبعا هيظهر له معارضين فسواء له مؤيدين أو معارضين هو وجهه نظرى الشخصيه ومقتنعه بيه جدا 1_ ما رأيك بباسم يوسف كمقدم برامج وكإنسان ؟ كمقدم برامج بحبه جدا وبحترمه وبتابعه باءستمرار مش بس فى برنامج البرنامج لا أنا كمان بتفرج له على برنامج أمريكا بالعربى برنامج رآئع جدا ممتاز بجد وبعيد تماما عن السخرية .. كأنسان الله اعلم لأن أكيد متعملتش معاه بصفه شخصيه لكن هو من خلال استضافته فى اى برامج أخرى بيكون شخصية عاقله جدا ومثقفة بدرجة كبيرةوهادي بخلاف شخصيته الى بتظهر فى البرنامج 2_ برأيك ما السبب الرئيسي وراء نجاحه بهذا الشكل وشهرته ؟ بيوصل وجهه نظره بأسلوب خاص جدا بيه واسلوب بسيط ممكن يوصل لكل طوائف الشعب بعيد عن التحليلات السياسية المعقدة زى برامج التوك شو كمان الشعب المصرى بيميل دائما للسخرية والهزار فى كلامه العادى وتحليلاته للأمور فكون البرنامج بيعتمد فى الأساس على السخرية والنقد فدهـ ممكن يكون سبب آن البرنامج وصل لقلوب الناس كلها بسهولة وده فى رأيى المتواضع 3_ هناك من يقول أنه يتابعه للضحك فقط فهل أنت ِ كذلك ؟ فى طبعا ناس بتابعه علشان تضحك بس .. علشان كدا لو عمل حلقة واحدة نسبة الضحك او الهزار فيها قليله فورآ ينتقدوهـ ومش تعجبهم الحلقة .. أنا مش كدا ومش بتابعه علشان أضحك بس هو بينتقد وبيثبت وجهه نظر معينه لكن بأسلوب ساخر مش دوره أنه يضحكنا وبس وعلشان كدا انا بحب اتفرج عليه 4_ رسالة لباسم يوسف من آية ؟ د/باسم بحبك جدا وبحترمك جدا وبتابعك على طول آستمر وربنا يوفقك وتقدر توصل الرسالة الى عاوز توصلها لكن تأكد أن كل مابعدت عن التلميحات والايحاءات غير المناسبة كان أفضل وزادت شعبيتك عند المعارض قبل المؤيد وتقدر توصل فكرتك بدون كلمة واحدة خارجة وهتظل شعبيتك زى ماهى مش هيقلل من متابعينك ولا حاجة بالعكس هيزيدوا وهتلاقى قبول اكتر عند كل الأسر المصرية و الأهم مش هتسمح لحد يمسك عليك عيب او نقد القسم الخامس المنتدى ... 1_ أقرب الأعضاء لك ِ في المنتدى ؟ كتير والله الحمد لله بس الأقرب سيرين وبقايا حنين وكونتيسا سارة 2_ من سلبيات المنتدى برأيك ؟ كثرة المشاكل بين الأعضاء حتى الجو العام تحس أن الكل بقي مضغوط ومش مستحمل كلمة من حد أبسط سبب ممكن تحصل منه مشكلة 3_ روؤيتك لنشاط القسم العام ؟ الحمد لله القسم العام راضيه عن نشاطه بنسبة كويسة توحد ماشاء الله عليها قايمه بالواجب وزيادة وكمان سيرين لما تكون موجودة مش بتقصر أبدآ وبتعمل حملات وافكار جديدة والقسم أختلف تماما عن أول مامسكنا الاشراف فيه مش غرور والله ابدا بس فعلا القسم كان ميت بمعنى الكلمة الحمد لله فيه نشاط ومتابعه الوقتى بس اى مكان مش بيخلى من العيوب طبعا عيبه بقي المرادى مش هقول المنقول زى كل مرة لكن اصبح له أعضاء معينين هما دائما المتابعين بالردود والمواضيع طبعا منورنا وشرف لينا وجودهم على طول بالقسم والحمد لله بيتكرموا على طول لكن نتمنى نشوف أعضاء جدد بنشاطهم معنا مش بس يكون الحِمل على رواد القسم وان شاء الله ربنا يقدرنا ونحاول نجذب له عدد أكبر من الاعضاء 4_ رؤيتك لمهمتكم كمراقبين ؟ المراقب مهمته زى مهمة المشرف بخلاف المهام بتزيد شوية مش هقول مهمتة صعبه ومستحيلة لا طبعا الحمد لله هو مراقبة ومتابعه مش لقسمه بس لكن لو فى شيء مخالف فى اى قسم تانى مطلوب مننا التصرف طبعا وبجانب الاعمال الرقابية زى الموافقة على المواضيع المراقبة والحذف والحظر وغيرهـ حل مشاكل الاعضاء فى قسم الشكاوى وتنفيذ طلباتهم وأعتقد المراقبين الحمد لله قايمين بالدور ده كويس مع الادارى المنتخ ب 5_ رؤويتك لأي مشاحنات ما بين الأعضاء؟ طالما فى خلاف فى وجهات النظر وكل واحد مقتنع برآيه وصعب تقنعه برآى الأخر لازم نلاقى مشاكل أو خلافات على الأقل وإرضاء جميع الناس غاية لا تدرك 6_ إختاري أي 3 أعضاء ووجهي لهم رسالة ما ؟ 1- حنون : فجأتينا كلنا بقرارك وان شاء الله فعلا تكونى الوقتى حاسة بالراحة زى ماقولتى بعد الضغوضات الى كنتِ بتواجهيها وأكيد الادارة خسرتك .. خسرت شخصية حكيمة وعاقلة وبنوتة مخلصة فى شغلها بجد والأهم بقي انك هتفضلى معانا بردو سواء بمنصب أو لا ربنا يوفقك حبيبتى 2- ساد ايز : محمود من الشخصيات الى المنتدى كسبها بجد شخصية محترمة جدا ناضج جدا رغم صغر سنة شخص يعتمد عليه بمعنى الكلمة وان شاء الله تفضل على طول كدا يامحمود ربنا يوفقك يآرب 3- الاعضاء عمتا باللون الأخضر : المنتدى بدونكم ولا شيء وكل الالوان الى شايفنها مشرفين - اداريين - مراقبين كلنا كنا زيكم كدا فى الأول والمناصب مش بتدوم لحد أنتوا الاساس ابعدوا عن اى خلافات وحافظوا على ى مجهودكم ونشاطكم لان هو الى هيحافظ على المنتدى وهيخليه فى أحسن صورة وان شاء الله نشوف عقليات ناضجة وراقية ويكون ليكم أعلى المناصب هنا 7_ ما هي رسالتك للإدارة ؟ ربنا يوفقكم أنتوا الأيدى الخفية الى بتعمل فى صمت بتتعبوا جدا علشان تحافظوا على المنتدى ويظهر بالشكل ده ومهما عملتوا باب الانتقادات لا يغلق لكن ده الطبيعى بحكم المنصب .. فربنا معاكم 8_ لو تم زوال المنتدى لا قدر الله فما ردة فعلك هههه ؟ هههه لا قدر الله هزعل جدا طبعا لان المنتدى عندى بفتحه بشكل يومى ,, فمش متخيلة يومى من غيره هيكون ازاى 9_ كلمة أخيرة للأعضاء كلهم ؟ ياريت نرجع المنتدى زى ماكان فى الاول مفتقدين لجو الالفة والمودة بينا والبعد عن المشاحنات المستمرة ياريت نكون أخوات بجد مش مجرد كلام وربنا يوفقكم جميعا 10_ نصيحة لأخوك خالد ؟ ربنا يوفقك ياخالد فعلا أنت من أول يوم ليك هنا وأنت شخص محترم وخلوق جدا ودايما وجودك هادى وراقى وبعيد تماما عن المشاكل شرف لينا بجد وجود شخص فى قمة الاحترام زيك معانا ربنا يسعدك يا رب يا أختي آية بشكرك من كل قلبي وأتمنى لك ِ خالص السرور والتوفيق اللهم آمين ... وأسأل الله أن تنولي ما تطمحين من زيارة بيت الله الحرام وأداء فريضة الحج اللهم آمين رأيي بقى بضيفتنا ... آية من الأأعضاء الذين أكن لها كل تقدير رغم التعامل البسيط ما بيننا للأسف إلا أنني أتشرف بها وبمعرفتها هنا وأسأل الله لها الخير في حياتها دوما ً شرفتينا والله ربنا يسعدك يا رب الشرف ليا اخى خالد سعيدة بوجدى معاكم هنا

[نجم وزهره ومسافات فراق]

بسم الله الرحمن الرحيم
السلام عليكم ورحمة الله وبركاته

مره اخرى
يبهرنا ويمتعنا اخينا الفاضل الكريم / مسك الشهاده
ويتحفنا بحواراته المثمره
وعطاياه الطيبه
واسلوب أسئلته الراقي المتميز

ليكون مع اختنا الكريمه بيوتي
حوارا راقيا بكل ما تحمله الكلمات والمعاني
ادام الله عليكم كل النعم
تحيتي اليكم ياكرام

[دمعه حائره]

استضافه جميله مع ايوش حبيبه قلبى
اجابتك عجبتنى جدا واتفق معاكى عليها
واكيد كلنا بنتمنى يفضل المنتدى مكان اجتماعى جميل
يجمع الكل على الود والاحترام
نورتى حبيبتى واتمنالك التوفيق دايما
شكرا خالد مجهود عالى ومميز

[فــــــــــرح]

استضافه راقيه هادئه جمعت بين رومنسية الانثى
وأدمية حواء الملمه بما يدور من حولها ..

ومُضيف لا يختلف عليه اثنان من حيث
الكثير والكثير ..

كل التوفيق اتمناه لكِ ايه ..
وامنيات تصير حقيقه هي ما اتمناه لك اخي خالد..


شكرا ..

[واد حبيب]

حلقه جميله جداااا يا خالد
والضيفه جميله ومحبوبه جداااا في المنتدي
في انتظار حلقات اخري

[الأميرة رودي]

حوار ممتـــــاز وآية ضيفه جميله وعسوله وقريبه من قلوبنا كلنا
هاديه وراقيه فى تعاملها واسلوبها وكمان ليها وجهه نظر عقلانيه ومتزنه
ودايما بعيده عن اى مشاحنات او خلافات وده اجمل شئ فيها
آجاباتك رائعه بجد يا آية وعجبتنى كلها وبتفق معاكى تمام ومش بختلف معاكى فى اى حاجه

تسلمي حبيبتي ربنا يوفقك فى حياتك ويحققلك كل ماتتمنيه.
استضافه مميزه جداا ياخالد دائما متميز باختيارك لضيوفك
شكرا لك وامنياتي بدوام التألق

[ابراهيم دياب]

بجد والله استمتعت بهذا الحوار الراقى

وكاننى باشاهده فى التلفزيون


حوار ممتع بجد واسئلة شيقة واجابات صادقة نابعة من القلب


وبطريقة دبلوماسية احيانا الا انها غاية فى الذوق والاداب العامة للحوارات

اشكرك اخى الغالى / مسك الشهادة على لباقتك فى الحوار

واشكر ضيفتك الرقيقة بيوتى

وسعدت بكم

دمت مبدع وفى انتظار جديدك

ابراهيم دياب

[العاشق الذى لم يتب]

الشكر كل الشكرلك اخى خالد على روعة البرنامج وروعة الحوار والاسئلة
ربنامايحرمنا من جديدك الذى يضفى دوما رونقا وجمالاللمنتدى
والاخت آية ربنا يسعدها ويفقها
ويكرمها بزارة الكعبة وحج بيته ان شاء الله
مع تحفظى على قولها بالنسبة لدول الخليج
حيث وصفتهم القمعية
كما اتحفظ على وصفها لمرسى مثله مثل مبارك
لها كتابات مميزة وانا شخصيا تابعتها ورأيت فيها نضج ووعى كبير وقلب حنون
وعقل راجح
بارك الله فيك اختى الفاضلة
وكل التوفيق لك
سعدت بوجودى فى معيتكما
مودتى

[۩۩ elMagic ۩۩]

حوااار بجد جميل جدااا
وآيه شخصيه راقيه جدااا
ومن الناس اللي بتشتغل فى هدوء هنــا
وماشاء الله عاقله جدااا وشوفت دا لما كنت بادخل الشكاوي
ربنا يكملكـ بعقلكـ ي يويو
تقريباً كل أراءكـ هناا انا معاااكي جدا فيها
وبالاخص رأيكـ فى باسم يوسف ^^
نورتى اختــى طبعا الحلقه
مجهود جميل جدا منكـ ي خالد
متميز ي غالي كعادتكـ
بالتوفيق دايما ان شاء الله ,,

[زهره الشتاء]

استضآفةةة جميله لـ شخصيه أجمممل
حوآر شيك والاجآبات اغلبها معآكى
سعدت بتواجدى هنآ
تسسلم ي خآالد للطرح والمجهود الجمييل
نورتينآ ي قمرى
بالتوفيق لك