مشروع النهضه بح ( ولا عزاء )

[نجم وزهره ومسافات فراق]

مشروع النهضه بح
والشعب حلموا كخ
العب بشعار انصب خيمه
آهو مولد منصوب ووليمه
وكراسي مناصب وغنيمه
واياك تتكلم بالصح

مشروع النهضه نام
أكل تورته وحمام
لعب بينا أوام
علمنا نعيش ف جرح

مشروع النهضه الاسطوره
اخترعوا اهل المحظوره
دبحوا لنا قطه وعصفوره
دبحونا ومش هنقول أح

مشروع النهضه سلامات
كان حلم يا اخويا وآهو مات
اتاريها كانت شعارات
يخونهم العيش والملح

مشروع النهضه فيلم
وعمروا ما كانشي حلم
يا شعب فوق م الوهم
اصل الجمال مش قبح

مشروع النهضه ولايم
ومكاسب ويا غنايم
والشعب في غموا عايم
والشرح ناقصوا شرح




تنويه مهم
هنا كلمات لن اقصد بها خدش الحياء العام ولكن اقصد بها التخديم الادبي
وجب علي التوضيح حتى لا تفهم المعاني بشكل خاطئ

[gold rose]

الله عليك وعلى الذوقك الراقي

والله لا تعليق على هذا الأدب الجم

لقد طوقت عنقي وألجمت لساني

ولا أملك ألا الشكر والثناء عسى

يبلغك حالي ، كل التقدير لشخصك النبيل

[اسيل الفلسطينية]

تسلمْ الأياديْ
ولاحُرمناْ من جزيلِ عطائك
كلمات بالرغم من بساطتها استطاعت ان تصف الحال وتصور لنا الواقع
دمتِْ ودامَ نبضُ متصفحكِْ متوهجاً بروعة ما تطرحْ
تحياتيْ وجنائنُ ودي لِ روحٍ دوماً يُعانقها الإبداعْ

[ٻڼوُﭠہ مَصَــ♥ـــرُﭜہ]

الله عليك وعلى ذوقك الراقى بجد ابداع فى ابدااااع تتسلم كتير وبتوفيق ليك دايماااا بنتظار كل جديدك الجممممميل

[همسه الجوارح]

بح بح
ادينا عايشين
واقفين بنفرج بكره هيحصل ايه
قلم راقى
وطرح مميز
دمت بكل موده واحترام

[sad prince]

الله عليك يا أدهم
توبيك مميز كما عهدناك
سلمت وسلم لنا قلمك الراقى
تحياتى وكل شكري وتقديري
شكرا ع الدعوه

[єLмσsħαx]

جامدة اوى ياادهم
تسلم ايديك

[جبل عالي]

يخربيت الهم ... ويخربيت الحزن .. ويخربيتي

كل ماقول مش هكتب كلمة ولا حرف

يجي قلمك يخنقني ويخربيت بيتي


مش هقول أكتر من كده

[خارج عن القانون]

الله عليك يا كبير

جبت من الاخر

تسلم الايادى

[Mo chahin]

يابنى هو فى أح اكتر من اللى احنا فيه ههههههه

لا بجد عجبتنى اوى .. ويمكن من اكتر الحاجات اللى عجبتنى ليك ..

قويه وانتقاءك للمفردات فى محله تماما ..