مشكلة طارئة

[Sea Pearl]

السلام عليكم

هيه مشكلة بتخص احدى صديقاتى هيه من النوع الحساس اوى وحياتها حزينة .

المهم هيه حبت شخصية من التليفزيون ممثل يعنى ذى ما تقولوا كده رأت فيه فارس احلامها.

هوه ممكن تبقى المشكلة غريبة للبعض بس والله هوه ده اللى حصل.

لدرجة ان هيه بتتخيله وبتتكلم معاه وبتحلم بيه وبتيجى تحكيلى وانا نصحتها ان ده كله اوهام.

وقولتلها ان هيه عندها ارادة قوية وتقدر تعدى الظروف دى بس مفيش فايدة.

انا زعلانة علشانها جدا ومش عارفه اعمل ايه .

ممكن بئا تقولولى حل للمشكلة دى:

[აα∂ Ԑγεა]

هو موضوع التعلق دا بشخصية وهميه او ممثل او لاعب او مغني
الخ من امور
بيحصل وسمعت عنه بس بصراحة كنت فاكره شغل افلام
وكلام جرايد بس

اممم الموضوع غريب
بس كل اللي بايديك انك تنصحيها وتفهميها
استحالة الموضوع دا وان كل دي اوهام مش اكتر
وتحاولي تخلي حد كبير يفهمها
سواء والدتها او والدها او اختها الكبيرة

لو مفيش حاجة في دا قدرت تخليها تشيل التفكير دا من دماغها
يبقي مفيش حل غير انها تروح لدكتور نفساني
وهو هيقدر بما انه مختص بالحاجات النفسية دي
انه يشيل الحاجة دي من دماغها

ربنا يوفقها ويوفقك بقي

[دمعه حائره]

للاسف ده مرض نفسي ..حب المشاهير
والمرض النفسي ذى اى مرض عضوى بل اخطر منه
وده علاجه انها تعرف ده ويكون عندها ارداه
انها تبعد عن طريقه التفكير دى
وتشغل وقتها بحاجه تانيه بعيد عن الفنان ده او غيره
وولازم تروح لدكتور نفسانى
وربنا يهدينا جميعا

[Arco Baleno]

دي منتشره كثير حب المشاهير وان الوحده تحلم بيه
المشكله صعب تتجاوزها بدون قناعه داخليه
والقناعه الداخليه تجي من ذاتها
لانها ماراح تتقبل اي نصيحه لانها شايفه نفسها صح
وشايفه فيه انه هو حلم حياتها
لذلك لازم تتحول قناعاتها السلبيه الى ايجابيه
وتعرف ان دا فنان وصعب يكون لها في يوم من الايام

[نجم وزهره ومسافات فراق]

يمكن امور كتير اتغيرت بحياتنا
واحيانا بنتصور حاجات مش في مكانها الصح
وعن كلامك عن الاخت الخياليه
اللي هامت بحب حد من التليفزيون ذي ما بتقولي
ده موضوع غريب اوي وزاد عن الحد
ما هو من رابع المستحيلات يحصل التقاء
ولازم في احلامنا نكون واقعيين
يعني نحلم على ادنا
يمكن يكون كلامي تقيل
انما ده الصح
عرفي صديقتك ان في احلام مقبوله ومنطقيه
وفي احلام وهميه ومستحيله
ويارب كل الخير ليكي وليها
تحيتي

[нαиαи]

ده مرض نفسي و النفسي اخطر من العضوي بمليون مره

لازم تلحق على نفسها و تتعالج عند طبيب نفساني عشان تصحى من الوهم اللي عايشته
ولا ممكن تتضرر اكتر من كدا

يا حياتي عليها ربنا يشفيها يارب ..

[ابتسامة الزهر]

بتقولى ان حياتها حزينة وحساسة
وممكن ده يكون هروب منها لتنسى حياتها
او ممكن تكون فى سن لا زالت عواطفها فيه مضطربة
عليها ان تتقبل حياتها وتحاول التخلص من هذا الحزن
وانصحيها او اطلبى منها عدم التواجد دائما لوحدها
لأن ده يساعدها اكثر على التفكير فى هذا المشهور
انصحيها ان تشغل وقت فراغها بأشياء مفيدة لها
وربنا يوفقها وتعود لحالتها الطبيعية

[غزاوية وافتخر]

عندها هستيريا حب خيال؟؟
كلو كلام اوهام وايه يعني فنان..
يعني عجبها الشكل والاستايل طيب هي عارفة اخلاقوا دينوا
كيف معاملتوا مع اهلوا..كل الرومانسيات اللي بالافلام كلو خلف الشاشة فقط..
حاااااولي تصيحا بكده وخليها تستغفر ربنا كتير وتقرا قران ولو لزم الامر خليها تستشير طبيب نفسي؟؟
ربنا يهديها ويشفيها

[عاشق متيم]

الصراحة كنت مقرر عدم المشاركة فى المنتدى مرة اخرى ولكن ما دفعنى هو الردود الغريبة من الاعضاء هذه ليست حالة نفسية ولا محتاجة لطبيب نفسى وعلى فكرة احنا مش عندنا ثقافة اننا نروح لطبيب نفسى خلينا واقعيين المشكلة بتاعه صديقتك موجودة ومنتشرة ومش حاجة نادرة بس بتحصل بشكل مختلف عندك الجامعة مثلا هناك الكثير من البنات اللاتى يحبنن اولاد وهن مقتنعات انها لن تصرح بهذا الحب والعكس هناك اولاد هل هذا مرض نفسى ومحتاج الى طبيب كلا وألف كلا انه نوع من انواع الحب الا وهو الحب من طرف واحد ولكن مشكلة هذا الحب انه ينتهى الى الانتحار بالبطىء ليس انتحار الشخص بل عذاب القلب والحب من طرف واحد أو من الطرفين يبقى إسمه حب لأن الحب من عند الله سبحانه وتعال وما أعتقد أن الإنسان يقدر أن يتحكم في الحب (( والقلب وما يهوى )) بس مشكلة صحبتك حلها بسيط لازم نشوف ايه الدوافع لهذا الحب هل هو مجرد فراغ عاطفى فبحثت عن حل لهذا الفراغ هل هى الوحدة هل هى مشاكل فى الحياة اسباب كتير ممكن ادت بها الى هذا الحب اللى انا شايفه انه مراهقة من الطبقة الاولى وهل المراهقة طبقات نعم ومعظم الاولاد المراهقة تستمرعندهم بعد العشرينات بس مراهقة الاولاد معلومة لكن مراهقة الفتيات غريبة شويه .الحب بصفة عامة هو مشاركة بين شخصين أما الحب من طرف واحد فهو مشاعر معينة موجودة عند شخص ما لكن بشكل شخصي وداخلي دون إظهار هذه المشاعر والعواطف للطرف الأخر فهو ينفرد بها لنفسه فقط .
ورأى الطب النفسى أن الحب من طرف واحد يبدأ في مرحلة المراهقة عندما تكون صورة الحب والترابط ليست واضحة وبسيطة ، فكل شخص يحتاج في هذه المرحلة أن يمارس مشاعر الحب دون وجود طرف أخر ، لذا نجد أنفسنا ننجذب إلى قراءة القصص الرومانسية أو مشاهدة أفلام معينة ونرتبط عاطفياً بالأبطال أو بأي شخص نراه مناسباً وبه صفات رائعة كثيرة لشريك العمر .
وهنا نستطيع ان نجزم ان هذه المشاعر طبيعة جدا ولا يجب ان تنتقضها الأسرة فكل ما يحتاجه المراهق فقط هو مزيد من الرعاية والاحتواء وعدم الضغط على هذا الوتر الحساس واتهمه بالخيال لان هذه المشاعر الحقيقة المتدفقة مشاعر نبعه من ذاته ولا يجب القلق حيال ذلك بل يجب ان نترك الأمور تسير فى مجرها الطبيعى مع الرعاية والاحتواء والمراقبة من بعيد .وبعد انتهاء المراهقة سوف تعود لحياتها العادية واكثر حاجة سوف تغير حياتها ان يتم خطبتها سوف تنسى الخيال وتعيش الواقع ويجب ان تأخذ ثقة فى نفسها وأنها سوف يتقدم لخطبتها افضل من ذلك الممثل ويجب ان تقتنع من داخلها انها جميلة وجذابة لان هذا مهم جدا ويجب عدم معاملتها على انها مجنونة او مريضة ويجب ان تستمرى فى نصحها مش تقولى زى ما انتى كاتبة مفيش فايدة وانا ذعلانة علشانها ذعلك ولا هيقدم ولا هيأخر انصحيها لان فى الحديث حق المسلم على المسلم ست منهم اذا استنصحك فانصح له واعرفى ان الكلمة الطيبة لها اثر ونتيجة وقال تعالى واصفاً أثر الكلمة وقيمتها وذلك في وصف إلهي بديع : {أَلَمْ تَرَ كَيْفَ ضَرَبَ اللّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاء . تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللّهُ الأَمْثَالَ لِلنَّاسِ لَعَلَّهُمْ يَتَذَكَّرُونَ . وَمَثلُ كَلِمَةٍ خَبِيثَةٍ كَشَجَرَةٍ خَبِيثَةٍ اجْتُثَّتْ مِن فَوْقِ الأَرْضِ مَا لَهَا مِن قَرَارٍ } ولقد دعانا الله تعالى إلى الطيب والحسن من القول فقال : {وَهُدُوا إِلَى الطَّيِّبِ مِنَ الْقَوْلِ وَهُدُوا إِلَى صِرَاطِ الْحَمِيدِ }. وقال : { وَقُولُواْ لِلنَّاسِ حُسْناً } وقال : {وَقُل لِّعِبَادِي يَقُولُواْ الَّتِي هِيَ أَحْسَنُ إِنَّ الشَّيْطَانَ يَنزَغُ بَيْنَهُمْ إِنَّ الشَّيْطَانَ كَانَ لِلإِنْسَانِ عَدُوًّا مُّبِينًا} فالكلم الحسن الطيب هو الذي يصعد إلى الله تعالى قال عز من قائل : {مَن كَانَ يُرِيدُ الْعِزَّةَ فَلِلَّهِ الْعِزَّةُ جَمِيعًا إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ وَالَّذِينَ يَمْكُرُونَ السَّيِّئَاتِ لَهُمْ عَذَابٌ شَدِيدٌ وَمَكْرُ أُوْلَئِكَ هُوَ يَبُورُ }. وان شاء الله تتوفق فى حياتها وتلاقى الشخص الحقيقى المناسب وعلى فكرة كنت هنسى الممثلين متبرجين ولهم اخطاء فظيغة حاولى تبرزى امامها الجانب السيىء من حياته وعلاقاته الشخصية ومواقفه مع البنات والحاجات من هذا القبيل وما اكثرها عند الممثلين وربنا يهديها ويهدينا

[زهرة الياسمين]

حصلت برضو واحدة صاحبتي بتحكيلي عن بنت خالتها بتعشق حمادة هلال لدرجة ان كل ماحد يتقدملها ترفض لازم واحد شبهه يإما مش هتتجوز ابدا
وصاحبتي دي بتقولي حصل معاها العكس كانت مرتبطة بشخص وكان شبه حماقي جدا وبعدين محصلش نصيب فبعد كدة اتعلقت بحماقي يعني كنوع من الذكرى ههههه
المهم شوفي ياجميل محدش هيقدر يساعدها غير نفسها وصدقيني لما تحب ان شاء الله وترتبط كدة هتنسى الأوهام دي تماما بس المهم انها بتحصل عادي بس ازمة وهتعدي ان شاء الله وانتي حاولي معاها تاني

تقبلي مروري ومشاركتي
زهرة الياسمين