اخر البنات المحترمين

[warm heart]

دي قصه جامده جدا وعجبتني اوي ويارب تعجبكم
ودى الشخصيات

المكان : كلية تجارة بأي جامعة في اي مكان في مصر
الوقت :اول يوم في الدراسة
الشخصيات:
احمد امام : "سقيط كبير" شاب في الثالثة والعشرين ولازال في السنة الثالثة بالكلية.
مني ممدوح : فتاة في الثامنة عشر مدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة.
كريم : صديق احمد بالسنة الرابعة وهو طبعا اصغر من احمد.
شيرين : صديقة كريم واحمد ,بالسنة الثالثة , قريبة لمني من بعيد.
سارة: صديقة منى من الكلية فتاة محبوبة ومؤدبة.
..................................................

(الحلقه الأولي)

حديث يدور بين شابين يدخنان في الكافيتيريا في الكلية وهو مكان يكشف بقية ساحة الكلية
احمد وهو يلتفت بجسده وعينيه خلف فتاة تسير امامه نافثا دخان سيجارته
احمد: الدفعة الجديدة شكلها جامد مووووت.
كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة.
احمد: ايه السيرة الغم دي , النهاردة اول يوم , خليك خفيف كده عشان احبك.
كريم: يييييييه اهي شيرين وصلت هخلع انا بقي عشان دي جايه كمان ومعاها واحدة صاحبتها.
كاد احمد ان "يخلع" مع كريم ولكنه رأي ان الفتاة التي مع شيرين من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت حلوة ورقيقة.
........................................*
مني: انا خايفة يا شيري اني ميبقاليش اصحاب في الكلية.
شيرين: اهي دي بقي اخر حاجة ممكن تقلقك في مكان زي ده , دا احنا هنا بنقول هنودي الاصحاب فين .
مني: لا ياستي بقولك ايه انا ماليش في الشلل , انا مبحبش قعدة البنات مع الصبيان , انا اخواتي قالولي......
شيرين: ياادي اخواتك الي عاملينلك وش في دماغك , يابنتي هنا عادي , الدنيا كلها اصحاب في بعض , انتي مش كان ليكي اصحاب صبيان في المدرسة.
مني: ايوة , بس كلهم اصحابنا وجيراننا من زمان ومفيش منهم خوف لانهم كانو مصاحبين صاحباتي, وبعدين انا مكنتش برضه معاهم اوي انا مبحبش الجو ده.
شيرين بصوت خافت: انا قلت برضه انتي هتتعبيني.
ثم بصوت عالي : ايه ده كريم وايمو اهم .......هااااااي.
مني تصيح وهي تحاول اللحاق بشيرين التي توجهت نحو الشابين : انتي رايحة فين؟ مش كنا هنجيب الجدول بتاعي؟.
....................................*
اقتربت الفتاتان من احمد لان كريم كان قد غادر , عدل احمد من هندامه كما يفعل كلما قابل وجه جديد
ضربت شيرين بكفها علي كف احمد وهي تقول:
شيرين : ايمووو انت فين ياراجل .
رد عليها برتابة: في الدنيا هكون فين يعني ؟
شيرين :ايه الغلاسة دي وبعدين كريم ماله كده جري زي الي عليه فلوس لحد .
احمد: اصله افتكر واحد صاحبه كان مستنيه .
شيرين : اه.
احمد بتسبيل : مش تعرفينا .
شيرين : لا مش هعرفك ,مش سكتك خالص على فكرة .
شعرت مني بالحرج من الكلام الذي يدور وحاولت ان ترد بأي شيء فصمتت
اخرجت شيرين تليفونها المحمول وطلبت رقماً:
شيرين: ايوه يا واطي ..... جريت ليه اول ما شفتني ........يا راجل ...
ومدت برجليها بعيدا قليلا عن احمد ومنى
احمد: انتي بقي سنة اولي ؟
احمد في رأسه* اكيد والا كنت شفتك .
منى بخجل :اه
منى في رأسها *يوه يا شيرين خلصي بقي.
احمد: معاكي الجدول ولا اجيبهولك .
مني وقد ارتبكت : لا ... ماهي شيرين هتيجي معايا... يعني ..هنشوفه .
احمد: طب استني خليكي هنا.
وانطلق كالصاروخ مغادرا اياها ,في نفس الوقت الذي انهت فيه شيرين المكالمة
شيرين:الله؟ فين الواطي التاني؟
منى : معرفش , قالي استني وجري , تعالي نمشي.
شيرين: هوقال راجع ولا قال ايه؟
منى: مقالش حاجة يلا نمشي بقي.
شيرين : لا استني اهه, ماله بيجري كده ليه ؟
وصل احمد لاهثاً ومد يده بورقة الي مني
احمد: اتفضلي يا ستي , جدول سنة اولي.
نزعت شيرين الورقة من يده وهي تجذب يد منى بعيدا
شيرين: متشكرين يا سيدي , بس ريح نفسك , قلتلك مش سكتك .
اعترض طريقهم قبل ان تغادرا
احمد : ايه ايه , رايحين فين ؟
شيرين : انت مش جبت الجدول , يلا باي بقي البنت جديدة وهلففها في الكلية.
تجاوزتاه وهو يتابعهما ببصره قائلا
احمد : اجي معاكو.
شيرين تهتف وهي تجر مني ورائها جراً
شيرين : لا شكراً.
ظل احمد يتابعهما ببصرة وهو يقول في نفسه
*ودي مين دي يعني الي شيرين خايفة عليها اوي كده؟؟؟ , هتكون تفرق ايه عن البنات التانية؟؟؟.
مني وهي تكاد تركض خلف شيرين , التي انطلقت وكأن كلب يجري خلفها
*ودا مين دا يعني الي شيرين خايفه عليا منه اوي كده , هي مش كانت بتقولي الناس هنا كلهم اصحاب عادي؟؟؟

ويارب القصه تعجبكو وهنزل الحلقات لو عجبتكو

[محمد خطاب]

هههههههههههه

لا قصه بصراحه روعه جدا جدا

وفى انتظار باقى الحلقات بجد

سلمت يداكى اختى زوزو

فى انتظار الحلقات القادمه

تحياتى ليكى

[A . y . a]

الله شكلها حتبقى جنان بجد

حلوة اوووي

كمليها بليز يا زوزو

ومرسي حبيبتي على التوبيك الجميل ده

مااتحرمش منك ياربـ...

[سنونو]

هاهاههاهاهاهاهاهاهاهاهاهاهاهاهاهاهاهاها


والله فعلا شكلها جامد زي خطاب ما قال.....

في انتظار بقي الحلقات باذن الله........ تقبلي مروري

اخوكي السنونو,,,,,,,,,

[warm heart]

اقتباس:
المشاركة الأصلية كتبت بواسطة محمد خطاب
هههههههههههه

لا قصه بصراحه روعه جدا جدا

وفى انتظار باقى الحلقات بجد

سلمت يداكى اختى زوزو

فى انتظار الحلقات القادمه

تحياتى ليكى

انت بتضحك

طب استني بقي لما نشوف الحلقات الجاية

دة انا كنت بعيط

هههههههههههههههههه

شكرا علي مرورك يا محمد


تحياتي

زوزو المصرية

[ARAGON]

احمد: الدفعة الجديدة شكلها جامد مووووت.
كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة.

ههههههههههه دا قول مأثور لازم أو كنا بنقوله للدفعات الجديدة

وكلمة الغفر دي كلمة راحت عليها خلاص

بس ياترى انتي دفعة جديدة ولا قديمة ( غ )
هههههه

بصراحة الموضوع كويس جدا

وإن شاء الله مستنين الحلقة التانية

مع تحياتي أحمـــد

[warm heart]

اقتباس:
المشاركة الأصلية كتبت بواسطة آيــــــــه
الله شكلها حتبقى جنان بجد

حلوة اوووي

كمليها بليز يا زوزو

ومرسي حبيبتي على التوبيك الجميل ده

مااتحرمش منك ياربـ...

انا اللي منحرمش من ردك يا قمراية

تحياتي

زوزو المصرية

[warm heart]

اقتباس:
المشاركة الأصلية كتبت بواسطة سنونو
هاهاههاهاهاهاهاهاهاهاهاهاهاهاهاهاهاهاها


والله فعلا شكلها جامد زي خطاب ما قال.....

في انتظار بقي الحلقات باذن الله........ تقبلي مروري

اخوكي السنونو,,,,,,,,,

اكيد طبعا يا سنونو

انت تنور يا غالي


تحياتي

زوزو المصرية

[warm heart]

اقتباس:
المشاركة الأصلية كتبت بواسطة midorookie
احمد: الدفعة الجديدة شكلها جامد مووووت.
كريم: ايوة يابني مش الغفر الي كانوا على ايام دفعتنا, ولا صحيح انت استقبلت دفعتنا والي قبلها والي بعدها ,وياتري بقي انت ناوي تنجح السنة ولا زي كل سنة.

ههههههههههه دا قول مأثور لازم أو كنا بنقوله للدفعات الجديدة

وكلمة الغفر دي كلمة راحت عليها خلاص

بس ياترى انتي دفعة جديدة ولا قديمة ( غ )
لا يا احمدانا لسة في كيجي تو
هههههههههههه
هههههه

بصراحة الموضوع كويس جدا

وإن شاء الله مستنين الحلقة التانية

مع تحياتي أحمـــد

بجد يعني اكمل ولا

مرسي علي مرورك يا احمد


تحياتي

زوزو المصرية

[warm heart]

ايه دة يا جماعة

هية الحكاية مش حلوة ولا اية

8مشاركاتو64مشاهدات

هيه الحكاية وحشة للدرجة دية