حد عنده كارت ميناتل ؟

[SiLver Spectra]

وتعتزم شركة ميناتل، التي تعد منافساً رئيسياً لشركة «النيل»، تقديم خدمة الاتصالات من خلال الكبائن الموجودة بالشوارع، رفع عدد كبائن الاتصالات الى 20 ألف كابينة بحلول شهر اغسطس (آب) المقبل والى 30 ألف كابينة بنهاية العام القادم بعد دراسة ظروف السوق وتقليل الاجراءات الضريبية التي تفرضها بعض المحليات على نشاط الشركة، مشيرة الى ان حجم استثمارات الشركة في مصر حالياً بلغ 120 مليون جنيه تتركز بشكل أساسي في محافظتي القاهرة والاسكندرية وجار التوسع في تلك الاستثمارات بالمدن العمرانية الجديدة.

,,

دا خبر منشور في يوليو من سنة 2001

فاكرين الكرت بتاعه ؟
كان عليه القيمه كدا و سميك و فيه شفرة زي شفرة الخط


و الجهة التانية كان بيبقى غالبا عليه خريطة محطات الميترو في القاهرة

انتشر الميناتل و رينجو مع بداية الالفية الجديده ..و انتشر بكثرة خلال 3 سنين بس

و تقهقر أمام انخفاض سعر دقيقة المحمول و الخط
دقيقة المحمول كانت سنة 2000 ب175 قرش
و الخط نفسه كان بأكثر من 500 جنيه

كانوا بيقضوها رسايل و رنات ..و لما يحب يتصل بيتكلم 5 دقايق بالكتير و تلاقيه بيزعق بقى ..امحمد سلملي عالعيال

من 175 قرش ..الى 14 قرش هو سعر الدقيقة في مصر حاليا ..دا غير العروض اللي بتقدم زي تدفع 2 جنيه و تتكلم اليوم كلو ببلاش و خلافه ..
دا كلو أدى إلى عدم استخدام الكبائن الأرضية و بالتالي إلى ارتفاع ديون الشركات و تقهقرها

و بقى دا حالها في الشوارع




في واحد تاني كمان كان على ناصية الشارع بتاعنا. الحفار كان بيحفر جنبه عشان مواسير الصرف ..الراجل زهق راح مديله لاطشه بالحفار جاب أجله

بتصعب عليه و الله الحاجات الأثرية دي


اعلان لميناتل ايام العز



كان في واحد تاني لرينجو ..رن رن رنجو ..محطات بس مش لاقيه عاليوتيوب

يلا اهو موضوع خفيف ..

[Mahmoud Mohie]

كنا نشترى كام كارت..
عشان نكلم الأخ اللى ف الخليج ..
كانت أيام ..
دلوقتى بنكلمه ببلاش ^^
فايبر .. سكايب .. واتس .. الخ :-d


طرح خفيف ولذيذ
شكرا..

[Ahmed Shepo]

ههههههههه كنا زمان بنجيبه نتكلم بيه ونعلى صوتنا فى وسط الشارع كلوا :d
ياااااه ايام بقى :d

تسلم ايدك يا طارق

[Sєяєєη●•ʚɞ]

ياااااااااااة هو الكارت دة لسة عايش
ربنا يخليلنا عروض فودافون وموبينيل واتصالات قضت حتى ع الخط الارضى
موضوع خفيف حلو

[тoкα..♥]

كنت فكرآه دآ : ))
بس عمري م جربتو آلصرآحه :d
حـآسه آني جيت متآخر بردو : ))
حلو ي طـآرك :/

[Lost Pearl]

ههههههههههههه هتتريق عليا لو قلتلك اني مفتكرش اني اتكلمت بيه و لا مرة

بس افتكر كنت بشوفه مع بابا الله يرحمه زماااااان و عند تيتا قبل ما نجيبلها موبايل بالعافية

كانت بتستخدم كروت بس بتاعت البيت دي عشان تكلم جدو تطمن عليه و هو برة هههههههه

حلوة الذكريات دي ،، تسلم يا طارق

[الأميرة رودي]

فعلا كان منتشر اوووي
وفضل لحد 2009 شغال وماشي
وانا ف الجامعه كنت الاقيه مع كل واحده ف شنطتها هههههه
مفيش حد كان ماشي من غيره فى عز ماكانت الدقيقه بـ نص جنيه

توبيك جميل وخفيف
شكــــــرا دكتور تسلم الايادي

[ساحر الأحزان]

كانت ليها أيام الكباين دى

وخصوصا للى كان بيحب يعاكس من غير ما حد يعرف رقم تليفونة ؛؛

دوام الحال من المحال

كانت فى أول الالفية ليها شنة ورنة ..

أنما دلوقتى خسارة عليها غطى المحمول ولسكاى والفيس ,

وتحالت على المعاش

مع أنها كانت فى وقتها محدش زيها..

توبيك ظريف ودمة خفيف ياطارق

تحياتى

[دمعه حائره]

ماتكلمتش فيه قبل كده
بس كان ليه فايده كبيره جدا
وخصوصا زى ماقولت خط الموبيل كان غالى
والدقيقه كمان
دلوقتى الموبيل فى ايد كل الناس مهما كان مستواهم المادى
حتى لو كان محدش بيستخدمه على الاقل يحافظوا على الحاجات دى
تعتبر ثروة مهدورة
فكرتنا بايام زمان
موضوع جميل تسلم دكتور

[jasmean]

لاء مش عندنا واول مره اشوفه الكارت دا
بس بشوف التليفون الكبير دا في الشارع كنت راحه جايه ارفع السماعه هههه