بنات مَصر .. لـلخروج من النفق المُطلم .. !!

[Mahmoud Mohie]

بِسم الله الرَحمن الرحيم ..

حالة من الرُكود والملل ..
فى كُل أرجااء المُنتدى ..
لا تَقُل أسباب وظروف دراسية .. !!
فـ جُل المنتديات أعضائها هكذا لكـن لم يحدث ما حدث..!
تقديرى أن هذا يَعود لـسوء الإدارة والتَخطيط ..
فى الفَترة الأخيرة ..
وهذا ناتج عن بقااء (SiLver SpectRa ) و (حــنـــون)
فى مَنصب الإداارة أربع أعواام ..
لا أٌنكر أنهما يمتلكا بعضاً من المَهااراات ليست عند الكثير ..
لكنـ عندما تطول فترة أحدهم ..
كـ مُباارك هكذا ..
ينحدر الحال من أحسن إلى أسوأ وبِشدة..
وإلا لَـ لغينا فِكرة التَرقى فى المنَاصب ..
ويبقى المُدير مُدير حتى تُوافيه المُنية ..
نَعم يحتاج المُنتدى لتجديد جٌل الطاقم القديم ..

يحتاج إلى الكَثير ..
كَمِصرنا فى هذه الفترة ..
لَست مُعارض أو طالب أن أكون بديلاً لأحدهم ..
لكنـ نَصيحة .. ليرحل جُل الطاقم الرقاابى ..
ويُترك الأمَرْ لـأصحاب النشااط ..
الجِد .. الإجتهاااد .
الفَترة هذه لا تَحتاج الخِبرة قدر ما تحتاج النَشااط ..
ليعود المُنتدى كما كاااان ..!!

(Arco Baleno)
هى الأجدر على التواجد الفترة القاادمة ..
لكنـ لا أريدها بالزى الأحمر ..
بَل بزى أخر فهى المِعطاءة بين الجميع .. ذات النشاط والهمة ..
زى جديد (وليكن بنفسج)
بِمهام ( الإشراف على صوت الأعضااء .. وتلبية الطلبات للأعضاء ..
كما تفعل الان .. )
فلن نَجد أكفأ مِنها فى هذا الدُور ..

مَنصب الإدارى الأن لا يحتاج لـ أحد
من الطاقم الرقاابى ..
الخِبرة مطلوبة .. لكن هذه الفترة فقط المَطلوب
هو النشااط والإبدااع والتجديد ..

(Morshooo)
الأنشط بين الجَميع .. المُتجدد ..
لم أكن أتوقع أن أكتب بحقه كلمة شُكر واحدة
او حتى ثنااء ..
لكن الحقيقة أنه الأجدر بين المتواجدين .. لتولى
القيااادة

۩۩ elMagic ۩۩

لا أعلم لِما يظل هذا النشيط هكذا ..
الحَقيقة أراه فى المَنصب وهو الجدير
غير الكثيرين .


Big boss ... نِجم وزهرة ومسافات فُراق

نشاط وتجدد وحيوية .. غير منقطعى النظير ..
ليكن القاادم هو تولى أحدهم ..
عجلة من عجلاات القياادة .

Words Whisper

ليعلم الجميع أن الخِبرة والإبداع تكْمُن هُنا ..

ذكرت البعض فقط على سَبيل المِثال ..لا الحصر .
أحبابى كُلنا رااحلون ..
ومن يريد أن يَخِدم .. يخدم فى أى مكاان
لكن لنترك القياادة .. للأجدر
هكذاا تعلمنااا ..!!

(إدارة مُتنوعة ونَشيطة )..
لِيخرج من الأدبيات والأقلام الأنشط والاكثر إبداعاً ويتولى الإدارة ..
ليِخرج من الفوتو شوب والهوايات الأنشط والأجدر ليتولى الإدارة ..
ليخرج من الأقسام اليومية الأنشط والمتجدد ليتولى الإدارة


لا مَانع من التخلى عن بعض الرُتب .. وتجديد المُمسيات
بـ مهمام جديدة .
أريد أن نتخلى عَن فِكرة الفَصيل الواااحد ..

ولِحبى وإيااكم لـ منتدى بنات مِصر ..
طرحت هذا ..

شُكراً لِحسن الإستماع ..

[نجم وزهره ومسافات فراق]

السلام عليكم ورحمة الله وبركاته
اسعد الله صباحك اخي الغالي محمود
قبيل أي شيئ
اعلن احترامي الدائم والمتجدد لك وللجميع
وعلى بركة الله اقول

أنحني احتراما أمام فكر تفوقت به على نفسك
فكر صريح
شجاع
جريئ
ولا أقل من ان اقول ذلك
ومؤكد وبكل جداره يستحق الجميع من الساده الكرام المذكورين كل التكريم والتقدير
وقبلهما الشكر والاحترام

الا عضو واحد ان سمحت لي اختلف معك فيه
هو العضو
نجم وزهره ومسافات فراق
السبب

هذا العضو وبرغم كل الشكر لك في اختياره وثقتك العادلة فيه
الا انه يا اخي الكريم يفضل ان يكون مجرد عضو
لن تضيف لي المناصب شيئا
يعلم الله وحده ذلك
ويعلمه لي بعضا من الاخوه المقربين جدا لي هنا
( الموهبه فضل من الله وحده )
والحب الصادق يظهر معدنه بلا اغراض على الاطلاق
وهذه فرصه للكلام عن نفسي امام كل المنتدى
يكفيني فخرا وشرفا تواجدي من ناحيه
ويكفيني انني اكتب ما اريد وقت ما اريد وبفكر جديد من ناحية اخرى
لذلك اعلنها وانا اقسم بحق جلال الله وامام الجميع
لا اريد ولن اقبل ولا اسعى على الاطلاق وعمري ما فكرت في اية اشرافات
لانها لن تضيف لي شيئا ابدا
ويعلم الله وحده حبي لهذا المكان بعيدا عن اية مناصب او امور اخرى
ونشاطي وتعاوني بالمنتدى مازلت لست راضي عنه على الاطلاق
لازال هناك الكثير يخصني وافكر فيه من اعمال بالمنتدى وكل عمل له توقيته


عن التجديد والابتكار
اتفق معك تمام الاتفاق ان المنتدى فعلا يحتاج ضخ دماء جديده
يحتاج ترقيات جديده وكثيره
اقول هذا حرصا وليس تدخلا
حتى لا يقول احد انني اتدخل في شئون الاداره علما بشيئ مهم طالما للصالح العام اعتقد امر عادي جدا وليس باختراع

اعتذر للاطاله اخي الغالي محمود
واكرر واؤكد مرات ومرات ودائما
انا لا ولم ولن ابحث عن اية مناصب بالمنتدى ولا اريد ذلك ابدا مع شكري التام لثقتك الغاليه فهي مؤكد شرف رفيع جدا لي ولشخصي

ودائما اتمنى قبل التغييرات والتعديلات يا اخي الغالي
ان يحدث الشيئ المفقود
ان يعم ويسود الحب بصدق بين الناس
ان نقدر الناس كما يقدروننا بلا تعالي ولا غرور
نحتاج كلنا تغييرات يا محمود ليست الامور الاداريه فقط بل كلنا والله نحتاج ذلك

محمود واحترامي لكل القابك
اشكرك كثيرا
واحترمك الى ما لانهايه
وفق الله الجميع

صباح الناس الاوفياء لله بلا اغراض

اخوكم

[ღ Gի๐sτ ღ]

متفق معاك فى كل النقط اللى انت ذكرتها وان الاسماء اللى انت شكرت فيهم يستحقوا مناصب اعلى بكل تأكيد
بس اختلافى الوحيد على نقطة الادارة .. انت شايف ان الافضل ان يجى اداريين بعقليات مختلفة عضو من المصممين وعضو صاحب قلم مميز وعضو نشيط ..
اختلافى معاك هنا لإن الادارة مش مجرد عضو نشيط فى المنتدى او صاحب قلم مميز او حتى مصمم رائع
لأن الادارة بتختلف اختلاف تام عن النشاط والمجهود اللى بيتم من اعضاء المنتديات
فيه مهام ادارية احنا ملناش خبرة فيها او بمعنى اصح صعبة علينا لأننا مش عارفينها
الادارة بتفهم فيها احسن مننا بالتالى مش اي عضو نشيط يكون فى منصب الادارة
يعنى لو قلت لحد من الاعضاء كمثال اعمل حماية للمنتدى وركب الهاكات المطلوبة وارفع الاستايل الجديد للمنتدى وبتفهم فى لوحة التحكم والسي بانل ولا لأ وهاتعرف تدير الموقع
( لأن متنساش ان فيه موقع بنات مصر مش منتدى بس ) ..
ممكن تلاقى اعضاء كتير منهم ميعرفوش !!
عشان كدة الادارة بالأخص مش مطلوب منها النشاط الدائم قد مايكون دورها فى ادارة المنتدى اداريا .. ودة ميمنعش من انهم لازم يكونوا موجودين ومشاركين فى المنتدى بس احيانا الوقت مش بيساعدهم
ونشاطهم مش بيبان ليك كعضو او مشرف داخل المنتدى كمشاركات ومواضيع
ودة لأن غالبا بيكون فيه ضغط عليهم من شكاوى ومتطلبات الاعضاء والاوسمة .. ألخ دة غير ادارة المنتدى والموقع الموجود
عشان كدة شايف ان الادارة دورها الاهم ادارة المنتدى
والنشاط لينا كاعضاء ومراقبين والمساعدة على قد القدر فى ادارة الاقسام كمشرفين
ولو فيه ادارى متفرغ للمنتدى اكيد هايدخل يشارك زى مانت واعضاء كتير بتشارك
وكلامى مش مقصود بيه ان الموجودين هيفضلوا موجودين طول الوقت .. اكيد هايجى وقت وظروف الحياة هاتبعدهم عن المنتدى .. بس المقصود من كلامى ان مش الاجتهاد كمراقب او عضو نشيط هو السبب الوحيد بأنه يكون فى ادارة المنتدى

انا شايف ان التجديد يكون للأشراف لأنهم هما المسؤلين المسؤلية الكاملة عن نشاط القسم لأن دة مهمتهم الأولى ويمكن فيه كتير مشرفين بدايتهم كانت كويسة ولكن مبقاش فيه جديد يقدموه ولذلك التجديد افضل بين المشرفين ..

وبالمناسبة مش بس منتدى بنات مصر اللى مستواه قل عن الأول .. اغلب المنتديات كدة
والسبب يرجع للفيس بوك والمواقع الاجتماعية
شكرا على الموضوع

[غريـب ألأطـوآر]

يا جأمد

انت صح بس ده يتنفذ ازاى يا محمود

فين الاليات مش لازم اليات برده

وطبعا كنا اتكلمنا ع الاليات من قبل وحصل تصادم عنيف بين الجميع

فطبعا طرحك هيفضل طرح طالما مقدمتش الاليات لمرحلة انتقالية

ولو قدمتها صدقنى مش هتنفع ومش هتمشى

لانها لو هتمشى كانت مشيت قبل كده

تحياتى

[morshooo]

انا بس بختلف معاك فى اننا نغير الادارة

( حنون ) خلاص قررت انها تسيب الادارة ودا حصل

والى اعرفه ان طارق مش حابب يفضل كا أدارى

ودا من كلامه الدائم .

الاسماء الى انتا زكرتها بعيد عن ( مورشو ) انا معاك فيها جدا

واكيد الايام الجايه هنشوف منهم فى مناصب سواء مراقبه او اشراف

عيبنا فى المنتدى اننا بنزعل من بعض لما نكلم بصراحه

وعيبنا اننا لما نكون مش عايزين فلان فى مكان معين

بنطلعله مليون حجه .

هقولك مثال عليه انا شخصيا .

كتير جدا عارفين ان مش فى دماغى انى اكون ( مراقب )

وانا بصراحه لو فى دماغى كنت قولت ازاى ماكنش مراقب

لحد دلوقتى .

فى المقابل عمر ما حد فى الادارة حتى سئلنى

او قالى انتا حتى مرشح تكون أدارى ودا لسبب

انهم عارفين انى مش عايز دا حتى لو الاعضاء

شايفين انى الاجدر .

برضو هتلاقى رد الادارة طالما مش عايزا مورشو مراقب هتقولك انتا

مش هتعرف تحتوى مشكله طيب هو دور المراقب كله

انك تحل مشكله .

يعنى انتا سايب نشاط العضو واحترام الاعضاء للعضو

وخبرة العضو وياترى دا قيادى والا لا وكل هم الادارة

انها ترشح مراقب يقدر يحل مشكله .

لما كنت نائب أدارى كان مفتوحلى قسم الشكاوى

كنت بدخل القسم من كتر هيافه الشكاوى

مكنتش برد عليها واحد يدخل يقولك دا فلان بيرمى كلام عليه

دا علان نزل توبيك ليه من التثبيت دا مشرف القسم كرهنى بسبب تصرفاته

واكيد لحد دلوقتى هى دى المشاكل الى بتتعرض فى القسم .

والجميل بقى ان مستحيل تلاقى تضارب بين أراء المراقبين فى مشكله

يعنى لو انا مراقب ودخلت لقيت مراققب بيرد خلاص اسيبه

حتى لو هو غلط الى بيتعمل يدخل يقول كلمتين من بعيد وخلاص

لكن مش هيتعدى على المراقب الى رد الاول .

اعتقد لو عايزين تغيير فى المنتدى يبقى نبدء التغيير من تحت الاول

ودا حصل بعد غربله المشرفين .

[~♥ Queen sozan♥~]

هو كلمك صح يا محمود بس حنون فعلا سابت الاداره !

والاسماء لى انت قالتها فعلا هيكون ليها نشاط كويس لو تم تعينهم

لان هما فعلا نشاط فى المنتدى من غير كلام

بس الله اعلم الاداره بتفكر فى اية

مبادره طيبة منك ..

[مِسكُ الشَهادة]

ربنا يجيب الخير للمنتدى دايما ً
مشكور يا محمود يا غالي
ربنا يسعدك يا رب
دمت بخير

[حنـــــون]

عندك مغالطه يامحى
حنون مش فى الاداره بقالها اربع سنين
انا فى الاداره من مارس 2011
واكيد مش مطلوب من حد انو يمسك منصب
شهر ويسبه الشهر التانى عشان مايتقلش عننا مبارك
ومش من الطبيعى ان اى مكان فى الدنيا بيتحكم بكل اسبوع
اداره شكل
طارق وصل للاداره من عضو لمشرف لمراقب ولاداره وادها كتير
ومافيش وقت بيلاقى حد يستاهل الا لما بيرقيه
لكن المطالب انو الكل يبئه اداره ويبئه مراقب ويبئه ماسك الحكم فى ايده
وهو دا الى ادا لسوء الحاله
وانا لما شوفت ان الكل حابب التجديد وحابب الاداره ماتكونش حكر على حد
انسحبت بكل هدوء لكن الواضح ان فى اصرار لتعليق الفشل والنفوس الضعيفه
على اكتاف الغير
تشبيهك لفترتى انها كانت هتبئه زى مبارك اسمحلى بعترض عليه شكل وموضوعا
ومعنى وكل شئ
اعتقد ان ماحدش فيكم يعنى هيرضى يسيب مكانه عشان انا هاجى اقوله على فكره
احنا هنرقى فلان عشان احسن منك واقدر اكتر منك وهيعمل معرفش ايه
لكن انا لما حسيت انكم حابيبن تجددو وحابين تغيرو الوضع انا معترضتش وسيبت وانا كلى رضى
ان الوضع لازم يتداول بين الجميع
لكن تكبيركوا للموقف وعطيان الوضع اكتر من حجمه واختزالكوا المنتدى على انو مناصب
لو ما اخدتوهاش يبئه المنتدى وحش هو الى خالى الوضع سئ ومن اسوء لاسوء
لو كل واحد بص انو يعمل نشاط يخلق روح حلوه عشان ينبسط ويبسط الى حواليه الوضع هيتغير
انما كل واحد بيذل مجهود وبيعمل نشاط عشان يوصل لهدف مجرد وصوله للهدف نشاطه بيختفى
طبعا انا مش بعتب ان حد يبئه حابب يترقى بس بعتب على انك تعمل نشاط بس عشان تترقى مش عشان
حاجه تانيه لانك لما بتوصل للغرض الوسيله بتفقد معانها ومش بيكون عندك رغبه انك تعمل جديد لانك خلاص
وصلت
كلامى دا مجرد راى ووجه نظرى مش حابه اتناقش فيها على فكره
وانا وقت ماقررت اسيب الاداره قولت لطارق انا مش حابه ادخل فى نقاش لانى فعلا سايبه المنصب
وانا كلى رضى ومش زعلانه نهائى ولا من حد ولا من اى شئ
بالعكس كان عندى رغبه انى اتفعال زى ماكنت عضوه عاديه بس الوضع اجبرنى انى ارد
خصوصا بعد تشبيهك الجميل ياموحا

تعديل بسيط لردى عشان يتفهم بمعناه الحقيقى

ترقية الناس الى انت كاتبهم حقا انا معاك فيها ونظرتك صائبه جدا ليهم ^^

[حنـــــون]

اقتباس هو كلمك صح يا محمود بس حنون فعلا سابت الاداره !

انتى شايفه حاجه غير كد ياسومه
ولا هو معنى انى اسيب الاداره
انى اسيب المنتدى خالص
لو دا المعنى الحقيقى لترك المنصب
اوكى ماعنديش مانع
لو دا الى هيحسسك انى سيبت الاداره فعلا
حقا مافيش عندى ادنى مشكله
الفكره الوحيده الى الجميع مش واخد باله منها
هى ان المنتدى عندى وجودى فيه ماكنش مرتبط
بالمنصب وجودى كان مرتبط بمكان حبيته
وعرفت فيه ناس كتير وعرفت فيه حاجات اكتر
بس مش اكتر ^^

[۩۩ elMagic ۩۩]

اقتباس المشاركة الأصلية كتبت بواسطة حنـــــون انتى شايفه حاجه غير كد ياسومه ولا هو معنى انى اسيب الاداره انى اسيب المنتدى خالص لو دا المعنى الحقيقى لترك المنصب اوكى ماعنديش مانع لو دا الى هيحسسك انى سيبت الاداره فعلا حقا مافيش عندى ادنى مشكله الفكره الوحيده الى الجميع مش واخد باله منها هى ان المنتدى عندى وجودى فيه ماكنش مرتبط بالمنصب وجودى كان مرتبط بمكان حبيته وعرفت فيه ناس كتير وعرفت فيه حاجات اكتر بس مش اكتر ^^

معلش انا حبيت اعلق ع الجزئيه ديه
بإستثنااء كل اللى فات

حنون
اكييد سوما مش تقصد كده
ولا هى شاكه انكـ سيبتي الاداره او لاء
انا لما قريتها مش فهمتها زي ما فهمتيها خالص
هى بس بتقول وبتأكد انك فعلا مش موجوده ف الاداره
ودا بعد ما شافت الجزئيه دي من موضوع محي

اقتباس وهذا ناتج عن بقااء (silver spectra ) و (حــنـــون) فى مَنصب الإداارة أربع أعواام ..

انا مش هأدخل جوا نيتها طبعا ولا انا مشعوذ وبأجيب التايهه مثلا :d
ولكن سومـــا اكييد هى مش قصدها كده خااالص
بالعكس يعني كل الناااس إستغربت بعد ما سيبتي المنصب الاداري
واكييد خساااره كبييره
وسواء كنتي فى المنصب او لاء
الناس كلها بتحبك وبتقدركـ وبتحترمكـ
أسف ع المداخله
وشكرا محي ع الموضوع ,,