لماذا تحترق المواهب ؟ حصري وبقلمي

[نجم وزهره ومسافات فراق]

السلام عليكم ورحمة الله وبركاته
موضوع خطير
وحيوي
وزاد اوي بالحياه
وموجود بردوا على النت

نتكلم بواقعيه
بالحياه
ابن اللاعب لازم يكون لاعب حتى لو مالوش في الكوره
طالما ابوه لاعب لازم يكون لاعب بالعافيه !
يموت موهوب عشان عيون ابن اللاعب !

ابن الممثل
حتى استغفر الله العظيم لو بلا كاريزما شكليه
تلاقيه اصبح نجم شباك !
مش فاهم ازاي !
يموت ممثل شكلوا له كاريزما عشان الكوسه

على النت
الموضوع بردوا متواجد
العضو فلان يعرف المراقب علان
هب يعمل موضوع او اتنين هب بقدرة قادر تلاقيه مشرف !
علما بشيئ ان في كم من الاعضاء افضل كتير من بسلامتوا
انما الكوسه شغاله والفسيخ ريحتوا حلوه !

ومؤكد ده للاسف بيحصل وهيحصل واغلبنا فاهمين وعارفين
انما بنعمل مش واخدين بالنا ونطنش

طيب لما الناس اللي اصلا تستحق تلاقي كده تفتكروا النشاط يتولد ازاي ؟
وبينطلب نشاط
طيب حاجه غريبه وعجيبه
ازاي ينطلب نشاط وفي تكسير همم وتحبيط مواهب ياناس ؟


بردوا موضوع يكون قوي وله قيمه ادبيه وفكر ومضمون وممكن يكون قضيه وممكن يكون مفيد لهدف او فكره جديده متميزه

وفي موضوع تاني لسخريه مثلا وهو اصلا لا يرتقي للسخريه لان كتابة السخريه
مش سهله
وتلاقي الفكره جافه وعليها اقبال كبير وردود بالكوم
وموضوعات لها مضمون واهداف وقيمه للاسف مهمله
للاسف مرميه
اما رد او اتنين او تلاته واحيانا لارد خالص


ما نكون بشفافيه اكتر مع بعض
ما كل حد ياخد حقوا
ليه المجاملات ؟
ولغاية امتى ؟
تفتكروا ده صح ؟


تفتكروا دا يفيد ويساعد على تقدم بلد
او يساعد على نشاط منتدى
تحبيط الناس
اصبح سمه
اصبح فن
اصبح حرفه
وفي ناس موهوبه في كده
والغريب الكلام يزيد
فين التفاعل والنشاط !؟

بس للاسف
ان المواهب لا تحترق ابدا برغم انف اي امور غريبه
المواهب عمرها ما تحترق
لان ربنا سبحانه وتعالى خلقها مواهب
اما هياكل المواهب وانصافها ليهم وقت وهيتكشفوا
هيفلسوا
هيبانوا
هي بس زفه وهتاخد وقتها ولازم ييجي يوم المواهب تاخد مكانها اللي تستحقوا
ياريت
ياريت
ياريت

يكون الاختيار بفكر ووعي وشفافيه
مش بمجامله او بعله او بمصلحه

تفتكروا ايه الحلول ونواجهها بشفافيه ازاي ؟
تفتكروا ان الصح مواهبنا تموت عشان انصاف وهياكل من هم بلا مواهب اصلا ؟
تفتكروا العيب فين ؟
هل العيب متوارث فينا ؟
هل العيب تصفية حسابات ؟
هل العيب انتقام وبس ؟
العيب فين ؟
هل ممكن ردود تفيد الجميع وتفهمنا ليه كده ؟
ياريت رد لسؤال واحد
لماذا تحترق المواهب ؟
رجاء ردود في صلب الموضوع وردود بشفافيه ووضوح علنيه
عشان الصح لما نطرح قضيه نناقشها ونعرف دوافعها واهو نتعلم ونستفيد من فكر بعض

وعلى طريقة عمنا الراحل الرائع فؤاد المهندس
مش كده ولا ايه ؟

بانتظار التعليقات

[نجم وزهره ومسافات فراق]

ملحوظه مهمه

برجاء كبير
محدش يقول ان الكلام ده مش موجود
لانوا موجود
وكلنا عارفين انوا موجود وبيزيد والكل عارف ده
انما الاهم هنا
نشوف حلول ونتناقش ونخرج بفوايد
كان ممكن ازود الكلام ده بالموضوع
انما مش حبيت اعدل فيه
وضفت الملحوظه دي

وارجوكم الحلول المناسبه
احترامي للكل

[غالي الأثمان]

حبيب قلبي نجم ليه رجعه على موضوعك سوف يتم وضع الحلول المناسبة .

[the.legend]

السلام عليكم ورحمة الله .

اشكرك على الطرح المميز للموضوع .

انا حتناقش معاك فى نقطة اهدار المواهب بعيدا عن واقعيتها فى اى مكان بالاسم


اولا : ابن الدكتور يبقا دكتور وابن الممثل يبقى ممثل وكده .. ده موجود فعلا وانا بعتبره نوع من " الحجر " الصارم على الواهب

مثلا : ممكن يكون ابنك ده مهندس راااائعليه تموت موهبته عشان تشكله انتا على مزاجك !!

انتا عشت حياتك سيب الباقيين يتعلموا ويكملوا حياتهم !


ثانيا :بالنسبة للكوسه

العامل الاهم والاخطر ضد مفهوم الكفاءة

واعجبنى وصفك للوسطه بهياكل الموهبه


بس انا متاكد ومؤمن ان مهما كانت الظروف يوما لازم الكفاءه هى اللى تبقى

وكل ظرف شديد بيمر بيوقع الناس الزائفه

ثق فى الله ...ثم ثق فى قدراتك

[اسيل الفلسطينية]

للاسف اخي ادهم هذا واقعنا وصعب تغييره لان هناك من لا يقبل التغيير
نعم هناك مجاملات ومحسوبيات في كل مكان وليس فقط على نطاق المنتدى
ليس كل مايقيم هو الافضل والاجمل وليس كل مايهمش يكون رديئا
المجاملة مطلوبة نعم لكن ليس على حساب ضمائرنا وقناعاتنا
ولابد كل شخص ان يبدأ بنفسه حتى تسير الامور للمصلحة العامة وليست مصالح شخصية
يعني قيمني وانا اقيمك وهكذا
تسلم اخي الكريم وانشاءالله تلقى كلماتك اذانا صاغية

[ساحر الأحزان]

انت شبهت بكلامك ابن الاعب والممثل

وحقك برضة أبن المهندس أو الدكتور أو رجل الأعمال؟

هو أب بيحب أبنة وعايزة زية ؟

وهنا برضة النقطة المهمة لو هو معندوش امكانية لكدة هل حيقدر يوصل لو معندوش القدرات كنا شفنا بقى توراث للمهن دى

ومحدش خش من برة عليهم وبقت حكر على طبقات معينة

يعنى الممثل ولا الاعب ابوة حيفضل معاة ويمكن انت شفت امثلة فى الملاعب والفن ابائهم وقفوا معاهم

بسى للاسف مكملوش لانة مفيش حضور ومفيش موهبة وتنمية قدرات ...

وشفنا ناس تانية زى عندك ابوتريكة ابن رجل بسيط ملوش معارف كروية ولا عمرو سعد ملوش اب فى الفن

انما الموهبة والابتكار هى الى بتظهر وبتكتشفة ؟

دة بخصوص اول نقطة من كلامك ..

وبخصوص كلامك الى تحت أحنا بنقدر على قدر المستطاع فى أعطاء كل صاحب حق حقة ولو ليك أى ملاحظة ممكن تراسلنى

وأنا بسمعك وأفيدك

موضوع جميل منك

موفق اخى

[زهرة الياسمين]

بصراحة مش عارفة ارد اقول ايه
بس معلش لو كان سؤالي يعني مش في محله
بس هوا انا حاسة انك مندفع شوية بالنسبة لما اتكلمت عن الواسطة في المنتديات
هوا انت ملاحظ ده هنا في المنتدى ولا بتتكلم بشكل عام؟

[الرحــاال المٌتَمرد]

طيب طالما عنوان الموضوع لماذا تحترق المواهب ؟
طيب إنت إيه إللى خلاك تدخلها الفٌرن يا أدهم .

شوف بعيداً عن الجزء الأول في الموضوع إللى هو مٌجرد تشبيه .
لكن هنرجع ونقول أن أى تكليف بيحتاج مقومات مٌعينه في المٌرشح
طالما أن التكليف دا لا يعود على المٌكلف بـ الفائده الماليه ,,

هتقولي لكن بتفرق معاه معنوياً , هقولك لو معنوياً يبقى حقك بتاخدٌه مِن المٌتابعين والمٌطلعين على موهبتك وواثقين مِن قٌدراتك ..

الكلام دا مٌش مٌبرر لـ الوضع الحاصل لكن إنت بتٌحكم مِن رؤيتك الخاصه
والأكيد إن مٌش كٌل الناس هتبصلها من نفس الزاويه ,,
ومِش معني كلامي إنك غلطان لكن فى الأخير هي قناعات ووجهات نظر
مِن الشخص المسئول وإللى بيعمل إعتبار لـ الصالح العام أولاً
غير كدا بيكون الشخص مِش قد مسئوليته ودا بيترتب عليه فشل المنظومه إللى بيديرها .

مِش عاوز أكون الواعظ والحكيم , لكن هقولك إن أهم تكريم أو حافز بتحصل عليه هو رأى الناس في موهبتك ومدي إقتناعهم بيها .
دون ذلك فـ كٌلٌنا سواء , لا فرق بين عربى وعجمي الإ بالتقوي

ولو عندك أى تعليق هرجع وأناقشك ^^

شٌكراً أدهم على المجهود

[نجم وزهره ومسافات فراق]

اقتباس المشاركة الأصلية كتبت بواسطة زهرة الياسمين بصراحة مش عارفة ارد اقول ايه بس معلش لو كان سؤالي يعني مش في محله بس هوا انا حاسة انك مندفع شوية بالنسبة لما اتكلمت عن الواسطة في المنتديات هوا انت ملاحظ ده هنا في المنتدى ولا بتتكلم بشكل عام؟

انا كلامي عموما هنا وفي كل المنتديات
ولا حضرتك شايفه ايه ؟
مندفع ؟
يعني ايه مندفع ؟
وليه حضرتك بدل لفظ مندفع مش تقولي حماس نقاشي ؟
نتاج احوال موجوده نفسنا تتغير للأحسن

حضرتك 2300 مشاركه
يعني عضوه ليكي فتره بالمنتدى ومؤكد ليكي وجهة نظر بردوا
الا لو انا شايف الرقم غلط

[زهرة الياسمين]

اقتباس المشاركة الأصلية كتبت بواسطة نجم وزهره ومسافات فراق انا كلامي عموما هنا وفي كل المنتديات ولا حضرتك شايفه ايه ؟ مندفع ؟ يعني ايه مندفع ؟ وليه حضرتك بدل لفظ مندفع مش تقولي حماس نقاشي ؟ نتاج احوال موجوده نفسنا تتغير للأحسن حضرتك 2300 مشاركه يعني عضوه ليكي فتره بالمنتدى ومؤكد ليكي وجهة نظر بردوا الا لو انا شايف الرقم غلط

مش قصدي حاجة والله عادي يعني اي لفظ مش مهم
وبعدين انا بقالي سنتين اصلا مادخلتش المنتدى من فترة قريبة بس ابتديت اتابعه
عموما متأسفة بس مقصدتش حاجة