لازم ولا مش لازم يا بتوع يا متعلمين

[ملك جبال الاحزان]

هو سؤال رفيع ومش هطول عليكم وارغى كتير

هو لازم الحب الحقيقى هو اللى يعيش معانا طول العمر

مش يمكن ظروف اجبرت الحب ده ميكملش

لازم ولا مش لازم رأيكم !!!

[Words Whisper]

هرجع هنا ع رواقة ان شاالله ..

[دمعه حائره]

اكيد الحب الحقيقى بيستمر طول العمر ومابيتنسي
وحتى لو الظروف خلته مايكملش
بتفضل المشاعر رباط روحى بينهم
الاان ينتهى الاحساس بيه وفى الحاله دى مش لازم نقول انه مكنش حقيقى
الانسان غالبا بينسي مع مرور السنين
لكن بمجرد استعادةالذكريات بيحس بالحب ده

[العاشق الذى لم يتب]

شوف ياعزيزى الفاضل
موضوع الحب هدا فيه اسرار لايعلمها إلا ربك علام الغيوب
وكم حير عبادالله منذ الخليقة وحتى تقوم الساعة
وكثيرا مارأيت حبا حقيقيا ومع ذلك لم يكتمل
ولم ينعم الحبيبان بحبهما
وتكون التفرقة والبعاد
والاسباب كتيرة ومتنوعة ومتعددة
ومختلفة من مكان لآخر
ومن بيئة لأخرى
وكثيرا ماتلعب مشيئة ربك الدور الرئيس
ولكن لايعنى أن أحد الأحبة يكون السبب
يعنى بالعربى كده يكون خسيس شوية ويضرب كرسى فى الكلب ويولى هاربا ويترك هداك المسكين غرقان فى بحر الهموم والنكدوالحزن
ويغنى بأعلى صوته ويزعق ويقول
طلعت فوق السطوح أدور على طيرى
لقيت طيرى بيشرب من أنه غيرى
زعقت من عزم مالى وقلت ياطيرى
قلى زمانك مضى دور على غيرى
شوفت يااخويا الحكاية ازاى
واخوك ياما زعق من عزم ماله
ولاحد قاله وايش حاله
مودتى

[خارج عن القانون]

مش بالضرورى ان اول حب يكون هو الحب الحقيقى

ومش بالضرورى برضو ان يكون اخر حب هو الحب الحقيقى

ومش بالضوررى برضو ان الحب الحقيقى هو من يستمر

ومش بالضرورى اننا نحب اصلا ^^

[مريم المصريه]

الحب الحقيقي مبيتنسيش ابدا
حتي لو حصل شئ والترفين بعدو عن بعض
بس ديما بيكون في الذاكره مش بينسي
لانه بيكون الحب الصادق
دمت بخير وسعااااده

[رنين]

امممممممممم عندك حق
ممكن الحب الحقيقى مش يكمل معانا بس هيفضل فى بالنا لان مشاعرنا كانت صادقه فيه
المشاعر الجميله مش بتتنسى بالعكس بتكون حاجه جميله فى حياتنا وبنفضل عايشين بيها وبتزود قيم جديده انفسنا
بس يمكن احنا ال مش بقينا عارفين نحدد ايه الحب الحقيقى فعلا وايه ال كانت مجرد تجارب عاطفيه !!

تسلم على الطرح الراقى

تحياتى .،

[ملك جبال الاحزان]

اقتباس المشاركة الأصلية كتبت بواسطة words whisper هرجع هنا ع رواقة ان شاالله ..

منتظر اهو

[ملك جبال الاحزان]

اقتباس المشاركة الأصلية كتبت بواسطة دمعه حائره اكيد الحب الحقيقى بيستمر طول العمر ومابيتنسي وحتى لو الظروف خلته مايكملش بتفضل المشاعر رباط روحى بينهم الاان ينتهى الاحساس بيه وفى الحاله دى مش لازم نقول انه مكنش حقيقى الانسان غالبا بينسي مع مرور السنين لكن بمجرد استعادةالذكريات بيحس بالحب ده

بينسى بس مفيش حب حقيقى بيتنسى منه صح ولا

ولو اتنسى يبقا اكيد مش حقيقى

نورتينى بردك الجميل

[توحد ارواح]

مش عارفه يمكن ليا رأى مختلف شويه
مبدأيا كدا و سورى
كل واحد يقول وجهة نظره
و اكيد الاراء و الرؤيا بتختلف من شخص لاخر
و لكن اصلا مفيش حاجه اسمها حب
غير طبعا الحب المتعارف عليه بين الاهل و الازواج
ليه بقا
لان الحكايه بتبدأ باهتمام متبادل من الطرفين
ونتيجة التعود والاستمراريه بتعلق كل طرف بالتانى
و يتهيأ الى كل منهما ان ده الحب الحقيقى
و مش هيقدر كل واحد يعيش من غيره
و يبقوا فى منتهى السعاده وطايرين ف السما
ويتهيا لهما ان الفراق فيه الموت لكليهما

و لكن ذا قل اهتمام احد الطرفين بالاخر
شويه شويه واحد يبعد و التانى مش قادر ينسى
ويبدأ العذاب و الحزن و السهد ودموع و الم مده كبيره
و لكن بمرور الايام يبدأ النسيان شويه
لان ربنا اعطانا نعمة النسيان و ان دوام الحال من المحال
و ندعى ربنا يقدرنا وننسى ونقنع نفسنا ان كدا الخير لينا

سورى انا طولت
اذا من لاخر كدا بلاش ندخل فى حكاية حب علشان مش نتعذب
ويبقى حب العشره بين الزوجين هو الدائم

شكرا ليك اخى
اعطيت لينا فرصه اننا نفضفض و نتكلم
دمت برعاية الله