can 7lm

[CAN _ 7LM]

هو الميد بيقرب كده ليه ده احنا لسه بنفكر
هنبدأ نذاكر امتى 😁
لما يبقى فرح اختى فى أسبوع الميد طب ده اسمه كلام
ولما انزل من ٨ ونص الجامعه يتمسح بينا بلاط الجامعة لغاية
٤ ونص استنو لسه مكملوش مسيح وانزل لأختى عشان تشترى
حاجتها واروح الساعة ٩ ونص ونبع الحنان تصحى من الساعة ٦
تصحى البيت كله بشكل غير مباشر 🙄
ولما يبقى فيه كويزات وتسليم شيتات وريبورتات
كله فى أسبوع واحد اللى هو قبل الميد اللى المفروض هو نفسه
يكون مطلوب منك من ١ ل٦ وهما لسه منزلين الكتاب.
السؤال المهم انا هفضل عاطف فى نفسى كده لحد امتى 😂😂


↑^^^^^^^^^^^^^^^^^^

[CAN _ 7LM]

خلاص الجزء اللى فاضل ده هراجع عليه فى المواصلات
ايه ده الشجر بيمشى ع الطريق


^^^^^^^^^^^^^^^^^^^

وانا بكلم عيال اختى


بيتصلو بيه عشان يلعبو فى الكام مش عشان يكلمونى 😁

^^^^^^^^^^^^^^

أحداث الوفيات للشباب كارت اوى اليومين دول
لسه بنوته فى رابعة اسنان متوفيه فى حادثة قطر
مع واحدة صاحبتى فى الكليه ربنا يصبر أهلها ويرحمها
ويغفر لها ويجعل مثواها الجنه .💔
.............................
اللهم اجعلنا من أهل الفجر وخاصته
اللهم قنا عذابك يوم تبعث عبادك
اللهم اغفر لموتى المسلمين والمسلمات
تصبحو ع خير ❤

[CAN _ 7LM]

عن فرحتى بيها بجد كان من اجمل الافراح اللى روحتها
كانت جميلة بجد برغم المرمطة والتعب بس مكنتش عارفة انا جايبة الطاقة دى منين تحت مبدأ الفرح بيجى مرة واحدة ❤ ومافيش اجمل من كده
محستش بعدم وجودها الا ماروحت لوحدى كان كل فرح نروح ونرجع مع بعض ونفضل نرغى لغايه ما ننام والأفلام مكنتش يتحلى غير معاها عارفة انى هفتقدها
وخاصة الشوية بتوع بليل دول 😞
^^^^^^^^^^
قولت انى بكرا إجازة اروح الاقيهم منزلين جدول عملى والحضور اجبارى فى المعاد ايوه مش عارفة هنزل السبت ازاى هعيط بجد 😧
واللى زاد وغطى اروح ألاقى الاسيتون كله واقع اشيل المونكير ده دلوقت ازاى عاوزة اصلى 😧😧
^^^^^^^^^^^
اهم حاجة انى اتبسط وهيصت وفرحت بغض النظر عن البؤس اللى فوق
#الفرحة حلوة ."فرح اختى"🙃🙃

[CAN _ 7LM]

مافيش حاجة بكون بخطط ليها بتمشى زى ما انا مخططه
الا انا اقول إن شاء الله وفعلا حصلت فى مواقف كتير وبفتكر انى مقولتش إن شاء الله وكمان لما بتسمى قبل اى حاجة أو تكون حاجة ضائعه بتدور عليها
مواقف كتير بباقى الحاجة تحت ايدى بس اللى أعرفه أن لازم يكون عندك ثقة
مش مجرد انك تقولها تجربه يبقى فيه يقين جواك بعظمتها سبحان الله
^^^^^^^^^
بحاول اندمج مع الدراسة بعد الميد بس مش قادرة مقتنعه أن الإجازة جت 😂
^^^^^^
الله يبارك فيك يا هندس ( mohmed adel)
كل سنه وانتم طيبين
صلو ع الحبيب😉
تصبحو ع خير 🤗

[CAN _ 7LM]

مطر وبرد وكحة ونسكافيه ونت
وافلام اجنبى الجو ده مش طالب مذاكرة خالص
^^^^^^^^^^
يالا بينا نلم مذكرات الفيزياء
وميكانيكا وسيركت و برمجه
ونزلت فيهم عشان ندفى 😀

^^^^^^^^^
يارب اغفر لموتى المسلمين والمسلمات
تصبحو ع خير 🤗

[CAN _ 7LM]

جدول الفاينال نزل وهو العملى
واحنا لسه مخلصناش المنهج مالوش نهاية يخربيته
وبعدين ليه الشفوى عليه ٣٠ درجة
خدهم فى خمس دقائق
واللى بينسى أو بيتوتر خلاص ٣٠ درجة راحو ده انا مضيعتهمش طول سنين التعليم العادى

وانا بتسأل شفوى


طبعا انا لو حلفتلك انى عارفة الإجابة
بس مش عارفة اعبر مش هتصدقنى 😂😂

[CAN _ 7LM]

البوت الفرفوش رزق 😁

لا ما يكون فى غلط فى التصحيح واخد درجة زيادة
خدو يا جماعة درجتكو انا ما بشحتش
#امتحانات

^^^^^^^^^^^^^
‏قال الشيخ ‎#ابن_عثيمين رحمه الله :

حتى تتيقن أن المسألة هي مسألة توفيق
انظر إلى الذكر من أسهل الطاعات لكن لا يوفق له إلا قليل .
تصبحو ع خير 😍

[CAN _ 7LM]

كل اما اقرأ حاجة صوفية
بحب الطريقة جدا كفكرة مع أن فى ناس كتير
اول ما بتكلم عنها يقولولى ابعدى عنها وأنها حاجة مش كويسة
دى حاجة روحانيه بعيد عن الهبد الكتير اللى بيحصل
بحب اقرأ عنها واسمع بس مش كل الشيوخ

#
سألتهم الى أين فقالو الى بيت الله إلى جوار الله
الى الله. وهم لا يعلمون أن الله معهم ومنهم وفيهم .
درويش مجهول.


اللهم أفرج كرب المسلمين 🙂

[CAN _ 7LM]

يعنى مش هبلة يا بهااايم يا بهااايم 😑
^^^^^^^^^^^^^
كل الناس هتحتفل برأس السنة الا انا هيتحفل عليا
مش معقول بداية كل سنة تبقى امتحان وفاينال كمان
ارحمونا بقى فكرة الامتحانات دى غبية 😌
فضلت سرحانة فى سانتا سيكرت طب نبهونى انى فاينال سيركت 🙄

^^^^^^^^^
ربي أنت المُيسر ، وأنت المُسهل
سهل أمري ، وحقق مطلبي ،
وسخر لي ماهو خير لي !
تصبحو ع خير 🤗

-

[CAN _ 7LM]

ادخل ستورى الواتس الناس كلها مش عارفة تذاكر
جروب الدفعه الكل بيفتح المادة لاول مرة
شات الواتس بيجمعو فى درجات النجاح
ايوه بقى مين اللى كان مقفل الميد
وهيجيب امتيازات يا دفعة دحاحة😐

لما يكون عندك صاحب بتضحك فى وشه تلقائى
بعد كل امتحان وانت خارج متنكد اصلا
ع كمية الهبد اللى هبدته يبقى كده انت اخترت صح 😉

انا علميا بدخل يوتيوب اسمع فيديو شرح للمادة
لكن عمليا بسمع اعلانات نت فليكس واشوف اسماء الافلام٢٠١٨
وطبعا طبعا اكيد يعنى هتفرج عليهم ايه الغباء ده😒
خلصت تلت افلام فى الامتحانات هسيب ايه للإجازة 😁
#امتحانات
^^^^^^^
اللهم انى انا الفقير الغريب الغريق الذى لا منجى له إلا أنت ❤❤
صلو ع الحبيب😉