كان نفسى ؟

[مشتاقه للجنه]

تصدقووا مش عارفه أبدء من فين

بس عايزه أتكلم جوايا كلام كتييير عايزه أخرجه

زمان يعنى من كم سنه لما كان يطق فى دماغى حاجه كنت بعملها ...

ايوه انا مسافره مع أخويا الغردقه خلاص رووحى محدش يمنعنى

اختى عزمانى على الساحل وماله رووحى غيرى جو محدش يعترض

فرح صحبتى وأروح من غير مواعيد رسميه ......

خلصت الايام دى كلها دلوقتى لو عايزه اروح لماما لازم اقدم الطلب ويكون مدعوم

بحاجه ملحه للذهاب ولو تمت الموافقه بتكون مشروطه بمواعيد صارمه ..

محدش يقولى أصبرى ولا كل الستات كده لا أنا عندى أووفر وأكتر شويه

حبيت اعمل تمرد

أيوه أعمل تمرد لاسترداد حكم نفسى وأخذ حريتى

غضبت وثورة وروحت لبيت ماما يوم أتنين تلاته لقيتنى مش ملك نفسى

عيون بريئه بتلاحقنى فين بابا ... وجدت نفسى أنانيه أووى أووى

فخلاص مش مهم أنا أتمنى أيه المهم هى أوفر لها الحياه لتسعد كما سعدت ولتأخذ حريتها كما فعلة
لا لست أنانيه ولن أسمح لنفسى أن أكون كذلك ,,

[Angel Smile]

شىء جمييل انك تطلعى ال جواكى .. و ضميرك بيساعدك على انك تحددتى الصح و الغلط
استمررى انتِ بس و خليكى مع ربنا

[-esraa-]

شوفي يا حبيبتي

في حاجات لازم تبقى فيها الحرية ومافيش اي احد يقدر يمنعك منها زي مثلا انك تحلمي
ايوه مش هيجي احد ويقولك انت ليه بتحلمي بكذا وكذا (طبعا مش الحلم وانت نايمة انا اقصد الحلم اللي هو الامل في مستقبل افضل)

بس انك تخرجي أو كده
يبقى من حق أهلك انهم يخافوا عليكي وانهم يحددولك مواعيد لانه خايفين عليكي ,,

ربنـــا يوفقك في حياتك يا حبيبتي

[ساحر الأحزان]

شفتى بقى كلامك فى الأخر ؟

عيون بريئة بتناديكى فين بابا,

وهو دة الخلاصة حياة ما قبل الزواج غير بعدة ’’

الألتزامات الأسرية فى بيتك أنتى صاحبتها ومفيش حد بيساعدك زى الأول كنتى تلاقى ماما وأخواتك

أنما دلوقتى كل واحد أستقر وبقى عندة أسرة

ممكن تتفقى مع زوجك فى تنظيم رحلات بينهم أوقات متقاربة حسب ما يسمح بيها ظروف عملة

وترجعى أيام زمان ويبقى أنتى وهوة وبنتك

بالتوفيق ليكى

[Words Whisper]

حاولي تتفاهمي معاه
وتفهميه الحاجات اللي بتضايقك
أصل المفروض هتعيشوا عمر سوا
لو النهاردة عدتيها فالبني آدم له طاقة
نفس اللي سأل فين بابا مش هيكون سعيدة معاكم وهو شايفكم بعيد عن بعض
والأطفال بتقدر تشعر بدا ولو حتى ابنك مش شعر بدا وهو طفل
بكره هيكبر ويستوعب دا
فلازم تكونوا متفاهمين وتكون حياتكم بأسس تحطوها سوا
مش عشان سعادتكم بس
عشان كمان أولادكم ..


الله يوفقك حبيبتي
ويكتب لك كل الخير ..

[محمد خطاب]

لازم ولابد اى بنت متزوجة حديثا تمر بتلك المشكله ومش المفروض نسميها مشكله لان ده امر طبيعى لان انتى بتكونى عايشه حياة انتى فيها فرد غير مسئول وليس راعى لكنك فرد كباقى افراد الاسرة ثم بعد ذلك تدور الايام كطبيعتها وتصبحى انسانه مسئوله عن فرد ثم عن اسرة وهكذا ,,

عشان كده فى وصايا الام لابنتها قالت ليها أي بنية: إنك فارقت الجو الذي منه خرجت، وخلَّفت العش الذي فيه درجت إلى وكر لم تعرفيه




هنا الام وصفت بيتها عند ابوها بالعش وبيتها عند زوجها بالوكر وقال علماء اللغة ان العش عمره اقصر واضعف لانه يكون فى الشجر والوكر عمره اطول واقوى لانه يكون فى الجبل عشان كده لازم تتأقلمى على كده وزوجك لازم حد يفهمه انك انسانه محتاجه تغير جو كل فترة او انتى بينك وبينه فى قعدة صفا قولى ليه كل اللى انتى قلتيه لينا ده وربنا يباركلك فى الذرية ويجعلها ذرية صالحة بأمر الله




وشكرا على شجاعتك وصراحتك واسف على الاطالة ...

[السلطان فتحى]

بجد انا احيكى على صرحتك بس انت صح بس بيتك اولا بيكى دلوقتى

[countess]

مبسوطه منك عشان فكرتي بلحظات الأخيره بهنونه

وآكيد هي الضحيه لو سبتي جوزك

هي الي بتربطك فيه الطلاق بحسه (يتم ) يعني هتيعيشيها يتيمه وبابها موجود

بس شوفي حاولي تفهميه في نقاش كدا مابينكم هادي

مش خناق لا نقاش وتعرفيه الحجات الي بيعملها بتضايقك

مره اتنين تلاته هيتظبط الحال

هيفهم ايه الي يضايقك آكيد هيحاول يعدلة للأحسن <<

بتمنى ليكي حياة سعيده مع هنونه وآبو هنونه ؛؛؛