ما هو اصلو عادى ....!!!!

[** رحيق الجنه **]

ماتقوليش عادي .. علشان دا مش عاااااااادي
=-=-=-=-==-=-==-==--==-====-=-==
مش هقلع طرحتي يوم فرحي عشان ليلة العمر... عشان ده مش عادي
...
مش هرقص في فرح بنت خالي عشان صلة الرحم... عشان ده مش عادي

مش هحكي لزميلي في الشغل مشاكلي العائلية.. عشان ده مش عادي

مش هروح البحر والبس ....؛..عشان ده مش عادي

وكفايا بقى كلمة عادي.. لاننا متخلقناش عادي

ولا هنقف نقول يارب معلش... اصله كان عادي

عادي كل البنات مصاحبين.. وانا يلا اصاحب عشان مبقاش معقده.. لا مش عادي

عادي كلهم مسافرين شلة ولاد وبنات ...وانا اسافر معاهم .. لا مش عادي

عادي تقصير الجيب على البووت.. عشان ابقى على الموضة.. لا مش عادي

عادي البنطلون ابو وسط ساقط ... عشان ابقى روش... لا مش عادي

عادي البدي الملزق وهيتفرتك من على الجسم... لا مش عادي

عادي اركب عربية زميلي.. مهو زي اخويا... لا مش عادي

وعادي ابن عمي يبعت لي رسايل تهريج خارجة.. اصله زي اخويا.. لا مش عادي

وعادي اكدب على أهلي ..مهي كدبة بيضا... لا مش عادي

عادي اروح شغلي متاخر وازور امضتي..مهو كله عادي اشمعنى انا.. لا مش عادي

عادى اكون محجبة واقف انشر الغسيل من غير حجاب مانا فى بيتى ومحدش باصص اوى .. لا مش عادى

عادى لما اخرج انا وخطيبى لوحدنا طول الليل مهو هيبقى زوجى .. لامش عادى

عادي نحط صورنا الشخصية على الفيس بووك عادي ....لا مش عادي

عادي اكتب رقم تليفوني وبياناتي الشخصية. محدش هيعمل لي حاجه..لا مش عادي

عادي اشوف واحدة بتتعاكس واسكت.... مهو ده بقى عادي ..... لا بقى مش عادي

بس العادى بقى انى اكون كنت بعمل اى حاجة من الحاجات ده وأحس انى كنت غلط وصحح غلطتى ده بقى اكبر عاااااااااااااادى عشان الواحد عايش فى الدنيا ده بيتعلم منها...وعشان عنده امل كبيييييييييير اووووى فى ربنا يغفرله ويسامحه

وكفاية بقى عيشه عادي .. عشان حبنـــــــــــــــا للــــــــــــه

اكبر من اى كلمـــــــــه عادى

و لاننا مش عايزين ينكتب على قبرنا

هنا يرقــد السيد عــادي

عادي بن عادي آل عادي

ومن هنا ورايح هرفع شعار:

" أنا أنسان مش عااااااااااااااااااااااااااااااااااااااااااادى

[اسيل الفلسطينية]

ياسلام عليك فعلا شيء مؤسف ووصلنا لدرجة من الانحلال
نشوف كل شيء عادي بالاصل ابتعادنا عن ديننا اللي هو مصدر عزتنا
هو سبب هلاكنا وضياعنا
تسلمي غاليتي بارك الله فيك
راقت لي كلماتك واختياراتك جدا

[العاشق الذى لم يتب]

الله عليك اختى رحيق
أسقاط ولاأجمل ولاأعظم
تسلم الايادى
ويسلم العقل المنيرالذى ينتقد بموضوعية وحذر
كلمات فى نصائح وزجر وتنبيه وتحذير
أثابك الله كل الخير
وجعله فى ميزان حسناتك
أصلح الله شأننا
مودتى

[βÄşmα ♥]

موضوع اكثثثر من رآئعع

يسسسلمواآ علي جممميل ماآ قدمتِ /،،

لكِ جززيل الشششكر ,,

[تناهيد الهوي]

مافي شي في هذي الايام مش عادي

[ابراهيم دياب]

اكيد طبعا اختى الكريمة

موضوعك غاية فى الروعة وبالفعل حاجات كتير ناخذها بحسن النوايا ونقول عليها شئ عادى

ولكنها بالفعل مش عادى

دمتى بكل ود وتقدير

[توحد ارواح]

تمام
مش عيب اى حد يكون بيعمل الحاجات دى و يقول عادى
و بعدين يعرف الصح و يتوب الى الله ويقول طبعا مش عادى
علشان انا لازم ارضى ربى

ربنا يهدينا جميعا
و يوفقنا الى ما يحب و يرضى
مشكوره يا قمر و جزيتى خيرا
منوره القسم

[CAN _ 7LM]

صح كلمه عادى ليس لها اى معنى نهائى
والبعض يستخدموها لتبرير الخطألهم
موضوع مميز ورائع
تسلم على المجهود

[beauty angel]

ولا هنقف نقول يارب معلش... اصله كان عادي
فعلا والله حبيبتى معظم الأمور بقينا نعملها بشكل روتينى
ونأخدها على أنها عادى
وهى فى الحقيقة هتكون قدام رب العباد مش عادى !
فاللهم أرنا الحق حقا وأرزقنا أتباعه وأرنا الباطل باطلآ وأرزقنا أجتنابه
موضوع جميل ,, تسلمى رحيق

[** رحيق الجنه **]

اقتباس المشاركة الأصلية كتبت بواسطة اسيل الفلسطينية ياسلام عليك فعلا شيء مؤسف ووصلنا لدرجة من الانحلال نشوف كل شيء عادي بالاصل ابتعادنا عن ديننا اللي هو مصدر عزتنا هو سبب هلاكنا وضياعنا تسلمي غاليتي بارك الله فيك راقت لي كلماتك واختياراتك جدا

شكراً أسيل لكلامك الراقى
وتواجدك الارقى
منوره حبيبتى