تخاريف نجم ( حصري ومتجدد )

[نجم وزهره ومسافات فراق]

عادي ياعم القلم الدنيا متساويه
عادي ولا ههتم وهكبر النيه
ريحت بالي خلاص ياعم لازم اعيش
بدون هموم تشغلني وتعكنن عليه

[نجم وزهره ومسافات فراق]

متساويه
الحياه كلها خلاص
اصبحت عندي متساويه
لا عدت اهتم غير بقلمي مع ورقي
ولا عندي ولا ليا
مصير رايح بكل هدوء
الى احلام معديه
وايامي دي بلقاها
غريبه عجيبه مش هيا
خلاص اعلنت تكبيري
وتفسيري مالوش غيه
حياه ماسخه وبقت بايخه
وخسرانه بها قضيه
قضية حق راح مهزوم
غريب الفكر والنيه
خلاص كبرت انا دماغي
وعيني وقلبي وايديا
ومش هشغل حياتي بشيئ
وكل حاجه حواليا


اجمل شيئ التكبير
تكبير النافوخ

[نجم وزهره ومسافات فراق]

يانجم اسكت بقى
تخاريف كلامك ممل
ارحم لحالك ياعم
واركن كده في الضل
عامل لنا اذمه بلا لزمه ما تهدى ياعم
روق كده وكبر دماغك تلاقى حياتك فل

مش كده ولا ايه ياعم نجم
ارحم روحك بقى شويه
فظييييييع

[نجم وزهره ومسافات فراق]

يا واد يامجرم اهدى بقى صدعتنا وياك
عامل في هيصه كبيره
يا واد هنا وهناك
اسكت شويه بقى وارتاح وريحنا
والا هدعي عليك بالنهضه تستناك


صباحين يانهضتي
وحشاني يابت أنهوضه

[نجم وزهره ومسافات فراق]

انا عايز اكبر وبفكر اكبر على طول
ولا هفضل سائل انا ابدا ولا اعيش مسئول
ملعون الهم ما تهدي ياعم وريحنا
وكفايه مصايب ونوايب مش راضيه تزول


كبر يواد يانجم
كبببببببببببر

[نجم وزهره ومسافات فراق]

ريس ياريس ياجميل ياريس
يا ابو فكر عالي قوي وكويس
النهضه حلوه شغاله ايوه
ودا شعب ناكر تلاقيه مهيس
ريس ياريس ياجميل ياريس
دا شعب رافض افكار نبيله
دا شعب عيشتوا بقت عليله
دا شعب دوسوا كتوا ألف نيله
تلاقيه متنح كده ومتيس
ريس ياريس ياجميل ياريس
دا شعب عايز كلام وبس
دا شعب تايه في فول وعدس
دا شعب ضايع اليوم وأمس
وانت ياريس راجل مليس
ريس ياريس ياجميل ياريس


حصريه للريس ويارب توصلوا

[نجم وزهره ومسافات فراق]

بيفكروا يعملوا كنزي بشعار اخوان
الله اكبر يا عالم والله انا فنان
وياعيني لو يعملوا للفته كنزي كمان
اكون بجد ممنون اوي وفرحان



من يوميات مواطن جعان
ههههههههههههههههههه

[نجم وزهره ومسافات فراق]

ويكا يا ويكا دي حلوه يا ويكا
شعبي الطيب راح امريكا
وهياكل الكوسه بشوكه
وهيغني بأجمل مزيكا


صلاة النبي احسن
ههههههههههههه

[نجم وزهره ومسافات فراق]

بالعاميه هيبقى كلامي
كلام عفوي بصفو النيه
ويادنيا مهما هتكوني
بتعاندي او عدوانيه
انا راضي وبحمد ربي
ولو راح يحصل ياعنيه
ما هو اصل خلاص ولا يوم اهتم
واشغل روحي امور منهيه
هي الدنيا ومهما تكون
راح افضل انا مع طول لياليه

[نجم وزهره ومسافات فراق]

مهموم بحب الكتابه
وحروفي دي من صدق
بتحدى كل الهموم
وبقولها للشر لأ
يا كلمتي علي وعلي للنجوم
وخلي نجم كبير وهادي وأرق


تخاريف مسائيه