صوره × رباعيه (متجدد للجميع)

[ويبقى الأثر]

طفوله بريئه وقلوب نقيه
لاتعرف طعم الحقد ولا الأذيه
لاشايلين هم بكره ولا ايام جايه
يفرحوا لو عطيتهم دبدوب هديه

[Angel Smile]

شوفت كتيير ياما وشوش
تبتسملك بوش بشوش
و مخبية حقيقة عنيها
تحت ابتسامتها بخبث علينا

[فتحى عيسى]

مشكلة هيا ولا طبيعة بشر
هي تكتب تلاقي الكل انتشر
والجدع يكتب ويكتب ويكتب
ولا حس ولا خبر

[ويبقى الأثر]

القلب الطيب م الماضى مبيتعلمش
بيفتح دايما بابه وللحب مبيرفضش
عشان كده بيتألم وللنصيحه مبيسمعش
علطول بيعطى ويسلم لناس مبترحمش

[Angel Smile]

طول عمرى اسئل ع الحرية
ازاى تجرب و هى فين دية
بصيت لجرانى و شوفت عصفورة
بتخرج من القفص و تطير فرحانة
عرفت ساعتها معنى الحرية انك تتأسر و تتحرر و تبقى مية المية ^^

[ويبقى الأثر]

طيب قوليلى ياأمى فى إيدى
إيه
قلبى موجوع عليكى وع اللى انتى
فيه
بدموعى اكتب حروفى حاسه بوجعك
عليه
متزعليش ده ابنك عريس للملايكه قومى
زفيه

[الرحــاال المٌتَمرد]

قولتله بلاش تنزل وفضلت أحايلو
قالى يامه دي مصر وعشانها أموت
وأديه أتلف فى الكَفن وسط زمايلو
دمه إتهدر والحق مالهوش صوت

[ويبقى الأثر]

الدنيا رحلة سفر
وكل منا له دور
أمشى وغيرى ينتظر
فقير كان او امبراطور

[جبل عالي]

هاستنى لآخر نفس جوايا تهدى الدنيا عليا وتبتسم وان مكنش يبقا دي نهاية مكتوب وقدر عليا إترسم

[Angel Smile]

هطلع اخر هم بنفس من سجارة معايا
فيها هبطل خوف و قلق و اتخلص من هوايا
ولا استنوا ده يوم التغير جيه معايا
هسبها تتنفس من الهوا بعيد عن غُنايا