::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
عودة
الكاتـب : نزارالفاضل - آخر مشاركة : وليد الطويل - مشاركات : 1 -
&&&&& الفراق&&&&&
الكاتـب : وليد الطويل - مشاركات : 98 -
فجر جديد
الكاتـب : احساسى صحيح - مشاركات : 0 -
قوانين
الكاتـب : نزارالفاضل - آخر مشاركة : وليد الطويل - مشاركات : 5 -
عتاب
الكاتـب : gntlsoll - آخر مشاركة : منيرة محسوب - مشاركات : 10 -
عتاب
الكاتـب : gntlsoll - آخر مشاركة : وليد الطويل - مشاركات : 1 -
سيناء الحب
الكاتـب : نزارالفاضل - آخر مشاركة : ياسر عبد الباقي - مشاركات : 15 -
يناديك النبض
الكاتـب : فادي العراق - آخر مشاركة : fanaa - مشاركات : 15 -
أوله
الكاتـب : خالد عبد الحميد المصرى - آخر مشاركة : محمد خلاف - مشاركات : 1 -
نداء
الكاتـب : فادي العراق - آخر مشاركة : ياسر عبد الباقي - مشاركات : 10 -
جلا جلا....
الكاتـب : مارد الغضب - آخر مشاركة : ياسر عبد الباقي - مشاركات : 9 -
بقلمي🖤
الكاتـب : ana aboodya - آخر مشاركة : aboheba - مشاركات : 5 -

إضافة رد
 
LinkBack أدوات الموضوع انواع عرض الموضوع
قديم منذ /06-03-2013, 08:01 PM   #1

مشرفة سابقه

 

 رقم العضوية : 91212
 تاريخ التسجيل : Dec 2012
 العمر : 27
 الجنس : ~ امرأة
 المكان : الدنيا
 المشاركات : 28,342
 الحكمة المفضلة : ومن الناس من يعجبك قوله في الحياة الدنيا ويشهد الله على ما في قلبه وهو ألد الخصام
 النقاط : OM hammany has a reputation beyond reputeOM hammany has a reputation beyond reputeOM hammany has a reputation beyond reputeOM hammany has a reputation beyond reputeOM hammany has a reputation beyond reputeOM hammany has a reputation beyond reputeOM hammany has a reputation beyond reputeOM hammany has a reputation beyond reputeOM hammany has a reputation beyond reputeOM hammany has a reputation beyond reputeOM hammany has a reputation beyond repute
 درجة التقييم : 2783264
 قوة التقييم : 1392

OM hammany غير متواجد حالياً

 

 

 

 

 

أوسمة العضو
افتراضي الحلقة السادسة | من حوار جرئ مع الرحال






السلام عليكم ورحمته وبركاته


ترتعش الحروف ويهذي القلم
وينبض القلب
بأحاسيسه المفعمة بالنقاء
ما هو الا بصمة ابداع دوما ترتقي للافضل
هو من يملك في محرابه ألف كلمه وكلمه
كلها تجتمع في بهاء وإجلال
تقبل السطور بإمتنان القبل

امير الحرف وعازف قيثارة النظم
صاحب الكلمات الملا ئكيه
التي لا تليق الا بالصوت الفيروزى



الرحــاال المٌتَمرد






اهلا وسهلا بيك يا ايمن
منور حوار جرئ


أهلا وسهلا يا سَما
وميرس على الإستضافه


طبعا انت من متابعين البرنامج
ياتري كنت متوقع وقوعك ضحية برنامجنا قريب؟


لا الحقيقه ماتوقعتش ولا ظنيت إني أكون ضيف


انت بئا ايه حكايتك
تقريبا كان ليك دور واضح في كل حلقه بعملها
لازم اسمك يجي انت غاوي مشاكل ولا ايه ظروفك
مزعل الناس ليه كدة ؟


إسمي دايماً بيٌذكر في إستضافاتك لانك بتستضيفى رواد الاقسام الأدبيه
ولان قِسم الإبداعات مِن الأقسام المٌهِمه وإللى لٌه رواده فـ لازم يكون فى مشاكل وخلافات ولايٌمكن هتلاقى قِسم لٌه شَعبيه بدون مشاكل , أو خلينا نقول خلافات .
وبالعكس أنا شخصياً مِن بحب المشاكل لكن المشاكل بتتولد مِن خلافات فى وجهات النَظر أو على إختيارات التَكريم أو نتايج المٌسابقات
طبيعي هتلاقى صاحب التَكريم أو إللى حصل على مركز فى أى مٌسابقه راضى جداً عَن النتيجه وعَن الإختيارات , وإللى النتايج أو الإختيارات ماكَنتش في صالحٌه هيحس بـ ظٌلم وتَربٌص .
ومِن حٌسن حَظي إنك إستضفتي الأعضاء إللى مِنهٌم في خلافات شَخصيه معايا , شىء لٌه علاقه بـ الحٌب والكٌره "القبول وعَدم القبول" .
لَكن أنا إللى بيتعامل معايا عَن قٌرب بيعرف إني بعامل الناس سواء , مِش بفرق بين عضو والتانى حتي لو فى خلافات بينا .





قريب اتعين مشرفات جدد ع الاقسام الادبية
واتشال الرحال من الابداع الادبي
ياتري ايه ردك ؟




القرار كان بَعد خلاف وسوء تفاهٌم
وأنا طَلبت إعفاء مِن المَهام المٌكلف بيها ودا قرار أنا بَفكر فيه وطَلبتٌه أكتر مِن فَتره .
وكٌنت على عِلم بإن هيتم إعفائى مِن الإشراف على قِسم الإبداعات والإكتفاء بـ إشرافي على قِسم العاميه . فـ القرار ماكنش مٌفاجىء ليا .


اقتباس:
واليوم إسمي إتشال مِن جَنب الإبداعات الأدبيه .
وقريباً إن شاء الله العاميه وإغلاق المدونه دي .
عاوز أخد قرار أخير وأتمسك بيه ,, إني أنعزل عَن العالم
وأترٌك عالم الــ نت خالص ,, لـ أسباب كتير .

الله المٌستعان .

الكلام دا مقتبس من مدونتك
توضيح بئا ؟



كتير بـ نمٌر بـ حاله نَفسيه سيئه وبنقرر إننا نِبعد عَن العالم شويه .
شىء مِن العٌزله , فـ قرار إغلاق المٌدَونه مِش مٌرتبط بـ حَركه الترقييات
والكلام دا يعرفوا كويس المٌتابعين لـ مدونتي .
لان مِن قبلها بـ فَتره وأنا معنوياً مِن تمام .
أما بـ النِسبه لـ قسم العاميه فـ سبق ووضحت إني طَلبت الإعفاء مِن الإشراف بشكل عام .
لكن لما كان قرار الإداره بـ إني أستمر كـ مٌشرف لـ العاميه خلاني أصبٌر
علشان مَحدش يٌربط بين تَرك قِسم الإبداعات وبين طلب الإعفاء






اقتباس:
قريباً ,,

"وداعاً بنات مصر"

دي قصيدة ولا حقيقة يا ايمن
وياتري ايه داعي الكلمات دي ؟



مِن فَتره كان كٌل يوم مشاكل وخلافات بين الأعضاء
مٌعظمها ماكٌنتش طَرف فيها , لَكن حسيت بـ المَلل
أنا بـ حِب أعيش في هدوء وبترك أى مكان فيه مشاكل
فـ قررت إني أترك المٌنتدي ,
بَعدها الأمور بدأت تتحَسن شيئاً فـ شىء لَكن قررت أرجع مَصر
وأكيد في الأجازه مٌش هتواجد نهائياً وياعالم لما هَرجه هَدخٌل تانى ولا لاء
ودي كانت أحد الاسباب إني أقرر أترك الاشراف .
فـ مِن حَق الناس إللى بنِحترِمهٌم وإستفادنا مِنهٌم إننا نِذكٌرهم بـ الخير
ونهديهٌم قصيده لعلها تكون الأخيره .



نيجي بئا للأقسام الادبية
تقريبا دي محور الخلاف والسبب الرئيسي
في كل مشكله و
الاعضاء شايفه انها مبتاخدش حقها
برغم كل الاهتمام اللي بتديه للقسم
او الاعتراض ع مسابقات القسم ؟



إرضاء العِباد غايه لا تٌدرك
لَكن أكيد فيه أعضاء كتير بيشكروا فـ الإختيارات هٌما أصحاب التكريمات
وعادي جداً يكون فى نِسبه مٌتضرره مِن النظام المعمول بيه
لَكن مِش مِن المنطقي إن اليوم تبقى حاصل على تَكريم
وبٌكره ماحصلتش على مَركز في مٌسابقه فـ تتِهم بـ المٌجامله !!
إختلاف الأقسام الأدبيه عَن غيرها هو إن كٌل كاتب بيشوف نَفسٌه "أحمد شوقي"

أبداً مِن بيقتنع إنٌه حَتي لو الأفضل وارد جداً مايبقاش موفق فى مٌسابقه
معايير الإختيار فـ أى مٌسابقه بترجع لـ وِجهه نَظر عضو اللجنه
وأنا كتير شاركت فى مٌسابقات وخسرت مفيش مٌشكله
كٌنت أوقات الأفضل وأوقات أقل مستوي , ومِش نهايه العالم يعني
المَكسب هو روح التنافس وإن كٌل شَخص يخرج أفضل ما عندٌه
أنا مِن أفضل القصايد إللى كتبتها فى مٌسابقه خَرجت فيها مِن أول مَرحله
مٌسابقه المٌشرفين "عـ الفاضى والمليان"
كٌنت موفق فـ مرحله وتانى مَره ماكونتش موفق ,, أمر طبيعي
لَكن التشكيك فـ النوايا والإتهام بـ المٌجامله
شماعه لكٌل عضو ماأخدش مَركز فـ مٌسابقه أو ماتمش إختيارٌه في تَكريم .


ياتري شايف ان الاقبال الكثيف اللي ع الأقسام
وتنوع الفكر واختلاف الشخصيات
هو السبب ورا المشاكل دي ؟


في الاقسام الأدبيه إنتي بتتعاملي مَع نفوس
حٌب الذات والإتهام بـ المٌجامله مِن الغالبيه إن لم يَكٌن مِن الجَميع
إزاى ترضي الكٌل !!
يبقى نحٌط قانون حتي لو مِش الأفضل ونتبعٌه
والمٌساواه في الظقلم عدل
القناعه التامه بـ الإختيارات وطالما بعيده عَن أى حسابات وصداقات هي المٌتبعه
اصدقاء ليا زعلوا مِن نتايج وبعدين تفهموا الوضع كويس
أنا مِش بخشي الإتهام بالمٌجامله ولا بعمل لٌه أى إعتبار في إختياراتي ,,
لحَل الوسطي لا يٌرضى أى طرف ,
والغريب إن الكٌل بيتهم بـ المٌجامله , أومال بنجامل مين !!
نِسبه التفوق بين الأعضاء مِش النسبه الكبيره ولا الشاسعه
يعني أكيد التقييم لازم يكون مٌتقارب مِن بَعضٌه وكذلك التكريمات
يبقى إللى ماكنلهوش نَصيب اليوم بٌكره هيتكرم
وإللى ماحصلش على مركز فى مٌسابقه يتحدي
نَفسٌه ويكتب الأحسن علشان يثبت لـ نَفسٌه أولاً إنٌه الأفضل وكمان يقنع غيرٌه .
والحٌكم لـ المٌتابعه والقارىء
ودعمهم وتحفيزهم أهم كتير مِن الأوسمه إللى فى الملف الشخصي .


ليه الاعضاء شايفين الرحال العقبه او المشكله
في الاقسام الادبية ؟



خلينا نبعد عَن نَظره التعميم لان اللى رافضين وجودي في الإبداعات قله
والغَريب إنٌهم تم تَكريمهٌم قبل أو مٌعظَمهٌم
والتَكريم بيكون مٌتفق عليه مِن مٌشرفين القِسم
يعني لما بنزل تَكريم بيكون مٌتفق عليه بينى وبين دَمعه
وكَذلك لما هي بتنزل تَكريم ,, يعني فى توافق في الإختيارات
يعني لو عضو ماكنش في مواضيع التَكريم
إللى نزلتها مِش معناه إن تَكريمٌه ماكنش إختياري
نٌقطه تانيه : إن إللى بيزعل إنهارده وبيتهمني
بـ المٌجامله كان بيشيد بيا إمبارح وبيقول فيها كٌل كلام المَدح ,, يبقى هِنا فين المبدء !!
كٌلنا بَشر ووارد جداً نِغلط , أنا مابقولش إني مِش بغلط ولا كٌل قرارتى صح
لَكن طالما النوايا سليمه ومفيش تَربٌص ولا تصويب أخطاء هتمشى الأمور
وشخصياً بَحترم جداً الشخص إللى بيعاتبني بينى وبينه علشان اوضح لٌه وجهه نَظري
سواً عَن تَكريم أو عَن نتيجه مٌسابقه
لَكن ربنا يِعلم إني ماحطيت
أى إعتبارات شخصيه أو
أى خلافات فى إختياراتي أو أى تقييم بقيمه فى مٌسابقه في الإبداعات أو قسم تاني .


بعض الاقلام المميز لما تعبر عن احتجاجهها عن خطأ معين من وجهة نظرها
بأعتزال القسم
او الابتعاد لفترة
ودا بيحصل كتير في الاقسام الادبية
تفتكر ان في مصلحة الاقسام
يعني ممكن يخفف من ضغط الاعضاء والمشاحنات ولا بالعكس ؟




بالعَكس كٌل ما زاد عَدد رواد الاقسام الأدبيه كٌل ما كان فى فٌرصه أكبر للمٌنافسه
لَكن أتذكر المٌنافسه الطيبه والقائمه على الإحترام المٌتبادل
إللى كانت بتجمعني زمان مَع الخلوق قلب وكلمات
والأخوه طبيب الهوي وكريم عاصم
وشاعر الإحساس وغيرهٌم مِن المٌبدعين ,
مكنش في أبداً أى عدائيه لـ الغير والمَكسب الأهم هو المٌشاركه والتنافس بينهم
وفى طبعاً أعضاء كتير دول على سبيل الذِكر وليس الحَصر ,
والحَل مِش فى الإبتعاد ولا هِجره الأقسام قد ما هو قناعه بـ إن موهبتك بتفرض نفسها على الجميع
ومِن الأفضل إن العضو يناقِش سلبيات القِسم مَ
ع المٌشرفين عليه ووجود حل وسطي أو توضيح لـ سبب الخلاف أفضل وفى صالح العضو والقِسم .


ايه الحل اللي ممكن نعمله
علشان نقنع كل الاطراف في المسابقات
اننا بعيد عن المجاملات والمحسوبية وغيرها ؟



سبق وقولت إن إرضاء العِباد غايه لا تٌدرك فـ مفيش ابدأً حل هيرضى جَميع الأطراف ودا حتي على مستوي الواقع وأى مجال فيه مٌشاركه وتنافس .
الحل الوحيد هو أن يسود الإحترام والإختلاف مايخرجنا عَن النَص ويخلينا نِهتم غيرنا ونذِم فيه .
هو إن كٌل شَخص يكون عَندٌه ثقه فى نَفسٌه وفي مَوهبتٌه ومايبقاش التَكريم أو الأوسمه هي الشىء إللى هيضيف لٌه . فى أعضاء كتير بـ اللون الأخضر حصلوا على أوسمه فى مٌختلف المٌسابقات كـ السفيره عزيزه وليدي ليد وغيرهٌم مِن الأعضاء إللى أصبحوا مٌشرفين ف الوقت الحالي . يبقى مَفيش فِكره المٌحاباه لـ لون أو لـ صداقه .



حاليا ايه اللي ناقص الاقسام الادبية علشان تفضل الافضل

وايه اكتر حاجة مفتقدها ايمن سوا في الاقسام الادبية او في السايت عموما ؟



شخصياً الشىء إللى بَفتقدٌه هو الوِد , هو إننا نِجتمع هِنا لـ الإستفاده والتفريغ عَن النَفس , مٌش العَكس .
والأقسام الأدبيه بتحتاج مرونه فى التعامٌل مَع رواد القِسم علشان التقليل مِن الخلافات والمشاكل .
ودا هيكون متوفر فى وجود الزميلات إللى تَم تَعيينهٌم جداد والسابقين , وبتمني لهٌم التوفيق فى الحفاظ على مكانة الأقسام الأدبيه .



وافقت ليه ع الاستضافة ؟



يِمكن فى أعضاء كتير ومِن إللى بٌعاد عَن الصوره بيشوفوا الإتهامات والاقاويل مِن هِنا وهناك فـ مِش بتوصل الصوره الصحيحه عَن طبيعه الخلافات إللى هيا بالاساس إختلافات شخصيه وبتتحول لـ إنتقاادات لـ إداره الأقسام والإتهام بـ المٌجامله وغيرها .
والموضوع كان فٌرصه لـ التوضيح ولـ الرد على كٌل الأسئله الشائعه .



ابعت نصيحة ورساله من الرحال لكل اللي رواد الاقسام الادبية
وكمان لكل الاعضاء الجدد اللي بيستفيدوا منك ؟



هقول لـ رواد الأقسام الأدبيه غنٌكم الأميز مَهما كان لون العضويه أو عَدد الأوسمه فى ملفاتكٌم الشخصيه لانٌكم بتتمعتوا بـ موهبه بتمَيزكٌم عَن غيركٌم ,
فـ الأفضل مِش البَحث عَن جَمع أكبر عَدد مِن الأوسمه ومايبقاش دا هو الهَدف الاهم مِن تواجٌدكم لان دا بطبيعه الحال هيحصل لَكن لو ركزتٌم في أن كٌل عضو يرتقي بـ مستواه الأدبي .
ومَفيش شَخص بيوصل لـ مَرتبه عاليه غير لما يَحترمٌه الناس أولاً فـ حافظوا على إحترام الأعضاء ليكٌم لان دا شىء مٌهم جداً .
وربنا يوفقكم جميعاً


ايه اللي جواك كان نفسك تقوله وانا مسألتش عنه ؟



عَن الخلافات مَع بعَض الأعضاء إللى بيعترضوا على سياسة الأقسام الأدبيه "الإبداعات"
مفيش نظام هيكون مٌلم بـ كٌل شىء ويحقق تطلعات الجميع ويحقق العداله ,, ولما أكون مٌشرف قِسم كبير زي الإبداعات ويَختلف 3 أو 4 أعضاء على سياسه القِسم دا نجاح بـ النَظر لـ عَدد الأعضاء إللى بيقدروا المجهودات المبذوله والحفاظ على المساواه بين الجميع

وكٌل شخص يقدر يحقق لنفسه الإستقرار والنجاح بـ عقليته ومدي ثقافتٌه فى التعامٌل مع الأخرين

وأفتكر لما تولينا الإشراف مَع دَمعه حائره مكنش القِسم بـ المكانه دي وبـ مجهود دمعه أولاً ثٌم وضع قوانين لـ التَكريم وإداره القسم كـ سياسات حقق النجاح
فـ الحٌكم على مدي نجاح مٌشرف فى إداره القسم مِش هيكون بـ إرضاء الجميع قد ما هيكون كـ نشاط القسم ومكانتٌه بين الأقسام التانيه , لان لازم يكون فى مؤيد ومٌعارض لـ الطريقه المٌتبعه .
في النهايه كٌل شَخس بيعكس شخصيتٌه ومدي إحترامها وثقافتها فى تعاملٌه مَع الغير , سواً المٌتفق معاهم و المٌختلف معاهم فى وجهات النظر .



اتمني تكون الاستضافة عجبتك
وبجد نورت البراجرم



بَشكٌرك أكيد على الإستضافه والاسئله يا سما
وبتمنالك و لـ الجميع كٌل التوفيق إن شاء الله
وبتمني أني أكون كٌنت ضيف مرغوب فيه
وبعتذر لـ أى شَخص تَسبب لٌه فى أى ضرر مَعنوي
ومٌستعد لـ فَتح صفحه جديده مَع أى شَخص زعلان مِني عَن أى تَصرٌف صدر مِني .
شٌكراً سما .



اترككم في رعاية الله وسلامته
والي لقاء جديد من حوار جرئ










التعديل الأخير تم بواسطة ۩۩ elMagic ۩۩ ; 06-04-2013 الساعة 12:15 AM
  رد مع اقتباس
قديم منذ /06-03-2013, 09:23 PM   #2

مشرفة سابقه

 

 رقم العضوية : 82761
 تاريخ التسجيل : Apr 2012
 الجنس : ~ بنوتة
 المكان : أسيوط
 المشاركات : 13,448
 الحكمة المفضلة : إتق الله يجعل لك مخرجا
 النقاط : ☆منة الله☆ has a reputation beyond repute☆منة الله☆ has a reputation beyond repute☆منة الله☆ has a reputation beyond repute☆منة الله☆ has a reputation beyond repute☆منة الله☆ has a reputation beyond repute☆منة الله☆ has a reputation beyond repute☆منة الله☆ has a reputation beyond repute☆منة الله☆ has a reputation beyond repute☆منة الله☆ has a reputation beyond repute☆منة الله☆ has a reputation beyond repute☆منة الله☆ has a reputation beyond repute
 درجة التقييم : 7373548
 قوة التقييم : 3687

☆منة الله☆ غير متواجد حالياً

 

 

 

 

 

MY MmS

أوسمة العضو
افتراضي

حوار جميل سما لصاحب قلم مبدع
وفضله على الاقسام الادبيه لاينكر
والخلافات اللى كانت بين رحال وبعض الاعضاء زى ماذكر على نتايج بعض المسابقات
واتهامه بالمحاباه لبعض الاعضاء فده طبيعى اى حد ممكن يتعرض ليه
وانها مش كانت لسبب شخصى او اساءه لحد فى معاملاته
واخلاق رحال الكل يشهدلها
وانا بتمنى انه يشيل فكرة ترك المنتدى من دماغه
ويفضل منور قسمه العامى اللى بناه بمجهوده وكان سبب فى انشاءه
استمتعنا بالحوار الراقى سما
شكرا ليكى







  رد مع اقتباس
قديم منذ /06-03-2013, 09:56 PM   #3

*وتر يقطر ألـم*

 

 رقم العضوية : 56493
 تاريخ التسجيل : Nov 2010
 الجنس : ~ امرأة
 المكان : القاهرة
 المشاركات : 40,960
 النقاط : جبل عالي has a reputation beyond reputeجبل عالي has a reputation beyond reputeجبل عالي has a reputation beyond reputeجبل عالي has a reputation beyond reputeجبل عالي has a reputation beyond reputeجبل عالي has a reputation beyond reputeجبل عالي has a reputation beyond reputeجبل عالي has a reputation beyond reputeجبل عالي has a reputation beyond reputeجبل عالي has a reputation beyond reputeجبل عالي has a reputation beyond repute
 درجة التقييم : 5831551
 قوة التقييم : 2916

جبل عالي غير متواجد حالياً

 

 

 

 

 

أوسمة العضو
افتراضي

استضافة جميلة وأسئلة ذكية وإجابات ذكية أيضا

تحيتي وتقديري

واتمنى لك كل الخير رحال







  رد مع اقتباس
قديم منذ /06-03-2013, 10:17 PM   #4

مشرف الخزعبلات والنقاش

 

 رقم العضوية : 34053
 تاريخ التسجيل : Oct 2009
 الجنس : ~ ذكر
 المكان : سوهاج
 المشاركات : 45,152
 الحكمة المفضلة : واثق الخطى يمشي ملكآ ( نور هلال )
 النقاط : big bốss has a reputation beyond reputebig bốss has a reputation beyond reputebig bốss has a reputation beyond reputebig bốss has a reputation beyond reputebig bốss has a reputation beyond reputebig bốss has a reputation beyond reputebig bốss has a reputation beyond reputebig bốss has a reputation beyond reputebig bốss has a reputation beyond reputebig bốss has a reputation beyond reputebig bốss has a reputation beyond repute
 درجة التقييم : 4672241
 قوة التقييم : 2337

big bốss غير متواجد حالياً

 

 

 

 

 

أوسمة العضو
افتراضي

الرحال المتمرد

اسم ع مسمى


اتمنالك التوفيق

و اسئله جميله يا سما و اجابات حلوه

بالتوفيق







  رد مع اقتباس
قديم منذ /06-03-2013, 11:07 PM   #5

موقوف
 

 رقم العضوية : 91586
 تاريخ التسجيل : Jan 2013
 الجنس : ~ ولد
 المكان : اللا مكان
 المشاركات : 15,772
 الحكمة المفضلة : في كل الأشياء ابحث عن ذاتك انت دون النظر لعيوب ومميزات غيرك
 النقاط : نجم وزهره ومسافات فراق has a reputation beyond reputeنجم وزهره ومسافات فراق has a reputation beyond reputeنجم وزهره ومسافات فراق has a reputation beyond reputeنجم وزهره ومسافات فراق has a reputation beyond reputeنجم وزهره ومسافات فراق has a reputation beyond reputeنجم وزهره ومسافات فراق has a reputation beyond reputeنجم وزهره ومسافات فراق has a reputation beyond reputeنجم وزهره ومسافات فراق has a reputation beyond reputeنجم وزهره ومسافات فراق has a reputation beyond reputeنجم وزهره ومسافات فراق has a reputation beyond reputeنجم وزهره ومسافات فراق has a reputation beyond repute
 درجة التقييم : 2475116
 قوة التقييم : 0

نجم وزهره ومسافات فراق غير متواجد حالياً

أوسمة العضو
افتراضي

أنا أول مره أشوف مشرف كبير بيتكلم مع الصراصير في مكان المفترض أنه منتدى !
والغريب ناس جايين يمدحوا ويهللوا وكأن الأمر عادي جدا !
بأمانه
ربنا يكرمكم
تسلموا حقيقي
وأنا مش هرد أكتر من كده
موفقين ياكرام







  رد مع اقتباس
قديم منذ /06-04-2013, 12:23 AM   #6

موقوف
 

 رقم العضوية : 83443
 تاريخ التسجيل : Apr 2012
 الجنس : ~ رجل
 المكان : أسيوط
 المشاركات : 99,892
 الحكمة المفضلة : طأطأ الرأس تسلم وأمتثل للأمر تغنم
 النقاط : العاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond repute
 درجة التقييم : 2188998
 قوة التقييم : 0

العاشق الذى لم يتب غير متواجد حالياً

إرسال رسالة عبر Yahoo إلى العاشق الذى لم يتب إرسال رسالة عبر Skype إلى العاشق الذى لم يتب

 

 

 

 

 

MY MmS

أوسمة العضو
افتراضي

بسم الله
الشكرواجب لصاحبة البرنامج وملكة جمال المنتدى وزعيمة المذيعين سما
أخويا الغالى أيمن
أعتب عليك على حكاية الصراصير
بالرغم من انها جاءت بها سما من مدونتك
كمان تعرف أن السماح من طبع الكرماء والمتقين
مهما يكون بينك وبينه اقصد من سببته ووصفته الصرصار وراكب الحمار قصدى كلب يعوى
ماأجمل أن أسبك وأنت تقول لى ربنايسامحك
اعلم أن لك طاقة وأغلب الظن أنك بشر
ولكن لوسمت روحك وفعلت لكان أجدى وانفع
ولك من عندالككريم الاجر
نرح أنك أتهمتنى بأنى بكرهك وذلك واضح فى ردك

ومِن حٌسن حَظي إنك إستضفتي الأعضاء إللى مِنهٌم في خلافات شَخصيه معايا , شىء لٌه علاقه بـ الحٌب والكٌره "القبول وعَدم القبول" .
وباعتبار كنت سابق حلقتك بحلقة تقريبا
إذن الأمريعننينى
أبدا والله لم ولن يكن بينى وبينك أى عداوة ولا خصام ولاعتاب ولاأى من معكرات الجو
بل أكن لك كل أحترام
والذى نفسى بيده ماكرهت أحدا هنا البتة
حتى التى سبتنى وشتمتنى مباشرة ماكرهتها ولاغضبت منها غير أنى قلت لها جزاك الله شكرا لأنك أهديتينى حسناتك
فكيف تقول أنى أكرهك
ممكن أعزعل شوية أو آخد على خاطرى شوية
ولكن لاتصل للكره ياسيدى الفاضل
كلنا هنا أخوة متحابون يجمعنا مكان واحد تلاقينا من بلاد شتى ومن جنسيات شتى
ولابد لنا من المحبة والتسامح
وليست الأوسمة أو المشاركات هى مكسب بقدرماهى إلا تشجيع من أجل العطاء
وفى النهاية أطلب منك أن تعفوا عمن ظلمك وتصل من قطعك وتهدى الناس محبة يهديك الله رضاه
شكرا سما
شكرا ايمن
مودتى







  رد مع اقتباس
قديم منذ /06-05-2013, 05:30 PM   #7

مشرف سابق
 

 رقم العضوية : 87023
 تاريخ التسجيل : Jul 2012
 الجنس : ~ رجل
 المكان : قلب حبيبتى
 المشاركات : 8,190
 الحكمة المفضلة : الاخلاص فى العمل هو سر النجاح
 النقاط : ابراهيم دياب has a reputation beyond reputeابراهيم دياب has a reputation beyond reputeابراهيم دياب has a reputation beyond reputeابراهيم دياب has a reputation beyond reputeابراهيم دياب has a reputation beyond reputeابراهيم دياب has a reputation beyond reputeابراهيم دياب has a reputation beyond reputeابراهيم دياب has a reputation beyond reputeابراهيم دياب has a reputation beyond reputeابراهيم دياب has a reputation beyond reputeابراهيم دياب has a reputation beyond repute
 درجة التقييم : 274650
 قوة التقييم : 138

ابراهيم دياب غير متواجد حالياً

أوسمة العضو
افتراضي

حوار رائع وشيق

وضيف محترم جدا

وسما محاورة رائعة

دمتم بكل ود وننتظر الجديد من الحورات الشيقة البناءة

ابراهيم







  رد مع اقتباس
قديم منذ /06-05-2013, 07:57 PM   #8

 

 رقم العضوية : 93124
 تاريخ التسجيل : Jun 2013
 الجنس : ~ أنثى
 المشاركات : 1
 النقاط : بسمه الصباح will become famous soon enough
 درجة التقييم : 50
 قوة التقييم : 0

بسمه الصباح غير متواجد حالياً

أوسمة العضو
افتراضي

ياجماعه انا لسه مسجله جديد فى المنتدى ومش فاهمه حاجه







  رد مع اقتباس
إضافة رد

الكلمات الدلالية (Tags)
الحلقة, الرحال, السادسة, جرئ, حوار


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
انطلاق الحلقة السادسة و ( ساع ــة مع morshooo ) morshooo منتدى يوميات الاعضاء 194 01-13-2013 06:06 AM
البرنامج الحلقة السادسة(كاملة DESERT يوتيوب - موقع يوتيوب - يوتيوب فيديو - مقاطع يوتيوب 6 01-06-2013 12:37 PM
نساء فى حياتى الحلقة السادسة عشر عازف الكلمات قصص - روايات - حكايات ...منقولة 5 11-17-2012 02:57 PM
مسلسل ابن ليل - الحلقة السادسة ۩۩ سيد الشرقاوي ۩۩ يوتيوب - موقع يوتيوب - يوتيوب فيديو - مقاطع يوتيوب 0 07-27-2012 01:29 AM


الساعة الآن 12:11 AM


Powered by vBulletin® Version 3.8.7
Copyright ©2000 - 2020, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w