مشكله هامه

السلام عليكم

مش عارف اقولكم أيه ؟

دايما في أخر الامتحانات نتجمع عند بيت وحده من البنات

ونروح عندها وما يكونش في حد من اهلها في البيت

علشان ناخذ راحتنا ومنتكسفش

المهم قضينا اليوم لعب وهزار ومقالب وزعل وكان يوم جميل

المفجأه أنه في وحده من البنات مخطوبه وكانت معانا

صحبتنا بردوا والخطوبه ما تفرق حد عن اصدقائه

لكنها قالت كل شئ لخطيبها بالتفصيل الملل

وخطيبها قال لأصحابه علشان يضحكوا

وكان قاعد معاهم أخ لوحده من صحباتي

ولما سمع الكلام وشاف اسم اخته منهم

ذهب للبيت وهو متعصب وفضل يزعق في اخته وضربها

وانا كنت عندها وشايفه كل دا وبعدين مامتها اجت بعدتت اخوها عنها

وقالتله في ايه عندها عرفنا انه صحبتنا المخطوبه قالت كل شئ لخطيبها

وقاعدين يضحكوا علي ويقولوا الفاظ وحشه

انا مقدرتش امسك اعصابي ومشيت من عندها وروحت لبيت صحبتي المخطوبه

وقولت ليها علي الي حصل ولومتها وزعقت ليها كتير

لدرجه انها بكت من كلامي وبعدين مشيت وسبتها

وانا وصحبتي خاصمناها وكلنا ليها كل واحد في طريق

بس باقي البنات بقولوا انه احنا غلطانين وما كنش تعملوا كدا

دي صحبتكم المفروض تسامحوها

وقاعدين يبعتوا مساجات علي الموبيل لوم وعتاب عما عملناه

الحين احنا غلطانين علشان خاصمناها ؟

احنا غلطانين علشان لومناها ؟

طيب ذنب البت ايه تنضرب من اخوها وتتهزء بسببها ؟

مش عارفه اعمل ايه

اسمع كلام مين

[نجم وزهره ومسافات فراق]

مفيش اي مبرر يا عزيزتي اصلا يخلي الانسان يقول سر
حتى لو خطيبه مخطوبه لواحد
الصح تحفظ اسرار صديقاتها وتحت اي ظروف مش تبوح بيها
انما بردوا ع الجانب التاني ممكن نقول انها انسانه نقيه وشفافه وبتتعامل بحسن نيه
وصدق عشان تثبت لخطيبها انها نقيه وممكن يكون ده طبعها فعلا
انما بردوا الاخ خطيبها ومع احترامي له
انسان غير مؤهل للامانه
ازاي يسمح يقول سر قالته له خطيبته
الصح هنا
البنت دي لازم تاخد منه موقف
لانه بالشكل ده لو حصل ارتباط وزواج ممكن يكون غير امين عليها
ومحتمل يكون ده عيب اصيل فيه
عن السماح
لا لازم تسامحوها طبعا ده ربنا بيسامح
وعن موضوع الضرب
ان ضد ضرب اي انسانه تحت اي ظروف ومش بحترم الهمجيه ابدا ولا العدوانيه تحت اي مبرر
ونصيحه وجهيها لصاحبتك المخطوبه
لازم تراجع حساباتها وتعمل وياه موقف
وربنا يهدي لكم الاحوال

[-esraa-]

هو الغلط منكم كلكم ..
لان اولا مش المفروض من صحبتك المخطوبة دي تحكي كل حاجة بالتفصيل لخطيبها ,,
ولا انها تجيب سيرتكم قدام احد عشان يضحك وكده ,,

تاني حاجة انتوا تقدروا انكوا تلوموها وتحسسوها بغلطها بطريقة حلوة ,,
بس لو انتوا صحبات بجد عمركوا ما تزعلوا من بعض حتى ل حصل على طول هترجعوا لبعض ,,

ربنا يوفقكوا ,,

[jasmean]

بصراحه انا لو منك مش اكلمهآ تاني
لانها جابتلي الكلام وبسببهآ شباب قعدوآ يضحكوآ عليآ انا واصحابي
ممكن تكون مش قصده كل دآ بس برضوآ مش هبقي معاها زي الاول
مش هيبقي في هزار اوي معاها وهيبقي كلام علي السريع وخلاص

[اميره الشعر الشجين]

بصر احه اصلا انتو بتشغلو عقولكو بشىء مش فى وقته بس بصراحه كلكم غلطانين

[ارهابية وامى عرفة]

حبيبتى انتى وصحبتك صح ومتسمعيش لحد

الان الاصحاب الحقيقين مش ينفع يخرجو اصرار بعض بر حتى لو لخطبها

وانتى لو رجعتو وصلحتوها هتعمل كدة تانى وشوفى بقى الكلام الى هيتقال من شباب اد اية

[♥SaRa]

انا بقولـ ان انتي كدة مش غلطانة في حاجة الا انك قطعتوا علاقتكوا بيها لان مهما هي برضوا كانت في يوم زميلتكم وصديقتكم بس كان ممكن تلوموها بطريقة بحيث مش تعمل كدة تاني
واما بالنسبة ليها فا هي غلطانة من اول الحكاية لان كل البنات بيبقي بينهم اسرار مينفعش تحكيها لحد حتي لو مامتها مش خاطبها
وتقبلي ردي بصدر رحب

[~♥ Queen sozan♥~]

هو الى الاسف دالوقتى البنات المخطوبة مش بيلقو كلام من كتر ما بيرغو مع بعض
فا بيجيبو سيره صحباتهم لان هيتكلمو فى اية !
بس هو غلطان لان خطيبتو قالتلو حاجة يقولها الى الناس لية !
واهو درس تتعلمو منو ان تاخدو بالكم من البنات الى مش بيتبل فى بقها فولة

[ღ Gի๐sτ ღ]

الصاحب اللى يحكي اسراره للغير ميبقاش صاحب !
قطع العلاقة معاها افضل