انا مش روميو

[تاجر الاحزان]

انا لا وسيم ولا شيك

ولا فى كلامى فكهانى

ولا قولتلك انا روميو التانى

ولا انجليزى ولا فرنساوى

انا بسيط ولونى قمحاوى

لا سحرت كام بت

ولا كنت حاوى

ولا بنيت ع الهوى قصور

ما انا لاجن ولا مخاوى

هو الانسان ايه

غير قلب طيب...وحنين ...وصادق

ومن غيرهم ايه يساوى

انا بحبك

وزرعت حبك فى ارض طيبه

والمحبه والصدق تقاوى

والمياه كانت دمى

والشريان هوه الراوى

عملت من حبك روايات

و قصص وحكاوى

قولتها للعاشق والمجروح

و اللى هاوى

يسمع كلام الحب ..

وللعشق ناوى

حملت حبك على كتفى

رسمت صورتك على كفى

وجبت ربابه وفحبك غنيت غناوى

فى الشوارع والحوارى وع القهاوى

مفكرتش من يوم ما حبيتك

ارسم ولا اذوق فكلامى

ولا اعمل ولا البس حاجه

مش من مقامى

من يومى على كده

وانتى عرفانى

ميرضيكيش علشان بحبك

يقولو قلانى

غيرت من شكله ومنظره

وعمر الناس ما هترجع تنظره

زى حاله الاولانى

انا بحبك وحبك شيئ جميل جوايه

يا منوره ليلى يا قمره و سهرايه

وان كان على الشياكه

عندى مُهره وجلبيه وقفطان وعبايه

ولا حد كاسر عينى

واللى يقول غير كده

اقولو اخرس يا قليل الربايه

يا زهرة البنفسج

يا عود الريحان

يا فُله بتنسج

عطرها فكل مكان

انتى الوحيده اللى عرفانى

وعارفه قد ايه حبك كوانى

وعارفه ومتأكده

انى انا مش روميو التانى
...............................
محمود عيد

[رووكه]

تسلم اخى القدير على طرحك

ننتظر منك الحصرى لنا والمميز

كل الشكر والتقدير لك دعواتى

[اسيل الفلسطينية]

سلمت يدآك..
على جميل طرحك وحسن ذآئقتك
يعطيك ربي ألف عافيه
بإنتظار جديدك بكل شوق.

[تناهيد الهوي]

يسلمووووو على الطرح الجميل في انتظر جديد

[sεηυσяιтα ησOση]

دُمتَمْ بِهذآ الع ـطآء أإلمستَمـرٍ

يُسع ـدنى أإلـرٍد على مـوٍأإضيعكًـم

وٍأإألتلـذذ بِمـآ قرٍأإتْ وٍشآهـدتْ

تـقبلـوٍ خ ـآلص إحترامي

لآرٍوٍآح ـكُم أإلجمـيله