منتدانا القرن الجاي ^_^

[phalsteen]

وانا قاعدة كدة بفكر
قولت بيني وبين نفسي ياتري
ايه اللي هيحصل للمنتدي لو عدي عليه زمن بئا
يعني الاعضاء هتتغير
والاقسام
ولا الغلاسة هتفضل زي ما هي
ولا يمكن تزيد

تعالوا بئا نشوف
انا جبت المنتديات من اول خالص بئا

دخلت قسم النقاش

لاقيت مكتوب عليه
مغلق للتحسنات
فبخبط علي الباب وناديت لجبل ونور
محدش رد عليا
قولت تلاقيهم مش موجودين
ولما جيت امشي
لاقيت في حد بيتحدف من البلكونه بتاعت القسم
فببص كدة لاقيت جبل بتصرخ وبتقول لنور
هو انا كل ما اعدل المواضيع عيالك يبوظوهم
ويضربولي عيالي
يالا انجر بئا وعيالك دول انا هحبسهم في المحذوفات
وابقي ورينا شطارتك

فانا بصراحة خوفت اتكلم وجريت ع قسم اليوميات
وفضلت ادور ع مورشو ولا شيماء
ولا كبرياء ولا اي حد في القسم
برضو ملقتش
فلاقيت واحدة صغيرة بتشدني من هدومي
وبتقولي انتي مين يا اختي ان شاء الله
قولتلها انتي مين يا امورة انا طنط نفرتيتي
قالتلي انا سوكا مورشو
بابا قالي خدي بالك من القسم
علشان هو راح فرح طنط
عروسة المنتدي

ففرحت انا قولت اللي هي كانت طفله المنتدي
دي كبرت يا ماشاء الله
وياتري مين الضحية ؟

فالبت سوكا بت مورشو
قالتلي يالا يا اختي بابا قالي مدخليش حد هنا
امشي يالا

طبعا هتجيب الرخامه منين
منك لله يا مورشو يا اخويا
هتبقي انت وبنتك علينا

وانا ماشية لاقيت حد عجوز اوي بيقولي
هو لسة بدري ع قسم الشكاوي با بنتي
قولتله لا يا بابا هانت اهي
تعال معايا اما اوصلك بئا

فقالي عارفه وانا صغير كنت امور خالص
وكنت غلس بئا وكل الاعضاء كانت بتحبني
اصلك متعرفيش المنتدي كان احلي ايام زمان

ولما وصلنا قولتله خلاص وصلنا
قالي متشكر يا بنتي وموفق
فقولتله مين ساحر ؟
قالي ايوة انتي تعرفيني

لا حول ولا قوة الا بالله
انت عجزت اوي كدة ليه

المهم وصلته وروحت اشوف الاقلام كدة من بعيد
منا مبدخولوش بئا

المهم فضلت ادور ملاقتوش
ولاقيت مكانه مكتبه كبيرة
مش بتبيع اقلام بس
لا دا كراريس واساتيك ومساطر
وكل حاجة بئا


بس بئا انا زهقت
نكمل بعدين

[Angel Smile]

ههههههههههههه يسلموا هالخياال
أضحكتينى حقًا
يا ترى ممكن يجى اليوم ال نبقى فيه عواجيز و ندخل المنتدى اصلًا :\
iهتبقى حاجة جميلة اووى

موفقة بقى يا جمييل ^_^ ~

[حلم عمري]

المنتدي اتغير اووووي
والاولاد طالعين عسل زي اهاليهم بالظبط
اوعي تدوري عليا فاهمة
مغامرة حلوة يا عسل
مستنيين الباقي بئا

[نجم وزهره ومسافات فراق]

اوبااااااااااا
قسم النقاش مغلق للتحسينات
واد يانور
انت بتعمل ايه جوا القسم يواد




شاكلوا نايم او واخد تعسيله
اه لو نور عرف يا نفرتيتي بالموضوع ده
هييجي يمسك فيكي
انا بهدي النفوس علني بس



توبيك خفيف وجميل نفرتيتي


انتظريني بخزعبلات مجنونه


موفقه يارب على طول
احترامي وودي

[شاعرة الرومانسيه]

والله انتى عسل هههههههههههههه

حتة الاولاد زى اهاليهم الناس دى

مش هتخلص ابدا ههههههههههه

فكرتينى بفيلم الناظر صلاح الدين

تسلمى ياااااااااااااقمر

[Marwan1337]

كان زمان عامل ازاى

طارق رفع فيديو و هوا زمان

و دلوقتى بسم الله

جميل

[-esraa-]

هههههههههههههههههههههه
انت عسل خالص ,,

طيب يعني كل الاعضاء عجزت ماعدا انتي ؟
يا سبحان الله

[ارهابية وامى عرفة]

ههههههههههههههههه

قسم الاقلام حرام اية الى جرى

وكمان ساحر عجز يالهوى حرام

امال انا بعد زمن هبقى عملة اذاى

نفرتيتى امال انتى عملة اذاى بقى بعد زمن

بجد تبويك جميل وخفيف

مستنية الباقى

تقبلى مرورى

[بلدنا في القلوب متشاله]

ايه يا نفرتيتي ده

انتـــي فاضيه ولا ايه
ههههههههههههه

مكنتش اتوقع ان كل ده يحصل بعد عمرٍ طويل ان شاء الله

هههههه

ايه الافكار العجيبه دي,,,ده انتي خيالك واااااسع بئا


ده انا انسحب بئا قبل ما اعجز وانا في المنتدى
ههههههههه
يلا مستنيين الباقــي,,
اما نشوف مين هيتغير تاني

[big bốss]

ههههههههههههههههههه

عيال جبل يضربوا عيالى انا

و القسم مغلق كمان يا نفرتيتى

منك لله دا انتى شحورتينا

بس سوكا عجبتنى طاله زى ابوها رخم هههههههههههههههه

خزعبلايه جامده يا سما