المرحلة الثالثة من مدرستكوا جاية تعذبكوا ؟ ..مع ثانى تلميذ 7oda

[Sєяєєη●•ʚɞ]

الله والله
وكمان جايبلى اعز الناس يفرجوا عنك ياهيثم
لا لو من ناحية مين يزهق التانى انا صبورة كنت هوديك تلعب شوية مع الكام فار الموجودين ف البدرون
بس عشان سوسو اللى بموت فيها واديتك افراج
وعشان حنون صديقتى وحبيبتى اللى قالت عليك غلبان
وعشان شاعرة الرومانسية اللى بردوا بحبها و حبيبتى وقالتلى قصيدة غزل واتنين شهود افتكرت اخرها انها هتطلب تتجوزنى هههههههه
عشانهم هما بس وبالرغم من كلمتك الشنيعه عن مدرستى الحبيبه
بالرغم انك كنت بتجاوب فيها حلو وبترغى
يلا هقولها طالعه من تحت الضرس افرااااااااااج هههههههههه

ويلا امسك شهادة التخرج وفيشى مبرووووك

[ٻڼوُﭠہ مَصَــ♥ـــرُﭜہ]

هههههههههههههههـ
كمممممممل كملللل
هانت احنا متابعين معاكــ
عشان تطلع من الــ المدرسة هههههههـ

متابعين بقى

[haytham ali]

ايوة بئا يا وديع

لو كوتوموطو مدخلتش المدرسة دي دخليها


علشان قولت لها قولي لها تطلعني قالت ولا اعرفك

[Sєяєєη●•ʚɞ]

هههههههههههههه
فينها كتموتو كانت هى اللى حكمت عاوزاها هتحكم بالفيران ههههههههه
يعنى انت اختارتها تكون بعدك
طيب هسألها اهو

[شاعرة الرومانسيه]

مبرووووووووووووووووك الافراج يا هيثم

وربنا انتى عسسسسسل سيرو حبيبة قلبى

عرفاكى قلبك كبير وحنونه والله

هو انا بحبك من شويه ههههههههه

تسلميلى ياااااااااااااااقمر

[الملكة كيلوباترا]

هههههههههههههههههههههه
ربنا يخليكى ياسيرو
دة انا اللى بموت فيكى ياقمر
والف الف مبروك على الافراج ياالحب الصامت

[Sєяєєη●•ʚɞ]

شاعرة الرومانسية ..ربنا يخليكى ليا ياحبيبتى وانا كمان بحبك
سوسو ... بموت فيكى ياسوسو


هيثم اختار حودا بعدة
انتظرونى

[Sєяєєη●•ʚɞ]

ومعانا ثانى تلميذ دبسناه ودخلناة المدرسة برجلة اليمين وايدة الشمال هو " 7oda " بييييييييييييب بييييييييب سعيد مدرس الإنجليزى ملف ثانى تلميذ أهو " 7oda " تاريخ التسجيل 01-27-2008 عدد المشاركات 5,461 اسمك هيتحط فى اول التوبيك فى قائمة التلاميذ مع هيثم التعليمات بص ياسيدى قدامك اسبوع فى المدرسة النهاردة ايه الاربعاء حلو الخروج يوم الثلاث الجاى مش هتخرخ غير بعد اما الاعضاء يحكموا عليك + تكون مختار عضو او عضوة يدخل المدرسة وراك ولو اتأخرت هنحبسوك فى اوضة الفيران ع طون والفيران جعانه بقالها فترة منورنا جدا ف المدرسة يا حودا ويلا متعنا بإجاباتك وورينا الذكريات وايام المدرسة ويلا انطلق

[Saif El Nasr]

نايس .. حلوة الفكرة

[Mahmoud Kamel]

قولنا الاول اسمك وسنك ودراستك ايه وعايشة فى اى بلد؟؟
واختار الصف اللى نفسك ترجعله تانى ؟؟

أسمي محمود مصطفي كامل
23 سنه
بدرس فِ اكاديميه المدينه للهندسه والتكنولوجيا شعبه نظم معلومات
بس مأجل بقالي كتير لظروف كده
محافظة المنيا مركز سمالوط
بالنسبه لنفسي ارجع لاي مرحله دراسيه امممم ممكن الاعداديه لانها احلي ايام قضيتها فيها

1- مدرستك كانت قريبه عن البيت ولا بعيدة؟

لا مش بعيده ولا حاجه كانت قريبه

2- كنت بتروح المدرسة ازاى بالباص ولا موترورجل؟(وسيله المواصلات)

لا معندناش باصات احنا والكلام ده ياما ابوك يركبك علي عمود الجادون بتاع العجله بتاعته لو عنده وياما ينفضلك خالص وتروح لوحدك وانا من النوع اللي كنت بروح لوحـدي بحكم ان انا الوحيد اللي في البيت اللي في ابتدائي

3- مين اللى كان بيوديك المدرسة؟ (كنت بتروح المدرسة مع مين)

اول سنتين كنت مع اصحابي بتوع المنطقه بعد كده كنت باخد اختي لانها اصغر مني بسنتين اروح وارجع بيها

4- كنت بتاخد معاك ساندوتشات ايه وانت رايح المدرسة؟

لا مش من النوع اللي يحب ياكل سندوتشات فِ المدرسه الا واذا كانت فِ رحله اعمل سندوتشات واعمل ظيطه

5-ايه اكتر ساندوتشات كنت بتكره ماما تعملهالك للمدرسة؟

ما قولنا مش كنت باخد سندوتشات اختي بس اللي كانت بتاخد انا لا

6- عمرك مرة جربت تاكل من ساندوتش اللى جنبك؟ ولو حصلك موقف مع السندوتشات فى المدرسة ...احكيه

لا محصلش زي ما تقولي كده كنا نعرف الاتيكيت
يعني لو حد جعان كان ياخد سندوتش من صاحبه بس مفتكرش اني عملت كده

7- ياترى كان فيه بائعين متجولين قدام باب المدرسة؟

ياااه اكتر من الهم علي القلب كانو بتوع لب و كشري اللي بيتعمل في البيوت في حله ده وشويه صلصه صايصه كدا
وبتاع الحلاويات يجيب الكنافه اللي بتتباع عامل زي الصباع ده كان بيتباع ببريزه الواحده بس انا كنت بشتري الكنافه مبحبش اكل الكشري والكلام ده لاني عارف الكنافه مغلفه ونضيفه

8- تفتكر شكل شنطة المدرسة بتاعتك كان ايه؟

اه كانت شنطه سوده ومرسوم عليها مش فاكر مين بس مكنتش بحب اشيل حاجات كتير علي طول المدرسين كانو يقولي جايب الشنطه عيقه مش جايب كتب له اقولو مبحبش اشيل شنط جايب كراريس وكشاكيل بس
يروح يقولي اطلع وارفع ايدك لفوق مع اني كنت من الاوائل بس تقولي ايه
صياعه

9-ايه اكتر حصة كنت بتحبها فى المدرسة؟وايه اكتر حصة كنت بتكرها؟

كنت بحب حصه الرياضيات لان زمان كنت بحب المواد اللي بتعتمد ع الفهم مش الحفظ و حصه الالعاب برضه بس كنا بنلعب بس المدير ابن التييت كان بيخلي العيال تشيل الورق من الحوش كان مشغلهم بس انا مكنتش بشيل حاجه لان عمي كان وكيل المدرسه كنت بطلع اقعد معاه انا وكام واحد صاحبي

10-ياترى انت كنت تلميذ هادى فى الفصل ولا تلميذ مشاغب وعامل ازعرينا؟

لا هي حصص وحصص يعني لما بيكون في مدرسين معرفه جيرانا او قرايبنا مكنتش بتشاقي علشان عيب وكده لكن الحصص التانيه المدرس اللي بينفخ في نفسه كنا نقعد نطبل وهو بيكتب ع السابوره يبص لورا ميعرفش مين اللي بيطبل يوقف الفصل كله وايده فوق بس احسن حاجه محدش كان بيخبث عن التاني الا بنت رخمه كده بنت مدرس العربي (كانت عامله زي الجحش )

11- كان ليك اصدقاء فى المدرسة؟كام صديق؟لوتفتكر اسماء لهم قولهم؟

كتيرررررررررررررر لان المدرسه كانت واخده المنطقه كلها وكل عيال المنطقه معرفه لعب وبلي فـ كنا صحاب بقي ولما كنا نهرب من جنينه المدرسه لان كان فِ سور مكسور كنا نهرب الفصل كله

13-حصلتلك قبل كدة مشكله مع اصدقائك او حد اتفق عليك وحاول يكيفك؟طب انت حاولت تتأمر على حد قبل كدة وكنت شرير؟لوحصل دة احكى بسرعه

لا مكنش بيحصل الصراحه بس اصحابي اتفقو مرة علي واحد كان جاي جديد للمدرسة في الفصل عندنا من سوهاج وكانت لغته غير لغتنا طبعا لان كل ما تقبلي في الصعيد اللغه بتبقي غريبه شويه والنطق بيضخم للحروف فكانو بيتريئو عليه و هو كان بيزعل فـ انا نفضت لاصحابي لان الواد لسه جديد وحسيت انه واخد جنب لوحده ودخلته وعرفته عليهم وخليتهم مش يرخمو عليه لانه بقي صاحبنا تفكير عيال بقي


14- احكى موقف حصلك فى المدرسة عمرك اما تنساة (موقف مفرح – موقف محزن)


اه موقف محرج حصـل اني كنت بطلع الاول فِ الرياضيات وكنت بحل حلو اوي واكتر شخص بيجيب درجه فيها فِ المدرسه .. فـ المدرس كتب مسئلة كده ع السابوره وقالي اطلع يا محمود حلها المهم مرة واحده كده كل حاجه نسيتها متعرفيش ازاي يقولي حل يا محموود واكتب اقولو اكتب ايه والعيال ولاد التيت يضحكو يقولي تحل ايه حل المسئلة يا حبيبي اقولو دي مش علينا كان منظررري زباااااااااااااااااله


معلش ع التاخير ع الاسئلة بس لظروف يا سيرين
هكمل ع الاسئلة الباقيه ان شاء الله