أنــــا مصــري

[قلب وكلمات]

أنا مصري بقولها ورأسي مرفوعة أرددها بقلبي لحن ووصلة معزوفة أغنيها بشوقي يتمايل معايه الكون في صلاتي يا رب محفوظة أكتب حروف أسمها ألقاها مسموعة كأن الحرف من نبضها بقة نغمة مرسومة هو الحب إيه غير بصمة في القلوب موشومة * * * أحكي وأقول وأتكلم أوصف وأنا أتألم أزين ليهم الصورة وأقول مصر محروسة يقولوا السوس في العضم بينخور أقول سحابة صيف هـ تعدي تروح لبعيد مـ تهدي وترجع حبيبتي عفيه من تاني يتعمل ليها ألف حساب يتكادوا يفلفلوا العزال * * * يقولوا مهما يقولوا أنـــا مصري بقولها ورأسي مرفوعة * القيصــر قلب الكلمات

[lady lead]

كلمات من نبض القلب
عندما تتحدث بفخر كونك مصري
رااائعة كلماتك
ربنا يحفظ مصر يا رب
تقديري و احترامي

[السفيره عزيزه]

بسم الله الرحمن الرحيم

ارفع رأسك وقول مثلى مين
مهما اصبها يا حاسدين
دى القران والسنه والدين
وشعب طيب فى شعبان اغلبه
صائمين
عند الفطور بنرفع اليدين
يارب اقسم ظهر من اراد بها
السوء من الطامعين
اسألوا التاريخ تعرفوا انتم بتكلموا
مين
الله اكبر يا وطنى قد اخبرنا الصادق
الامين
ان الفتن كَعود الحصير تترا
والنصر حليف المخلصين

مصرية انا ومن مثلى
نهلت من القران علمى
وكل ابناء وطنى اخى وبن عمى
ومصر ست الحبايب امى

مصرية انا وفداها دمى
السفيره

[اميره الشعر الشجين]

الله عليك يا ابن بلدى وهنفضل مرفوعين الراس باذن الله

ودى لك واحترامى وتقيمى

[دمعه حائره]

كلمات رائعه كلها شموخ وفخر بوطنك وانتمائك ليه
ومهما كانت المحن والكبوات تظل مصر ام البلاد
اقوى من كل الانكسارات
تسلم قيصرنا ويدوم الابداع

[~♥ Queen sozan♥~]

مصر بلدنا وبنفتخر بيها من غير اى كلام
لان حبها فى قلوبنا
ربنا يحفظها من كل شر

يدوم تميز قلمك يا قيصر

[بلدنا في القلوب متشاله]

انا مصـــريه

وافتخر وانا بقولها

مهما مرت مصر من مشاكل وعدم انضباط

لكنها بأذن الواحد الاحد مصر الاقوى بأذن الله


بأمر الله ستعود كما كانت بل للافضل

وكلمات حلوه عن كل مصري وباسم كل مصري/ه

شكرا

[مِسكُ الشَهادة]

كلمات عظيمة وإحساس راقي جداجدا
من أخي وحبيبي أشرف
ربنا يسعدك يا غالي
بجد كلماتك في حق الوطن الغالي
كبيرة ومهما تحدثنا سنعجز عن الوصف
ربنا يبارك في عمرك يا رب
دمت بخير

[Words Whisper]

( أنا مصري )
كلمة تستحق الفخر بها
ليس لأن مصر تعدت حدود الكمال
لكن لأنها وطن يسكننا ويستحق الفخر بها
فهي المكرمة من رب الخلق في كتابه
وسيحفظها الله يقينا ..


راقية كلمات حضرتك ..
شكراً ..
دمت بخير ..

[ويبقى الأثر]

وانا افتخر انى مصريه
بلد العزه والكرامه الابيه
ومهما يقولو او يعيدوا
هتفضل رافعه راسها عفيه

طرح راق استاذى ماشاء الله
اسعدنى المكوث هنا بين عبير الحرف
لروحك كل الوان السعاده
تقديرى لشخصك