دكتور فرحان سلطان الغرام

[ساحر الأحزان]

كنت بحب وأنا صغير أقراء للأستاذ

عبدالوهاب مطاوع رحمة الله

فى بريد الجمعة لجريدة الأهرام وكان فى العدد الأسبوعى ليوم الجمعة ,,

وكمان فى (قلبى يسأل)

فى جريدة المساء

للأستاذة أمال وبصراحة ناسى أسمها التانى لأنى متبعتهاش من زمان

بسى الى كان بيشدنى لبريد القراء فى الأهرام كانت قصص مختلفة ومش كلها قصص حب ورومانسية بالعكس
كان فية قصص تانية قيمة جدا لأحداث واقعية وصاحبها بيتكلم ويطلع كل ألى فى قلبة وبيلاقى الرد الوافى لمشكلتة

كانت التجارب دى بتشد الواحد أنة يتابعها ويتابع حلها لأنة ممكن يتعرض ليها فى حياتة

أنما فى قلبى يسأل ..

كانت كلها قصص غرامية لقلوب مجروحة وقلوب مشروخة للتعرض لقصة حب وهمية وسلبية وعلى شان كدة كان

مصيرها الفشل الذريع لأن ملهاش بنيان وأساس سليم ,,

أصل الحكاية وألى فيها بقى الضحك على الناس سلعة بمجرد كلمتين حلوين وبقين مسمسمين

تفتحلك عيادة

وتكتب على اليفطة

دكتور الغرام

لحل جميع المشاكل العاطفية والحياتية ومنقذ الصبايا الحور قبل الوقوع فى المحظور ,,
وبرغم أن الناس عارفين أن كلامة كدب فى كدب ألا أنها بتجرب وتقول ما بنخسر حاجة ,

وهنا مكنون الغلط بعينة عارفين أنة كداب وبيتمادى فى كدبة ألا أنهم بيوهمو نفسهم بصدق قولة ,

وتلاقى القصص الغرامية شغالة .

واحدة تقول لقيتة ضحكلى وقلى كلمتين حلوين حبيتة ومش قادرة أشيل صورتة من قدامى ,

وواحد يقول بحبها ومش قادر أبعد عنها أعمل أية قلى يا دكتور الغرام ,

وعد بقى مئات القصص والروايات الى بتتقال وعلاجها لو بص صاحبها سهل جدا يشيل قلبة ويحطة جوة

تلاجة فى الصيف ودفاية فى الشتاء وحيلاقى مشاكلة كلها أتحلت.

لو نلاحظ الفرق بين عبدالوهاب مطاوع وبين دكتور الغرام كبير جدا

الأول مش بيخسر القارىء أى شىء أنما التانى عايز يمص دم ضحيتة ,

وهو دة الفرق بين الأتنين

فضفضة خفيفة

تحياتى للجميع

[ابتسامة الزهر]

الفرق كبير اخى ساحر
بين رجل يفهم الامور ويزن الكلام
فيرد الرد الصائب ويعطى النصيحة
وبين دكتور كل همه مص الدماء
لايفهم ولا يعرف ما وراء المشكلة
احسنت فى ايضاح الفرق
دمت بكل خير

[دمعه حائره]

اغلبها برامج للكسب المادى وفيه كتير بيفتوا على الفاضى
وكمان اوقات بحس فى بعض الاستفسارت بتكون مفتعله
مش زى زمان كان فيه مصداقيه اكتر

[Words Whisper]

مشكلة عند الشخص نفسه
انه يتعامل مع العواطف باستهانة
وببساطة يترك مشاعره لأي حد
أيوه فيه ناس مشاعرها غالية وبردو بتتوجع
بس على الأقل اللي بيحافظ على مشاعره بتفضل مشاعره بكرامتها حتى لو اتوجع
انما اللي ببساطة مشاعره مع أي حد ولأسباب مش أسباب غير الرغبة في الحب فهو بيتهاون بكرامة مشاعره
بالنسبة للي بيستغلوا مشاعر الناس للشهرة
فهما أساسا بيزودوا الطين بله ولو الواحد جاي يستشيرهم في حاجة غلط
بيخلوه يعمل غلط أكبر !! والأزمة انه البني آدم يسمعهم ويكمل !!
ربنا اعطانا عقل و مشاعر
عقل نحسب بيه تصرفاتنا و نفكر في صحتها من عدمها ونفكر في اللي بنتلقاه
ومشاعر غالية لازم نحافظ عليها و نُبقيها كريمة ..


موضوع قيم
شكراً ..
دوام التوفيق ..

[ساحر الأحزان]

اقتباس المشاركة الأصلية كتبت بواسطة ابتسامة الزهر الفرق كبير اخى ساحر بين رجل يفهم الامور ويزن الكلام فيرد الرد الصائب ويعطى النصيحة وبين دكتور كل همه مص الدماء لايفهم ولا يعرف ما وراء المشكلة احسنت فى ايضاح الفرق دمت بكل خير

النصح والارشاد الصحيح

بيعطى المشكلة الحل الصائب

شكرا ابتسامة لجميل اهتمامك

[esra2 mohamed]

زمان كنت بستنى العدد
واول حاجه افتح عليها هو البريد
كانت قصصها ررررروعه
وكان اسلوب السرد رائع
متنوعه من هنا وهناك
مواضيع مختلفه
والتعليق عليها كان شييق وفى سياق محترم

فكرتنى بذكريات جميله
موفق