آسفة متنفعنيش

[phalsteen]

مساء الخير اولا


نيجي بئا للمهم وهو عنوان التوبيك

اسفة انت متنفعنيش

فجأة تلاقي واحد مؤهل متوسط ومعاه شوية فلوس فرحان بيهم

او ممكن يكون معندوش مؤهل خالص

ولما يروح يخطب ويتقدم لبنت لازم تكون مؤهل عالي او كمان امرأة عامله

ويزعل اوي ويتصدم لو اترفض

ياتري دا بيكون ارضاء للغرور او علشان يموت احساسه بالنقص

او شخص لسه في بدايه حياته ومن اسرته متوسطة

يحب دايما يرتبط بطبقة ارستقراطية

مع انه في الغالب مرفرض

هو لسه احنا فاكرين ان انجي ينفع تتجوز علي ابن الجنايني ؟؟

وياتري احنا فعلا مقتنعين ؟

طب هو دا ينفع ?

ولو نفع هيبقي ايه المنظر ادام الاطفال لو ماماته دكتوره او استاذة وبابابه اقل مكانه اجتماعية ؟

لو كلامي غريب او جرئ

طب ليه في حاجة اسمها المكانه الاجتماعية

ياتري التعامل هيبقي عادي

لو هي ليها وضع معين وراحت لمكانه اقل

العادي انها تتأقلم عادي وتتكيف ؟

طب والارتباط دا هيستمر برضو عادي ؟


الراجل ممكن يتجوز اللي اقل منه في العلم والمكانه الاجتماعية لانه هيرفعها معاه

لان العكس ياتري ينفع ؟


في انتظار الرأي

[big bốss]

دائمآ عندما تكون المرآه أكثر مكانه من الرجل

تكون ضد غروره و تعنته

و عندما تكون أقل منه فلا بأس فى ذالك

هى نظرة المجتمع بصفه عامه و نظرة الرجل بصفه خاصه

الى آن المرأه لآ يجوز ان تكون أكبر مكانه من الرجل عند الارتباط

هى ديناميكه ذرعة فى عقول الناس

هناك من يراها صحيحه بأسم الرجوله
و هناك من يراها غير صحيحه من باب العدل

موضوع قيم نفرتيتى

[SiLver Spectra]

طبقية الشهادات من الظواهر الغريبة جدا في مجتمعاتنا و اللي بتبين ان في حاجات اجتماعية مش مظبوطه
في الاصل المفروض الارتباط بيكون خاص بطرفين ..فتاه و شاب
كل واحد منهم بيشوف انه عايز يعيش مع التاني و يجمعهم بيت واحد
دا المفروض يحصل .
بس بما اننا مجتمع متحفظ و معقد في عاداته ..فبقى الارتباط له علاقة بحشرية الابوين في الطرفين ..و ممكن العيلة كلها تخش في العلاقة ههههه

فدا هو اللي عامل المشكلة في الاساس حسب وجهة نظري ..و هو اللي بيخلق طبقية الشهادات

[رووكه]

الفرق ان الزوج يكون اعلى مش وحش

انا قدامى تجربتين ونفس السؤال اللى بتطرحيه علينا

يعنى جامعيه ارتبط بشخص بدون مؤهل ولا حتى ابتدائيه

وده رد على كلام طارق طالما الاتنين متفقين الاهل مالهم

ده اللى حصل انها اتخطبت ليه وكله تمام وقرب الفرح

اختلفو على شئ فى الشقه واول لفظ طلع منها وقت عصبيه

انت راجل جاهل ومش فاهم حاجه

مظنش ان فيه راجل ممكن يكمل مهما كان درجه حبه ليها

من الاخر مش ينفع ان وحده تكون اعلى من جوزها

العكس يتفع وممكن ترفعه اكتر

لان كل أمرأه تحب يكون جوزها فى تقدم دائم

نسلمى على طرحك القيم

[** رحيق الجنه **]

كل واحد وليه طبقته بيدور عليها من حسب ونسب وتعليم ..

وطبعا لازم التعليم على الاقل يبقى متقارب بنسبه 90% ..

مش الدكتوره تأخد الجاهل . ولا الدكتور يأخد الجاهله ..

ما ينفعش حتى المنظر العام والفكر ..

اللى لف واتعلم غير اللى بيجرى بدون هدف ..

لازم يكون فى مساواه مش انا اتعلم وفى الاخر يأخدنى واحد عشان منظره

ومستواه المهنى والتعليمى يقعدنى فى البيت


أمال انا كنت بتعلم ليهـ ...


.. لازم كل واحد يدور على طبقته من كلهـ ..

[phalsteen]

اقتباس المشاركة الأصلية كتبت بواسطة silver spectra طبقية الشهادات من الظواهر الغريبة جدا في مجتمعاتنا و اللي بتبين ان في حاجات اجتماعية مش مظبوطه في الاصل المفروض الارتباط بيكون خاص بطرفين ..فتاه و شاب كل واحد منهم بيشوف انه عايز يعيش مع التاني و يجمعهم بيت واحد دا المفروض يحصل . بس بما اننا مجتمع متحفظ و معقد في عاداته ..فبقى الارتباط له علاقة بحشرية الابوين في الطرفين ..و ممكن العيلة كلها تخش في العلاقة ههههه فدا هو اللي عامل المشكلة في الاساس حسب وجهة نظري ..و هو اللي بيخلق طبقية الشهادات

اه يا دوك
يعني انت مع حرية الاختيار
بصرف النظر عن اي عوائق اي اي تدخلات

وجهه نظر تحترم

موفق يا دوك
وميرسي للمداخله

[phalsteen]

اقتباس المشاركة الأصلية كتبت بواسطة رووكه الفرق ان الزوج يكون اعلى مش وحش انا قدامى تجربتين ونفس السؤال اللى بتطرحيه علينا يعنى جامعيه ارتبط بشخص بدون مؤهل ولا حتى ابتدائيه وده رد على كلام طارق طالما الاتنين متفقين الاهل مالهم ده اللى حصل انها اتخطبت ليه وكله تمام وقرب الفرح اختلفو على شئ فى الشقه واول لفظ طلع منها وقت عصبيه انت راجل جاهل ومش فاهم حاجه مظنش ان فيه راجل ممكن يكمل مهما كان درجه حبه ليها من الاخر مش ينفع ان وحده تكون اعلى من جوزها العكس يتفع وممكن ترفعه اكتر لان كل أمرأه تحب يكون جوزها فى تقدم دائم نسلمى على طرحك القيم

انا فعلا متفقة جدا معاكي يا روكة
لازم يكون في تكافئ
لان في الاغلب لما بتكون البنت اعلي مكانه
بيكون في استحاله في الاستمرار

موفقة يا قلبي

[phalsteen]

اقتباس المشاركة الأصلية كتبت بواسطة ** رحيق الجنه ** كل واحد وليه طبقته بيدور عليها من حسب ونسب وتعليم .. وطبعا لازم التعليم على الاقل يبقى متقارب بنسبه 90% .. مش الدكتوره تأخد الجاهل . ولا الدكتور يأخد الجاهله .. ما ينفعش حتى المنظر العام والفكر .. اللى لف واتعلم غير اللى بيجرى بدون هدف .. لازم يكون فى مساواه مش انا اتعلم وفى الاخر يأخدنى واحد عشان منظره ومستواه المهنى والتعليمى يقعدنى فى البيت أمال انا كنت بتعلم ليهـ ... .. لازم كل واحد يدور على طبقته من كلهـ ..

عندك حق
ساعتها هيكون ايه فايدة التعليم
بدال قيدته واهتملته ودفتنه علاشان احافظ علي علاقه غريبة

ميرسي يا قمري

[Sєяєєη●•ʚɞ]

التوافق الفكرى شىء مهم ..والتعليم بيفرق
اما كلمة انت ماتنفعنيش مش شرط تتقال عشان مؤهل متوسط لان ممكن يكون مؤهل عالى وتلاقيه ماينفعكيش
الاختيار له اساسيات واسس واهم من كل دة الراحة النفسية
واولا واخيرا النصيب والقدر هما اللى بيحكموا ..

[۩۩ elMagic ۩۩]

انا مش هأرضاها لنفسي بصراحه إن اخد واحده اعلي منى فـ الشهاده
لان فى اى مشكله تحصل ممكن تقعد تذلني بيها
ودا انا مش هأسمح به اكييد ..
دايما الافضل إن يكون الطرفين متفقين مع بعض ف حاجات كتير
ومنها المستوي التعليمي
وعمتا بيبقى كل شئ نصيب
شكرا ع الطرح ,,