حكايتى انا وهى والبرفان .. ( للكبار فقط )

[احمد يحي]

..... بسم الله الرحمن الرحيم ....

من كام يوم حصلى موقف غريب جداااا ، وانا راجع من صلاة العصر كان

الجو لطيف وهادى ، وناس قليلة ماشية فى الشارع ، كان منهم شاب

ماشى قدامى ومعاه كلب بوليسى ماركة ( جيرمان شيبارد ) وطبعا

كلب زى ده لازم يكون مربوط بسلسلة ...

المهم الشاب ده وقف فجأة ،،،،، وعشان أكون دقيق ، الكلب هو اللى

قرر انه يوقف جنب الرصيف ( ويااااااااااريته ما وقف )

وانا ماشى ماشىمقرب ناحيتهم ... عقلى بيقولى : مش معقولة

تبعد وتعدى الناحية التانية أنت خايف منه ؟!! أنت مش جباااان يا أحمد !!

( يا جماعة حد ياخد عقلى ويجيب مكانه مروحة ؟؟؟ ) والمشكلة

انى بسمع كلامه دايما ...

المهم مشيت وبمجرد انى قربت ( ويااااااريتنى ما قربت )

الكلب بص وراه ..... هوووووباااا>>>> الأكشن شكله

هيشتغل ..

والله عمرى ما حدفت عليك طوب قبل كده !!

لكن حصلت حاجة غريبة ، هو فعلا الكلب كان بيشد صاحبه وعايز يقرب

منى ، لكن الغريب انه ماكنش بيهووهوو ناحيتى ، بالعكس كان هادى

وبيبصلى ببراءة جداا !!! زى ما يكون يعرفنى او بيستعطفنى ، حتى

صاحبه كان مستغرب وبعد ما بعده عنى كان بيبص وراه وعايز يرجعلى ،

مش عارف هو كان ليه بيعمل كده !! قلت لصاحبه اشمعنا انا بالذات ؟؟

عقلى قالى : بما ان حاسة الشم عنده قوية ، الكلب ده انجذب ليك

بسبب البرفان اللى انت حاطهaxe exsite

خاصة انى اول مرة أجربه ، كنت بستعمل axe chokolate

لكن خلااااص توبة ، ماله الأكس شوكولاته ؟ جميل وزى العسل

حتى الناس اللى كانت واقفة ابتسمت .. واللى علق مستغربين الموقف

وسر انجذاب الكلب ليا ؟؟ ( مش عارفين انى بستعمل أكس )

((( مع أكس مفيش مستحيل ))) لا مؤاخذة ده فاصل اعلانى هههههههه

بس بأمانة انا لسه مش عارف ليه الكلب ده عمل كده ومعايا انا

بالذات ؟!!

مواقف من حياتى
hmed&

[حَرفُُ هجآءّ]

هههههههه
واضح كدة أن فى جاذبية منه للاكس
بيتهيالى أن الكلاب اللى بتبئا متربية فى بيت وخصوصا لو فى اطفال
كتير بتكون مسالمه غير لما بيكون متربى للحراسه بس
واكيد صاحبة مدربة تدريب مش عدوانى
المهم انت بئا بلاش الاكس خالص المره دى جت سليمة


توجية بسيط صغير
فى القسم ده صفحات مكشوفة
اعمل مدونة لك واكتب فيها كل اللى انت عايزة من مواقف وذكريات

[Angel Smile]

ههههههههههههههه مش قادرة اتخيل حتى الموقف
يلا مبروكات بقى انجذاب الكلب ^__^

[احمد يحي]

اقتباس المشاركة الأصلية كتبت بواسطة Ļẻtסĩ√ هههههههه واضح كدة أن فى جاذبية منه للاكس بيتهيالى أن الكلاب اللى بتبئا متربية فى بيت وخصوصا لو فى اطفال كتير بتكون مسالمه غير لما بيكون متربى للحراسه بس واكيد صاحبة مدربة تدريب مش عدوانى المهم انت بئا بلاش الاكس خالص المره دى جت سليمة توجية بسيط صغير فى القسم ده صفحات مكشوفة اعمل مدونة لك واكتب فيها كل اللى انت عايزة من مواقف وذكريات

مسالم ماشى بس مايبقاش رومانسى

انا خايف استعمل حاجة تانية الاقى المرة اللى جاية معزة ماشية ورايا ... ربنا يستر

بشكرك على مرورك وافادتك

فى رعاية الله

[احمد يحي]

اقتباس المشاركة الأصلية كتبت بواسطة angel smile ههههههههههههههه مش قادرة اتخيل حتى الموقف يلا مبروكات بقى انجذاب الكلب ^__^

بتباركيلى على ايه الله يسامحك ^ _ ^


شرفتى

[روح صامتة]

خضتني ^^
قلت عايز حل للمشكلة
ع العموم الكلاب بتالف الناس بردو
ما اعتقدش كان له علاقة بالريحة ^^
تسلم ع الموضوع
ارق تحياتي

[** رحيق الجنه **]

أكيد دا اعلان للبرفان ..
صح صح ..
آل الكلب اتشدلى آل ..
هههههههههههههههههههههههه ..

[♥SaRa]

ـهههههههههههههه
يأخي دا انت غريب عجيب مريب انت والاستاذ الكلب بتاعكـ دة
هههههههههههههههههه
وانا في اول الموضوع اقول ادخل لا مش ادخل ادخل لامش ادخل
هههههههههههههههه
وفي الاخر قررت اني ابص بصة الفضوول بقي اعمل ايةههههههههه
مبروكـ عليكـ الاعجاب (بالكلب )
ههههههههههه

[احمد يحي]

اقتباس المشاركة الأصلية كتبت بواسطة روح صامتة خضتني ^^ قلت عايز حل للمشكلة ع العموم الكلاب بتالف الناس بردو ما اعتقدش كان له علاقة بالريحة ^^ تسلم ع الموضوع ارق تحياتي

هو ممكن يكون كلامك انتى اللى صح .. للأسف مفيش دليل

لك منى ارق التحية ..

[Îäm-ñøt ßèst ßût Âm-dîffèrèñt]

تسلم علي الموضوع دوام النشاط والتميز