صحبتى بتسرقنى ،،

[м a я a м]

السلام عليكم ورحمه الله وبركاّته //
رمضان كريييم ^^

اول مره تقريباّ اكتب هناّ فى الفضفضه ^^
وانا مش من عاّدتى اصلن انى اقول لحد على مشكلتى علشاّن اناّ كتومه ومش بحب اقول مشكلاّتى لحد
بس لانى شاّيفه نفسى هبله وعبيطه وهتعرفو دلوقتى ليه ^_^
قلت اساّل اّهل العلم بس تراّعوا شعورى فى الشتيمه يعنى

اممممممممم
هو الموضوع ان واّحده صحبتى او بمعنى اصح جاّرتى
بعتبرهاّ اختى وبحبهاّ جداّ جداّ يعنى تعتبر انتيمتى ،
ومعاّيا فى الدروس وبنخرج سواّ وكل كل حاّجه ..
بس فى اّول ماّ عرفتها عرفت انهاّ بتكدب على كتير جداّ
فى تفاصيل صغيره مش فى حاجات كبيره يعنى
وبعدين اكتشفت انها بتسرقنى
مش بتفتح شنطتى وتسرق فلوس يعنى
بس مثلاّ يعنى تبقى عندى فى البيت واقولها انزلى هاتيلنا حاجه حلوه
وانا اكون مداّيها 20 جنيه تجيب حاجات ب 10
ولما اقولها فين الباقى تقولى مفيش باقى
انا بعدى وبقول مش جت على 10 جنيه
ومواقف كتير غيرها مش فى الفلوس بس ساعات فى الاكسيسوريز او اى حاجه غيرها
انا اول مره قلت ده سوء ظن وقلت يمكن نسيت او كدا بس كل مره بتعمل كده
بس انا بتداّيق لما بكتشف ده انا مش يهمنى فلوس او اى حاجه
انا بس اللى يهمنى ان هى دلوقتى بتعمل كده بعد كدا ممكن تعمل اى بئه !!

بس مع الكلام العاقل اللى بقولو ده مش بعرف اواجهها ولا بعرف اقولها انتى ليه بتعملى كده !

علشان انا بخاف اخسرها علشان انا بحبها جدا وتقريبا مش ليا غيرها
والمصيبه انى بردو بعيد اللى بعملو وبديها الفلوس وبخليها تستغفلنى
وبعدي كدا بقول اى الغباء ده بس بعيده تانى :\

بس كداّ ^^

فى امان الله

[ღ Gի๐sτ ღ]

ههههههه متقلقيش مفيش شتيمة : ))

هو عالعموم سرقتها اكيد لسبب من السببين اما هي حالتها المادية مش كويسة (ولو انتى متأكدة من دة ) فأنتى ممكن تعديها لأنك عارفة ظروفها اكيد مع الاخذ فى الاعتبار انك متديهاش فلوس تاني وتحاولى على قد ماتقدرى متكونش موجودة فى بيتكم عشان متسرقش حاجة غالية مثلاً

اما لو هى حالتها المادية كويسة فانتى ممكن تصارحيها بس فى نفس الوقت اللى تسرقك فيه وتصارحيها بأنك عارفة انها اكتر من مرة عملت كدة واتنى بتسكتى وتفهميها ان دة مرض وتحاولي تخليها تروح لدكتور ، اصل مش معقول حد غني او مش محتاج يسرق الا وهو مريض فعلا او فيه اسباب نفسية بتخليه يعمل كدة واعتقد انك لما تصارحيها هاتزعل منك فى البداية بس لو اتعالجت هاتحبك اكتر بجد لأنها اكيد هاتكون عارفة من جواها انها غلط بس بتعمل كدة غصب عنها ونفسها تتخلص من الحالة دى واكيد هاتحبك اكتر واكتر لأنك هاتكونى سبب فى تخلصها من السبب دة

معذرة ع الاطالة وربنا يخليلك صحبتك دى وتتخلص من اللى بتعمله معاكـي :d

[saMka samir]

بصي هو الصرآحة حلوة مفيش كلام
انتي احسن حاجة تصارحيها
بس تخلي طريقتك معاها تبين انك عاوزة تحافظي عليها
يمكن هي عندها حاجة تحكيلك عنها
والله واعلم

[м a я a м]

اقتباس المشاركة الأصلية كتبت بواسطة ღ gի๐sτ ღ ههههههه متقلقيش مفيش شتيمة : )) هو عالعموم سرقتها اكيد لسبب من السببين اما هي حالتها المادية مش كويسة (ولو انتى متأكدة من دة ) فأنتى ممكن تعديها لأنك عارفة ظروفها اكيد مع الاخذ فى الاعتبار انك متديهاش فلوس تاني وتحاولى على قد ماتقدرى متكونش موجودة فى بيتكم عشان متسرقش حاجة غالية مثلاً اما لو هى حالتها المادية كويسة فانتى ممكن تصارحيها بس فى نفس الوقت اللى تسرقك فيه وتصارحيها بأنك عارفة انها اكتر من مرة عملت كدة واتنى بتسكتى وتفهميها ان دة مرض وتحاولي تخليها تروح لدكتور ، اصل مش معقول حد غني او مش محتاج يسرق الا وهو مريض فعلا او فيه اسباب نفسية بتخليه يعمل كدة واعتقد انك لما تصارحيها هاتزعل منك فى البداية بس لو اتعالجت هاتحبك اكتر بجد لأنها اكيد هاتكون عارفة من جواها انها غلط بس بتعمل كدة غصب عنها ونفسها تتخلص من الحالة دى واكيد هاتحبك اكتر واكتر لأنك هاتكونى سبب فى تخلصها من السبب دة معذرة ع الاطالة وربنا يخليلك صحبتك دى وتتخلص من اللى بتعمله معاكـي :d

اناّ حاّولت اصاّرحها اكتر من مره بس اناّ اصلن مش بعرف اصاّرح حد :\
بس هحاّول يعنى
اماّ بئه عن سؤاّلك عن حالتها الماّديه فهى اهلهاّ الى حد ماّ اغنيه ^_^
وي رب بئه تخلص من اللى بتعمله فى :d
ميرسى كتير على النصيحه ي فندم ^^

[روح صامتة]

انتي بتحبيها بس هية كده بتحبك ؟

ع العمووم رائي الشخصي ..
انك تلفتي نظرها انها بتاخد منك بس مش مصارحة ..
يعني هتنززل تشتري حاجة حلوة .. انزلي معاها وادفعي بنفسك ..
ع اساس انك حابة تتمشي .. لو انت بعتيها مرة ورجعتلك بنص الفلوس قوليلها فيه فلوس ناقصة باين
تعالي نروح نسال عليها الراجل .. وشوفي ردة فعلها .. هية واحدة واحدة هتفهم
نوعا ما امنعيها تاخد حاجة بالادب .. ولو ف البيت خليكي على طول معاها ..
لغاية ما تمشي .
هية مع الوقت مش هتبص لحاجتك ..
وانا عن نفسي شايفة ان انتي لو قريبة جدا جدا منها
حتى لو صارحتيها مش هتفهمك .. لانها هتحس انك بتتهميها ..
ع العموم استفتي قلبك ايه الاحسنلك ..
انك تصارحيها ولا تلفتي نظرها من غير مصارحة
..
وممكن ي بنتي تقولي لمامتك ايه المانع ..
ممكن مامتك يكون عندها تصرف احسن كمان للموقف ..
تسلمي ي جميل :*
ارق تحياتي

[✿ Celiηα]

الحل ورأيي في كلمتين بس :

واجهيها وابعدي عنها
عشان هي مش بتحبك ولا بتعتبرك
صاحبتها اصلاً

[نور ونار]

هو موضوع شائك
بس فى كلتا الحالتين
اذا كانت غنيه او لا
مافيش مبرر للسرقه
بس قبل ما احكم عليها
ممكن افاتحلك جانب مغفول عنه
ممكن بحكم انتوا اصحاب مقربين اوى
مش بتعمل بينكم فرق لدرجه انها معتقده ان
حاجتك حاجتها وهكذا زى الاخوات كده
نلبس حاجه بعض ناخد فلوس من بعض من غير اذن وهكذا
اما بقى ده لو مش موجود اسالى عليها اى حد
ليها اخت بنت لها صحاب غيرك
واستفسرى كده بالاشاره مش صراحا طبعا
وجمعى معلومات اكبر قدر ممكن
وبعدين برده انتى مش قولتى هى بتعمل ايه
لما بتشوفى الاكسسوراز بتاعتك معاها !!
يعنى بتقولك انا اشترتها او بتقولك دى بتاعتك يبنتى
لو انا شرياه حتما فى مشكله ومشكله كبيره
لان الفعل بيتعالج برد الفعل اللى زيه
وعشان تحافظى عليها صارحيها وش
وعلى فكره كده بتحبيها لما تعملى كده
لو خدى اى وسيله تانيه يبقى تحايل
على الخقيقه وبتحطى مسكن للمشكله
مش بتحليها ودلوقتى لو عندك قدره احتمال
بكره هتكرهيها فعالجى الموضوع فى ضوء ما سبق
والله المستعان

[bytw]

هو موضوع شائك
بس فى كلتا الحالتين
اذا كانت غنيه او لا
مافيش مبرر للسرقه
بس قبل ما احكم عليها
ممكن افاتحلك جانب مغفول عنه
ممكن بحكم انتوا اصحاب مقربين اوى
مش بتعمل بينكم فرق لدرجه انها معتقده ان
حاجتك حاجتها وهكذا زى الاخوات كده
نلبس حاجه بعض ناخد فلوس من بعض من غير اذن وهكذا
اما بقى ده لو مش موجود اسالى عليها اى حد
ليها اخت بنت لها صحاب غيرك
واستفسرى كده بالاشاره مش صراحا طبعا
وجمعى معلومات اكبر قدر ممكن
وبعدين برده انتى مش قولتى هى بتعمل ايه
لما بتشوفى الاكسسوراز بتاعتك معاها !!
يعنى بتقولك انا اشترتها او بتقولك دى بتاعتك يبنتى
لو انا شرياه حتما فى مشكله ومشكله كبيره
لان الفعل بيتعالج برد الفعل اللى زيه
وعشان تحافظى عليها صارحيها وش
وعلى فكره كده بتحبيها لما تعملى كده
لو خدى اى وسيله تانيه يبقى تحايل
على الخقيقه وبتحطى مسكن للمشكله
مش بتحليها ودلوقتى لو عندك قدره احتمال
بكره هتكرهيها فعالجى الموضوع فى ضوء ما سبق
والله المستعان

[۩۩ elMagic ۩۩]

لو فعلا متأكده إنها بتسرقك
فا لازم تواجهيها بس بأسلوب يحسسها إنكـ خايفه عليها
ولو مش عندها دافع للسرقه ايه يخليها تعمل داا
يمكن بتمر بحاله نفسيه او مشاكل معاها
وانتى تحاولي تدخلي جواها وتخليها تفضفضلك
يمكن تكونى سبب فى إنك تخليها مش تسرق تاني بعد كده ،،
المهم الحل هو المواجهه لأن السكوت دا
مش فى مصلحتك وهيضرها هى اكتر ..

[♥SaRa]

ـهي الصراحة فعلا غريبة
بس اكيد في دافع لكدا وبما انها غنية الي حد ما زي ما قولتي يبقي هي بتمر بأزمة او حالة نفسيةسيئة جدا
والصح انكـ تصارحيها بس براحة مش تقوليلها في وشها انتي بتسرقيني
لا انتي قوليلها اتصدقي دا في بنت بتعمل كذا كذا وانا مش بحب حد يدحك عليا بس مش تقوليها انتي الي بتعملي كدا....
وبعد كام يوم لو لقتيها زي ماهي يبقي صارحيها وقولي ليها انتي لية بتعملي كذا كذا
بس كدة ويا رب اكون افدتكـ