ارتطام الامواج ^ ^ رواية طويلة ^ ^ بقلمى lola w bs

[lola w bs]

انا عضوة جديدة فى المنتدى هنا ومألفة قصة وبتمنى مشاركتكم معايا



عندما ينكسر صمود الامواج على الصخور
يصفع الخيال بكف الواقع
وتعلم حينها ان لكل شئ نهاية
ستدرك انذاك انك عابر سبيل مرسل لمسرحية الواقع
وحينها نتجاوز أسوار الواقع ونصعد الى أبنية الخيال
ونريد أن نرى الدنيا بلونها الوردى
لنستنشق عبير الزهور دون ان تعكره لحظة النشوة
بألم الذكرى

نريد ان نتحدى الواقع
ونؤمن بالحب والاخاء فى عالم لا يؤمن به



تااااابعونى

فى احداث قصتى الجديده
أرتطــــــــــــــــــــــــــــــــــام الآمــــــــــــواج
لولااااااا وبس .......




الفصل الاول بعد عدة دقائق




روابط التصفح السريع

الفصل الاول
http://forums.banatmisr.com/msryat427734/#post4073800

الفصل الثانى
http://forums.banatmisr.com/msryat427734/#post4074604

[lola w bs]

الفصل الاول




فى مكان ما توجد فتاه يعلو صوت نحيبها وبكائها وكانت تردد عدة اسماء لتستنجد بهم ولكن لا يوجد رد
فى مكان اخر يوجد شاب يبحث عن اخته المفقودة اخذ الشاب ينتقل من مكان لاخر يبحث ويبحث
قطع بحثه صوت الموبايل الخاص به
الشاب: ايوة يا ماما
الام: ها يابنى لقيت اختك
الشاب(بحزن ويأس): لا يا ماما بس انشاء الله مش هرجع الا لما الاقيها
الام(بحزن): طيب يا بنى لما تلاقيها كلمنى
اغلق الشاب الخط واخذ يبحث فى المستشفيات وفى المنازل وفى اقسام الشرطة وعلى الارصفة ولكن لا يوجد لها اية اثر
كانت الفتاه ملطخة بالدماء على وجهها من كثرة الضرب
كانت تصرخ بشدة فاقترب منها احد الرجال
الرجل: ايه يا قطة اهدى شوية مش كدة
الفتاه(ببكاء ونحيب): انتو عايزين منى ايه انا عملتلكو ايه عشان يحصل فيا كدة سيبونى بقا حرام عليكو
الرجل(بزعيق): اخرصى خالص مش عايز اسمعلك اى نفس
الفتاه(ببكاء) وكان صوتها يهدأ شيئا فشيئا :انا معملتش حاجة ليه يحصل فيا كدة ليه ليه
وبعدها فقدت الفتاه وعيها
فى هذا الوقت دخل رجل كبير الحجم وجهه ملئ بالقسوة منظره يدل على هيبته فى هذا المكان يطلق عليه رجاله باالزعيم لكبريائه وقوته وقسوته
الزعيم(بزعيق): اييه اللى عملتوه فيها دا يا حيوانات انا قلت تجيبوها مش تقتلوها
الرجل(بتوتر): ما يا باشا كانت بتصرخ وبتعيط فكان لازم نعمل كدة
الزعيم: انت حيوان وكلهم زيك اتفضلو شيلوها وودوها الاوضة التانية وتجيبو الدكتو اللى فى العمارة اللى جنبا بسرعة يلا
الرجال: امرك يا باشا

نفذ الرجال امر زعيمهم حملوا الفتاه الى الغرفة الاخرى

وخرج رجل من الرجال ليأتى بالطبيب للفتاه وذهب الى المبنى المجاور لهم
وصل الرجل الى منزل الطبيب وطرق عدة طرقات ففتحت له سيدة كبيرة فى العمر
السيدة: خير يا بنى عايز حد
الرجل: اه يا حجة الدكتور محمد موجود
السيدة: اه يا بنى ثوانى هندهولك
دخلت السيدة الى غرفة ابنها واخبرته بان شخص يريده فى الخارج
خرج الشاب الى الرجل
محمد: هو فيه حاجة يا ......
الرجل: حسام اسمى حسام
محمد: اه طيب تشرفنا
حسام: كنت عايزك فى خدمة كدة
محمد: اتفضل محتاج اى حاجة
حسام(بغيظ): لا بس اصل بنت خالتى اغمى عليها ومش عارف اعملها ايه
محمد: طب اوك ثوانى هغير هدومى وهاجى معاك
حسام: ماشى بس بسرعة
دخل الشاب ليبدل ملابسه ثم خرج الى الرجل الذى يدعى حسام وذهب معه الى المبنى المجاور ثم اوصله الرجل الى غرفة الفتاه
دخل الشاب الغرفة التى تقتن بها الفتاه وعندما اقترب منها تفاجأ بمنظرها فكان وجهها مليئ بالدماء وكانت ملابسها متلطخة بالدماء وكان على وجهها اثر البكاء والارهاق الشديد
فنادى الشاب على الرجل
محمد: هو ايه اللى حصل انت قولتلى انها اغمى عليها بس دى باين عليها مضروبة جامد
الرجل(بحدة): مش شغلك دا انت عليك تفوقها وبس
محمد: اوك بعد اذنك

اقترب الطبيب من الفتاه واحضر ادواته الطبية لكى يسعفها ولكن كان يريد ان يعرف ما هى قصة هذه الفتاه
اسعف الشاب الفتاه واخبرهم انها ستفيق بعد عدة ساعات وامرهم بالراحة التامة لها وعدم اجهادها فى فعل شئ

كانت والدة الفتاه تبكى بشدة على ابنتها المفقودة وكان اخوة الفتاه يواسون والدتهم وبعدها حضر الشاب الذى كان يبحث عن الفتاه

الام(بلهفة): ها يا احمد لقيتها
احمد(بحزن): لا يا ماما مش لقيها ومش عارف هيا راحت فين

(كان احمد شاب قمحى اللون كان يتميز بعيونه الرمادية الجذابة كان شاب فى اوائل العقد الثانى)
الام(ببكاء شديد ونحيب): يعنى هيا راحت فين بنتى راحت فين انا عايزة بنتى جيبولى بنتى
اخذت الام تصرح وتبكى فاسرع اليها ولدها واعاطاها مهدئ لكى ترتاح
جلس الاولاد بحزن يفكرون فى حال والدتهم بعد اختفاء اختهم

كانت الفتاه فى مكان مجهور لا يوجد فيه غير شخص مخيف جدا عندما ينظر اليه احد يهروع ويهرب منه
كانت الفتاه تصرخ بشدة لكى ينجدها احد فجاء شاب لا تعلم من اين وانقذها ولكن قبل ان يهرب الشاب مع الفتاه قطع هروبهم صوت طلق نار اصيب جسد الشاب فوقع صريعا وتقدم الرجل من الفتاه وكلما اقترب ازدادة صرخات الفتاه
وعندما وصل اليها ...
قامت الفتاه مذعورة من نومها واطلقت صرخة عاليه سمعا الرجال الذين فى الخارج
تقدم اليها الرجا الذى يدعى حسام وهو يقهقه فى سخرية
حسام: ايه مالك شفتلى عفريت ولا ايه
نظرت اليه الفتاه شظرا واجابت: انت مين وعايز ايه منى حرام عليكو ابعدو عنى بقا
حسام: احنا مش عايزنك يا قطة بس فيه شخص عزيز اووى عليكة فابننتقم منه
نظرت اليه الفتاه وقالت: مين اللى عمل كدة

يتبع.............

[lola w bs]

ايه يا جماعة هى القصة وحشة ولا ايه مفيش ولا رد هنا يعنى ماكملهاش ولا اييه

[Îäm-ñøt ßèst ßût Âm-dîffèrèñt]

لا القصه جميله بس ابعتها لكل عضو في صفحته علشان يشوفها

تسلمي في انتظار باقي قصصك وتميزك معانا في قسم القصص

[lola w bs]

الفصل الثانى



قامت الفتاه مذعورة من نومها واطلقت صرخة عاليه سمعا الرجال الذين فى الخارج

تقدم اليها الرجل الذى يدعى حسام وهو يقهقه فى سخرية
حسام: ايه مالك شفتلى عفريت ولا ايه
نظرت اليه الفتاه شظرا واجابت: انت مين وعايز ايه منى حرام عليكو ابعدو عنى بقا
حسام: احنا مش عايزنك يا قطة بس فيه شخص عزيز اووى عليكة فابننتقم منه
نظرت اليه الفتاه وقالت: مين اللى عمل كدة
حسام: ..........
قطع الزعيم حديثهم بدخوله المفاجئ
الزعيم: ايه اخبارها دلوقتى يا حسام
حسام: تمام يا باشا بس عمالة تسأل اسئلة كدة
الزعيم: اسئلة ايه دى
حسام: انا ايه اللى جابنى هنا وانتو مين واسئلة شبه كدة
نظرة له الزعيم بغضب وقال: اياك تقولها على حاجة فاهم
توتر الرجل وقال: امرك يا باشا

غادر الزعيم غرفة الفتاه وايضا غادر الرجل الذى يدعى حسام
عندما اغلق باب الغرفة على الفتاه جلست تبكى بشدة واخذت تبحث بعينيها عن اى شئ يساعدها على الهروب من هذا المكان

فى منطقة اخرة بعيدة بعض الشئ عن هذا المكان
استيقظت والدة الفتاه وكانت تنطق باسم ابنتها ةتدعر ربها بأن ينجد فتاتها ويرجعها اليهم

عندما خرج الطبيب من المبنى كان يفكر فى الشخص الذى فعل ذلك فى الفتاه هل الشخص الذى يدعى حسام صادق ام كاذب وماقصة هذة الفتاه اسئلة كثيرة كانت تحوم حول رأسه نفض الشاب هذه الافكار ثم ذهب الى عمله

عندما غادر الزعيم المبنى اتصل ب......
الزعيم: ايوة يا على عايزك تبعتلى واحد من عندك يخلصلى على الغبى حسام عشان لو قعد اكتر من كدة هيقول للبت على كل حاجة وكمان ابعتلى واحد تانى يحرس البت واحد تكون واثق فيه فاهم وحلاوتك هتكون موجودة بس تسمع الكلام
على: امرك ياباشا

فى منطقة اخرى يوجد شاب جالس على المقعد المجاور لمكتبه
اتى اليه شاب من نفس عمره
الشاب: ها يا احمد لقيتو مى
احمد وعلامات الحزن على وجهه: لا لسة مش عارف اختفت فين
الشب بحزن على حال صديقه : انشاء الله هتلاقوها
احمد(بصوت اقرب من البكاء): يارب يا زياد يارب
زياد شاب وسيم للغايه تتهاتف عليه الفتيات شاب متوسط الطول عيناه بنيتان وشعره اسود شاب فى اوائل العقد الثانى

كانت الفتاتان يساعدن والدتهن على النهوض
فتاه من الفتاتان: عشان خاطرنا يا ماما اهدى شوية
الام: اهدى ازاى واختك يا مرام مش موجودة ومنعرفش هيا فين
مرام: انشاء الله هنلاقيها بس انتى اهدى شوية
مرام فتاه طيبة للغاية قريبة جدا من والدتها فهى اكبر اخواتها
فى منطقة اخرى كان يوجد شاب جالس على مكتبه ويبدو انه شارد فى شئ
قطع شروده دخول شخص ما :
الشخص: مالك يا ادهم بقالك كام يوم حالك مش عاجبنى فى ايه احكيلى يمكن اقدر اساعدك
ادهم: المشكلة اللى انا فيها محدش هيقدر يحلها يا محمد
محمد: مشكلة ايه
ادهم: بعدين بقا المهم قولى فى حد برة تانى
محمد: لا مفيش حد هيكشف تانى
ادهم: طب انا ماشى بقا يلا سلام
محمد وهو مندهش من تصرفات صديقه :سلام

غادر الشاب الذى يدعى ادهم المشفى الخاص به هو وصديقه وذهب الى بيته
الام بلهفة: ها يا ادهم عرفت حاجة عن اختك
ادهم وعلامات الحزن بادية على وجهه: لا يا ماما مفيش جديد
ادهم شاب مرح للغاية فكان لا يخلو المنزل من كثرة الضحكات لكن الان اختلف الوضع فأصبح ادهم المرح ادهم الحزين كان ادهم يشبه اخته الصغرى المفقودة فى كل شئ
نظرة اليه الام بحزن وبكاء : يعنى هتكون فين يارب انا عايزة بنتى بنتى فين دورولى عليها حرام عليكو حرااام
كانت والدة الفتاه تصرخ بشدة وتذكر اسم ابنتها كثيرا
فنهض ادهم واقترب من والدته وساعدها على الدخول فى غرفتها لكى ترتاح

نهضت الفتاه من على سريرها واخذت تبحث عن اى شئ يساعدها فى الهروب
وعندما كانت تبحث اقتحم زعيم الرجال غرفتها وامسك بمعصمها بشدة فتأوهت الفتاه
الزعيم بغضب : يعنى انتى فكرك اننا اغبية اوووى عشان تلاقى حاجة هنا تهربى بيها
الفتاه بصراخ وبكاء: من ناحية انتو اغبية فانتو اغبية اووى كمان
نظر لها الزعيم بغضب شديد واقترب منها واخد يصفعها على وجهها وضربها ضربا مبرحأ حتى خارت قوة الفتاه وسقطت بين يديه مغشيا عليها
نظر لها الزعيم بخوف ونادى على احد الاشخاص
الزعيم بخوف : بسرعة اجرى انده الدكتور البت هتمووت بسرعة
الرجل: انت عملت فيها ايه يا باشا البت ماكنتش كدة
الزعيم بعصبية وخوف: انت مالك يا زفت انت انت تنفذ كلامى وانت ساكت فاهم
الرجل بخوف: فاهم

ذهب الرجل الى منزل الطبيب واخبره ان الفتاه فقدت وعيها ويلزم حضوره
ذهب الطبيب معه واوصله الرجل الى غرفة الفتاه
تقدم الطبيب من الفتاه وفحصها ثم اخفى اثر الدماء التى كانت عليها ونظر الى الفتاه نظرة شفقة لانه تأكد ان الرجال الذين فى الخارج هم من يفعلو ذلك بالفتاه وقرر ان يساعدها وعندما تستيقظ سيجبرها ان تقص عليه ما حدث لها
فى ذلك الوقت قطع شروده صوت الموبايل الخاص به
محمد: ايوة يا ادهم نعم
ادهم : انت ماجتش ليه يا بنى
محمد: معلش مش هقدر اجى انهاردة
ادهم: ليه ايه اللى حصل
محمد: بص هبقى احكيلك بليل
ادهم: طيب سلام
محمد: سلام
اغلق الطبيب الهاتف وقام ليستكمل فحص الفتاه وبعدها نهض ليرجع الى منزله
وصل الشاب الى منزله و جلس على المقعد المجاور لسريره وشرد فى الفتاه وكيف ان حالتها النفسية سيئة للغاية وقرر ....... يتبع ........

[lola w bs]

اقتباس المشاركة الأصلية كتبت بواسطة Ặŋặ fäńtåśtįc bợỷ ẌǷƿ لا القصه جميله بس ابعتها لكل عضو في صفحته علشان يشوفها تسلمي في انتظار باقي قصصك وتميزك معانا في قسم القصص

شكرا ليك جدا على متارعتك وردك على القصة واتمنى الفصل التانى يعجبك

[Îäm-ñøt ßèst ßût Âm-dîffèrèñt]

جميله جدا القصه ومشوقه

في انتظار باقي الحلقات

مع قلمك المميز

بس ده لو بقلم مكان مش هنا مكان قصص بقلم الاعضاء لما يجي المشر القسم كلميه ينقله

دومتي بخير

[ana lola]

جميلة اوى ومشوقة جدا
مستنية بقيت الحلقات
تسلم ايدك

[lola w bs]

فصل كبير اهو عايزة اشوف ردود كتيرة بقا

الفصل الثالث



اغلق الطبيب الهاتف وقام ليستكمل فحص الفتاه وبعدها نهض ليرجع الى منزله وصل الشاب الى منزله و جلس على المقعد المجاور لسريره وشرد فى الفتاه وكيف ان حالتها النفسية سيئة للغاية وقرر .....
قطع شروده دخول والدته الر غرفته
الام: مالك يا بنى بقالك كام يوم مش عاجبنى
الشاب : مفي يا حبيبتى بس فى مشكلة كدة بفكر فى حلها
الام: مشكلة ايه يا بنى قول يمكن احلهالك
الشاب: مش دلوقتى يا ماما انا عايز انام بعدين هبقى اقولك
الام بابتسامة رضا : ماشى يا بنى ربنا يحفظك تصبح على خير
خرجت الام من غرفته وهى تدعو له ورجع الشاب الى تفكيره مرة اخرى

فى منطقة اخرى كان ادهم واخوته يتحدثون فى امر ما ...
ادهم بحزن : هنعمل ايه دلوقتى احنا دورنا فىى كل حتة
احمد وقد امتلكه اليأس : مش عارف انا حتى سألت كل اللى نعرفهم وبردو مفيش جديد
مرام: طب ما تفكرو كدة مش يمكن حد .........
قطع حديثهم دخول والدتهم فعم الصمت المنزل بأكمله
الام: ايه مالكو سكتو كدة اول ما جيت
مرام : مفيش يا حبيبتى المهم مريم رجعت من الجامعة ولا لسة
الام: لا لسة ما تتصلى بيها وتشوفيها فين
مرام: حاضر يا ماما
ادهم: وانا كمان هروح اتصل على محمد
قامت الفتاه بالاتصال على شقيقتها
مرام: ايه يا مريم انتى فين كل دا
مريم: انا جاية فى السكة بس كان فيه محاضر متأجلة فحضرتها وجيت
مرام: ماشى يا حبيبتى خلى بالك من نفسك
مريم: اوك سلام

فى غرفة اخرى كان ادهم يحاول الاتصال بصديقه ولكن هاتفه مغلق فرجع الى عائلته
تقدمت الفتاه من والدتها وقصت لها ما حدث مع شقيقتها
وبعد عدة دقائق رن الجرس الخاص بالمنزل فتقدم شاب لفتحه فتقدمت منه فتاه
الشاب وهو يحاول ان يضفى بعض المرح واخراج عائلته ولو لحظة من جو الحزن السائد فى المنزل: كل دا يا بت بتعملى ايه
مريم: وسع كدة انا مش فيقالك
تقدمت الفتاه من عائلتها واقتربت من والدتها وطبعت قبلة على يديها وجبينها
الام بابتسامة حزينه: حمد لله على السلامة يا حبيبتى
مريم: مش وقت سلامات يا ماما انا هموت من الجوع
ادهم: ماتروحى تاكلى المطبخ عندك اهو ولا انتى لازم تعملى اعلان انك جعانة يعنى
مريم: انت مالك انا بكلم مامتى اصلا
احمد: يا بنى اسكت احسن هيا شكلها كانت بتاخد جرعة رخامة من صحابها
مريم: بص انا مش هنزل لمستواك واردعليك
انطلقت الفتاه الى غرفتها لتبدل ملابسها وقامت والدتها باعداد الطعام
مريم فتاه من اوائل العقد الثانى فى المرحلة الثالثة من الجامعة
قام ادهم بالاتصال على صديقه مجددا ولكن ايضا لا يوجد رد

فى منطقة اخرى كان يوجد شاب يامر احد مساعديه بفعل شئ
الشاب: بص يا بنى انا هاديلك اللى انت عايزه بس تنفذ اللى هقولك عليه
المساعد: تمام يا كبير بس ايه الحكاية
الشاب: عايزك تخلصلى على واحد
المساعد: مين دا اللى مضايق على باشا وانا اوريه
على بابتسامة: ايوة كدة احبك وانت بتسمع الكلام
المساعد: انا كلى امرك يا باشا
على : طب اسمع بقى اللى هقولك عليه اللى عايزك تخلص عليه واحد اسمه ........ واتفق الشاب مع مساعده على الخطة

عندما غادر مساعد الشاب اتصل الشاب ب.......
الشخص: ايوة يا على عملت اللى قلتلك عليه
على: ايوة يا زعيم بس انت عايزنى اخلص المهمة امتى
الزعيم: لا استنى شوية لما الاقى الوقت المناشب هقولك
على: تمام يا باشا
الزعيم: جبتلى الولد اللى هيحرص البت
على: تمام يا ريس فى ظرف ساعة هتلاقيه قدامك
الزعيم: تمام يا على وفلوسك هتكون موجودة بس بعد ما العملية تتم
على: تمام كدة

خرج الشاب من غرفته بعد ان ابدل ملابسه ولكن فبل خروجه من المنزل سمع صوت والدته تحثه على المجئ اليها فتقدم اليها

الام: ايه يا حبيبى انت خارج ولا ايه
محمد بابتسامة: اه يا ماما رايح مشوار بسرعة كدة وجاى
الام: طب يا حبيبى روح و خلى بالك من نفسك
تقدم الشاب وقبل يد والدته وقال: ربنا يخليكى ليا يا حبيبتى يلا سلام

غادر الشاب منزله وتقدم الى المبنى المجاور لكى يطمئن على الفتاه وعندما دخل تقدم اليه شخص

الشخص: خير يا دكتور انت عايز حد هنا
الشاب: ايوة يا حسام انا كنت جاى عشان اطمن على البنت
حسام: بص انا هدخلك انا كمان عايز اساعدها انا هدخلك بس عشان الباشا مش موجود واياك تقول لحد انى دخلتك
الشاب: متخافش يا حسام مش هعمل حاجة

عندها تقدم الشاب الى غرفة الفتاه
طرق الباب ثم دخل

الفتاه باندهاش وتفاجؤ بدخول شخص لم تراه ابدا: انت مين
الشاب : انا الدكتور اللى عالجتك
الفتاه: بس انا مشوفتكش قبل كدة
الشاب بمرح: علشان كل لما باجى الاقيكى مغمى عليكى واكمل بجد : انا عايزك تحكيلى ايه اللى حصلك وصدقينى انا عايز اساعدك بس انتى كمان لازم تساعدينى
الفتاه بسعادة: بجد هتخرجنى من هنا
الشاب بابتسامة : اكيد بس قوليلى انتى الاول اسمك ايه
الفتاه: اسمى مى وحضرتك
الشاب: محمد قوليلى بقا ايه اللى حصلك
الفتاه: انا كنت خارجة من الجامعة بليل وكنا رايحة اركب العربية بتاعتى فجأة لقيت حد ضربنى على دماغى ووقتها اغمى عليا ولما فقت لقيت نفسر هنا وانا مش فاهمة انا هنا ليه
الشاب: طب مسألتيش حد انتى هنا ليه
الفتاه: سألت وكان فيه واحد هيجاوبنى بس دخل علينا راجل شكله بيخوف كدة وزعق للراجل التانى بس كدة

كاد الشاب ان يكمل حديثه ولكن قطع حديثهم صوت صراخ بالخارج وصوت طلق نار
دخل شخص عليهم واندهش بوجود الطبيب

الزعيم: انا بتعمل ايه هنا
الشاب: انا كنت جاى عشان اطمن على البنت
الزعيم بسخرية : واطمنت عليها بقا
الشاب: اه الحمد لله
الزعيم: بما انك اتطمنت عليها فاحنا مستغنيين عن خدماتك وياريت ماتجيش هنا تانى

عندها خرج الشاب بعد ان القى نظرة اخيرة على الفتاه
وعندما خرج تفاجأ بمنظر رجل ملقى صريعا على المقعد كان هذا الرجل حسام اندهش الشاب بشده ولكنه خرج سريعا من المبنى
وعندما خرج من المبنى شرد فى الفتاه وكيف يستطيع ان يخلصها من هذا المبنى اللعيبن وجاء فى فكره ان يتصل بقسم الشرطة ...ولكن يمكن ان يقتلو الفتاه فماذا يفعل
قطع شروده اتصال احد الاشخاص به

محمد: ايوة يا ادهم عامل ايه
ادهم: محمد انت بقالك كام يوم متغير تعالى قابلنى واحكيلى فيك ايه
محمد: طيب بس انت كمان هتحكيلى مالك
ادهم: ماشى يلا انا مستنيك فى مكانا
محمد: اوك انا جايلك حالا

عندما خرج الشاب من المبنى امر الزعيم من الرجل الذى ارسله الشخص الذى يدعى على بأن يحرص الفتاه ولا يدخل اليها احد

كانت الفتاه تلعن حظها وانها كانت لتخرج بمساعدة هذا الشاب التى لم تتوقع مساعدته لها وشردة فى ملامحه
محمد شاب فى اوائل العقد الثانى يعمل طبيب شاب وسيم بشرته بيضاء وعيونه عسليتان

ذهب الشاب الى صديقه ووجده جالس فى مكانه المعتاد فتقدم اليه

ادهم: كل دا يابنى بتيجى
محمد: معلش يا ادهم انت عارف الطريق بقا
ادهم: طيب ماشى يلا بقا قولى مالك

فى منطقة اخرى كانت الام تبكى وهى تصلى وعندما انهت صلاتها تقدمت اليها ابنتها

البنت: تقبل الله يا ماما
الام: ربنا يخليكى يا حبيبتى ما تروحى يا مربم تنادى اختك مرام وتيجو تقعدو معايا
مريم بابتسامة: حاضر يا ست الكل
الام بحزن: كان نفسى اختكو تكون هنا
مريم: ان شاء الله هنلاقيها يا ماما
الام بتنهيدة حارة: يارب يا بنتى يا رب

خرجت الفتاه من غرفة والدتها وتقدمت الى غرفة اختها الكبرى

مريم: ايه يا مرام انتى لسة نايمة
اندهشت مريم لعدم رد شقيقتها عليها
مريم: مرام اصحى يا مرام

ولكن ايضا لا يوجد رد
تقدمت الفتاه من شقيقتها ولمست بيديها جبهة شقيقتها فوجدتها باردة للغاية فأطلقت الفتاه صرخ مدوية سمعها والدتها

فى منطقة اخرى كان يوجد شاب يتحدث عبر هاتفه

الشاب: ازيك يا سارة عاملة ايه
سارة: عايشه يا احمد ها لقيتو مى
احمد بتنهيدة حزينة: لا لسة
سارة ببكاء: لسة ازاى هتكون راحت فين يا حبيبتى يا مى
احمد: اهدى يا سارة ان شاء الله هنلاقيها
سارة فتاه فى اواخر العقد الاول صديقة مى المقربة وتكون ايضا خطيبة احمد فتاه خجولة ملامحها هادئة فتاه رائعة الجمال عيونها بنية اللون

سارة: هتكون فين يا احمد انتو سألتو كل الناس
احمد بحزن شديد: ايوة مفيش اخبار
سارة ببكاء شديد: اكيد فيه بس انتو مسألتوش كويس
احمد: اهدى بس ان شاء الله هنلاقيها
سارة: طب انا هقفل ولما اهدى هبقى اكلمك تانى
احمد: اوك يا حبيبتى بس ابقى طمنينى عليكى
سارة: حاضر يلا سلام
احمد: سلام

فى منطقة اخرى كان يوجد شابان يبتحدثان

محمد: لا انت اللى هتقول الاول
ادهم: اوك بص......

قطع حديثهم رن الموبايل الخاص بأدهم

ادهم: ثوانى يا ادهم حرد على ماما
محمد: اوك

ادهم: ايوى يا ماما خير يا حبيبتى
الام ببكاء ونحيب: ادهم الحق مرام مش بترد علينا بسرعة يا ادهم تعالى
ادهم بفزع وهلع: ايه حاضر حاضر انا جاى

يتبع......

[lola w bs]

الفصل الرابع



انهى الشاب المكالمة وهو خائف ومصدوم على اخته
محمد: ايه يا ادهم فى ايه
ادهم: معرفش ماما بتقولى مرام مابتردش يلا سلام انا ماشى
محمد: استنى يا ادهم انا جاى معاك

غادر الشابان المكان وذهبا الى منزل ادهم عندما وصل الشابان المنزل سمعا صوت صراخ ونحيب فدخلا مسرعين

ادهم: ماما فى ايه فهمينى
الام ببكاء: مرام مش بترد تعالى شوف مالها
ادهم بتوتر وخوف: حاضر حاضر

اسعف الشاب اخته وهو مهروع وخائف اخبرهم انه يجب نقلها الى المشفى وطمأنهم انها على قيد الحياة ذهبا كلا من بالمنزل الى المشفى
عندما رجع الشاب الى منزله لم يجد اى شخص بالمنزل فاتصل بشقيقه

احمد: ايوة يا ادهم انتو فين
ادهم: احنا في المستشفى يا احمد
احمد وهو خائف ومصدوم: ايه ايه اللى حصل
ادهم: مرام

قبل ان يكمل الشاب قطع حديثه اغلاق الخط
عندما اغلق الشاب الخط هروع الى المشفى

دخل رجل ضخم غرفة الفتاه ممسك ببعض الاطباق

الرجل: خدى كلى يلا
الفتاه: هو انت تعرف انا هنا ليه
الرجل: لا ومش عايز اعرف خدى يلا
الفتاه: انا مش عايزة اكل حاجة منكم
الرجل: عنك ما اكلتى خرج الرجل

بعدها من الغرفة
تقدمت الفتاه من باب الغرفة وفتحته وتأكدت انه لا يوجد فى المبنى غير شخص واحد فقررت فعل شئ

فى المشفى كانت الام تبكى وهى تدعى ربها ان ينجد فتاتها
عندما وصل الشاب الى المشفى
احمد: ادهم مرام مالها قولى
ادهم: مش عارفين الدكتور دخلها اوضة العمليات ولغاية دلوقتى مطلعش احمد: طب مش انت دكتور مدخلتش معاهم ليه
ادهم بقلق شديد وخوف: ها اه صح انت صح
احمد: اهدى يا ادهم وان شاء الله هتبقى كويسة
ادهم: يارب بص خليك جمب ماما وهديها وطمنها
احمد: طيب روح انت
ادهم: اوك

دخل الشاب غرفة العمليات وهو خائف على اخته وكان يريد ان تبطل شكوكه

ادهم: خير يا دكتور اختى عندها ايه
الطبيب بأسف وحزن: للأسف اخنم عندها سرطان فى الرحم بس هو فى مبيض واحد بس
ادهم بحزن على اخته وكان يتمنى ان تبطل شكوكه: انا كنت حاسس بس مردتش اقولهم غير لما اتأكد يعنى بس مبيض واحد بس هو اللى اتأذى والثانى مفهوش حاجة صح
الطبيب: صح
ادهم بحزن : ياربى بس انا هقولهم ازاى دلوقتى
الطبيب: لازم تقول للمريضة عشان تتعالج ولازم يكون عندها صبر وقوة تحمل عشان تتعالج بسرعة والا ممكن كدة السرطان ينتشر فى باقى جسمها وكدة مش هتقدر تخلف خالص وممكن يحصل مضاعفات
ادهم: يعنى ايه اللى هيحصل دلوقتى يا دكتور
الطبيب: لازم تقول لأختك عشان نلحق نستئصل المبيض وعشان مينتشرش المرض اكتر من كدة
ادهم: ماشى يا دكنور متشكر جدا بعد اذنك

فى غرفة الفتاه كانت تتحدث مع شقيقتها ومع والدتها وكانو يطمئنوها انها بخير وليس يوجد يها شئ فى ذلك الوقت دخل الشاب غرفة اخته

الام: ها يا ادهم الدكتور قالك ايه طمنى يا بنى
ادهم بأسف وحزن على ما تعاني منه اخته: الدكتور قال ان مرام عندها

كان يتحدث ببطئ شديد وكان الجو ملئ بالتوتر والخوف

مرام: فى ايه يا ادهم قول بقا
ادهم: مرام انتى لا ..سف عندك س..رطان فى
لم يكمل الشاب حديثه لانه سمع بكاء اخته ووالدته ونحيبهم
الام ببكاء: سرطان ايه يا بنى انت متأكد
ادهم بحزن على حال والدته واخته: للاسف يا ماما هيا عندها سرطان فى الرحم
مرام بصراخ: متهزرش يا ادهم ارجوك بلاش هزار فى الحجات دى
ادهم بحزن شديد: مرام انتى كنتى بتشتكى من وجع بطنك
مرام وهى لا تقوى على الحديث: ايوة ارجوك يا ادهم قول الحقيقة
ادهم: هيا دى الحقيقة يا مرام بس دا فى مبيض واحد بس
مرام ببكاء وصراخ: اطلعو برة مش عايزة حد هنا عايزة ابقى لوحدى

خرج جميع من كانو بالغرفة ليتركو ابفتاه لتفكر بهدوء
الام: يعينى عليكى يا بنتى دى لسة صغيرة اه يارب صبرنى واحدة مش لقينها والتانية تعبانة
احمد بحزن: استغفرى ربنا يا ماما وان شاء الله خير
الام بحزن وهى تدعى ربها بأن يغفر لها: ادهم هو مفيش حل
ادهم: فيه يا ماما بس لازم مرام ترضى
الام: قول يا بنى وانا هقنعها
ادهم: هما المفروض هيستئصلو المبيض عشان المرض مينتشرش
الام: هو مبيض واحد صح يا ماما
ادهم: صح يا حبيبتى
الام ببكاء: يارب يشفيكى يا بنتى يارب

امسكت الفتاه بإحدى اطباق الطعام وخرجت من الغرفة
وتقدمت من الرجل والقت الطبق فوق رأسه فوقع مغشيا عليه تحومه الدماء

فى برودة الجو وهبوط الامطار وصراع حاد بين الرياح
اخذت الفتاه تسرع فى مشيها لكى تهرب من هذا المكان الذى يعتبر بالنسبة لإا اكثر مما يسمى مقبرة

كانت تبكى وهى تسرع فى مشيها ماذا افعل يا ربى لم تعرف الفتاه اين هى ولكن كانت تشعر بأنها رأت هذا المكان من قبل اسرعت الفتاه اكثر واخذت تبحث عن اى شخص يدلها على منزلها

فى منطقة اخرى
يوجد فتاه طيبة القلب من ينظر اليها يحبها ويرتاح اليها كان يوجد صراع داخل عقلها ما الذى فعلته ليحدث هذا كيف ياربى تفعل بى هذا تذكرت الفتاه ربها واستغفرته ودعت بأن يشفيها ولكن كيف وانا لم اعد انجب كيف ياربى انجدنى واخلق لى الخير
قطع تفكيرها وبكائها دخول والدتها اقترب الام من فتاتها وضمتها لكى تبعث فى قلبها الحنان والرضا اخذت الفتاه تبكى وصوت بكائها يعلو شيئا فشيئا وكأنها تقص لوالدتها ما تشعر به
ولكن بالبكاااء

..... يتبع.....