شايف البنت دية.........شمال

[♥SaRa]

السلام عليكم ورحمة الله وبركاتة


اولاً :انا اعتذر عن عنوانـ الموضوع لكن هذا ما يقال
ولا آحد ينكر


ثانياً:أبدأ في الموضع الي هيجنني قريب


البنت تكون ماشية في حالها في الشارع في النآدي اي ان كان
تلاقي الشباب بيكلم مع زميلهم ويقولوا
:شايف البنت دي دي شمال وكذا وكذا وكذا دا بص لبسة كذا وكذا وكذا

ـطب انت يا كابتن مالكـ بلبسها لية تحكم عليها بلبسها هي اة لابسة كدة بس اخلاقها عالية جدا ويمكن اعلي من وآدة لابسة نقاب
وبيحصل صح ولا لاء

وممكن اي بنت مننا في المنتدي بيحصل معاها موقف زي دا
ويا عيني لو بنت شاب هيتقدم ليها وبيكلم اصحابة وبيقول ليهم انا البنت فلان عجبتني وعايز اتقدم لها
تلاقيهم بيقولوا:بنت فلان!!
دي بص لابسة اية دي بص عاملة اية في لبسها في طرحتها في ستايلها
ـطب يا ابن الحلال وانت مالكـ
هو معجب بيها انت بئة مالكـ

ـبجد انا هيجيلي حاجة بسبب الحكاية دي

عايزة بئة اسأل سؤال للبنات والشباب

البنات:ـيا تري انتي اية موقفكـ لو سمعتي حد قالكـ كدة هل هتغيري ستايلكـ علشان خاطر رأيهم؟؟

الشباب:ـبالنسبة ليكـ انت هل انت بتحكم علي البنت من لبسها ولو حبيت بنت وكنت عايز تتقدم لها وصاحبكـ قالكـ زي الي فوق هتكمل عادي ولا هتصرف نظركـ
ويا تري بتبقي اية نظرتك لبنت لابسة بنطلون وحجاب
؟

يا ريت اجابتكم تكون بكل وضوح وصراحة لاني بجد عانيت بسبب الحكاية دي

[Aya 7ekaya]

البنت هى اللى بتخدد من مشيتها وطريقتها ولبسها هى محترمه ولالا مش اى حاجة تانيه يعنى بنت ماشيه بتتكلم ف الموبايل مش كده بس كل الشارع سامع صوتها وبطريقه مش حلوة لازم يتقال عليها شمال
تسلمى ع التوبيك

[ana lola]

بصى الموقف دا بيحصل كتير
وعلى فكره مش الى اعد فى الشارع
ليل ونهار هو الى هيحكم عليا من لبسى
او شكل طرحتى انا شايفة انى لبسى
عادى مفيش حاجة فية ملفتة يبقى خلاص
فسيبك منهم واعتبريهم بيكلموا نفسهم
تسلمى على التوبيك ^_^

[sฝeet αηgeℓ]

موضوع مهم جدا
فعلا ناس كتير بتحكم مجرد شكل خارجى ولبس
طبيبعه معظم الناس كدآ
عندهم حب فظيع انهم يشوهوا سمعة اي حد !
بالنسبه للسؤال فلو انا مقتنعه بلبسي
ومظهرى وشايفه انى فعلا
مش بعمل حاجه غلط
فمش ههتهم بلي يتقال عليا
وبالذات من الميعرفنيش

يسلموا توبك مميز

[big bốss]

حضرتك

البس دا متعلق بشخصية الانسان

و لازم الناس تعلق عليه اول حاجه

لانه هو الحاجه الظاهره للعيون من شخصيتة الانسان

و كل واحد حر فى لبسه مقلناش حاجه

بس غصبن عنه مش هيسلم من لسان الناس

انا عن نفسي بحب الموضه جدآ و الشياكه
و مش بربطها بالاخلاق

فكبرى دماغك

[bytw]

البنت هي من طريقة لبسلها و مشيتها وكلامها بتعبر عن طريقة تربايتها وعن مبدائها وتكوين شخصياتها ولازم منخليش حد ميسواش يقول علينا كلام مش حلاو بامانة هتفراحي لما حد وا نتي ماشية ينظرلكي بنظرة احتقار وهتفراحي لما حد يتكلام علي اهلك بطريقة مش كويسة لازم نغير طريقة لبسنا للحسن مش الشيطان يقولك هتخلي حد من الشارع يتحكم فيكي لا انا هكون احسن لماطرحتي تكون مدارية شعري ولبسي علي الموضه بس ميبينش جسمي مخليش حد في الشارع عنية تخرم جسمي عشان احنا بزمن محديش بيقول دي زاي اختي ارجوان تحتريموا رائ كبنت بس انا متاكدة من الكلا م دة عشان انا عندي اخوات صبيان وشكرا علي الموضوع الجميل دة

[✿ Celiηα]

معلش انا اعترض معاكي وبشده
البنت اللي تبقا لابسة لبس كده والشباب يتكلمو عليها
تبقا تستاهل اه تستاهل ونص كمان
ومعلش بقا مفيش بنت هتبقا ماشية فالشارع
لابسة لبس لازق عليها ونص شعرها بره الطرحة
وتبقا اخلاقها عالية لا دي كده متعرفش ربنا
ومعلش يعني انا لو شاب وشفت بنت ماشية كده
وانا شاب معلش بقا بحب اعلق عالناس انا ايه عرفني
دلوقتي انها بنت كويسة !! رغم ان ده مستبعد طبعا
والبنت المحترمة بتبقا محترمة من كلو
انتي لو لابسة لبس الحمد لله واسع ومش مبينة شعرك من الطرحة
وحد قال عليكي كده يبقا هو اللي مش محترم لكن لو واحدة زي اللي بتتكلمي
عنها وحد اتكلم عليها يبقا تستاهل
معلش بس دي وجهة نظري

وشكرا للتوبيك
ودي ~

[Twĕetỹy Ěmỹy]

حلو اوي الموضوع ده ومهم لان ده اللي بقى بيحصل
من رأيي يعني ان اللبس اكيد بيعبر عن شخصية البنت بس ده مش معناه ان البنت تبقى لابسه محزق وملزق لا وفوق كل ده محجبة وشعرها كلو طالع من الطرحه وبتمشي ضحكتها مسمعه يتقال ان دي محترمه لا دي يستاهل اللي يتقال عليها لكن لو واحده مراعيا ربها ف لبسها وهي نفسها محترمة طبيعي احترامها ده هيأثر على لبسها وكمثال انا واحده بحب اووي الموضة واللبس ده عشقي بس بلبس فحدود المعقول يعني اللي بشوفه حلو بلبسه وقبل مابخرج ببص لنفسي فالمرايا ولو لاقيت نفسي راضيه عن لبسي بخرج لكن لو لاقيت ان لبسي فيه حاجه اوفر وش بغيره فوقتها ومش هقبل ان ونا ماشيه يبقى ده وده عينه عليا وبيفصلوا جسمي بعيونهم لان انا ربنا خالقني غالية ليه ارخص من نفسي وميرسي عالتوبيك الكميل ده :d

[همسه الجوارح]

موضوع مهم اختى
فى الفاظ كتير فعلا بقت بتتقال
هما اصلا مش بيقبلوها
ع اهليهم بس سهله اوى تتقال ع بنات الناس
الناس اللى بتتلمز ع بعض دى بيوتها من زجاج
ولكنهم عاااااادى خالص
انا اعرف بنات شيك جداااا ولبسها ستايل
ولبس ضيق وبنطولنات
بس محترمه نفسها
واخلاقها كويسه
وناس تنيه لابسه محشم
وعبايات
ونقابات
بس هى فى الاصل لا تستحق شرف الملبس
فعمر الانسان ماكان بلبسه ولا شكله
المهم اخلاقه وضميره
يسلمو اختى ع الطرح

[♥SaRa]

اقتباس المشاركة الأصلية كتبت بواسطة ✿ celiηα معلش انا اعترض معاكي وبشده البنت اللي تبقا لابسة لبس كده والشباب يتكلمو عليها تبقا تستاهل اه تستاهل ونص كمان ومعلش بقا مفيش بنت هتبقا ماشية فالشارع لابسة لبس لازق عليها ونص شعرها بره الطرحة وتبقا اخلاقها عالية لا دي كده متعرفش ربنا ومعلش يعني انا لو شاب وشفت بنت ماشية كده وانا شاب معلش بقا بحب اعلق عالناس انا ايه عرفني دلوقتي انها بنت كويسة !! رغم ان ده مستبعد طبعا والبنت المحترمة بتبقا محترمة من كلو انتي لو لابسة لبس الحمد لله واسع ومش مبينة شعرك من الطرحة وحد قال عليكي كده يبقا هو اللي مش محترم لكن لو واحدة زي اللي بتتكلمي عنها وحد اتكلم عليها يبقا تستاهل معلش بس دي وجهة نظري وشكرا للتوبيك ودي ~

اولا انا الحمد لله مش بطلع شعري برة الطرحة وبشمأز جدالما الاقي بنت كدة
لكن طبعاً متستاهلش ان اي حد يقول عليها كدة لعني لما تكون بنت لابسة بنطلون سكيني او ليكرا وعلية مثلا بدي تحت القمر ب20 او 10 سم تبقي كدة لبسها وحش وتستاهل ان حد يقول عليها كلمة
لية لية يكلموا عليها ويمسوها بكلمة رغم انها محترمة وفوق الكل
ومفروض ان الاحترام والادب ليس لة علالالالالالالالالاقة بالللبس تماماً
طبعا زي وصف اللبس الي وصفتهولكـ فوق
اما لو اقصر من كدا يبقي تستحق

طبعاً دي وجة نظركـ يا قمر واكيد هحترمها