الفصل الاخير

[حجازى فارس المصرى]

الفصل الاخير
********************
انسى حبى وانسى حنانى
انا حبيتك وانت انانى
سكين حبك جوا حشاى
ليل ونهار منها بعانى
******************
انسى حبى وخلينى ذكرى
جوا تاريخك مرت فترة
اتعلمت خلاص انا منها
اتعلمت وخدت العبرة
*****************
اتعلمت ازاى ماامنشى
للى يغدر بى ويمشى
قاللى بحبك والله بحبك
اتاريه وهم وانا مافاهمشى
********************
اتعلمت القسوة ازاى
اتعلمت الغنى فى بكاى
اتعلمت فى سوق الحب
غدرالقلب يكون ازاى
*******************
اتعلمت الدرس كويس
اتعلمت فى زعلى اهيص
غصبة عنى ولازم اتعلم
اتعلمت صبحت الريس
******************
حبى انا ليك كان جد بجد
حبى انا ليك كان مالهوش حد
آه ياعذابى وآه ياآلامى
آه يادموع نازلة ع-الخد
*******************
حبى انا ليك كان لى الفرح
صبح الحب دا اصعب جرح
جرح حبيبى اللى انا حبيته
خان العشرة وخان الملح
******************
خان ايام وليالى الحب
وبسكينه طعن القلب
ايام حلوة عاشها معاى
صبحت مرة وكلها غلب
*****************
ليه يا حبيبى فتحت الباب
توهم قلبى ان نحنا احباب
اتاريه وهم انا عشت عليه
حبك لى دا اصله سراب
*****************
ليه يا حبيبى منى بتهرب
بتبعد عنى كل ما اقرب
ببنى فى قلبى ليك بنية
كل ما ابنى انت تخرب
****************
انسى خلاص انسانى وافرح
قلبى خلاص مافيهوش ليك مطرح
قصة وهم وانسى خلاص
انت بطلها فوق المسرح
******************
وانت ياقلبى عيش ايامك
داوى جراحك داوى آلامك
وانسى حبيبك اللى امنته
واتخيلت معاه احلامك
*******************
كلمة اخيرة ليك يا حياتى
ياللى كنت سبب فى آهاتى
مش ندمان على حبك ابدا
انا ندمان على وقتى وذاتى
********************
وقت حياتى راح فى بلاش
وقت حياتى راح ولا جاش
لما امنت لقلبى معاه
سرق القلب طلع غشاش
*******************
قلبى قفلته بالمفتاح
على احزان واهات وجراح
مهما يخبط مين على بابه
قلبى خلاص كدا بقى مرتاح
********************
بقلمى/صعب نسيانك-حجازى

[♥SaRa]

كلمات جميلة ممتلئة بالفراق والالم
كلها احاسيس تطعن القلب وتقتلة

[حجازى فارس المصرى]

اقتباس المشاركة الأصلية كتبت بواسطة ana banota baskota كلمات جميلة ممتلئة بالفراق والالم كلها احاسيس تطعن القلب وتقتلة

اشكرك على تميز حضورك الراااائع
مع خالص تحياتى

[نغم الشام بعد المغيب..]

انسى حبى وخلينى ذكرى
جوا تاريخك مرت فترة
اتعلمت خلاص انا منها
اتعلمت وخدت العبرة




جميلة جداً الكلمات انما الأجمل هو إحساسك فيها

تسلم دياتك ويعطيك العافية

[حجازى فارس المصرى]

اقتباس المشاركة الأصلية كتبت بواسطة بعد المغيب.. انسى حبى وخلينى ذكرى جوا تاريخك مرت فترة اتعلمت خلاص انا منها اتعلمت وخدت العبرة جميلة جداً الكلمات انما الأجمل هو إحساسك فيها تسلم دياتك ويعطيك العافية

تحياتى اليكم واشكر لكم توااجدكم الرائع والمشرق

[السفيره عزيزه]

بسم الله الرحمن الرحيم

نزف على ورق الالم
مفاده حسرة وندم

وايام حب قد انصرم
وغلق الابواب وختم

فكم كان بركان وحمم
ولم يقابل الا بالمم



كن بخير وواصل
السير بالصبر
السفيره

[شظايا عمر]

مؤلم كثبرا ان نحب من ﻻ يقدر الحب

ونهتم بمن ﻻ يهتم وﻻ يبالي

ولكن برغم القسوه دوما

هناك درس برغم انه يؤلمنا

ولكنه يعلمنا الا ننحني

وﻻ نهدر حب قلوبنا

....

اخي الراقي

ما شاء الله علي حضرتك

رائع رائع كثيرا حرفك

وجميل جدا الاسلوب والكلمات

ابدعت في ما نثرت حقيقي

اتمني لك دوام التميز والتقدم

خالص تقديري وتحياتي وتقيمي

....

ولكن ينقل لقسم العاميه

[المنسي في الحياة]

مشكوووووور والله يعطيك الف عافيه

[حجازى فارس المصرى]

اقتباس المشاركة الأصلية كتبت بواسطة السفيره عزيزه بسم الله الرحمن الرحيم نزف على ورق الالم مفاده حسرة وندم وايام حب قد انصرم وغلق الابواب وختم فكم كان بركان وحمم ولم يقابل الا بالمم كن بخير وواصل السير بالصبر السفيره

السفيرة عزيزة كم هو تواجدك أسعدنى وكم هى اطلالتك جميلة وراقية
لكى منى خالص التقدير

[حجازى فارس المصرى]

اقتباس المشاركة الأصلية كتبت بواسطة قوة أنثي مؤلم كثبرا ان نحب من ﻻ يقدر الحب ونهتم بمن ﻻ يهتم وﻻ يبالي ولكن برغم القسوه دوما هناك درس برغم انه يؤلمنا ولكنه يعلمنا الا ننحني وﻻ نهدر حب قلوبنا .... اخي الراقي ما شاء الله علي حضرتك رائع رائع كثيرا حرفك وجميل جدا الاسلوب والكلمات ابدعت في ما نثرت حقيقي اتمني لك دوام التميز والتقدم خالص تقديري وتحياتي وتقيمي .... ولكن ينقل لقسم العاميه

الجميلة الراقية (قوة أنثى) كم هو تواجدك متميز وجميل ...تواجدك ينمو على انك انسانة تقدرين معنى الكلمة ...لكى منى خالص الود والتقدير