بكره هتتحقق احلـآمنا (3) مع جبل عالى

[Aya 7ekaya]

السلام عليكم معايا النهاردة عضوة انا شخصياً بحبها جداً بقلبها الطيب والكبير واللى بتقولى انا قد مامتك ( معقول مامتى كبيرة كده هههههه ) نبدأ فـ الحوار العقلانى المتزن جدا ف البدايه كانت فضفه جميله جدا انا نفسى استمتعت بيها بسم الله أولـاً منورانـا جدا وهتنورى الفضفضه كلها والله النور نوركم انتم بجد ... ربنا يكرمكم نبدأ مع الـأسئله ^^ اتفضلي .....يارب أستررررر عرفينا بجبل عالى ، وأوصفى نفسك فى سطور قليله ..! ممم إنسانة رخمة وغلسة بشهادة الشهود ... معرفش بجد بتمسك بالحق برخامة في كلمة ونص ... تقدري تقولي حنبلية وخلاص بئا ليه أخترتى اسم ( جبل عالى ) ..؟ انا من النوع اللي بيتبع إحساسه أوي ..وساعة ماسجلت بصيت لنفسي لقيتني شايلة كتير وبشيل كتير برضو ... فالإسم جه معايا تبع إحساسي وبس أنتى شخصيه أنطوائيه ولـآ اجتماعيه ..؟ بصراحة أنا إنطوائية جداً .. بس يوم ماأحكي ولا أتفاعل بتلاقيني بربنط..ويوم ماأنصح حد بأنصح من جوه قلبي أوي وبتفاعل ممكن يحسس الناس اني ياسلام إجتماعية درجة أولي .... بس ده مش صح مين اللى بتعتبريه أقرب حـد ليكِ ..! أقرب حد ليا كانت أمي الله يرحمها...حالياً مممممم صديقتي سكرة ربنا يكرمها يارب وجهى نصيحه عامه أو خاصه ..! نصيحة عامة ...بجد محدش يترك نفسه لإنفعالاته السياسية أيا كان اللي شايفه ولا مؤمن بيه ....لأنها خداعة ومحدش يعرف بواطن الأمور ... نصيحة خاصة ممممم ...هدي أعصابك وبلاش تخسر اللي قدامك بلحظة غرور ولا بلحظة عصبية فارغة ... الموضوع مش مستاهل كل ده .... قوليلنا ايه هى مبادىء جبل عالى فى الحياه ..؟ مبدأي...الرضا بالمقسوم مهما كان والحمد لله على الضراء قبل السراء ممكن الحزن يهزمكـ فى يوم من الـأيام ..؟ بصراحة شديدة ... جداً جداً جداً ..... لغاية وقت قريب أوي ... بس الحمدلله بحاول أفوق (( أنت كل شىء بحياتى )، لمين تقوليها ؟ بقولها لولادي الحقيقة .... ربنا يحفظهم يااااارب قوليلنا اكتر حكمه أنتى مؤمنه بيها ؟ إعمل لآخرتك كأنك تموت غدا ...وإعمل لدنياك كأنك تعيش أبدا لو قولنالك أكتبى كلمه على جدار الزمن ، هتكتبى ايه ؟ هاكتب .... ياترى في إيه تاني لسه مخبيه ليا ؟ الحلم ..! الأحلام دي على فكرة كانت في فترة مراهقتي هي المتنفس الوحيد اللي كنت بلاقي نفسي فيه ولولاها والله يمكن كان زماني إنتحرت ولا إتجننت .... بجد الحمدلله رب العالمين على كل شيء ايه كان اول حلم فى حياتك ، وكنتى فى اى مرحله ( عمركـ يعنى ) ! اول حلم كان ...أوضة كبيرة لوحدي ومليانة عرايس لعبة من كل شكل وكل لون ...كان عمر المراهقة على فكرة...ويمكن لازال ومش هتصدقي ...ربنا رزقني بعروسة قطن بعتهالي والله في الشارع متتخيليش بحبها أد إيه ولما أبصلها أحس انها بتكلمني ههههههه(هتقولوا عبيطة صح؟) ههههههههه بكلمك بجد بحبها بشكل غريب حسه انها شبهي أوي ... تقولى ايه لشخص فقد الأمل .! أقوله ... مادام لك رب كريم إعرف إنك لسه بخير وقول ...ياااااارب هل توقفت أحــلـآمكـ ؟ بالعكس ... لازلت أحلم وأحلم فـ النهايه وجهى رســاله لنفسكـ ..!! اقول لنفسي .... إنتي صدقتي نفسك إنك لسه جواكِ طفلة ولا ايه ؟؟؟ ماتفوقي ياحاجة بشكركـ على قبول الدعوهـ ،، ف انتظار الاجابه انا اللي باشكرك حبيبة قلبي لإستضافتك الجميلة ولأسئلتك المميزة

[™Amiliya]

لقاء جميل فعلا وجبل عادي انطباعي الاول عنها انها شخصية ودودة واسم ع مسمى
ادام الله عليكم التميز

[طمطم]

احسنتِ الاختيار والله ي ايه ^^..

منورة ي جبل بجد وربنا يرحم مامتك ,,


تسلمى ي يوشا ع الحلقة بئآ ,,

[Ŗăήćy]

أ/أمل
شخصية جميلة جداً وعقلها كبير ماشاء الله
عجبتنى اجاباتك,,تسلم ايدك
وربنا يخليك اولادك ويرحم والدتك ويجمعك بيها فى الجنة

تسلمى يـآيوشتى,,برنامج جميل
يدوم النشاط بئا^^

[✿ Celiηα]

استضافة جميلة ومنورة يا جبل يا قمر
تسلمي اية عالاستضافة ،،

[ساحر الأحزان]

حلقة جميلة وردة مع جبل

فضفضت وقالت عن احاسيسها

وما مرت بية

موفقين

[Angel Smile]

انسانة جميلة اووى انتِ يا جبل ^__^
مش عيب اننا نحب عمر الطفولة و نتعلق بيه
فمش تمنعى نفسك من عروسة تجبيها ليكى انتِ عندك كام جبل يعنى بقى ^^

يسلموا بقى الحلقة

[♥SaRa]

ـاحسنتي بجد ايوشآ في اختيار ضيفتك
بس اتصدقي اول مرة اعرف انك يا امل عندك ولاد
اقولك بقي يا أ/ امل
لحسن عيب كدة ببرضوا لازم احترم الكبير
هههههههههههه
بس والله منور يا امولة