مجرد فضفضه مجروحه

حبيت اجى افضفض هنا لانى بجد مخنوقه جدا
افضفض بس لانى محتاجه افضفض مش علان مستنيه مواساه من حد

انا حبيت انسان تقريبا لمده 3 سنوات
وهو جرحنى كتير جدا بس كنت بسامح لما يكلم البنت دى ويبعد عنى فجأة من غير مبرر

انا كنت حاسه انه بيحبنى حاجات كتير كانت بتدل على كده
وحتى بعد ما جبت مجموع وحش فى ثانيه ثانوى بسببه هو وجيت فى سنه ثالثه جبت مجموع عالى كان فرحان جدا
والفرحه اقدر احددها اذا كانت من القلب ولا تمثيل وكان هيزعل منى لو ماجبتش المجموع ده

قبل العيد سالنى لو جيت اخطبك دلوقتى ينفع فرحت جدا لانى كنت مستنيه الخطوة دى قعدنا نفكر ازاى هيبدا الكلام ويكلم بابا

وعدى العيد وزى ماانتو شايفين ظروف البلد كنت قلقانه جدا عليه وكل شوية اطمن عليه خايفه ينزل الشارع يحتك بحد
لدرجه انى كنت بأبكى علشان ماينزلش
اخر مرة كلمته قالى انه رايح مع واحد صحبه بيعمل عمليه فى عنيه قولتله لما ترجع طمنى قالى حاضر
رجع وماطمنيش ولا كلمنى بس دخلت على الفيس لقيته كان ناشر حاجات فااطمنت
اتصلت بيه ماكنش بيرد خالص اكتر من مرة بعد كده فونه اتقفل وانا كنت خايفه جدا وبموت من الخوف
لحد تانى يوم بليل كنت بعتله رساله على الفيس بقوله طمنى لما تدخل فتحت بعدها لقيته موجود واول ماكلمته قفل وبعدها بشويه فتح وقالى كنت بجيب الدبل لخخطيبتى قلتله مش فاهمه
قالى هخطب يوم الجمعه الجايه ان شاء الله كلمته عادى وقولتله مبروك ومين العروسه قالى بنت عمى قولتله لازم تعرفنى عليها قالى اكيد واحنا اخوات وعنيا ليكى لو احتجتى اى حاجة !!

انا مصدومه مش فاهمه اى حاجة
تعبت جدا ومش مصدقه يعمل كده معايا هو عرف بنات كتير وكانو وحشين والحمد لله انا البنت الوحيده اللى كان متمسك بيها وعمره ماقال عليه كلمه وحشه ودى شهاده ناس قريبه منه
وكلمت اهله فى البيت كمان واتعرفت عليهم
ليه حصل كده مش فاهمه بس حاسه انى مكبوته اووى

[تجملت بالعفآف]

مدام هو اختار شريكه حياته انتي لا تزعلي نفسك
وانسيه من حياتك ,, واكيد ربنا هيبعتلك بالي احسن منه
ويفرحك ويسعدك ويخاف عليكي من نزول دمعتك
الاهم من دا كله انك لا تخسري نفسك
وقاومي خداعه وكذبه واثبتي ليه انك قويه مثل الجبل
ميهزكيش اي عواصف رياح
اكتفي بهذا
وربنا يحميكي ويحفظك

[عاشق متيم]

اياكى تذعلى ثانيه واحدة عليه
هو لا يستحق انك تنزلى دمعة من عينيكى
وهو انسان خاين معندوش ضمير لانه اباح لنفسه
انه يلعب ببنات الناس ويضحك عليهم
وكفايه انك جبتى مجموع ضعيف بسببه ؛؛؛؛؛؛؛؛؛؛؛؛؛؛
ومش عارف انتى ازاى قبلتى على نفسك
تعرفى واحد عرف بنات قبلك لانه زى ما عمل فى اللى قبلك
هيعمل فيكى ودى كانت النتيجة ؟؟؟؟؟؟؟؟؟؟؟؟؟؟
لأ وجاى يقولك خلينا اخوات !!!!!!!!!!!!!!!!!!!!!!!!!!!!!!!
والله انا ما شفت بجاحة بالطريقة دى !!!!!!!!!!!!!!!!!!!
المفروض تفرحى وتحمدى ربنا انه خلصك من هذا الشخص
واعرفى انه هيجى يوم وهيزهق من خطيبته وهيروح يصيع على اى واحدة !!!!!!!!!!
اللى من نوعيه هذا الشخص مش يعرف يصون بنات الناس
انتى الكسبانه وكنتى هتخسرى كتير لو ارتبطى بيه
وكويس ان ربنا أظهر لكى الحقيقة وبين لكى انه انسان خداع ومكار والشيطان سول له عمله
واوعى تحزنى عليه واحمدى بك واشكريه واعرفى ان
لم يأت (الحزن) في القرآن إلا منهيا عنه كقوله تعالى:
(ولا تهنوا ولا تحزنوا) أومنفيا مثل: (فلا خوف عليهم ولا هم يحزنون)
وان الحزن لا مصلحة فيه للقلب، وأحب شيء إلى الشيطان
أن يحزن العبد ليقطعه عن سيره ويوقفه عن سلوكه
وقد استعاذ منه النبي ( صلى الله عليه وسلم )
وان الحزن يضعف القلب، و يوهن العزم ويضر الاراده،
ولا شيء احب الى الشيطان من حزن المؤمن
انتى خلصتى ثانويه عامة وركزى فى كليتك
وربنا يكرمك ويرزقك بزوج صالح يتقى الله فيكى

[طمطم]

بصرحة مش مستغربة لان 90% منهم بالاخلاق دى !!

انتى اخدتى درس ,, هو اه صعب انما اتعلمتى منه

والله م عارفة اقولك ايه !!

[❀ ЯeRōŎō ❀]

السلام عليكمـ ورحمه الله وبركاتهـ

بصراحه بدون مجملات انتي كمان غلطانه انتي بتقولي من اول الحكايه انه كان بيسيبك ويورح لبنت تانيه
وانتي كنتي بتسامحيه بزمتك لو كان بيحبك بجد كان يجرحك كده الحب عللي فكره افعال
مش مجرد احساس لان اغلب البشر دلوقتي بقو يحرفو بمعني الحب الحب الي بجد الي يخبط علي باب البيت
انتي عشان اتساهلتي معاه من الاول بس علي فكره مش هوا الانسان الي يتزعل عليه لانه اصلا
محترمش مشاعرك وفي لحظه قالك انكو اخوات مع انه قبلها كان عايز يتقدملك معلش يابنتي في ناس عقولها
مريضه كتير وانتي ياما هاتشوفي ناس ولازم تبقي اقوي وتحافظي علي مشاعرك للانسان الي يستهلها والي
هايكون نصيبك ان شاء الله

[✿ Celiηα]

الصراحة مش فاهمة كلامك اوي
ازاي يعني بيقولك كنت بجيب الدبل لخطيبتي هخطبها يوم الجمعة
وانتي بتقوليلي مبروك لازم تعرفني عليها و و وهو يقولك انتي زي اختي

الحكاية مش جديدة لأن نص بنات مصر بيحصل معاهم كده
والغلط كلووووووووو عليكي انتي انتي وبس بكررها

عشان هو كده كان واخدك تسلية زي اللي قبلك واللي قبلك
وهو عرف دي ومشي مع دي وكلم دي وحب دي

لكن لما جيه وجد الجد الجواز اختار بنت عمه طبعا واحدة عمرها ما عرفت حد قبله
ولا حبت ولا اي حاجة

كلهم كدا وانتي اللي غلطتي من الأول معلش
ودول ميستاهلوش ان واحدة مننا تنزل دمعة عشانهم ولا انك تزعلي عشانهم

[خارج عن القانون]

لو حبيبك خانك طلعله لساتك

[ملاك الحب*]

معلش يحبيبتى انا بجد حاسه بيكى اوى لان دوت شى صعب اوى عالعموم هو مش يستهلك ولا يستاهل قلبك اصلا حاولى تنسيه ومتفكريش فى تانى وهو اختار واكيد فى يوم هينجرح زى ماهو جرحك لان داين تدان وصدقينى عمره مهيلقى واحده تحبه زيك
انسيه هتبقى صعبه عليكى فالاول لانك اتعلقتى بيه 3سنين بس صدقينى مع مرور الوقت هتنسيه لان الى زى دول مينفعشى
تفكرى ولا تبكى عليهم ثانيه واحده هو زمانه اصلا نساكى وانتى مش فارقه معاه الى مش باقى عليكى اوعى تبقى عليه
وشوفى حالك ومعلشى دى تجربه ليكى بدم ما تكسرك اتعلمى منها معلش بقا محدش بيتعلم ببلاش وعالعموم كلنا اخواتك فى اى وقت

[ساحر الأحزان]

يا بنتى دة بيتسلى بيكى وما حبك انتى بس مجرد ديكور فى حياتة زيك زى الى ضحك عليهم

والى زى دة افضل حاجة انك تخرجية من حياتك

وما تفكرى فية

وان شاء الله تلاقى الى يقدر حبك

[سنابل مجروحة]

ولاتزعلي لوكان فيه خير ليك ربنا جمعك معاه

وإن شاء الله ربنا يرزقك أفضل منو