مشكلتى مع امى وابى

[ندى المصريه]

بسم الله الرحمن الرحيم
انا مشكلتى مع امى وابى انا مش حاسه انهم اهلى اصلا
انا حاسه بوحده من نحيتهم اوى
نفسى انهم يحسو بيا يفهمونى

المشكله مع امى

انا عندى 16 سنه عمرى متكلمت مع امى خالص فى حاجات تخصنى يعنى بحب وﻻ ﻻ بحب مين
ايه اللى بيضايقنى ايه اللى بيزعلنى كده يعنى المهم انها بتزعل لما اتكلم مع اى وحده كبيره تانيه ومبتكلمش معاها والله بيكون كﻻم عادى بس بصراحه انا مش واثقه انى اقول ليها اى حاجه ومش انا اللى غلطانه دى ماما هى اللى غلطانه انا معاها من 16 سنه مفكرتش تتكلم غير دلوقتى



مشكلة ابى


بابا لوحده مشكله عاوز كل حاجه فى الحال يعنى ينادى عليا ﻻزم ارد على طول حتى لو مش سامعه
مش مهم المهم ارد ازاى انا مش عارفه والله انا تعبت معاه ومينفعش اقول على اى حاجه مش عجبانى ﻻزم كل حاجه تعجبنى غصب حتى لو مش عجبانى ينفع كده يعنى
وعنده كمان مينفعش تعترض على وجهة نظره ﻻى سبب كان ﻻزم توافق حتى لو غلط بالنسبالك عادى


طيب ده ينفع يعنى بالله عليكو ينفع ده
والله انا بحسد الناس اللى اهلها ميته على الاقل عرفين انهم ميتين مش موجودين وجودهم زى عدمه

اسفه ﻻنى طولت عليكو

[سهـــر]

استغفري ربك ي بنتي
انتي مالكيش غير اهلك
ما ينفعش كلامك ده
ادعي ربك يخليهم ليكي ويحفظهم
حاولي تقربي منهم تتكلمي معاهم
انتي 16 سنه مش كبيره أوي يعني
لسا في سن طفولتك
روحي لمامتك احكي معاها هي عايزه تسمعك
ويعني لو ما وثقتيش فيها هتثقي في مين
في حد من بره تحكيله ويومين تلاقي الكلام بئا بين الناس
والدك بئا ليه وجهة نظر اسمعيها واحترميها
وناقشيه فيها بهداوه

ربنا يصلح الحال

# ما تقوليش كلامك الي في اﻷخير ده تاني

[طمطم]

بصى ي ندى اللى عندك احساس طبيعى جدا ف سنك

بتحسى ان محدش فاهمك ولا حد محسسك بقيمتك ومكانك ..

وده اهم احساس بيحسه اى حد ف مرحلة المراهقة ,,
انه عايز الناس تعامله ع اساس انه بئآ حد كبير مش لسه عيل صغير

ف عائلات بتتفهم الوضع وعائلات تانية لا ,,
بس ده مش معناه ان عيلتك مش بتحبك او مش مهتمة بيكى
لا ..

كل اب وام ليهم طريقة تفكير معينة .. انتى بئآ اللى لازم تبدآى

يعنى ابدآى اتكلمى مع مامتك ,, حتى لو ف اى كلام وخلاص
المهم انك تفتحى حوار بينكوا وشوية بشوية هيقل الحاجز النفسى اللى انتى عملاه دلوقتى
وهتحكى لمامتك كل حاجة اكتر م بتحكى لصحابك كمان ^^..

اما باباكى ف ده طبيعى :d

عموما وجود البنت ف البيت علشان تخدم باباها واخوها ^^..
متاخديش الموضوع دايما بوجهة نظر غامقة كده ,,

ف ناس بتتمنى لو باباها يكون عايش دلوقتى وهما هيقضوا حياتهم كلها بيخدموه !

ربنا يهديكى و يوفقك ي رب ..

[M@HMOUD]

مشكله معظم الامهات فى مصر عمتنا
انها المفروض تقرب للبنت وتصاحبها لكن المعظم بعيد عن البنت سواء لانهم مشغولين فى الشغل او فى البيت او حتى انهم ما بيحبوش يسمعوا بناتهم
لكن انتى واحدهـ واحدهـ قربى لماما واحكى والكلام هايجر بعضوا
وساعتها هتلاقيها هى اللى بتابعك اول باول

بالنسبه لبابك
فا دهـ الطبيعى حاولى ع قدر الامكان انك تعملى كل اللى هو عاوزهـ وريحى دماغك

بالنسبه بقى لانك زهقتى وكدهـ
فا كل واحد مننا بيجى وقت عليه وبيحصل كل الاعراض دى
فا انتى وزانى نفسك بين الحاجات دى كلها وريحى الجميع
وانتى هاترتاحى وهتعيشى

وربنا يوفقك فى حياتك ان شاء الله

[ساحر الأحزان]

محدش يا ندى بيعرف قيمة ابوة أو أمة ألا بعد ما يفقدهم وعينة توعى وهو محروم منهم تلاقية مكسور وحزين

لا أعتراض على حكم الله عزوجل

ولكنة ؟أحساس صعب على النفس ,وأنتى لسة فى مقتبل العمر وكل شىء حتدركية كل ما تكبرى فى السن وأهو أنتى قلتى

لو مامتك شافتك بتتكلمى مع جارتك أو قريبتك بتزعل ودة بيعطيكى دافع أنك تكلميها وتقربى منها وهى حتحس بيكى

لأن قلب الأم مش حجر ولا حاجة

أتعودى أنك تتكلمى معاها احكى وفضفضى سولفى وحتلاقيها هى كمان بتتكلم معاكى وبتقربلك أكتر وأكتر

ومع مرور الايام حتلاقى فية حب وتلاصق بينكم منتى بنتها وهى أمك

وبخصوص أبوكى فهو شايفك الأمورة الصغيرة الى بيحبها وعايز يشوفك على طول على شان كدة كل شوية بيطلب منك اى طلب

فما تزهقى هو مهما كان أبوكى ومع طول العمر حتشوفية على حقيقتة

بتمنى ليكى السعادة بحياتك

[-esraa-]

لا اوعي تقولي كده
انتِ في نعمة ناس كتير بتتمنى ان اهلهم ترجع تعيش ولو ليوم واحد,,

اهلك لو لفيتي الدنيا مش هتلاقي حد بيحبك زيهم ,,
مامتك لو حاسة انها بعيدة عنك حاولي انتِ اللي تقربيلها ومع الايام هتبقوا صحاب,,

ربنا معاكي ويوفقك في حياتك

[واد حبيب]

طيب انا عوز والدي يرجع ومش عوز منه اي حاجه خالص

انا حاسس ان المشكله دي مع كل البنات اللي في سنك كده تقريبا
المفروض يا ندي انتي اللي تقربي من اهلك شويه وتتكلمي مع ماما وتحكلها علي كل اللي في قلبك
انتي اللي تقدري تخليهم يعملوكي احسن من كده وانتي تقدري يهتم بيكي ويخدو رايك في كل حاجه
ان شاء الله تقدري تقربي منهم اكتر
تقبلي تحياتي

[اميره الشعر الشجين]

ندى بجد انا زعلت لما قولتى بحسد الناس الا اهاليهم ميتين وبتمنى انك متحسيش الاحساس ده عشان انا مجرباه وانا 17 سنه يعنى نعتبر قريبين من بعض فى السن

عرفه ساعات الامهات مش تكون حاسه باولدها واو بتسمع ليهم وخلاص ومتقدرش كلامهم عشان امى بالطريقه دى بس انا لما احب

حد يسمعنى اكتفى بورقه وقلم وربى فوق الجميع ^_^

[dяєαм..|♥]

بتحسدى اللى اهلهم ميتين ؟؟
عارفه مامتك اللى معاكى دلوقتى دى ,,,انا نفسى ف واحده زيها وبموت كل يوم بالبطىء عشان نفسى بس اشوفهاا
عارفه انا لو كان عندى ماما انا كنت شلتها من فوق الارض شيل
بصى ي ندى زى ما قالولك دى حاجه طبيعية ف سنك
ومهما حصل برضو ومهما اهلك عملوا انتى لازم تستحمليهم
ومفيش حاجه اسمها مش بثق ف مامتى ,,انتى اصلا المفروض متثقيش ف حد تانى غير مامتك
مهما عملت ي ندى مفيش حد ف الدنيا دى احن عليكى من مامتك
وممكن هى تكون فيه حاجه مضايقاها او كده ,, حاولى دايما تعملى اللى يرضيهاا ونفس الكلام مع باباكى
معظم الابهات كده والله ,,بيبقى مش عندهم طوله بال عايزين الحاجه تتنفذ علطول ^^
ربنا يخليهم ليكى ي حبيبتى ,, ودايما احمدى ربنا ع النعمه دى
انا بتمنى الموت عشان بس اشوف ماما والله ,, وصدقينى انتى بتقولى عليها الكلام ده بس لو غابت عنك يوم
هتحسى بفراغ كبيير اوى ,,والله هتحسى ان الدنيا دى فاضيه اووى ,,م الاخر هتفضلى الموت ارحم من انك عايشة مش معاكى مامتك
ع فكره انا مش كبيره ,,انا ف سنك كده يعنى 14 سنه ^^
ربنا ييسرلك الحال ي ندى =))

[بلدنا في القلوب متشاله]

اساسا يا ندى المفروض متقوليش ولا كلمه من اللي اتقالت دي..

وتحلي الموضوع بينك وبين نفسكـ,,

زي ما الاعضاء قالو انتي حاولي تكلميها وتتناقشوا في اي مشكله وتحلوها..
اما الاب فاي مشكله تحاولي تتناقشي معاه بهدوووء وتقولي اللي مزعلك ومدايقك بدل ما انتي مزعله نفسك

وربنا يهدي الحال

بالتووفيق