الناس بتهتم بالمظاهر

انا عايزه تقولولى اللى بيحصل ده صح و لا غلط

انا خريجه كليه قمه عندى 22 سنه ما ارتبطش و لا مره فى حياتى ... مره واحد اتعرفت عليه و اهله كلموا اهلى بس كنت

مستنياه لما يشوف مستقبله و جه فى الاخر قاللى اصل مستواكوا مش عاجب اهلى مع ان بابا محاسب و ماما مدرسه و

العيله كلها ناس محترمه بس احنا ساكنين فى منطقه شعبيه شويه ( و دى حاجه مش بتضايقنى فى حاجه ) بس واضح ان
الناس كلها بقت بتاخد بالمظاهر حتى اللى بيتقدمولى اول ما يعرفه انا ساكنه فين يقولوا لأ

مبقاش عندى اى ثقة فى نفسى مع انى احسن من بنات كتيره اوى اليومين دول و مثقفه و بشتغل بس و صلت لمرحله انى بقيت بخاف اتكلم مع الناس اللى مستواها اعلى منى اجتماعياً ليتريقوا عليا علشان مش من مستواهم

بقيت خايفة احب او اتكلم مع اى واحد من المستوى ده لمجرد انى متأكده انه حتى لو بيعاملنى حلو يوم ما يفك يرتبط مش هيرتبط بيا
وطبعاً الموضوع ده تاعب نفسيتى جداً لانى كمان مينفعش اقول كده قدام حد
هو بجد ليه المظاهر بقت اسلوب حياه كده

[طمطم]

طز !

بجد والله .. اللى يفكر بالطريقة دى ميتقلوش غير كده ..


اصله هيتجوز الشارع ولا العمارة اللى انتى ساكنة فيها !!


الناس اللى بتفكر كده متستاهلش حتى انك تفكرى فيها
وبكرة ان شاء الله ربنا هيكرمك بحد احسن من كده بكتير ,,

[۩۩ elMagic ۩۩]

دول ناس متخلفه أصلا فكرهم سطحي
هما مالهم ساكنه فين
المهم إنتى مين وبعدين انتى جاامده اهو ومعاكي كليه قمه
خليكي كده علطول واثقه فى نفسك
وإهتمي بمستقبلك وحطى فى دماغك هدف وحققيه
علشان ساعتها هتثبتي للعالم دي إنك مش اى حد
وربنا هو اللى بيوزع الارزاق
واحنا مخلوقين فى الدنيا دي طبقات علشان نعاون ونساعد بعض
ربنا معاكي ويوفقك فى حياتكـ ويخليلك والديكي
ويكرمكـ بـ واحد يراعي ربنا فيكي ..

[روح صامتة]

ناس تافهة
يعني يوم ما يموتوا هيتحطوا ف كفن غير الكفن
ماكله سواء
بالعكس دا انتي يبقى عندك الثقة و انت بتقولي منطقتك
و يبقى عندك الثقة كمان ان انتي مترضيش باي حد
خليك واثقة ان كل ما تبقي واثقة ف ربنا و ان اصلا واحد زي دا لو كملتي معاه هيعايرك اصلا
تبقي تحمدي ربنا انه صارحك قبل ما يتقدملك
ما تخليش تفكيرك تافه زيهم ،،
صدقيني هتلاقي الي نفس دماغك
و البي بيحمدوا ربنا الف مرة ع ان واحدة بتفكيرك و دماغك
و سطهم
وربنا يوفقك و اعرفي ان خير ليكي
و ان ربنا بيوريكي الطريق من اوله عشان ما تتصدميش بعدين
يعني اختصرتي كتير كمان و كسبتي راحة نفسك
بدل ما تتعكي في مشاكل اكبر
ياااا رب يرزقك بكل خيييير ي جميل :*
و طمنينا اذا فيه جديد
ارق تحياتي

[ساحر الأحزان]

اية المظهر

شقة ولا بدلة ولا فستان ولا سيارة

ولا ضحكة مزيفة

ولا برستيج خادع


مظاهر فى مظاهر .

ولكن للأسف فقد الأحساس وكأن خلاص ألى عيشتة بسيطة ومكافح بحياتة

يبقى مش من حقة فى مستوى أعلى

أنتى قدمك مستقبلك لو بيحبك حيضغط على أهلة على شانك أن كان بيحبك بحق وحقيقى

وأن أقتنع بكلام أهلة أفضلك أنك تنسية من حياتك وأهى تجربة وعدت أستفدتى منها

بالتوفيق لكى بحياتك

[واد حبيب]

الواحد اللي يفكر بطريقه دي ميستهلش انك تفكري فيه اصلا
ولا تندمي عليه لحظه
انا ميهمنيش انها في منتقه شغبيه او غير كده
انا كل اللي يهمني اخلاق البنت اللي اجوزها انا مش اجوز المنطقه اللي ساكنه فيها
انتي ربنا بيحبه ومتعلمه ومليون واحد يتمنكي خالي عندك ثقه بنفسك
ده اهم من كل شي

[Aya 7ekaya]

بصى دى حجه ومجرد مبرر بس
اللى بيحب حد هيتقبله على اى حال
وعمر ماكانت الفلوس او المستوى ده هو اللى بيضيع الحب

وزى ماقالت ميرنا

طــــــــــــــــــــــز !

الفراشة رغم جمالها : حشرة !!.
والصبار رغم قسوته : زهرة !!.
فلا تحكم على الناس من أشكالهم بل أحكم عليهم بما تحتويه قلوبهم ,,

[-esraa-]

ولا يهمك حد ^^
هما عايزينك ولا عايزين الحي ؟
بدال بانوا من اولهم كده يبقى احسن مش تتضايقي ولا حاجة
ناس مخلفة التفكير ,,

ربنا معاكي ويرزقك اللي يستاهلك ,,

[حلم عمري]

ولا يهمك اللي بيفكر كدة اصلا ناس تافهة
يكفيكي شرفا اني انسانة مثقفة ومتعلمة واخلاقك عالية
وان شاء الله بكرة يجيلك اللي يقدرك بجد عشان اخلاقك وعلمك مش عشان المظهر والكلام الفاضي دا
وربنا يوفقك ان شاء الله

[اميره الشعر الشجين]

يا الله

بصى يا اختى متهتميش ولا يقولك بعد كده حاجه زى كده قولى ليه

يعنى الشمس بتشرق عندك وفى منطقتى لاء يعنى الدنيا بتمطر عند وعندنا لاء لو جل علاه مميزناش مين احنا عشان نميز

اختى انا حصل مع ولدى الله يرحمه موقف زى ده ومن اقرب الناس ليه اخوه لما ربنا فتحها عليه اول من عيره رغم انو السبب فى الا هو فيه

يعنى بصى قولى طز


ومن الاخر لو نفسك ترطبتى خلى ثقه فى الله

انتى يا اختى اتخلقتى من ضلع واحد هيكون ليكى لزال فى علم الغيب وطول ما ثقتك مهزوزه معلشى فى اللفظ يبقى الموت اهون عليكى لانك ديما هتبصى لاى حد على انو اعلى منك

^_^