( ظاهرة فـ المنتدى ) ^_^

[morshooo]

بسم الله الرحمن الرحيم

مزاج الخير :d

فى اعضاء بيكون كل اهتمامهم بقسم معين

او بالقسم المشرفين عليه فقط ودا مش عيب والا حاجا

وفى اعضاء عكس كل دا وبنلقيهم رايحين جايين على كل الاقسام

وبيردو على معظم المواضيع مش هيفرق معايا ردهم عبارة عن ايه

يعنى شكرا وتسلم وفـ انتظارك او

ردهم بيكون رد مهم وبيعرض رئى ممكن يتاخد بيه

لكن .

فى اعضاء بحسهم بيهتمو بقسم معين لغرض معين

سواء الاشراف عليه او لمجامله عضو نشيط فى القسم دا

او عشان مشرف او مشرفه فى صداقه بينهم فبيهتم بالقسم

عشان كدا ..... الخ

سؤالى :

اهتمام الاعضاء ببعض الاقسام وفجأة الاهتمام دا بيروح
بسبب خلاف مع مشرف القسم او خلاف مع عضو فى القسم
شايفين ان دا سلوك سليم من الاعضاء والا الاهتمام بالقسم بيكون
نتيجه حبنا للقسم فقط .

[جبل عالي]

نورت القسم من تاني يامورشو والله


هو طبعا مش مقياس موضوع الصداقة مع المشرفة

ولو ده مقياس مكناش نشوف مشرفين معانا من اقسام تانية

واول مرة اتعامل معاهم ... ولا دخولنا لأقسام تانية منعرفش مشرفينها برضو

ده راجع لإهتمام وحب كل واحد لنوع المواضيع وهدفها



تسلم للطرح المميز

[big bốss]

هى حالة الاهتمام بالاقسام على الصداقه مع المشرفه

منتشره فعلا خصوصا بين البنات بدرجه كبيره

اما من ناحية خلاف مع مشرف اترك القسم فدا تصرف خاطىء

لان القسم مش بيملكه المشرف دا مفتوح للجميع

بس هى بتكون كرد فعل مش اكتر

و الحاله الاصح ان العضو يدخل الاقسام بناءا عن حبه و رغبته فى العطاء و الافاده

و التعبير عن ذاته

[Lamees]

شايفة ان دي هيافة
هو انا اللي يهمني الموضوعات المطروحة
في اي قسم ولا مشرفين القسم
ده تصرف غلط اللي عايز يرد على موضوعات
اهم حاجة انه يرد على اقتناع بالموضوع مش صاحب الموضوع
والله انا كل الاوقات برد على الموضوعات من غير ما ابص على صاحب
الموضوع يعني ممكن اخلي بالي بس ان كان ولد او بنت مش اكتر

[✿ Celiηα]

فيه اعضاء بيبقو عشان العلاقة بينها وبين المشرفين اللي عالقسم
او احيانا بيبقو طمعانين في تكريم الشهر فمش معقول هروح اشتغل فقسم منقولات
ومعلهوش مشرفين كمان

وفيه ناس بتاخدها من ناحية ميولها هي بتميل للقسم ده
وبتحبه وبتحب تكتب فيه وبس

[الأميرة رودي]

لآ مش صادفت حاجه زي كده أو مخدتش بالي منها
بس ممكن تكون موجوده فعــلا
هو غلط طبعا ان حد يتعامل مع القسم بناءا على معرفه شخصيه او صداقه مع المشرف او المشرفه
لآن المشرف ده ممكن أوي يتنقل قسم تاني فى اى وقت أو يتشال خالص من الاشراف
ساعتها بقى هيعمل ايه .؟ هيروح وراه الفسم التاني ده ؟ ولآ هيبطل يشارك فى القسم عشان المشرف صديقه اتشال ؟

هو صحيح من حقه انه ينشط فى قسم معين حاسس بميول اكتر له ويكون طمعان مثلا فى الاشراف عليه
ده كويس وجميل انه يكون عنده طموح ويحققه >> مش عيب
لكن التنشيط لمجامله حد دي مش حلــوه

[زهـــ*ــرة النرجــس*]

شايفة أن حد يسيب قسم لخلاف مع المشرف او مع عضو فيه مش تصرف صح خالص
والمفروض حتى لو في خلاف يكمل عادي طالما بيحب القسم ده وميهتمش بالخلافات
و طبعا الافضل ان العضو ميقيدش نفسه بقسم معين فقط لان مصيره هيزهق والافضل انه
يكون بيهتم بجميع الاقسام لان بصراحة الاقسام في المنتدى هنا كلها حلوة ومفيدة جدا
وبرضو المفروض يكون الرد قيم ويوضح الرأي لان أكيد صاحب الموضوع تعب فيه
و عن نفسي في الأول كنت مهتمية بكام قسم فقط بس بعد كده انتشرت في الاقسام كلها
وشكرا على طرح الموضوع
وعجبتني جدا ردود الأعضاء اللي قبلي

[Silver Flower]

شوف بنسبه الي الي أنا بدخل الأقسام الي برتاح فيها أو الي بتيجي على هواي أو عقلي وبنشد إلها غير إرادي وحتى ولو صار خلاف بتصور صعب تترك شئ بتحبه أو متعود عليه
شكرًا للموضوع

[ملاك الحب*]

فعلا ظاهره منتشره بس مش شرط يكون كدا ممكن يكونو بيحبوا القسم نفسه ومش شايفين نفسم فى اى قسم اخر

[همسه الجوارح]

والله فلقتنا بظواهرك
ماتسيب الناس فى حالها
عادى يعنى اللى يجامل يجامل
واللى بينشط ينشط انت شاغل نفسك ليه
دع الخلق للخالق