هوا انا كدة قليلة الذوق صح؟؟!!!

[زهرة الياسمين]

السلام عليكم
حصلي موقف يمكن يكون عادي بس بجد ضايقني اوي
واحدة صاحبة صاحبتي بعتتلي ادد عالفيس فقبلت وبعد شوية لقيتها منزلة بوست كاتبة فيه انا زهقت من حياتي من كل حاجة مفيش حاجة تفرح وانا بقى اكتر حاجة بكرهها في حياتي لما حد يكتب كدة والبوستات الحزينة دي وبعدين بقعد افكر مع نفسي ايه اللي ممكن يوصلنا للحالة دي انا بالنسبالي عمري في حياتي ما اتخيل اني ممكن اكره عيشتي غير في حالة واحدة هيا اني افقد حد من عيلتي لا قدر الله غير كدة انتي عايزة ايه بس هوا الواضح برضو اني انا كان المفروض افهم ظروفها الاول اسالها سبب حزنها ده ايه وخصوصا اننا اصلا مش اصحاب فقمت كاتبة كومنت انتي محسساني انك عندك 5 عيال مطلعين عينك تفاءلي كدة وابتسمي وبعد شوية بدخل عالبوست تاني ملقيتش الكومنت بتاعي الصراحة اتضايقت اوي مش عشان اتمسح لا حسيت انها اتضايقت اوييييي حسيت اننا قليلة الذوق!!!هوا انا بجد كدة بس انا والله مكنش قصدي حاجة بس انا بجد زهقت وتعبت احنا بدري علينا اوي نقول الكلام ده بس المهم انا بعتلها رسالة اعتذرتلها لو كان كلامي ضايقها ولسة ماردتش بس بجد تقول عليا ايه دلوقتي وهيا متعرفنيش انا اتسرعت مش كدة ؟ ولا انا مكبرة الموضوع ولا ايه
انا بجد عايزاكوا تساعدوني

[✿ Celiηα]

يا بنتي كبري دماغك ثم انك مكبرة الموضوع اوي
ما يمكن اتحذف من غير قصدها
يمكن حد كتب كومنت بعديكي وهي جات تمسحه فمسحت بتاعك
وافرضي يا ستي هي اللي مسحته قصداً ما طظ وفيها ايه

[Mahmoud Mohie]

أكــبر غلطـ انك تتفهى من حزن حد ..
خاصة لو ميعرفكيش أو ميعرفش شخصيتكـ ..!!

ممكن تكلميها وتعتذرى ..
أو تسيبها بالفكرة اللى أخدتها عنكـ ...!

[^^khL oUD]

ع فكرة دي حااجة عااادية جداا
فنااس زي صاحبة صحبتك
مبيقبلوووش الهزاار
وانا كاانت بتحصل معايا مواقف زي دي كتير بس فكك عااادي

متشغليش دمااغك سبيها براحتاها
بس متزعليش انتي من نفسك لان دي حااجة عاادية خاالص

[Loyalty]

انا ممكن اجى ارخم ع صاحبتى اقولها كدا بهزار
بس واضح انك كنتى جد لما قولتى انك مضايقة
وبدل هى مسحته اكيد فى شىء كبير مضايقها لدرجة انها متقبلتش الكومنت بتاعك
اعتذريلها وقوللها انه مكنش قصدك وكدا

[الحب الوردى]

بصى يا قمرايه
انتى طريقه كتابتك للكومنت هيا الى غلط كان ممكن يتكتب بطريقه الفضل من كدا وانتى يمكن اتسرعتى الحياه وجهعات نظر وبتختلف من شخص لشخص وما دام حسيتى بغلط واعتذرتى خلاص ما تفكريش كتير وانسى ما دام اعتذرتى خلاص

[♥SaRa]

انارأي مـن رأي محمود
لما يكون الوآحد مخنوق وحزين مش بيبقي مستحمل كلمة
دة وخصوصاً انك بتقولي انها مش صاحبتك
عارفة لو صحبتك عادي انا ممكن ارخم عـ صحباتي كدة بردوا
انما هي مش صحبتك اصلا فا مكنش ينفع تقولي كدة
حاولي تعتذري ليها

[جبل عالي]

لا ياجميل مش قليلة الذوق ..... بس قيسي تصرفك ده

على جملتها هي .......... إزااااااي ؟؟

اقولك ...... هي والله اعلم اتعرضت لمشكلة ولا لموقف هزها أوي

وخنقها لدرجة شايفة الدنيا سوده ....... انفعلت واتخنقت

فكتبت جملة كبيرة زي دي .... اوك (متقصدش تضايقك انتي بالذات بس عبرت عن حالتها النفسية) تمام ؟


تعالي انتي ....... انتي قريتي الجملة ... اتخنقتي اتضايقتي .... حسيتي بإن الناس دي مأفورة

فعملتي ايه ...... رحتى علقتي تعليق بيعبر عن خنقتك .... (برضو متقصديش تجرحيها ولا تضايقيها بس عبرتي عن اللي جواكِ من غير ماتقصدي )


إذاً ....... الموضوع متساوي .... بمعنى انتوا الاتنين قلوبكم طيبة ومش تقصدوا

بس الموقف يعلمك حاجة ..... انك تفكري فى الكلمة كذا مرة بينك وبين نفسك

هيا وفضفضت لنفسها وانتي سمعتيها ..... يعني موجهتش الكلمة ليكِ

انتي رديتي بس وجهتي الكلمة ليها ..... يبقا النصيحة ليكِ



ارجو مكونش انا كمان ضايقتك ياقمر ان شاء الله

بس فعلا قاعدة وخديها ... حاولي تحطي نفسك مكان اللي قدامك

يعني يوم ماتتخنقي مش شرط زيها وتكرهي الحياة ...هل تقبلي حد يستقلل احساسك ؟

نفس الموقف ياقمر .......... رغيت كتير معلش

[زهرة الياسمين]

عندكوا حق
انا فعلا شكلي اتسرعت
بس انا اعتذرتلها فعلا بس لسة ما شافتش الرساله
انا مبحبش حد ياخد عني فكرة مش كويسة وهوا ميعرفنيش
بس هوا يمكن فعلا يكون اتمسح بالغلط
انا هاستنى ترد عليا واشوف
تسلمولي بجد يا غاليين

[زهرة الياسمين]

اقتباس المشاركة الأصلية كتبت بواسطة جبل عالى لا ياجميل مش قليلة الذوق ..... بس قيسي تصرفك ده على جملتها هي .......... إزااااااي ؟؟ اقولك ...... هي والله اعلم اتعرضت لمشكلة ولا لموقف هزها أوي وخنقها لدرجة شايفة الدنيا سوده ....... انفعلت واتخنقت فكتبت جملة كبيرة زي دي .... اوك (متقصدش تضايقك انتي بالذات بس عبرت عن حالتها النفسية) تمام ؟ تعالي انتي ....... انتي قريتي الجملة ... اتخنقتي اتضايقتي .... حسيتي بإن الناس دي مأفورة فعملتي ايه ...... رحتى علقتي تعليق بيعبر عن خنقتك .... (برضو متقصديش تجرحيها ولا تضايقيها بس عبرتي عن اللي جواكِ من غير ماتقصدي ) إذاً ....... الموضوع متساوي .... بمعنى انتوا الاتنين قلوبكم طيبة ومش تقصدوا بس الموقف يعلمك حاجة ..... انك تفكري فى الكلمة كذا مرة بينك وبين نفسك هيا وفضفضت لنفسها وانتي سمعتيها ..... يعني موجهتش الكلمة ليكِ انتي رديتي بس وجهتي الكلمة ليها ..... يبقا النصيحة ليكِ ارجو مكونش انا كمان ضايقتك ياقمر ان شاء الله بس فعلا قاعدة وخديها ... حاولي تحطي نفسك مكان اللي قدامك يعني يوم ماتتخنقي مش شرط زيها وتكرهي الحياة ...هل تقبلي حد يستقلل احساسك ؟ نفس الموقف ياقمر .......... رغيت كتير معلش

ما هو ده اللي ضايقني اني اتسرعت
كان المفروض اني افهم مشكلتهاالاول قبل ما اتسرع في الرد
انتي عندك حق بجد
شرفتيني بردك