بيت الرعب الضحية الاولى (سلينا)

[ملك جبال الاحزان]

بيت الرعب الخلفية طلعت بايظه خالص محدش ياخد باله عمركم شفتم حد عايز يتعمل فيه مقلب ويطلب كدة بنفسه !! انا لاقيت حد كدة وحبيت اخليه ستعد فى البدايه عملت اعلان عن مسابقة وده كان المضمون باختصار (مسابقة عبارة عن صور وكل الى عليكم انكم هتكون تعليق على الصور) محدش طبعا كان هيتخيل ان هعمل مقلب فى اعلان مسابقة لاقيت البدايه مع كام حد كدة منهم الغلبانه Celiηα بعتلها الملف وبدأء المقلب بعتلها رساله وفيها شرح اللى هتعملوا وفى وسط الكلام بعتلها قولتلها (نصح ان تعلقى على كل صورة بالترتيب وبعدين كملى الصورة اللى بعديها وفيه كود فى اخر صورة هتظهرلك عليكى انك تبعتيلى الرقم اللى موجود فيها مع الاجابة كامله) قولت اقلب جو مسابقات وغموض شوية هههههه وهو مفيش ولا كود ولا حااجه ده انا عملت ملف عبارة عن ارقام بتتغير وبس هههههه ديه كانت الرئيسيه للملف اللى بعتهولها وهنا بدأت الغلبانه فى الحل الصورة الاولى كنت أعيش على بقايا أمآل ثم أدركت أنك حلم صعب المنال وأن نكون معاً شئ مُحـال يا حول العالم هعيط منك التانية الشخص الذي يحمل في قلبه جرحين هو الشخص الذي فقد أحد الأبوين فيـارب إمسح دموعهم من العين وأجعلهم دوماُ سعيدين كنت بتقطع وانا حاسس انك مقتنعه بالصورة اوى كدة قولت بقا هيبقا كله حب كدة نجيب حااجه وطنية أخليها تعيش فى الدور اكتر الثالثة يارب أرحم إخواننا في سوريا اجعل مثواهم الجنة وأرهم نور الحرية امين يارب (حاسس انى ندل اوى ) الرابعة لا نطلب الكثير ولا المستحيل لكن نطلب الحرية وبعض من التغيير يا واد يا وطنى انت الخامسة رفقاً بى أيها الناس لست أُنـثى من حديد ولم أعد أتحمل المزيد صوعبتى عليا رفقآ ايه مفيش رفقأ معايا ال رفقآ ال اصتبرى عليا بس ههههههههه السادسة انزفي أيتها الدموع إلى أن تكتفي لن تُحَـل الأمور هكـذا ولكنك عالأقل سترتاحـي ايوة السما صعبت عليكى هخليكى تعيطى جمبها دلوقتى ههههه لحظة النهاية ديه كانت بداية النهاية كان لازم تدوس على الزرار علشان توصل للمكان اللى مستنيها فيه وانتو بنفسكم هتشوفوا النتيجة بس شغلوا الصوت علشان هتسمعوا بردوا والنبي أنا لو كنت فمسابقة كنت خدت مركز أول كنت حاسس كدة لانك كنتى واخدة الموضوع جد ههههههه عملتى ايه لما شوفتى لصورة ؟؟ أما بقا انا عملت ايه لما شفت الصور أنت فالأول حاطط صورة بيت كده بس مخففها اووي انا افتكرتها صورة عادية وببص فيها عشان اشوف كويس ولقيت العفاريت دي ههههههههههه بص انا مش هقولك اني اتخضيت ولا وقعت من مكاني ولا ولا بس هقولك أنا اجهزة جسمي من جوا هي اللي اتخضت ههههههه حسيت كل واحد فيهم قاعد بيجري وخلاص واه دعت عليا يا جماعة من كتر ما هى يا عينى اتخضت منك لله حرام عليك ما هقول غير كده بزمتكم انا عملت حااجه ده انا غلبااااااااان

[جبل عالي]

هههههههههههههههههههههههههه

بجد حرام علييييييك البنت كانت منفعلة مع الصور

وكتبت من قلبها اكيد ولكل صورة تعبيرها اللى بقلبها

قووووووووووووم تقلبها عليها بالشكل ده

(( انا جاية أهدي النفوووووووووس )) هههههههههههه

لالالا بجد حلو المقلب ..... بس هعترف بحاجة

انا طبعا فهمت من عنوان الموضوع ومن مقدمتك ان النهاية هتبئا صعب

فمشغلتتش الصوت ههههههههههههههههههههه

بس من الصور متخيلة ... ياعيني عليكي يا سيلوووووو

مقلب جهنمي بجد مشكور ياملك للجو الجديد ده

[زهـــ*ــرة النرجــس*]

مقلب مخييييييييييييييف اوي
لما فتحت المشهد التاني اللي فيه الصوت المخيف كان معلق معايا شوية واشتغل مرة واحدة وشفت العفاريت دي اتخضيت اوي
يا عيني هي عملت ايه وهي مش عارفة انه مقلب
بجد صعبت علي اوي
وعجبتني اوي تعليقاتها على الصور
وتصميماتك جميلة جدافي المقلب

[✿ Celiηα]

لا اله الا الله شوفت عملت فيا ايه

بقى حالي يقطع القلب وبصعب عليهم :d

[countess]

حرام عليك يا آخي

بجد آنت مجررررررررررررررررم

ايه دا حرام العالم بتعبر من قلب وانت ميت ع روحك ضحك

ي رآمز جلاال 2

امشي بقا ههههههههههههههه

[ساحر الأحزان]

يعنى انت اخترت سلينا

ربنا معاكى بقى ويخرجك بامان

من بيت الرعب بتاع محمود

[الأميرة رودي]

هههههههههه انت شرير
سيلينا اندمجت وكتبت ع الصور بشكل حلو أوي
وفعـلا لو كانت مسابقه حقيقه كنتى أخدتى مركز أول

مقلب جاآمد
تعيشي وتاخدي غيرها ياقمري
تسلم ياحوده على التوبيكات الحلوه وبطل مقالب بقى

[بحر النسيان]

يعنى بعد الكتابه والتعليق على الصور بالشكل ده

وانسجام تام

يحصل لها كده

بجد صعبتى عليه

وبجد موضوع قيم

عن جد يستاهل المقلب

[فروتى روتى]

لية كدة دة انا اللى كنت همووووووووت ولله
بس جااااااااااااااامد اوى المقلب دة

[Angel Smile]

وانا داخلة اقول برنامج جمييل و فكرته عجبانى كتيير :|
خلاص اتقفلت من اخر مشهد
الله يسامح السبب :|
بس بغض النظر صور عثولة :d
و بالذات اخر مشهد هياخد الجايزة الكُبرى هههه

منورة يا سيلينا ^_^