مدونتك فى نظر الآعضـاء [ كوين ميرو ]

[الأميرة رودي]

أحبائى الحلوين أعضاء بنات مصر النهارده بقى لقاء جديد و مميز مع ضيفه أنيقه بمعنى الكلمه مدونتها جمييله بجد بتعجبني كتابتها واقعيه وحساسه وكتير بتكون رومانسيه بتعبر بأسلوب سهل يوصل لقلوبنا هاديه جداا وأنا بحبها حبيبتي الغاليه >> كوين ميرو أهلا بيكي...كوين سعيده بوجودك ف الصفحات اهلا بيكى حبيبتى وانا اللى سعيده بوجودى بينكم وميرسى على الاستضافه ياقمرى ويارب اكون ضيفه خفيفه هنسألك شويه اسئله تخص مدونات الاعضاء بما انك من المتابعين الممتازين ف الصفحات وصاحبه حضور راقي دايما ايه رأيك نجيبلك عصر ليمون عشان تجاوبي بروقان مش بحب انا عصير ليمون ده خالص عايزه عصير برتقال لو سمحتى من عيوني بس كده أحلى عصير برتقان >> قفص بحاله أهو وزعى بقى على الآعضاء كل واحد برتقانايه ماتبقيش بخيله قوليلي الاول// بيمثلك ايه قسم الصفحات؟ الصفحات بصراحه اكتر شئ بيربطنى بالمنتدى انا غيبت فتره كبيره عن المنتدى واللى رجعنى تانى الصفحات بحس وانا بتصفح قسم الصفحات واكنى بتصفح قلوب الاعضاء بحس مشاكلهم وفرحهم ضحكهم وحزنهم من غير تكلف او كسوف كل واحد بيكتب اللى حاسه وبس وهل بتدوني فى صفحتك كل شئ يخصك ولا فى جانب سري جداا لكوين ميرو بعيدا عن الصفحات ؟ اكيد فى جانب احب احتفظ بيه لنفسى تمام ندخل بقى عن الاسئله التانيه [.. بنظرتك ..] أي المدونات جذبك عنوانها..؟ فى كتير جذبنى جدا بس يمكن اكتر عنوان هنا حيث لاشئ الا انا ،،، سماء محظوره مدونه تنسجم معها و تحفظ مآ يعجبك فيها لديك ..؟ حائره .. على جسر من الذهب لدمعه حائره بيعجبنى جدا اسلوبها واختيارها لكلماتها مدونه تجذبك آلوآنها تنسيقها ..؟ مدونتك انتى يارودى بيعجبنى جدا تنسيقيك مدونه انيقه ربنا يخليكي ياحبيبتي أخجلتي تواضعي وبكون مبسوطه جدا بمتابعتك [.. داخل المدونات ..] موقف آضحكـ ..؟ لا كتير مش فاكره بظبط بس اكتر موقف بصراحه لما استاذ هيثم حلف ل countess انه رايح يقابل بنوته فى عز رمضان وكان لاعب فى الحروف علشان الحلفان ميكونش صحيح وهى صدقته هههههههه الموقف ده علمنى كمان حاجه سوسه ممكن اعملها موقف آحزنك ..؟ افضل انى متكلمش فى الموقف ده لانه لحد النهارده بحزن لمجرد التفكير فيه مدونه ترسم آلبسمة على ثغركـ عند دخولكـ لها ..؟ morshooo شارع الحياه ومستنقع silver spectra روحهم جميله جدا ودمهم خفيف وممكن يتكلمو عن قضيه مهمه بس بطريقه مرحه مدونه يغلب عليها آلحزن ..؟ نبضات قلب ل حسام الشاعر مدونه سياسيه من الدرجه الآولى ؟ فى كتير بس انشطهم عندما يبوح القلب باسراره ل Bright Brain وواحد من الناس ل boooody99 رغم اختلافى مع الاراء بس هما اكتر مدونات بتهتم بالسياسه مدونه يعجبك اراء وتفكير صاحبها ؟ امممممم مدونه دكتور طارق مستنقع ... معظم الاوقات مش دايمآ ................. [.. لمن تقول ..] مدونتك رآإئعه استمر ..؟ رائحه القهوه مميز في آنتقآئك للآبيآت وجميع الاقتباسات ..؟ حسام الشاعر لانه بيقتبس احيانا لنزار قبانى وانا من عشاق نزار آضحك آلله سنك ..؟ فــــرح mr.m!ro اتمنى ربنا يسعدهم يارب آستمتع كثيرآ وانا اتصفح كتاباتك ..؟ امممم رائحه القهوه والرحال المتمرد [.. آلآقلآم ..] هنآك من الكثير من تكون صفحآتهم بـ آقلآمهم فـ قلم من يعجبك ..؟ كتيييييير اوى يارودى خايفه اقول وانسى حد الصفحات مليانه اقلام راقيه جدا جدا ومبدعه جدا هناك اقلام تكتب بطريقه ساخره .. فأى منها يعجبك ؟ morshoo بتعجبنى جدا طريقته هناك اقلام راقيه تكتب فقط ف الصفحـات فأي منها يعجبك؟ اممممم مش عارفه بظبط لانى مش متابعه بقيت الاقسام باهتمام فا مش عارفه مين بيكتب بس فى الصفحات تفضل الكتابات العاميه فى المدونات أم الفصحى ؟؟ امممم حسب الكاتب وحسب الافضل لترجمه احساس كل عضو/ه ايه رأيك فى الناس اللى بتنقل ومش بتكتب تحت راق لي عاوزين الضرب مش كده ههههههههههههههه اه صح معاكى عايزين الضرب وممكن انتى تعملى حل كويس لكده تعملى زنزانه صغيره كده فى الصفحات اللى يتعبك ومش يكتب منقول حبس على طول يابنتى لازم قانون رادع ياحبيبتى أيوه ياختي لآزم قانون رادع بتهدي النفوس شكلك كده [.. آلعنوآن ..] مآهي آفضل 3 عنآوين ..؟ نبضات قلب وهنا حيث لاشئ الا انا ،،، سماء محظوره رسائل البحر ... عجبنى العنوان ده جدا قوليلي ليه اختارتي اسم مدونتك ياترى له علآقه بيكي ولآ الاختيار كان بالصدفه ؟ امممممم له علاقه بيا فى فتره فى حياتى مسيطره عليا بكل تفاصيلها ودايمآ بياخدنى الحنين لتفاصيلها مفتقده اشخاص كانو فيها مفتقده احاسيس حسيتها فى الفتره دى مفتقده مارى اللى كانت فى الفتره دى [.. لـك يـآصـآحب المدونه..] هل تـحبي من الاعضـآأإء آن يشـآركوآ برد في مدونتك..؟ لا اجمل شئ فى الصفحات الخصوصيه يعنى ممكن الاعضاء يقولو رائيهم بتقيم يكون راى تشجيع انتقاد لكن اولا واخيرا الصفحه تكون خاصه بصحابها بس ومارأيك فى غلق صلآحيات الردود على الاخرين ؟؟؟ اجمل شئ فى الصفحات وده سبب نجاحها فى وجهه نظرى بماذا تشعري وانت تنفردي بقلمك ونفسك على الصفحات ؟. اممممم محتاج رغى كتير السؤال ده بس باختصار زمان انا كنت من الناس المتكلمه جدا واى حاجه بحس بيها كنت بقولها مع الزمن بقيت مبعرفش اعمل كده والحاجه الوحيده اللى بقدر اعبر بيها انى اكتب اللى حاسه بيه علشان كده بحس فى مدونتى انها مرايتى مساحتى الخاصه جزيرتى انا الحاكم والناهى فيها ماالشئ الذى اردت يوما الافصاح به فى مدونتك ولكنك تراجعتي عنه.. ومالسبب ؟ موقف حصل معايا وحسيت بيه بصدمه من حد من الاعضاء هنا وتراجعت عنه علشان انا مش بحب المشاكل وقولنا وقال واحيانا بيكون التجاهل افيد وارقى من وجهه نظرك هل هناك سلبيات فى القسم او سياسه الاشراف فيه؟؟ لا خالص بالعكس من انجح الاقسام فى المنتدى وانشطهم وانتى بصراحه اضافتى للقسم كتير يارودى مجهودك راااااااائع ومميز ماذا تقترح و تريد اضافته او حذفه من قوانين القسم او لقاعه الصفحات ؟ ولا اى حاجه انتى قايمه بالواجب وزياده اقتراح منك تقترحه على مشرفه القسم للتطوير من أدائها ؟ بصراحه يارودى انتى من انشط المشرفين وادئك رائع وكمان اسلوب تعاملك مع الاعضاء حتى المخالفين اسلوب واعى ومحترم جدا وهادى وده اهم شئ ربنا يخليكي ياقلبي أنتي أخجلتى تواضعي تاني اختر 3 اعضاء ممن لهم مدونات ووجه لهم كلمه او رساله من كوين ؟ تلاته بس يارودى Mind language بعشق روحك بسيطه ومرحه وبحس انك بنوته عاقله جدا ومجنونه جدا هاديه وشقيه فيكى حاجات وعكسها بشكل جميل الرحال المتمرد ترجع مصر بالف سلامه ياااارب واتمنا لك اجازه سعيده باذن الله حسام الشاعر ياريت الناس كلها بطيبه قلبك وليكى انتى يارودى انتى انسانه جميله جدا ورقيقه جدا وبيعجبنى جدا هدوئك فى المشاكل وربنا يارب يرزقك بيبيى يطلع عينيك بقى يارب ياختى يارب هو يطلع عيني من هنا وأجى انا بقى افش غليلي فيكو من هنا والله لآطلع عينكو ساعتها وفى شخصيه اخيره للاسف مش بقيت بتدخل mishoo اشتقت جدا جدا لكتاباتك لانك حقيقى مبدعه وراقيه جدا ومن اقرب الاقلام لقلبى سورى بقى بس حكايه تلاته دى صعبه يارودى ايوه فعلا ملآحظه انك واخده راحتك خالص وبقو 5 بدل 3 وفى النهايه ايه رأيك ف البرنامج ده والاسئله الخفيفه المطروحه؟ ههههههههههه خفيفه انتى عايزه تشلينى يابنتى برنامج رائع وبيوضح قد ايه انتى كان ممكن تكونى وكيل نيابه شاطر جدا هههههههه بعد الشر عليكي مش أنفع والنبي كلمه أخيــرة من قلب ..كوين.. لجيرانك فى صفحات مكشوفه ؟ كلنا بنهرب من الاحداث حوالينا وبنيجى هنا نكتب اللى جوانا فياريت بلاش نحول صفاحتنا لساحه حرب بين قولنا وقال وندى لكل واحد فينا مساحته الخاصه يقول اللى عايزه بالشكل اللى عايزه طالما مش بنجرح بعض واتمنالكم السعاده يارب ربنا يسعدك انتى كمان ياحبيبتي ويخليلك أولآدك وتشوفيهم أجمل وأحسن ناس ف الدنيا فى النهايه بشكرك جدااا لقبول الدعوه ب النجاح والتوفيق فى حياتك يارب ميرررسى جدا جدا ليكى يارودى على الاستضافه وبردو مستنيه عصير البرتقال لانى سيبتلك الليمون مش بشربه انا والله جيبتهولك فوق انتظرونا والحوار القادم مع واد حبيب

[۩۩ elMagic ۩۩]

حلقه جميله مع ضيفه مميزه
نورتي ميرو
الله ينور رودي
حلو مجهودكـ
يدوم التميز والنشاط ,,

[اميره الشعر الشجين]

حقه رائعه وضيفه زى العسل اجابتها رزينه ومقنعه يدوم التميز يا قمرات ^_^

[Mind language]

حلقة جميل جدا واجابات عسوله
من شخصية جميله زى ميرو
تسلم ايدك يارودى على الاستضافة
الجميله دى وبالتوفيق للجميع

[عاشق متيم]

حلقة جميله جدااا مع ضيف مميزة
واجاباتها واختيارتها للمدونات والاعضاء جميل ..
تسلمى يا رودى على مجهودك
والضيفة نورت الحلقة
يدوم النشاط والتمييز

[جبل عالي]

ماري إنسانة بمعنى الكلمة فعلا

جذبتني روحها الجميلة ... ويمكن شدني ليها أكتر

نبرة الحزن اللي كتير بتداريها .... ربي يسعدك ياماري بجد

طيبة قلبك بتطغى على كتير من الكلام

بكل التوفيق لك يارودي على حوار هادي وسلس بالفعل

[countess]

لقاء جميل مع شخصية كدا فيها رزآنه ربنا يحميكي

اقتباس موقف آضحكـ ..؟ لا كتير مش فاكره بظبط بس اكتر موقف بصراحه لما استاذ هيثم حلف ل countess انه رايح يقابل بنوته فى عز رمضان وكان لاعب فى الحروف علشان الحلفان ميكونش صحيح وهى صدقته هههههههه الموقف ده علمنى كمان حاجه سوسه ممكن اعملها

ههههههههههههههههه

فظيع هيثم ههههههههههههههههه

بس مافيك مع غلاسته الا تصدقيه

حلقه نايس يا رودي بتوفيقات ع مجهوداتك الجميله

[صمت الشفاه]

الحلقة جميلة والضيفة عسوووولة اوي

[واد حبيب]

حلقه جميله اوي يا رودي
والضيفه متميزه جدااا وقلبها ابيض اوي
والاجابه جميله جدااااااا
تسلمو علي الحلقه الجميله
بتوفيق دايما يارب

[كوين ميرو]

ميرسى جدا رودى حبيبتى على الاستضافه وعلى عصير البرتقال ياقمرى

وميرسى جدا جدا ليكم احبابى على اهتمامكم ومروركم

تسلمولى يارب