نفسي فى وطن

[دمعه حائره]

نفسي فى وطن
***************

نفسي فى وطن بجد.. يعدى بينا من المحن

مافيهوش مكان للارهاب ,,مايعرفش معنى الفتن

أحس فيه بالأمان ,,أعيش مرتاح طول الزمن

نفسي فى وطن

يقدر شبابه... مايبعوش بأرخص تمن

يحلم ,,ويحقق أمنياته مش بسهوله يندفن

يكبر ويعلم ولاده.... يعنى إيه كلمة وطن

نفسي فى وطن

يجمع شملنا,,يضمنا,, ماندوقش فيه طعم الشجن

فيه المواطن محترم لا بينضرب,, أو يتسجن

وإن راح يقول الحق يتلف... فى أقرب كفن

نفسي فى وطن

مافيهوش ضياع أوحد اتشرد وجاع وعلى المؤبد يتشحن

نفسي فى مستقبل جميل,, مايعرفش كلمة مستحيل

مرسوم على سماه الأمل,, مش الضمير فيه انعدم

نفسي فى رئيس يكون حريص وعلى أرواحنا يؤتمن

يكون جرىء واضح بسيط ,,ومش بسهوله يتشتم

نفسي فى وطن حقيقي مش بالنشيد,, ولاالعلم

نفسي فى وطن

بقلمى دمعه حائره
18-9-2013

[اميره الشعر الشجين]

للا ابداع ناسه ودمعه حائره الراقيه اساسه بجد الكلمات روعه اوووى ومنسقه ومقسمه بطريقه سلسه سهله القرائه والفهم

يدوم التميز اختى ^^ احلى تقيم لعيونك

[ويبقى الأثر]

والله كلنا نفسنا فى كده
قد ايه مصر وحشتنا كتير
أمانها وحضنها وخيرها
حلم وهيتحقق لو أولادها قدروا قيمتها
ونسيوا خلافاتهم وصرعاتهم للمناصب والكراسى
مقطوعه عاميه جميله دمعه
تقييمى ووسام التميز لرقى المعنى والحرف

[جـــــراح المشــاعر]

مصر ليست وطن مصر عالم بحالة
ام لكل الاوطان
يمكن تمر كتير بالمحن يمكن بتتكسر كل يوم اكتر من الاول لكن صدقيني
راجعة بعزم شبابها وقوة عقولها وفكر ولدها
وايمان شيوخها
وبرائة اطفلها
وعزم سيداتها
مصر الامل برضة المحن مصر التاريخ اللي مهما حالو يمحوة مش هايقدرو يمكن بيغيرو في مستقبلها
لكن ستظل
ام لنا
وام لدنيا
كلماتك اثارة الوجع والحسرة
لك قلم يملك ويقول ما تحمل انفسنا
شكرا لكي اختي
مع تقييمي لحرفك

[مِسكُ الشَهادة]

كلمات غاية في الروعة والتعبير والقوة
كلمات صادقة من قلب راقي نفخر به دوما ً
الوطن مهما أصابه الألم سيبقى وسيرحل الجميع
الوطن هوية وقضية وروح تسكن جسد
اسعدني المرور هنا
دام ابداعك

[a7med -3del]

ممكن اختلف معاكى فى راى او يكون بنا خلاف

بس انتى حد بيكتب حلو اوى عامية وفصحى

ماشالله عليكى

بعيد عن اى حاجة وبروح فنية

مبدعة يامنة

[Lost Pearl]

اه و الله يا منة كلنا نفسنا فـ الوطن ده ،، و لو ان شكله حلم بعيد علينا شوية

بس ربنا ان شاء الله يحققهولنا

قصيدة عجبتني جداااااا بجد من احلي الحاجات اللي قريتهالك و انتي اكيد بتكتبي كل حاجة حلوة

تسلم ايديكي يا حبيبتي ،، 5 نجوم و تقييمي اكيد

[طبيب الهوى]

أختي العزيزة مِنه



خاطرة شعرية قمة الروعة والجمال


أجاد قلمك المُبدِع والعذب تصويرها لنا


مشاعر وأحاسيس على الورق


كما أجاد الحديث عن ما يدور بداخِل كُل مَصري


من أحلام يتمنىَ أن تتحقق


ويدعو الله كَي يَهِبْ له هذا الوطن الجميل المُحِبَ لأبنائه


دون التفريق بينهم



تقييمي البسيط + ***** 5 عن جدارة وأستحقاق



لقوة الفكرة وروعة السرد



تحياتي لقلمك المُبدِع والراقي والعذب



أبو عصام

[صمت الشفاه]

كلماتك راقية ومميزة انا بهنيكي علي موضوعك

[Lamees]

دمعة حائرة

تعبيرا عن شدة اعجابى لا اجد لك كلمات
لقد ابحرت مع قصيدتك فى خيال و تصورات
كلنا نفسنا في هذا الوطن
وان غداً لناظره قريب
كنت هنا
روني