واهى ذكريات // مجرد فضفضه

[Aya 7ekaya]

بعد العوده للمنتدى ،،،بـــاك
قولت لازم ارخم شويه وانكد عليكم
اشعنا انا لوحدى اللى ديما متنكده

الموضوع ان انا الحمد لله مؤمنه جدا بقضاء الله وقدرة
وعارفه ان اختيار ربنا خير فى كل حاجة

لكن احنا بش بنحس وبنحلم وبنعلق حياتنا بحاجات بنعتبرها الاولى والاهم

ولما تختفى الحاجه دى او تضيع ،، اكيد بنزعل

ديما لما حد كان بيحكيلى مشكلته اياً كانت ، كالعاده بقلب جامد اقول الكلمتين المعروفين خير وربنا ومعلش ......... الخ


بس اللى اكتشفته ان مع ان مسمى انسان جاى من النسيان يعنى احنا بننسى
بس للاسف فى حاجات مش بنقدر ننساها ...
وبس خلاص
انتظرونى ف الحلقات القادمه بقا :d

[-esraa-]

الغلط مننا أننا بنعلق نفسنا في حاجات بنكون متأكدين انها هتروح بس بنحاول نخدع نفسنا انها عمرها ما هتروح‏
‏
بس الانسان بينسى كل حاجه حصلتله يمكن في البداية بيقعد يقول انه مستحيل ينسى و... الخ بس نهايته هينسى ،،‏‏

‏بانتظار الحلقه القادمه :‏)‏

[Aya 7ekaya]

اقتباس المشاركة الأصلية كتبت بواسطة -esraa- الغلط مننا أننا بنعلق نفسنا في حاجات بنكون متأكدين انها هتروح بس بنحاول نخدع نفسنا انها عمرها ما هتروح‏ ‏ بس الانسان بينسى كل حاجه حصلتله يمكن في البداية بيقعد يقول انه مستحيل ينسى و... الخ بس نهايته هينسى ،،‏‏ ‏بانتظار الحلقه القادمه :‏)‏

احنا مش بنتعلق بمزاجنا ي اسراء ولا بأرادتنا
بس بيكون فات الاوان حتى بعد ما نفهم ان الحاجة دى مش لينا
وقتها مش بيكون قدمنا غير الامل فى ربنا بس

نورتى ي حبى

[جبل عالي]

صدقيني في مرحلة فى العمر صعبة علينا كلنا

وهي بداية إستقبال الصدمات أيا كان نوعها حقيقي

لكن بعد فترة من الزمن ...... بتلاقي إن صفة النسيان

والمشتق منها الإنسان بدأت تفرض نفسها

وبتبدأ حالة التعود (ده انا اللي بسميها كده) وبتتابع الصدمات

بتبدأ النفس تهدأ وتستكين وتؤمن بإن الحياة مستمرة رغم الألم

ورغم الحزن ورغم الفقد ...... وإن أكيد لسه فى الحياة

حجات منعرفهاش ولانعرف تأثيرها هيكون إزاي علينا


أهم مافي الموضوع يا قلبي ...... إننا نقول الحمدلله

بس من القلب وبإيمان إن ربنا أكيد شايل لنا الأفضل

وإن ربنا أرحم علينا من نفسنا مهما كنا بنشوف من ألم وحزن وإنكسار

ربنا يسعد قلوبكم جميعا يااااارب

[۩۩ elMagic ۩۩]

عندكـ حق
مش كل حاجه بنقدر ننساها بسهوله
بس الزمن كافي إنه يداوي اى جرح وينسيكى اى ألم
او على الاقل يقلل من حدته علشان تقدري تكملى حياتكـ
النسيان دا نعمه ربنا أنعم علينا بيها ..

[Aya 7ekaya]

اقتباس المشاركة الأصلية كتبت بواسطة جبل عالى صدقيني في مرحلة فى العمر صعبة علينا كلنا وهي بداية إستقبال الصدمات أيا كان نوعها حقيقي لكن بعد فترة من الزمن ...... بتلاقي إن صفة النسيان والمشتق منها الإنسان بدأت تفرض نفسها وبتبدأ حالة التعود (ده انا اللي بسميها كده) وبتتابع الصدمات بتبدأ النفس تهدأ وتستكين وتؤمن بإن الحياة مستمرة رغم الألم ورغم الحزن ورغم الفقد ...... وإن أكيد لسه فى الحياة حجات منعرفهاش ولانعرف تأثيرها هيكون إزاي علينا أهم مافي الموضوع يا قلبي ...... إننا نقول الحمدلله بس من القلب وبإيمان إن ربنا أكيد شايل لنا الأفضل وإن ربنا أرحم علينا من نفسنا مهما كنا بنشوف من ألم وحزن وإنكسار ربنا يسعد قلوبكم جميعا يااااارب

قصدك اللامبلاه مش الاستقرار
اكيد فى كل الاحوال الحمد لله
بس حتى لو هنقدر نعيش مش معناها اننا هنقدر ننسى

[Aya 7ekaya]

اقتباس المشاركة الأصلية كتبت بواسطة ۩۩ elmagic ۩۩ عندكـ حق مش كل حاجه بنقدر ننساها بسهوله بس الزمن كافي إنه يداوي اى جرح وينسيكى اى ألم او على الاقل يقلل من حدته علشان تقدري تكملى حياتكـ النسيان دا نعمه ربنا أنعم علينا بيها ..

ممكن يداوى بس النسيان مش ديما بنلاقيه
اكيد نعمه بس ياريت نلاقيها فى الاوقات اللى احنا عيزنها

[Lamees]

في حاجات فعلا مش بنقدر ننساها
ولو نسناها بنتذكرها في ابسط المواقف المشابهة
بس احنا لو عايزين بجد ننسى ونبدأ من جديد نحاول ونستعين باللع
والله خير معين
كل السعادة لقلبك
روني ..~

[Aya 7ekaya]

اقتباس المشاركة الأصلية كتبت بواسطة ro♥ony في حاجات فعلا مش بنقدر ننساها ولو نسناها بنتذكرها في ابسط المواقف المشابهة بس احنا لو عايزين بجد ننسى ونبدأ من جديد نحاول ونستعين باللع والله خير معين كل السعادة لقلبك روني ..~

ونعم بالله
تسلمى ي رونى انتى جبتى المفيد
نورتينى جدا

[ساحر الأحزان]

فى ذكريات صعب نسيانها

لانها ترسخت وبرمجها عقلنا الباطن

برغم مرور الوقت الا انة صعب تمحيها

من ذاكرتك

وفية كلا بيتقال من اجل تخفيف حالة الحزن

الى ما بيحس بية غير الى عاشة