انــــا والعســـــل ( الحلقه الثـــالثــه )

[سهـــر]

اهلا وسهلا بيكم و حلقه جديده من حلقات انا والعسل يشرفني يكون معايا النهارده الرجل الغامض هيثم ] الحب الصامت [ الغموض حلو مفيش كلام اهلا اهلا ي هيثم منورني نور الكهربا بتاعتكم اللي بتفصل يا فلا هههههههههههههه كهربتنا احنا برده الي بتفصل مستعد وكدا نبدأ بئا اه مستعد وكده بئا الفقره اﻷولى من اﻷسئه _ مين هو هيثم ؟ بني ادم عايش علي مع ناس كتييير علي الكوكب اللي بيضحكوا عليكم ومسمينه الارض وهو كله مايه بئا _ ايه هو حلمك الي اتحقق ؟ وايه الي لسا ما اتحقق ؟ مش بحلم انا عايش اليوم بيومه بس يعني اللي عايزة يتحقق امشي واسيب البلد دي _ ايه اكتر حاجه بتقلق هيثم او تخوفه ؟! ولا اي حاجه :\ _ هيثم انسان خيالي ولا واقعي ؟! الواقع حلو مفيش كلام مبحبش الخيالين _ حكمه مؤمن بيها ؟ وتلك الايام نداولها بين الناس _ عاده بتعملها دائما وبتتمنى تتركها ؟ مفيش حاجه معينة بعملها بس لو في حاجه و زهقت منها مبعملهاش تاني _ لو قلتلك غمض عينيك ثواني ؛ ايه اول حاجه جت في بالك جزيرة فاضية وانطلق بئا الفقره الثانيه ماشي انت شايف المعاني دي ازاي وشايف نفسك فيها ايه : الذكاء واحد بيستخدم عقلة بطريقة صح ومش رمزي اﻻ‌ناقة بني ادم ذوقه كويس بيعرف يخلي الالوان متناسقة مع بعضها الرجوله واحد قد كلمته الثقافة كتب كتيير الشر عادل ادهم بئا الخير كل شيء كويس ومرغوب فيه بينفع الناس الجمال يعني الناقة بصي ياابلة سهر الجمال بالعقل يعني مش محتاجه فكاكة وفلسفة وكدهون يعني كل شيء بتشوفة عينك جميل وبيختلف من بني ادم لبني ادم تاني يحضرني في هذا الوقت العصيب واحد صاحبي كان بيقول علي بنت جميلة جدا واصحابه بيتخانقوا عليها وكده علشان يكلموها ولما شوفت شكلها شتمته وقولت له دي شبه واحد صاحبي الفقره التالته حد السيف 1/ هل هيثم سيء حظ ؟! لا حظي لحد الان كويس جدا 2/ رأيك في الفن المصري والي وصل ليه ؟ الفن المصري اصلا من اول ما بدء وهو هابط وشبه بعضه محمد فوزي خاين وبتاع بنات , رشدي اباظه صايع , شادية مظلومه , لحد ما وصلنا للسبكي وهات رقاصة تنجح الفيلم 3/ لو سمح ليك تقعد مع كل واحد منهم 5 دقايق هتقول ايه : _ اوردغان ياخروف _ السيسي انقلاب دموي _ باسم يوسف ياابن طانط نادية _ احمد مكي فيلم حزلئوم زي الزفت _ كرستيانو الليو برقبتك _ مارك بتاع FB اقفل العك بتاع تعليقات الصور 4/ لو هتسافر بره مصر تختار انهي دوله امريكا فرنسا اسبانيا امريكا لان فرنسا و اسبانيا عندهم تقشف وبتاع مش ناقصة فقر 5/ كل واحد فينا ليه ميزه تميزه عن باقي البشر ؛ ايه الي بيميز هيثم ؟ مش عارف بيقولوا مادح نفسه كذاب ابقي قوليلي انتي ياانتي شكرا ي حيثم لقبولك الدعوه نورتني ي رب الحلقه تعجبكم واستنوني في حلقه جديده من انــا والعســل سهــــــــــر

[big bốss]

ههههههههههههه

فين العسل بزمتك انا مش شايف حاجه

بش شغال يا هيثم دماغك تمام حاسس انك تايه يا هيثم معرفش ليه


حلقه جميله مع الراس الكبيره

تسلمى يا هبله يا سهر

كنت هنا البيج بوص

[™Amiliya]

ظريف اللقاء ياسهر

[مِسكُ الشَهادة]

(حلقة مميزة يا سَهر
وأسلئة وإجابات متنوعة جدا ً
وهيثم منور الحلقة
دمتم بألف خير )

[countess]

ههههههههههه

مش هيتغير هيثم هيثم

في الضياع يا بني وحياتك ؛؛؛

[Angel Smile]

حلقة جمييلة كتير
قعدت اضحك مش عارفة ليه :\ هههههه
موفقين بقى يا قوم
و فى انتظار الحلقة القادمة ~

[نور ونار]

حلقه خفيفه
تسلمى ياسهر
بالتوفيق

[دمعه حائره]

حلقه جميله وحوار زى العسل
منور ياهيثم
وسهورة مش تغيبى علينا بالبرنامج الجميل ده

[الأميرة رودي]

_ لو قلتلك غمض عينيك ثواني ؛ ايه اول حاجه جت في بالك ؟

جزيرة فاضية وانطلق بئا


كل البشر بيتمنو الآمنيه دي
حلقه حلوه اوي ياسهر وهيثم كان منور باجاباته الجميله الخفيفه
ف انتظار كل ضيوفك حبيبتي
ربنا يوفقكم

[حنـــــون]

حلقه عسل بئه
نورت ياهيثوم
شكرا ليكى ياسهر ^*