السيسي خط أحمر (مافيش فايدة) (3)

[SiLver Spectra]

تعليق بعض الناس على خبر قرب عودة برنامج البرنامج







اما تقدس مرسي ..او تقدس السيسي
طب ما ينفعش اكون مواطن عادي مش بقدس اي شخص فيهم و بنتقد اخطاء اي مسؤول ؟

واضح ان الشعب المصري بيعز الملكية ..نفسه في ملك يحكمه عشان يقدسه
حتى الغرب اللي لسه عنده ملوك.. نزعوا منهم كامل الصلاحيات و بقوا ملوك صورة مش اكتر ..موضوع التقديس دا انتهى المفروض في العصر الحالي

بس في مصر لو بقى ملك صورة ماحدش هيديله اهتمام و هيتقال عليه طرطور

الشعب بيحب الملك المقدس يكون معاه سوط أو كرباك
و يمارس دور سي السيد في البيت

التاريخ المصري مليء بالمتغطرسين ..و واضح ان سبب ظهورهم بيرجع للشعب المحكوم اللي بيحب يقدس الحاكم المتغطرس

شايف ايه سبب إن بعض الناس تقول السيسي خط أحمر ؟
و دا بيقابله كمان الناس اللي كانت بتستميت للدفاع عن مرسي ضد أي نقد بيوجه اليه ((اللي هيرشه بالمايه هنرشه بالدم)) و حملات التشويه ..الخ)

ايه السبب في كدا ؟
و هل دي ظاهرة طبيعية ؟

[game010]

لا طبعاً ده رد فعل خطىء
مفيش حد فوق النقض
الكل يخطىء و يصيب
و نحن فى انتظار برنامج البرنااااااااااااااااامج مع الاسطورة
توبيك مميز كلعادة يا طارق

[دمعه حائره]

السبب هو تقديس الحاكم والسيسي يعتبر هو الحاكم دلوقتى
زى ماكان ايام مرسي كان خط احمر بردو
وانقسم الشعب مابين مؤيد للجيش ومؤيد للاخوان
والفئتين بيقولوا خط احمر
احنا اللى بنعمل فرعون وبعد كده نندم ونعمل ثوره عليه
وكل ثوره تاخد مننا ثرورات وارواح شباب
عشان كده مابنتقدمش

[معذب القلب]

هناك بعض العقول التى تريد فعلا كما تقول ان تاخذ بالسوط والكرباج وتكون سعيده
وهيا من تراها تبجل ملكها حتى فى اخطائه ولكن لن ننظر الى شخص او مائه شخص
او مليون انما سنرى ماذا سيفعل 90 مليون شخص الذين ثارو والذين يريدون الحريه والاحترام هل سيقبلون بملك بسوط ام سيريدون رئيس بحكم ودستور يمنعه ويرجع حقوقهم
سوف نرى مع الايام ام الان لا نستطيع ان نحكم على الاراء
يسلموووووو

[الحان الورد]

،

أعتقد عشان بعض الناس شافته كـ منقذ
أو عمل حاجة نفسهم كانت فيها ،
فـ برمجوا عقلهم على ان شخص زي دا لا يُخطئ ، وبالتالي انت متحطوش في موضع نقد أصلاً
+
فكرة إن الحاكم أو الرئيس دا فوق كل حد ،،
مفيش مفهوم ان الحاكم زي الموظف ، وان المفروض هو المسؤول عن حياتنا
ولو حد شاف أي تقصير من الناحية دي يبقى لازم ننتقد ،
ودايماً النقد عندنا برضو بيتفهم على انه كره !
يعني لو انا انتقدتك في حاجة يبقى أنا بكرهك ، لو انتقدت السيسي يبقى انا اخوان
ولو كنت بنتقد مرسي يبقى انا كافر =)
وهكذا يعني ..
مفاهيم غلط مترسخة من زمان

[SiLver Spectra]

اقتباس المشاركة الأصلية كتبت بواسطة الحان الورد ، أعتقد عشان بعض الناس شافته كـ منقذ أو عمل حاجة نفسهم كانت فيها ، فـ برمجوا عقلهم على ان شخص زي دا لا يُخطئ ، وبالتالي انت متحطوش في موضع نقد أصلاً + فكرة إن الحاكم أو الرئيس دا فوق كل حد ،، مفيش مفهوم ان الحاكم زي الموظف ، وان المفروض هو المسؤول عن حياتنا ولو حد شاف أي تقصير من الناحية دي يبقى لازم ننتقد ، ودايماً النقد عندنا برضو بيتفهم على انه كره ! يعني لو انا انتقدتك في حاجة يبقى أنا بكرهك ، لو انتقدت السيسي يبقى انا اخوان ولو كنت بنتقد مرسي يبقى انا كافر =) وهكذا يعني .. مفاهيم غلط مترسخة من زمان

يا سلام عليكي
انتي جبتي المفيد
النقد = الكره
دي فعلا اساس المشكلة ..لما تنتقد امر معين يقولك دا كاره فلان او علان او التيار الفلاني او دا كاره الدولة الفلانية ..الخ

[Aya 7ekaya]

والله ده الجهل نفسه
شعب مش هيتغير ابدا نفس المفاهيم اللى كانوا بيعترضوا عليها ايام مرسى بيشكلوها على مزاجهم دلوقتى علشان مجرد وجهه نظر فى شخص ( احتمال يكون مخطىء او مصيب ) يعنى عليه جدل شعبى

نفس اللى حصل معايا النهاردة وانا فى الترام راجعه من الكليه شتايم وخناقه كبيرة ف اختلاف سياسى مالوش اى لزمه لانه مش هيغير حاجة
شعب بلا وعى #

[♥..pure]

المشكلة آنهم لمآ بيؤمنوآ بفكرهـ مش بيكون أقتنآع بمدى صحتهآ ,, بيكون تأييد للشخص نفسه فقط !
بغض النظر هو بيقول آيه !!
عشآن كدآ بيكون الدفآع ليس للفكرهـ أو المبدأ ولكن للشخص نفسه !
دي بئه سذآجة حرية الرأي !
لأننآ فعلآ شعب عآش طول عمرهـ مكبوت فكرياً وعقلياً الي حد كبير ...
لمآ تيجي وتقول يـ حريه ويـ ديمقرآطيه ,, اكيد فيه نسبه هتضبش وتخش فـ حآرهـ سد !!
بالنسبه للي شوفته بعد ثورهـ 25 و مكملتهآ 30 !! آنآ شايفه آن دآ شعب لآ يستحق !!
بالظبط شآيفه آننآ عملنآ زي الآخوان !
جآتلنآ الفرصه اننآ نكون آحسن بس للآسف استخدمنآهآ غلط !

يعني دلوقتي كل يوم والتآني جبهه من مؤيدي رآبعه تعمل واقفه تحت الكوبري فـ الكليه وهآتك يا هتآف !
الهتآف بيكون بأكمله شتيمه في السيسي والعسكر ,,
عآيز تفهمني أن دآ شعب بيفهم !!
آنت بتنآدي بالآسلاميه ,, يبقى خلآص نآدي بيهآ ,, مآلنآ بالسيسي دلوقتي !!

بالنسبه للكربآج !
فـ دي حقيقة ,, فيه فرق بين لمآ يدخلنآ دكتر ديمقرآطي وبين دكتر يزعق ويشتم ويمرمط بكرآمة اللي يخآلفه او ميسمعش كلامه الآرض !!
وعمليآ ,, بنعمله حسآب اكتر من الديمقرآطي ,,
لآنه بيعرف ازاي يمشينآ زي السآعه
ودي بصرآحه // حآجه تكسف :d

[أمواج الرحيل]

ان الله لا يغير ما بقوم حتى يغيرو ما بأنفسهم مش هقول اكتر من كده لانها شمله معانى كتير اووى

[همسه الجوارح]

شعب من ايام فرعون خد على الفرعنه وسيطرته
واحنا كشعب بنتفاخر باننا فراعنا واحفاد الفراعنه اللى التاريخ
مازال يذكر استعباد الفرعون للشعب وتلاقى الواحد
منفوخ كده يابنى احنا احفاد الفراعنه
اخد على الاستعباد وقياده من يملك السلطه والسوط
عاوزهم دلوقتى بعد ملايين السنين يؤمنوا بحاجه اسمها حريه كامله
طيب فين الحريه دى وانت شايف السيسي ده ماسك الكرباج وبيضرب المربوط
لسه قدامنا كتير علشان نفهم ان مافيش خطوط حمره وتروح هيبه البياده
اشكرك دكتره