تابع مسابقة " ظواهر ما وراء الطبيعة "

[Angel Smile]

ظواهر ما وراء الطبيعة :

فى مجتمعنا الشرقى .. تتجمع كل الظواهر فى شىء واحد " الاشباح "
فشعور ان احد يراقبنى " شبح يمشى ورائى " .. حادث حدث .. كان هناك ساحر جلب الارواح الشريرة .. و الجهل يزداد تقريبًا بمعدل ازدياد التعليم !

فإيماننا بالجن و العفاريت شىء .. و إيماننا المُعتم بتدخلهم فى امورنا هذا شىء اخر ..
من بعد وفاة سليمان عليه السلام .. و قد أنزل الله الملكين " هاروت و ماروت " لكى يعلموا الناس كيف يفرقون بين الرجل و زوجته .. ليعرفوا التفريق بين السحر و الحقيقة

قال الله في سورة البقرة : وَاتَّبَعُوا مَا تَتْلُوا الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنْزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلا يَنْفَعُهُمْ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلاقٍ وَلَبِئْسَ مَا شَرَوْا بِهِ أَنْفُسَهُمْ لَوْ كَانُوا يَعْلَمُونَ (سورة البقرة، الآية 102).

و قال الرسول( صلى الله عليه وسلم) : كذب المنجمون و لو صدقوا !


فمعلوماتنا تقتصر على الحظ و النجوم و الأبراج و الارقام التى اضعها معى حتى اكون محظوظة ! ..
لا اعلم لماذا ولكن كثيرًا ما نتبع نظرية التناقض المُعتمة .. فنحن من نزل علينا القران .. و نحن من بدأنا فى تفسيره و تقسيمه لعلوم .. نحو و بلاغة .. و نحن من هجرناه و ادرنا وجهنا نحو حفظه بدون فهمه !
ف يجب ان نؤمن بمثل تلك التخاريف !!


ف عن الاشباح لن اتحدث اليوم ! و لكن ساطرح لكم قليلا من ظواهر ما وراء الطبيعة

هناك الكثيـر من الاساطير ك اسطورة مثلث برمودا " من يذهب هناك لا يرجع " ! ..
و اسطورة الاحتراق التلقائى .. و التنبؤ ..
و الفزع الليلى و الصخور المتحركة و هناك اطلانتس و روزويل !

و لكن دعونا نترك الاساطير و نذهب الى كلمات علمية

فهناك ال ديجافو : رأيته من قبل ! و هذا شائع كثيرًا بيننا .. هناك من العلماء من قال ان احدى الاعين رأت الموقف قبل الاخرى فحدث خلل فى العقل ( و نُفى الامر بمبرر ان كان الانسان اعور ) ..

و هناك ال بريسكو فو : كان على طرف لسانى ! .. و التخاطر ! ..
و الجاثوم : الشلل الليلى (و هذا لديه دور كبيـر فى الاحلام الواضحة .. " اتعلمت انا ازاى اجبلى شلل ليلى ^__^ " ) .. و الخ الخ

و لكن سأتكلم عن .. " الاسقاط النجمى "

تجارب الخروج من الجسد :

لا يتحدث عن الروح البته و لكن عن ذاك الجسم الأثيرى لدى كل منا .. و كيف تتحكم به لتخرج به من جسدك و تذهب الى جميع الاماكن .. فى عالمك و خارج عالمك .. فيمكنك ان تفتح باب شقتك تجد باب مدرستك و يمكنك ان تذهب هناك لمن يمارسون تلك الرياضة مثلك .. " رياضة ذهنية " .. و لكن بينك و بين الجسم الاثيرى هناك حبل فضى ان انقطع فتوفيت انت ! .. و من ايجابياته كما يقولون .. انك حين ترى ما يحدث تزداد ايمانًا بالله سبحانه و تعالى .. فترى الكواكب و الكويكبات و تكون قرب الشمس ولا تحترق ! و بسرعة الضوء تذهب هنا و هناك .. و تزور من اشتقت لهم و الخ !

و ما يُعادله " الاحلام الواضحة " : كيف تحلم و تكون على علم بأنك فى الحُلم .. لتتصرف بامكانية الاحلام على طريقة الواقع !







كان هذا اختصارًا لما قد يصدقه الكثيــر ! .. و الكثيـر من الأبحاث و اللقاءات مع من يُعلمون هذا العلم ! و النتائج ؟! لا تغير يحدث مما قرأت ..

علمت منذ مدة طويلة ان كل ما يحمله جوجل من معلومات ما هو الا " هبل " .. و ان هناك فعلا اسقاط نجمى و لكن له دوراته الخاصة .. التعليم ليس بمجان لدى أى أحد ..

و لكن تبقى الاجابة لك وحدك .. هل تصدق ؟ هل ستجرب ؟ هل لديك إيمان ما بمثل هذا ؟
كأنا فلدى تجربتى الخاصة مع تلك الأشياء .. و لا اظن أنى سأجربها مرة اخرى
فهى كالكابوس ان بدأت فيه لن تخرج منه أبدًا !
و لهذا الفيزياء لا تُفهم من الكثيــر ! .

** انا كتبت كتيـر امبارح و اتكلمت بتوسع .. بس النت خانى للأسف : |
فكروت كل حاجة اليوم بقى :d اصلا كنت مش هكتب خالص ^^
كنت عاوزة كمان احكى تجربتى بس خلاص انا كبـرت و لازم انسى الماضى المؤلم ده
اللى عاوز يعرف اكتر فالمواضيع دى يبحث بقى فال youtube ^^ **

عاوزة اعرف بقى رأى عقولكم .. بتصدق الحاجات دى عامة ؟
بتدخل دمغها ؟ فيزياء الكمية و الحياة الجيولجيا بجانبنا هل هنا باحث لها ؟
ام مشغوليات حياتنا لا تجعلنا نتجه لتلك التخاريف كما يظن البعض ؟

فى انتظار تفاعلكم ^_^

[big bốss]

انتى دخلتينى فى دوامه كبيره

بس حياة الانسان فيها جانب بيخضع لقوانين فيزيائيه بحته لا تفسير علمى لها

زى ما ذكرتى التخاطر او التنبىء او القوه الخارقه او القدره على تحريك الاشياء

او حمل اثقال مهوله بجسم انسان عادى ....الخ

تجد انه لا تفسير علمى لها بل تخضع لقاعدة الشذوذ لان العلم يحتاج الى الحسيات و الماديات

ليفسر اما فى تلك الحالات بيقف عاجز

انا مريت بتجربه هقلها هنا

كنا فى شقه عايشين كنت فى تالته اعدادى وقتها

و كان باب شقتنا كل يوم 3 الفجر يدق الجرس و يجينى هاتف ان الجرس دق

اقوم اصحى مش القى حد قعدنا اسبوع على ذالك الحال

و فى الاخر طلع ان الشقه الى قدمنا كانت مسكونه

موضوع جميل انجل سميل

بالتوفيق سيدتى ،،،،

[Angel Smile]

اقتباس المشاركة الأصلية كتبت بواسطة big bốss انتى دخلتينى فى دوامه كبيره بس حياة الانسان فيها جانب بيخضع لقوانين فيزيائيه بحته لا تفسير علمى لها زى ما ذكرتى التخاطر او التنبىء او القوه الخارقه او القدره على تحريك الاشياء او حمل اثقال مهوله بجسم انسان عادى ....الخ تجد انه لا تفسير علمى لها بل تخضع لقاعدة الشذوذ لان العلم يحتاج الى الحسيات و الماديات ليفسر اما فى تلك الحالات بيقف عاجز انا مريت بتجربه هقلها هنا كنا فى شقه عايشين كنت فى تالته اعدادى وقتها و كان باب شقتنا كل يوم 3 الفجر يدق الجرس و يجينى هاتف ان الجرس دق اقوم اصحى مش القى حد قعدنا اسبوع على ذالك الحال و فى الاخر طلع ان الشقه الى قدمنا كانت مسكونه موضوع جميل انجل سميل بالتوفيق سيدتى ،،،،

يعنى انا عاملة المقدمة اللى فوق دى كلها علشان تقولى مسكونة
بغض النظر
فى حاجات التفكير فيها بيدخل فدوامة غير اللى انا عملتها فوق دى
بس ان النت يخونى بالطريقة دى لازم يطلع عليكم اكيــد

و كلامك فعلا صحيح .. حتى ف حوار تحكم العقل بالجسد فجميع احواله
و ازاى يقدر يمنع المرض بتفكير ايجابى منه حتى لو كان سطان عمى
و المُعجزة بتكمن هنا
اظن انها معجزة علشان ملهاش تفسير تدقيق :\
ما علينا ايدى وجعتنى
منوور كتيــر .. بقى و كدة ..

[big bốss]

اقتباس المشاركة الأصلية كتبت بواسطة angel smile يعنى انا عاملة المقدمة اللى فوق دى كلها علشان تقولى مسكونة بغض النظر فى حاجات التفكير فيها بيدخل فدوامة غير اللى انا عملتها فوق دى بس ان النت يخونى بالطريقة دى لازم يطلع عليكم اكيــد و كلامك فعلا صحيح .. حتى ف حوار تحكم العقل بالجسد فجميع احواله و ازاى يقدر يمنع المرض بتفكير ايجابى منه حتى لو كان سطان عمى و المُعجزة بتكمن هنا اظن انها معجزة علشان ملهاش تفسير تدقيق :\ ما علينا ايدى وجعتنى منوور كتيــر .. بقى و كدة ..

ما هو فيه حاجات ملهاش تفسير منطقى

فبنفسرها بتفسير خيالى ليس مبنى على يقين علمى

بس انتى فى دوانه فكريه شديده :d

سلامة ايدك

[✿ Celiηα]

يا بنتي ارسيلك على بر

شوية تقوليلي اشباح وجن وعفاريت وفجاة لن اتكلم عن الاشباح
ودخلنا فشلل النوم الجاثوم وقلت ماشي وشوية مثلث برمودا
وشوية الخروج من الجسد

اناقشك انا فايه ولا فايه المفروض تختاري ظاهرة واحدة وتناقشيها
سبتي انتي ايه دلوقتي للمتسابقين اللي معاكي ^_^

[Angel Smile]

اقتباس المشاركة الأصلية كتبت بواسطة big bốss ما هو فيه حاجات ملهاش تفسير منطقى فبنفسرها بتفسير خيالى ليس مبنى على يقين علمى بس انتى فى دوانه فكريه شديده :d سلامة ايدك

اهاااا مش فاهمة حااجة
الله يسلمك بقى هههههه :d

[Angel Smile]

اقتباس المشاركة الأصلية كتبت بواسطة ✿ celiηα يا بنتي ارسيلك على بر شوية تقوليلي اشباح وجن وعفاريت وفجاة لن اتكلم عن الاشباح ودخلنا فشلل النوم الجاثوم وقلت ماشي وشوية مثلث برمودا وشوية الخروج من الجسد اناقشك انا فايه ولا فايه المفروض تختاري ظاهرة واحدة وتناقشيها سبتي انتي ايه دلوقتي للمتسابقين اللي معاكي ^_^

لا ما دى كانت مقدمة عامة
انا الموضوع اللى اتكلمت فيه كان عن الاسقاط النجمى
و ده ليه علاقة بالاحلام الواضحة
تقرييبا كلهم ليهم علاقة ببعض
بغض النظر كنت عملاه احسن من كدة
بس زى مقولت خيانة النت هتطلع عليكم لاازم

[™Amiliya]

موضوع الاسقاط في اعتقادي ومن خلال القراءات وبعض الافلام الوثائقية فهو صحيح ويحدث

لا جدال فيها لاننا لا نفقه الكثير وكذلك العلماء يغيب عنهم الكثير لان الظاواهر دي بتفوق العقل في التصديق

تسلمي ع التوبيك بجد عجبني هو والفيدوهات المرفقة

بالتوفيق ليكي

تقيمي

[Angel Smile]

اقتباس المشاركة الأصلية كتبت بواسطة رائحة القهوة موضوع الاسقاط في اعتقادي ومن خلال القراءات وبعض الافلام الوثائقية فهو صحيح ويحدث لا جدال فيها لاننا لا نفقه الكثير وكذلك العلماء يغيب عنهم الكثير لان الظاواهر دي بتفوق العقل في التصديق تسلمي ع التوبيك بجد عجبني هو والفيدوهات المرفقة بالتوفيق ليكي تقيمي

غريبة انتِ الوحيدة اللى عجبك هنا
بغض النظر هههههه ^^

يمكن علشان هى حاجات بتفوق العقل مش قدمنا غير اننا نصدقها
لكن الصدق بيتأكد لما نجربها اكيـد و تنجح معانا ^^

ربنا ما يحرمنى من وجودك بقى