اشتغالات تحيا جمهورية الاشتغالات المتحدة

Şα3Đ..♥ · منذ /05-11-2009, 12:13 AM

ايوة اشتغالات ... البلد كلها بقت اشتغالات

تبص يمينك تلاقي اشتغالة تبص شمالك تلاقي اشتغالة فوقك اشتغالة تحتك اشتغالة

مش مصدق ؟ طب تعالي نحسبها سوا

انزل الشارع وقت الانتحابات تلاقي واحد عمال يزعق و يهلل و يقولك تحيا مصر و تحيا الامة و تحيا الفقير و يسقط الغني و يا جماعة انا هعمل و هعمل و في الاخر

اشتغالات

سيب الشارع ده و تعالي نتمشي شوية علي النيل تلاقي اتنين قاعدين مع بعض تقولش ملاكين و قاعدين بيحبو في بعض الي يشوفهم يقول بيموتوا في بعض و هي البت بتعلقه عشان غني و هو بيحبها اعجاب بشكلها مش اكتر و في النهاية

اشتغالات

نكبر شوية بقي و نبص لناس كبيرة

اتنين متجوزين الي يشوفهم يقول ايه عايشين احلي عيشة الزووج يسافر في شغلانه تلاقي الست ما صدقت تتصل بسوسو الانتيم بتاعها

ولا يا سوسو الرخم سافر تعالي بقي و لا اقولك افتح الميل نرغي شويه و انتم ادري بالي بيحصل كاميرات بقي و كلام و خيانة و هبقي انزل توبيك مفصل مع فريقي في الموضوع ده

و ايه بقي تلاقي الزوج بقي اصلا مسفرش ههههههههههههه ده راح للبت بتاعته عندها 18 سنه و دلوعه و لعبيه و مخلياه يحس بشبابه و هو ميعرفش انها بتلعب عليه عشان تنصب عليه و في النهايه

اشتغالات

نروح بقي الكليات تلاقي واحد قاعد لامم 5 اصحابه و عمال يكلمهم اصل انا بابي جبلي عربيه 4 × 4 بس انا قلتله انا عايز بي ام و زعلت منه خالص مالص و يروح يركب العربيه و محدش يعرف انه شغال عليها سواق بعد الطهر و دي عربية الي مشغلينه و هو مش لاقي تمن عجلة مفسية و في الاخر

اشتغالات

نخش في الكلية شويه و نشوف اتنين صحبات بنات تلاقي واحده منهم بتقول للتانيه ايه

اسكتي الواد سيكا بيحبك مووووت

يا شيخة

اه و الله ده بيموت فيكي بس اوعي تقولي اني قلتلك حاجه

اكيد عيب عليكي و انا هحاول المحله كده

و هي متعرفش ان الواد سيكا متفق مع البت صحبتها تعلقهاله و هو يعلقلها الواد الغني صحبه عشان ينصبوا عليه و في الاخر

اشتغالات

نخش في الكلية اكتر (لسه انت شفت حاجه) نلاقي اتنين اصحاب بيكلموا واحد عمال يقول انا مش عارف ازاكر و هسقط السنة دي و الله و انا مش عارف اعمل حاجه خالص

اخر السنة يطلع من العشرة الاوائل طب ازاي و هو كان بيقول مش بيزاكر اقولك

اشتغالات

و كتيييييييييييييييييييييييييييييير من دي اشتغالات

طب موضوعي بقي (نعم انت لسه مقولتش الموضوع ؟ اه لسه)

لحد امتي؟

لحد امتي هنبقي شعب الاشتغالات القومي

لحد امتي هنتفاخر اننا اشتغلنا فلان او فلانه

كدب و خداع و نفاق طب لحد امتي؟

و في النهاية احب اقول كلمه

تحيا شعب الاشتغالات للكدب و الخداع

مستني ارائكم

فرحة · منذ /05-11-2009, 12:40 AM

ههههههههههههههههههههههههه
الله عليك يا محمد وعلى اشتغالتك
بس فعلا عندك حق فى كل الكلام
ميرسى على التوبك الهاااااااااااااايل

يوسى كات · منذ /05-11-2009, 01:33 AM

موضوع جميل قوى يا محمد وكلامك كله تمام

بس هنعمل ايه معظم الناس تحب تشتغل بعضها

والكدب والخداع بيجرى فى دمهم

ثاااااانكس

kariem 3mer · منذ /05-11-2009, 08:43 PM

ههههههههههههههههههه
نيس يا مان

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اشتغالات البنات ع الولاد خد بالك يابنى	بحار فى بحر الحب	نكت - طرائف - وناسة - فرفشة	6	06-20-2010 10:24 AM
اشتغالات من تليفوناتنا الخاصه ( مسابقه انت وحظك ) اشتغاله مصطفي كريزي	Mahmoud Kamel	نكت - طرائف - وناسة - فرفشة	20	03-02-2010 10:47 PM
حوارات و اشتغالات	sama yousif	قسم الخواطر - وهمس القوافى حصرى بقلم الأعضاء	2	06-04-2009 09:21 AM
اشتغالات الشباب و البنات لبعض....	dr.nody	نكت - طرائف - وناسة - فرفشة	0	07-30-2008 02:41 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

اشتغالات تحيا جمهورية الاشتغالات المتحدة

قسم مناقشة المواضيع المتداوله والمنقوله