بيك رولز بيتي .. تصويري

[جبل عالي]

اول مرة بقا آآجي القسم الجميل ده .... كنت بتابعه من بعيد خصوصا اني بحب جدا جدا التصوير بس للأسف هجرت الهواية دي من زماااااااااان اليوم بقا جايبة لكم حاجة ان شاء الله تعجبكم وتعملوها كلنا عارفين العيش الفينو طبعا مدارس بقا وكده ... ده غير الفطار ساعات الصبح او ممكن ع العشا .... المهم لما بناخد اللي عايزينه ساعات بيفيض عيش ولما بيبات مبنعرفش نستعمله ساندوتشات في كتير بيحمصه ويطحنه ويبقا بقسماط للبانيهات وكده مممممممم النهاردة فكرت في فكرة تانية نعمل منه بيك رولز لذيذ في البيت وجبت لكم الطريقة بالصور كمان المطلوب : ارغفة فينو بايته حسب الموجود معلقتين زبدة سايحة ....... خليط لبيك رولز فص توم + 2\1 معلقة ملح + معلقة زعتر مطحون + معلقتين زيت (خليط على بعض) ملحوظة \ ممكن تزودوا الطعم اللي تحبوه من جبن زي ماتحبوا وممكن زيتون يعني الإضافات الزيادة حسب ذووق كل واحد ده الفينو البايت هنا بنقطعه حلقات زي مانتوا شايفين كده نرصه في صينيه الخبز وهنا دهنت وش كل شريحة بمسحة من الزبد السايح بسيط مش كتير عشان مايكون تقيل هنا بقا جبت الخليط اياه اللي بالزعتر وفص التوم ومعلقة الزيت والملح وبدأت اغطي وش الشرايح من تاني بضهر المعلقة بعدها بنحطه في الفرن لمدة بسيطة مش كبيرة لأنه بيتحمص بسرعة ...يعني نراقبه حسب نوع الفرن بقا بس هو مابين 10 او اقل دقايق حسب درجة الحرارة ونوع الفرن يخرج بقا بالشكل ده ودي صورة تانية بجد طعم جنااااان وقرقشوا بقا وانتوا قاعدين تذاكروا والف الف شكر ليكم ولتواجدكم ويارب يعجبكم بقاااا على رأي الكل منتظرة تعليقاااااااااتكم

[دمعه حائره]

شطورة ايه الحاجات الحلوة دى والصور مظبوطه تسلمى جبل

[esra2 mohamed]

حلوووه اوووى الفكره
بالتوفيق دايما

[๓αℓάҝ]

اعزميني عندك يا جبل :d
شكلها لذيذ أوي
تسلم إيدك عليهم ^^

[موري كول]

فكره تجنن يا جبل بجد تسلم ايدك
والتصوير كمان واضح وحلو
نورتي القسم
تقيمي

[جاكلين]

شكلها تحفة
هحاول اجربها
تسلم الايادى بقا
وبجد تصويرك جميل وواضح
يدوم التميز ياقمر

[انجي_1]

جميل جدا يا قمر تسلم ايدك

انا كمان بعمله ف البيت لذيذ

وممكن كمان تحطي عليه مكونات البيتزا

وتعملي منه بيتزات صغيرة تدخليه الفرن بس يتحمص وتذوب الجبنه وبس بيكوطعمهم جنان

[انجي_1]

وممكن كمان تاخدي القزبرة والبقدونس تقطعيهم ناعم جدا وتخلطيهم مع الثوم وزيت الزيتون وتدهني بيهم الخبز وتحطي عليهم جبنه من فوق مبشورة طبعا او قطع صغيرة وتدخليهم الفرن
حاجة بسيطة بس

اسفة طولت عليكي

[ملك جبال الاحزان]

انا مكنتش مطمن الصراحه اول ما شوفت الفينو
بس الحمد لله بعد العمليه بقا شكله حلو ههههههه
تسلم ايدك يا شيف المنتدى
شكله حلو وناقص ندوق بقا ههههههه
يدوم وجودك الجميل

[-esraa-]

فكرة حلوة يا جبل
تاكلوه بالعافية ,,

تسلمي عالتوبيك ي جميلة