ادخل علق على الماتش :d

[big bốss]

فكرونى صحوا نار الشوق

بنتيجة الاهلى و الزمالك 6 \ 1

بس يا نور بلا وكسه

دا لو رحت لعبة انا و اصحابي كنت جبنا نتيجه مشرفه احسن منى دى

^_^

شكله مرسي دعى علينا

[۩۩ elMagic ۩۩]

خبر عاجل !!

لا صحة لما يتردد عن هزيمة منتخب مصر
المباراة لم تبدأ بعد

^_^

[نور ونار]

اقتباس المشاركة الأصلية كتبت بواسطة big bốss فكرونى صحوا نار الشوق بنتيجة الاهلى و الزمالك 6 \ 1 بس يا نور بلا وكسه دا لو رحت لعبة انا و اصحابي كنت جبنا نتيجه مشرفه احسن منى دى ^_^ شكله مرسي دعى علينا

طيب الاهلى والزمالك فى بيتها
الفرقتين نفس البلد
والفضيحه محليه
لكن دى يادهوتى الفضيحه عالميه
يافرحه ابله ظاظا فينا
صحابك بس ايه يانور
قول لو كان الفريق من ولاد اخواتى
كانوا كسبوا هع
ماهو لما اتقال سيسى ليا
قولت لاااااااااا دا السبب مرسى
يلا العين بالعين والبادى اظلم هههههههه
شعب جامد اخر حاجه وربنا هههههه
نورتنى يانور
تتعوض بقآآ فى مباراه تانيه
حاولوا مره اخرى

[Mo7aMaD 3aLa2]

ههههههههههههههههههههه انا من اول ما عرفت التشكيل تأكدت اننا هنخسر

مفيش مهاجم صريح = عقم تهديف معروفة ولولا ضربة الجزاء اللى خدناها مكناش هنجيب اى حاجة

دة طبعا ميمنعش ان اللعيبة كانت مفخدة امبارح =))))

خلونا نتكلم بصراحة منتخب مصر مفيهوش دفاع ,, سواء وائل جمعة ولا محمد نجيب او اللى ع الدكة زى الزفت ,, كانوا بيزحفوا ورا مهاجمين غانا امبارح

+

منتخب غانا منتخب قوى جدا فى اسماء عالمية ,, كاس العالم اللى فات خرج من دور ال 8 امام اوروجواى بضربات الجزاء وكانوا هم الاقرب والله للفوز ,, فـ فى فرق شاسع ف المستوى اصلا

انا بصراحة كنت متوقع الخسارة بس متوقعتش انها تكون كبيرة اوى كدة

بس طبعا لسة فى ماتش عودة فـ مصر >>> هنخسرة بردو =))))))))

[نور ونار]

اقتباس المشاركة الأصلية كتبت بواسطة ۩۩ elmagic ۩۩ خبر عاجل !! لا صحة لما يتردد عن هزيمة منتخب مصر المباراة لم تبدأ بعد ^_^

ونحن من موقعنا هذا نؤيد ذلك الخبر
وفى انتظار المنتخب المصرى
بكل لاعبيه ان يؤدى المهمه بنجاح
فبعد انضم لهم ادهم صبرى
وبوند جيمس بوند
وشارلوك هولمز اصبح متسلح باقوى العملاء
ونناشد الاخوه الغانين ضبط النفس
وعدم الخروج عن النظام
لانهم سوف ينطحنوا
كما وردنا اخبار ان الاستاد كوماسى
ملغم بالاعمال السفليه من الجان
والعفاريت
وان بو تريكه لوحده عليه خمسين عفريت
حتى لا يستطيع اللعب
وشريف اكرامى عليه خمسه عفاريت
كل عفريت دخل جون هع
ونحب نقول لاهل كوماسى احنا ناس واصله اوى يعنى
ومعانا مش هتقدر تغمض عنيك

[نور ونار]

اقتباس المشاركة الأصلية كتبت بواسطة mo7amad 3ala2 ههههههههههههههههههههه انا من اول ما عرفت التشكيل تأكدت اننا هنخسر مفيش مهاجم صريح = عقم تهديف معروفة ولولا ضربة الجزاء اللى خدناها مكناش هنجيب اى حاجة دة طبعا ميمنعش ان اللعيبة كانت مفخدة امبارح =)))) خلونا نتكلم بصراحة منتخب مصر مفيهوش دفاع ,, سواء وائل جمعة ولا محمد نجيب او اللى ع الدكة زى الزفت ,, كانوا بيزحفوا ورا مهاجمين غانا امبارح + منتخب غانا منتخب قوى جدا فى اسماء عالمية ,, كاس العالم اللى فات خرج من دور ال 8 امام اوروجواى بضربات الجزاء وكانوا هم الاقرب والله للفوز ,, فـ فى فرق شاسع ف المستوى اصلا انا بصراحة كنت متوقع الخسارة بس متوقعتش انها تكون كبيرة اوى كدة بس طبعا لسة فى ماتش عودة فـ مصر >>> هنخسرة بردو =))))))))

ههههههههههههه
عجبتنى اوى بس فى ماتش عوده
حسيت فى تفاؤل كده
وبعدين قولت هنخسره طبعاااااا
رجعتنى لارض الواقع
بس نايس
هو العيب مش دفاع عشان ولا فى دفاع
ولا هجوم اللعيبه تيجى على خط 18
ويتكهرب او يجيله شلل رعاش
وكذا مره يواجه وجه لوجه للشبكه وتلاقيه
بيلعبها بطريقه تبقى مش مصدق هو ايه اللى شغال ده
تقول لنفسك يا فيلم كرتون يا سيت كوم اكيد
ههههههههههه
نورتنى طبعا

[اندرسون]

فعلا هي دي مصر ام الدنيا

[احساسى صحيح]

النتيجة اكييد كارثية ومحبطة رغم ان الواحد فينا كان عندة امل بالفوز
وليس الهزيمة بتلك الطريقة المخذية
بالتحليل للى حصل يتضح ان برادلى ما حسب حساب غانا بطريقة كبيرة واعطاها قيمتها التى تستحقها لأنة لو كان فعل ,, لكانت النتيجة غير ما انتهت علية
ع العموم اللى حدث يتحملة من تسببوا فية وودوا البلد فى داهية وألغوا النشاط
والغوا الكورة وألغوا حتى النفس الذى نتنفسة
يعنى لو كنتى من خارج القاهرة مثلا ووصلتى لحدودها الخارجية
لن تستطيعى الدخول الى القاهرة إلا بعد حوالى من 5 الى 6 ساعات
يعنى شلل فى كل مناحى والدبابات فى كل مكان ومصر اصبحت خراب
حتى برادلى معذور ,, كيف يختار لاعبين للمنتخب من نادين فقط
هما من يمارسوة الكورة بالفعل وباقى النشاط متوقف ,,,
شوفى مفيش مستحيل فى الكورة هكذا تعلمناها
اولا موعد مباراة العودة يوم 19 نوفمبر ,,
يعنى هناك وقت طويل للتصحيح والاعداد والتحفيز
اتذكر ان اسبانيا كانت تنافس هولندا على الصعود لنهائيات كاس العالم فى احدى السنوات
وكانت هولندا ضمنت التأهل لأنها كانت تبتعد عن اسبانيا قبل مباراة اسبانيا الاخيرة فى التصفيات
بحوالى ثلاث نقاط وعشر اهداف ,, يعنى كان مطلوب من اسباينا علشان تصعد انها اما تكسب 11 هدف لصفر او 12 هدف مقبل هدف واحد ,, وبالفعل كسبت اسبانيا الفريق المالطى نتيجة 12 مقابل هدف وتلك واقعة تاريخية فكرة القدم لا تعرف المستحيل ,, اكيد واضح جدا ان غانا تفوقنا بدنيا جدا جدا وقوة جسمانية رهيبة ولكن مصر تتفوق فى المهارات
الاهم ان نستغل الوقت فى التحفيز وشحذ الهمم والعلاج النفسى المتواصل وضم عدد اقل من المرة السابقة للتركيز عليهم وعلى خطة اللعب ,, وان نقيم المباراة فى استاد القاهرة دون خوف من اى شىء
وان نحشد مائة ألف متفرج ,, والفوز بخمسة اهداف ليس بمستحيل
لنتذكر انهم سجلوا ستة اهداف فليس صعبا ان نتخم شباكهم بخماسية نظيفة
والمصرى يظهر معدنة وقت الشدة
.

[Angel Smile]

ده كله حصل علشان قررت اتفرج لاول مرة على الماتش من غير ما اتريق على اللعيبة
بس بجــد عـــار :|
فالبيت عند عمو كانت كل ما غانا تجيب جون يقولوا هيــــــه هههههههههههه
بس ان مصر تجيب جون واحد و بضربة جزااء
اشك انهم هيلغوا نظام ضربات الجزاءده بسبب مصر
الفشــل محاوطنا من كل الاتجاهات .. الحمدُ لله
علشان محدش يحسد وكدة

[نور ونار]

اقتباس المشاركة الأصلية كتبت بواسطة اندرسون فعلا هي دي مصر ام الدنيا

شاكره لك مرورك
نورتينى