يعني حلال عليك ...حرام عليا؟؟

[™Amiliya]

اصعب شيء ممكن يمر في العلاقات بين الرجل والمراة

مقارنة الرجل امراته باامراة اخرى

سواء لبسها

عقلها

هدوئها

معاملاتها

جمالها

اكلها

حتى وان كانت المقارنة من باب انه يحمسها للشيء ويحسن من شيء عندها مش عاجبه

لكن نيجي نشوف الطرف الاخر المراة

لو حصل وقارنت بين جوزها او حببها او خطيبها بحد تاني تقوم الدنيا ومتقعدش

حتى لو كانت المقارنة في حاجة بسيطة في لبس مثلا او شياكة فلان او اسلوب تعامله

ممكن جدا توصل لانفصال بينهم

ومستحيل ينسى الي قالته

حتى لو كان ع سبيل الهزار
/



ياترى ليه بعض الرجال بتدي نفسها حق انه يقارن المراة بحد تاني وهي تتحمل ويوم مهتكون ردة فعلها

خناقة ع الماشي او تذمر او زعلة بسيطة متوصلش لانفصال؟

ويوم متيجي المراة تقارنه بحد تاني يحس ان كرامته اتهانت؟

ليه؟

/

صباحكم خير ونعيم

[انجي_1]

عشان احنا ف مجتمع ذكوري فارض نفسه على المراة ومعتبرها انها كائن ضعيف ملوش راي
وملهاش حق تقول رايها او تتصرف بالمثل

عندك حق دي حقيقة بنصادفها ف حياتنا اليومية
انتي لو قلتي مثلا قدام زوجك رايك ف ممثل او اي حد من العيلة تبقي كفرتي وتقوم قيامتك ويعتبرك خاينة ومنحلة ويطلع فيكي كل عيوب الدنيا ومش بعيد تطلقي

اما هو بقا يقعد يفرس فيكي يشكر ف صحبات اخواته وزميلاته وبنات الجيران وانتي ولا تقدري تقولي حاجة
يدوبك تقعدي تاكلي ف نفسك وتلمي الليلة

هو ده المجتمع العربي الظالم

تسلمي على التوبيك

[big bốss]

هو مبدأ المقارنه بين اى اتنين مرفوض تمامآ

سؤاء للرجل او المرآه ، لانه تذمر و أهانه شديده و اهدار كرامه

فالافضل الابتعاد عنه لانه سيوتر العلاقه و الرجل او المراه لن تنسي هذه المقارنه


موفق يا زميلى

[اشرف 2006]

والله الحب والود والتفاهم يزيل هذه الصغائر وتكون العلاقه الزوجيه بينهم زى الفل


موضوع رائع ويحدث بالفعل


تقبلى تحياتى

[اميره الشعر الشجين]

بصى ومن الاخر لما الراجل بيجوز وخلاص اختار الزوجه الا هو عيزها وهيا رضت بيه بيغطو على عيوب بعض يعنى

عمره مهى يفكر يقارنها بحد بس ممكن يطلب منها انها تكون مثل ولكن بطريقه غير مباشره وهى كذالك لان فعلا الحاجات دى بدمر علاقات كتير

موضوع حلو ياقمر يدوم التميز

[جبل عالي]

بصراحة رد انجي مظبوووووووط مليون فى المية

بأستثناء بعض العقول الهادئة بتتصرف زي ما أشرف قال

وأميرة كملت الكلام



تسلمي ياغالية للتوبيك الراقي كشخصك


تحيتي وتقديري

[™Amiliya]

اقتباس المشاركة الأصلية كتبت بواسطة انجي_1 عشان احنا ف مجتمع ذكوري فارض نفسه على المراة ومعتبرها انها كائن ضعيف ملوش راي وملهاش حق تقول رايها او تتصرف بالمثل عندك حق دي حقيقة بنصادفها ف حياتنا اليومية انتي لو قلتي مثلا قدام زوجك رايك ف ممثل او اي حد من العيلة تبقي كفرتي وتقوم قيامتك ويعتبرك خاينة ومنحلة ويطلع فيكي كل عيوب الدنيا ومش بعيد تطلقي اما هو بقا يقعد يفرس فيكي يشكر ف صحبات اخواته وزميلاته وبنات الجيران وانتي ولا تقدري تقولي حاجة يدوبك تقعدي تاكلي ف نفسك وتلمي الليلة هو ده المجتمع العربي الظالم تسلمي على التوبيك

مجتمعنا شرقي ذكوري النزعة يبيح لنفسه اشياء ويحرمها ع غيره تحت مبدا الي ميصحش
الي ترضاه ع نفسك ارضاه ع غيرك والعكس صحيح
بس طبعا للي يفهم

نورتيني انجي بردك الجميل

[™Amiliya]

اقتباس المشاركة الأصلية كتبت بواسطة big bốss هو مبدأ المقارنه بين اى اتنين مرفوض تمامآ سؤاء للرجل او المرآه ، لانه تذمر و أهانه شديده و اهدار كرامه فالافضل الابتعاد عنه لانه سيوتر العلاقه و الرجل او المراه لن تنسي هذه المقارنه موفق يا زميلى

بالظبط فيه اهانة واهدار كرامة فعلا

نورتني يانووور

[™Amiliya]

اقتباس المشاركة الأصلية كتبت بواسطة اشرف 2006 والله الحب والود والتفاهم يزيل هذه الصغائر وتكون العلاقه الزوجيه بينهم زى الفل موضوع رائع ويحدث بالفعل تقبلى تحياتى

العلاقات المحترمة بين اي اتنين لازم يكون فيها الاحترام والمقارنة بتقلل الاحترام

منورني اشرف

[™Amiliya]

اقتباس المشاركة الأصلية كتبت بواسطة اميره الشعر الشجين بصى ومن الاخر لما الراجل بيجوز وخلاص اختار الزوجه الا هو عيزها وهيا رضت بيه بيغطو على عيوب بعض يعنى عمره مهى يفكر يقارنها بحد بس ممكن يطلب منها انها تكون مثل ولكن بطريقه غير مباشره وهى كذالك لان فعلا الحاجات دى بدمر علاقات كتير موضوع حلو ياقمر يدوم التميز

المفروض انهم يفهمو كدا بس الظاهر بعد فترة من الوقت بيحصل فتور في العلاقة ممكن يوصل
لموضوع المقارنة بينهم خاصة لما بيملو من بعض

منوراني ياعسل