هل فعلا محدش بيتغير من غير سبب؟

[™Amiliya]

لفت نظري مؤخرا علاقات كتير بتفشل

وبيقولو في تفسير الفصول السنوية


ان فصل الخريف فصل الانفصال للعلاقات

والشتاء فصل بداية العلاقات ومعظم العلاقات الي بتبدا في الشتا بتستمر


والي بتبدا في الصيف بتنتهي في الخريف

العلاقة بتكون ماشية تمام وهو بيحبها وهي بتحبه ومتفقين ع حاجات كتير

تغيب هي فاجاة يرجع يلاقيها متغيرة الحاجات الي كان بيعملها ليها ومعاها مبقيتش بتعجبها

وبقيت بتتذمر باستمرار وعلى طول في انتقادات منها ليه ومبيقتش زي الاول معاه ويمر الوقت

ومع الملل والفتور في العلاقة

وتيجي تقولو انا مبقيتش حاسة ان علاقتنا هتنجح ؟ وانها عايزة تنفصل عنه؟ وانه بكرة هيلاقي حد احسن منها؟

( كلام قديم وبايت )

الموضوع منطبق ع الرجالة بردو

ولما تحاول تفهمالسبب او التقصير منين يقولك من غير سبب نصيب؟

هو في حد بيتغير من غير سبب؟

وبعد مينفصلو وكل واحد يروح في حاله ترجع تشوف كل واحد حصل ايه معاه

تلاقيه ارتبط بحد تاني كان قريب منه فترة وجود الاولاني في حياته

طب ليه بيحصل دا؟ وليه ميكونش كل واحد صريح مع التاني في اسباب فشكلة الموضوع؟

ليه بنجرح بعض رغم الحب الي كان بينا ؟ ليه بنكون جايين اوي عليه ونخليه يسال نفسه الف مرة ايه حصل خلى فلان يختار يبعد ويختار حد تاني؟

اسئلة كتير بتكون جواك يوم ميحصلك موقف زي كدا بيخليك مش عارف الحقيقة فين
هو الي كان بينا حب فعلا ولا وقت وعدى بالملل

-

تحياتي

[SiLver Spectra]

العلاقة اللي بتنتهي من الطرفين بالساهل كدا بتدل على ان الموضوع اصلا ماكنش مظبوط من البداية و كان فيه حاجات غلط
و دا غير لو ظروف معينه او الاهل اللي رفضوا

ليه بقى ؟
بترجع لاسباب نفسية ..عقلية ..نضجية
كل حاله و خصوصيتها

[™Amiliya]

اقتباس المشاركة الأصلية كتبت بواسطة silver spectra العلاقة اللي بتنتهي من الطرفين بالساهل كدا بتدل على ان الموضوع اصلا ماكنش مظبوط من البداية و كان فيه حاجات غلط و دا غير لو ظروف معينه او الاهل اللي رفضوا ليه بقى ؟ بترجع لاسباب نفسية ..عقلية ..نضجية كل حاله و خصوصيتها

فعلا الي بيجي بالساهل بيروح بالساهل خاصة لما تلاقي الطرف التاني انك وثقت فيه ولاقيته
مجرد خلاف عادي بيروح لغيرك طب ليه الصراحة مش موجودة والله يافلان انا لقيت غيرك ليه
بيحاول بيكدب ويعمل مشكلة عشان يبعد
فعلا في حاجة غلط في العلاقات الايام دي
ولو ظروف معينة اعتقد هما واضحين المفروض من الاول

هي نفسية ونضحية فعلا ياطارق

نورتني بوجودك

[Lamees]

ايه الموضوع الجميل ده يا ايمليا
البداية بتكون تعود يا حبيبتي مش حب
وكمان بيكونوا اتسرعوا في مصارحة بعضهم بالحب
وهما مش مدركين انه تعود مش حب
يا اختي الواحد او الواحدة بتقعد شهور او سنين
بتكون بتحب حد ومش واخده بالها انها بتحبه
ولازم قبل ما تتكلم او تبوح تتأكد تماماً انه حب
اما غير ذلك بتكون علاقات سطحية لا علاقة لها بالحب

[™Amiliya]

اقتباس المشاركة الأصلية كتبت بواسطة ro♥ony ايه الموضوع الجميل ده يا ايمليا البداية بتكون تعود يا حبيبتي مش حب وكمان بيكونوا اتسرعوا في مصارحة بعضهم بالحب وهما مش مدركين انه تعود مش حب يا اختي الواحد او الواحدة بتقعد شهور او سنين بتكون بتحب حد ومش واخده بالها انها بتحبه ولازم قبل ما تتكلم او تبوح تتأكد تماماً انه حب اما غير ذلك بتكون علاقات سطحية لا علاقة لها بالحب

فعلا بتكون سطحية م علاقة حب
الحب اقوى بكتير من ان تيجي حبة خلافات وتنهيه

منوراني دايما بردودك الجميلة روني

[ضحكة عيون حبيبى]

اممممممممم بصى "ما فاتك ما كان ليصيبك وما اصابك ما كان ليفوتك "
يعنى الشخص اللى العلاقه مستمرتش معاه باختصار مش نصيبك
ده العلاقه الشرعيه لكن اى حاجه تانيه صحوبيه , اعجاب كلام من ده مش ف قاموس مشاعرى
دايما اللى جاى افضل ان شاء ربى
تقبلى مرورى

[اميره الشعر الشجين]

غاليتى رائحه القهوه

انتى بتقولى ان الخريف فصل انتهاء العلاقات متنسيش ان الخريف هو الا بيعلن قدوم التجديد للارض

فى كل ورقه شجر بتقع فيه علاقه بتتكون مش بتتهد عرفه ازاى اختى هقولك

لما ورقه بتقع فى نظر البشر علاقه بتتهد ميعرفوش ان الورقه الا هتقع دى هيا نفسها الورقه الا بتخطف نظرهم فى الربيع يعنى العلاقه هنا متجدده

بس فينا احنا كبشر بنشوف كل حاجه بنظره تشاؤميه قبل ما نبس على الجمال بنشوف اول حاجه فيه هى الفقدان وبنتغير على حسب نظرتنا للشئ الا قدمنا

بصراحه ممرتش انا بتجربه حب عشان اعيش اللحظه دى واوصف ولانى اساسا مش بأمن بوجود الحب مهما كان

الا انى كل الا اقدر اقوله هو لما الانسان بيتغير يبقى لسبب اما العيب فيه وخايف يصارح اما العيب فى حبيبه ومش عايز يصراحه

والتغير قرار والارتباط الابدى قدر يمكن القدر مش بأيدينا بس القرار بأيدنا

موضوع حلو ياقمر يدوم التميز

[warm heart]

الموضوع جميل جدا

بصي انا حصلتلي الحكاية دي .. والسبب انه بتكون في حاجة غلط او بيكون مجرد وقت وخلاص والموضوع مش بيبقى بجد انما اللي بيكون بجد مهما حصلت تغيرات بيكونوا باقيين ع الموضوع وبيحاولوا يعدوا اي مشاكل بتحصلهم

تقبلي مروري

[شاعر واسير الحب]

ديما العلاقات السطحية اللي لم يكن لها هدف بتكون نهايتها بلاهدف ايضا
وعلاقات الحياة الحب وما شمل وتكوين اسرة وعلاقة حميمة اذا بنيت من الاساس صح وعلي بناين صحيح بتكون لها نهايه جميلة زي نهايه الافلام الرمانسية يخدها ويطير علي علي حصانة
واذا كانت علاقات تسليه و وكوز ذرة وترمس وشويه لب علي الكورنيش بتكون النهاية كل واحد يروح لحالة
ومابنيت علي باطل باطل
الاساس ان يكون هناك هدف حياة اسرة سعيدة والا كل واحد يروح عند امه من البداية وبلاش
كدب علي بعض وتضيع وقت
دمت بخير

[الأميرة رودي]

مااعتقدش ان العلآقه بالشكل ده يكون حب
انتى مش بتسمعى عن علآقات الحب اللى بتوصل لحد الوفاء حتى بعد موت احد الطرفين
الحب مش حاله بيعيشها الانسان ف فتره معينه وبمجرد ماتعدى الفتره نلاقي الحب ده راح وبقى شئ عادي
ولو كل انسان بعد عن حبيبه فتره وبعدها رجع لقاه متغير وبقى يتذمر من وجوده يبقى أغلب العلآقات كانت فشلت
لآن فيه علآقات كتير بتحكهها ظروف العمل للشاب فبيضطر للسفر ف مكان تاني
لو البنت هنا بتحبه حب حقيقي وصادق اكيد مش هتتغير من ناحيته
انما لو الحكايه تعود يبقى اكيد ومن الطبيعي انه بمجرد مايختفى عن عنيها تنساه وتتغير

غير مفاهيم تانيه ممكن تأثر على العلآقه بشكل سلبي
ف كل الحالآت التغيير مش بيجي من غير سبب

يااما اصلا مكنش حب
يااما حصل حاجه كبيره استدعت التغيير ده
مووضوع جميل ايمي
تسلمي حبيبتي