الفرحة حتة شكولاتة

[™Amiliya]

زمان لما كان يجي عندنا في البيت ضيوف كانت ماما او جدتي يقولولي متخرجيش والضيوف هنا وخدي لعبك شيلها في اوضتك
واوامر كتير عشان الضيوف يقولو بنتهم يااااه دي مؤدبة جدا وبتسمع الكلام

طبعا دا ميمنعش اني يوميها بجهز نفسي عشان اعمل حركات الفت نظرهم اني هنا واتفرج على لبسهم واسمع كلامهم

كنت بتحايل عليهم بس اسلم على الضيوف واخرج على طول فكانت تيتا تقولهم ايمي بنت محمد وطبعا بسمع احلى كلام منا داخلة عشان كدا الي تقول بسم الله ماشاء الله زي القمر والي تقول انتي سنة كام ياعسل والي تبوسني والي تقرص خدي


وياسلام لو حد فيهم فتح شنطتو واداني هدية مصاصة مثلا او شكولا

بس معظمهم بيسلم وبيبوسني وبيديني من الشكولا بتاعت البيت الي عيني على حتة تانية ومنعوني عشان الضيوف


وبس اخلص سلام تبصلي تيتا او ماما عشان اخرج من الصالون واجري لبرا خلاص خدت الي عايزاه


واجري في الصالة واقعد عند اقرب كرسي ليا وافتحها واكلها وانا مبسوطة اووووي

مش عارفة سعتها الفرحة دي عشان حتة شكولا ولا عشان اتحايلت على قوانين البيت في وجود الضيوف واخترقتها وفزت بالحتةدي

حتى بعد مبيمشي الضيوف وعلبة الشكولا متاحة ليا اخد الي عايزاه مبكونش طعمها زي الي خدتها لما كانو هنا


الفرحة الي بنحسها واحنا صغيرين مع اوامر اهالينا وتوجيهاتهم لينا باستمرار حتى لو متذمرين منها بس بتفضل سهلة الاختراق بحيل طفولية بنضحك عليها لما بنكبر

-

ايميليا

[-esraa-]

الفرحة دي ممكن تكون بتعني لنا حاجات كتير .. يمكن يكون التفكير انك عايزة توصلي لهدفك ووصلتيله بتفكيرك و ... الخ
كل واحد هتختلف أسباب فرحته حسب شخصيته حتى لما تسألي بنت صغيرة هتجاوبك بإجابة ممكن تستغربي ان تفكيرها كده ^^
حلو موضوعك ايمي وشيق تسلمي

[™Amiliya]

اقتباس المشاركة الأصلية كتبت بواسطة -esraa- الفرحة دي ممكن تكون بتعني لنا حاجات كتير .. يمكن يكون التفكير انك عايزة توصلي لهدفك ووصلتيله بتفكيرك و ... الخ كل واحد هتختلف أسباب فرحته حسب شخصيته حتى لما تسألي بنت صغيرة هتجاوبك بإجابة ممكن تستغربي ان تفكيرها كده ^^ حلو موضوعك ايمي وشيق تسلمي

فعلا الفرحة ليها الف معنى

طب وانتي صغيرة اسراء كانت فرحتك ازاي؟

[big bốss]

طول عمرك شقيه ايما

عندك حق أحنا و اطفال كنا بنخترق القوانين و بنحس بفرحه فى تلك الحاله

بس انا محدش كان بيجبلى شكولاته او مصاصه

كانوا بيدونى فلوس و بابا يأخدها منى علشان مش ابلعها و يضحك عليا

دوام الفرحه فى صغرك و كبرك

[™Amiliya]

اقتباس المشاركة الأصلية كتبت بواسطة big bốss طول عمرك شقيه ايما عندك حق أحنا و اطفال كنا بنخترق القوانين و بنحس بفرحه فى تلك الحاله بس انا محدش كان بيجبلى شكولاته او مصاصه كانوا بيدونى فلوس و بابا يأخدها منى علشان مش ابلعها و يضحك عليا دوام الفرحه فى صغرك و كبرك

ههههههه دا نوع من الطفاسة عايز تاكل الفلوس

الصبيان بردو خشنين في طريقة فرحتهم وهدايهم

يدوم عليك الفرحة يارب

[-esraa-]

اقتباس المشاركة الأصلية كتبت بواسطة رائحة القهوة فعلا الفرحة ليها الف معنى طب وانتي صغيرة اسراء كانت فرحتك ازاي؟

لامش فاكرة :d
بس فاكرة اني لما بكون عايزة حاجة لو جابولي مين لازم انفذها يعني انفذها
مرة كنت في أولى ابتدائي والمفروض مدرسة جديدة أكون خايفة وكده دخلت الفصل وعجبني ديسك في مكان كده قمت قعدت وبعدين جت المعلمة وقالتلي تعالي انتِ اقعدي في الديسك ده قلتلها لا انا عجبني الديسك ده وهقعد فيه واستمر الحوار كتير ولا رضيت اقوم حتى جابولي المديرة ومدرسات عشان يقنعوني اني اروح للديسك التاني وفضلت معااندة لاني عايزة اقعد فيه بس في النهاية خالص قمت ولا لا مش عارفة :d المهم اني كنت بحس بالفرحة لما اعمل حاجة انا نفسي اعملها
عكس دلوقتي احيانا بتمنى اكون شخصيتي وانا صغيرة ^^

رغيت كتير

[اميره الشعر الشجين]

هههههههههههه كل همك على الشيكولاته اما انتى ^_^

ااقل حاجه ممكن تصنع الفرحه مصاصه شيكولاته وياسلام بقى لو مع الطفوله بتكون فرحه بريئه جدا مبنهتمش بالعواقب الا ممكن تحصل اد ما نهتم بلا احنا عيزين نثبته

موضوع حلو ايمى يدوم التميز ياقمر

[Lamees]

اكيد ليها طعم تاني عشان اتخدت في وقت
الاوامر والمحظورات هي الدنيا كده
انا بقى مش بحب الشكولاته ^ـــ^

[موري كول]

الله كانت بتبقي احلي فرحه والله لما نخترق قوانين البيت ونمشي كلامنا
انا بئا كنت امثل اني بعيط وافضل اعاند لغايه مااوصل للي انا عايزاه
ياريت الواحد يرجع صغير تاني

قصه شيقه جدا تسلمي

[™Amiliya]

اقتباس المشاركة الأصلية كتبت بواسطة -esraa- لامش فاكرة :d بس فاكرة اني لما بكون عايزة حاجة لو جابولي مين لازم انفذها يعني انفذها مرة كنت في أولى ابتدائي والمفروض مدرسة جديدة أكون خايفة وكده دخلت الفصل وعجبني ديسك في مكان كده قمت قعدت وبعدين جت المعلمة وقالتلي تعالي انتِ اقعدي في الديسك ده قلتلها لا انا عجبني الديسك ده وهقعد فيه واستمر الحوار كتير ولا رضيت اقوم حتى جابولي المديرة ومدرسات عشان يقنعوني اني اروح للديسك التاني وفضلت معااندة لاني عايزة اقعد فيه بس في النهاية خالص قمت ولا لا مش عارفة :d المهم اني كنت بحس بالفرحة لما اعمل حاجة انا نفسي اعملها عكس دلوقتي احيانا بتمنى اكون شخصيتي وانا صغيرة ^^ رغيت كتير

هههههههههههههه حكاوي المدرسة ليها طعم مختلف في حياتنا فعلا

منوراني يااسراء لوجودك طعم